終結,總係突如其來
媽咪係心臟病,老豆係為保護比人尋仇嘅我而死
生存並唔係理所當然
死亡每日如影隨形
這一秒你還在,下一秒,你就不在了
生存落去嘅動力,我已經無哂
失去最重要嘅人,等同死亡
即使維持生存嘅表象,我都知自己核心嘅部分已經壞死咗
好彩唔駛揾Miki寫遺書...
隨後我又去見翻阿文,將發生嘅事一一講哂佢知
「接受失去唔係一件易事,但我見到你逐少逐少咁接受緊。你知唔知,自己已經好叻?」
我笑咗出嚟:「一啲都唔叻。心仍然好痛。」
「我唔係講依樣。」
我聽到滿頭問號
「而係你將視線由失去乜野,轉為你仲有乜野,依種角度嘅轉換。我以前,如果唔係有我老公提我,都察覺唔到。」遺書故紙言366
阿文托住頭向我微笑:「你憑自己嘅力量就察覺得到。叻,係叻在你整咗兩碗餐蛋飯比朋友,叻在你多謝佢地。」
臨走,佢摸一摸我個頭
「你一定會愈嚟愈堅強。心幾時痛,就幾時搵我啦。」
幫助人嘅心,幾時都好似天使一樣咁耀眼
唔理係社工定ptgbf,同職業無關
係奇奇同阿文,救人嘅心令佢地成為天使
好彩唔駛揾Miki寫遺書...
我屌
阿螢搵咗...