是咁的，我嘅職業係ptbf 終

喊到眼都腫 一陣點出街

金仔 我個心好痛

碎開嘅心，已經連憎恨都放唔落

「你而家咁嘅狀態⋯⋯你需要有人喺你身邊架⋯⋯」

「或者啦。」

阿螢捉住我隻手：「比我留喺你身邊陪你療傷好無？利用我，然後你好翻我就消失⋯⋯好無？」

我無反抗，而家好似連揈開佢隻手都令我覺得吃力
連呼吸都好似擔緊泥咁痛苦

「我需要嘅人從來唔係你。」

阿螢放開手

本來就只係ptbf同客人嘅關係，如果有十個客人好似阿螢咁愛上我，我亦無能力一一回應

「同埋。」我轉身，一步一步離開，喺阿螢眼中，我應該同電影入面比人射咗幾槍嘅喪屍一樣

「好唔翻架喇。」

人類都希望追求快樂，逃避痛苦

逃避痛苦嘅極致就係死亡

尋死嘅念頭開始喺我心底萌芽

佢吸收絕望、悲傷同空虛，茁壯成長

我每日好似一念無明嘅余文樂咁，訓喺床上

衫又唔換、涼又唔沖、鬚又唔剃

唔同嘅係，余文樂仲有曾志偉，我無

如果唔係李星同浩然日日夜晚買飯上我屋企，仲逼我食飯飲水，我諗我一早餓死咗

我久唔久會睇下電話，有一堆新客人搵我，但而家嘅我無能力成為任何人嘅止痛藥

阿文亦有搵我，佢話好擔心我，不過我都無覆

覺得如果奇奇出現或者可以搞得掂金仔
但唔知點解唔多想奇奇再出現...

人類都希望追求快樂，逃避痛苦

逃避痛苦嘅極致就係死亡

尋死嘅念頭開始喺我心底萌芽

佢吸收絕望、悲傷同空虛，茁壯成長

我每日好似一念無明嘅余文樂咁，訓喺床上

衫又唔換、涼又唔沖、鬚又唔剃

唔同嘅係，余文樂仲有曾志偉，我無

如果唔係李星同浩然日日夜晚買飯上我屋企，仲逼我食飯飲水，我諗我一早餓死咗

我久唔久會睇下電話，有一堆新客人搵我，但而家嘅我無能力成為任何人嘅止痛藥

阿文亦有搵我，佢話好擔心我，不過我都無覆

咁快啲死左佢啦
做男人做到咁，有咩用
唔死累到人仲好意思生存

嗤嗤嗤！！！

皮肉被刺穿嘅聲音不停喺我面前響起

血花飛濺喺紅燈籠嘅背景之上，鮮血隨住老豆悲痛嘅呻吟流出嘴角

幾個強壯嘅鬼佬衝過嚟，將不停用刀插我老豆背脊嘅男人推開，打落佢染血嘅凶器，將男人制伏

「放開我！我要殺咗隻臭鴨！」我大腦一片空白，完全無辦法理解點解阿潤會喺度出現

我亦理解唔到點解阿螢都喺依度，佢擔心咁衝過嚟

老豆無力咁依靠我，重力令我跪咗喺地上

血腥刺鼻

我雙手抓住老豆嘅背脊，托住佢，手中拎住嘅袋因此跌落地下，幪面超人v3模型因爲老舊嘅外盒受到衝擊，跌咗出嚟，斷咗隻手

我記起喇⋯⋯

「你個死仔！夠膽唔做功課！？」老豆喺我好細個好細個嗰陣，因為我唔做功課火滾，所以掟爛咗佢買比我嘅幪面超人v3模型，左手斷咗，砌唔翻

我雖然用膠紙痴翻好佢隻左手，但成個模型已經變哂形

「變唔翻以前咁喇！嗚呀呀呀！」我失望咁掉咗個模型，不停揼老豆大髀，用盡全力發洩

老豆淨係望住我，一句野都無講

後來老豆有一次帶我行咗好多手辦模型舖，都搵唔翻同一個模型

已經連我自己都忘記咗，細個失去咗一個心愛嘅手辦模型嘅回憶⋯⋯

但係⋯⋯

要送的話，你就送依個比我啦

點解係依個？

無咩，純粹想要啫

「係鬼⋯⋯純粹想要呀⋯⋯死老野⋯⋯」

我嘅手因爲血水變得滑潤

老豆無力咁將下巴枕喺我膊頭

背上嘅傷口⋯⋯一⋯⋯二⋯⋯三⋯⋯四⋯⋯比人插咗九刀⋯⋯個個傷口都好深，一齊標緊血

「啊⋯⋯你⋯⋯記起喇？嗰陣⋯⋯對唔住呀⋯⋯掟爛咗你個⋯⋯v3模型⋯⋯」

眼淚不停湧出眼眶

「死老野！唔好出聲！慳翻啖氣呀！頂住⋯⋯頂住呀！」

「嘿、嘿⋯⋯結果⋯⋯最後⋯⋯我最重要嘅人⋯⋯原來⋯⋯唔係自己啵⋯⋯」

我兩隻手喺佢背上兩個傷口施加壓力，希望止血，但其餘七個傷口不停流血

阿螢喊哂口走到過嚟跪低，用兩手㩒住我老豆另外兩個傷口，但仲有五個傷口流血

「收聲呀收聲呀！叫你咪出聲係咪唔識聽廣東話！！！！」

「原來⋯⋯最重要⋯⋯嘅人係⋯⋯你啵⋯⋯」

我不停點頭：「我知！我知喇！等救護車⋯⋯好無？唔好出聲⋯⋯」

「你⋯⋯翻屋企⋯⋯推起我張床褥⋯⋯拎翻⋯⋯下面嘅野⋯⋯出嚟睇下⋯⋯」

床褥下面⋯⋯有暗格？

所謂體溫，就係生命，老豆慢慢失去體溫，生命隨每一度流失

大腦依舊無辦法運轉

「點可以咁⋯⋯我地嘅時間啱啱先開始前進⋯⋯我仲有好多戲想同你睇⋯⋯我仲要等你技術純熟翻再整餐蛋飯我食架⋯⋯我仲要同你講⋯⋯以後咪再叫雞⋯⋯寂寞的話就搵我⋯⋯等我陪你⋯⋯」


一切都未夠，點可以咁樣突如其來就結束

老豆嘅手吃力咁爬上我嘅背脊，輕輕咁掃

身體嘅記憶，刺激我嘅淚腺

喺我分手嗰段飲到一翻屋企就摟住廁所嘔嘅日子，有一隻手喺我背脊輕掃

係你⋯⋯

係你每一晚，將我抱翻入房，抱我上床架⋯⋯

「爸爸！！！！」

「哈⋯⋯叫咗你⋯⋯唔好重視⋯⋯任何人架啦⋯⋯而家又⋯⋯喊⋯⋯又⋯⋯傷心⋯⋯喇⋯⋯」

感覺到生命嘅消逝，就好似燃燒到盡頭，左搖右擺嘅燭火

為人父母總有天會成為子女的鬼

「拜喇⋯⋯仔⋯⋯」

輕掃背脊嘅手，好似突然斷電咁，落下

一口氣追故 睇到呢度 眼淚係咁流

金仔d故個尾成日都要死人

我想死

失去重要嘅事物令我想死

合埋眼就會諗到個死字

但我無實行

上次出現咁嘅情況，就係同ex分手嘅時候⋯⋯亦因爲有嗰次嘅經驗參考，我今次先叫有個底

已經唔係第一次失去重要嘅人

正正因為我將一啲人睇得好重要，經歷失去、痛苦、接受

所以我有經驗可以參考

唔同嘅只係，上次係愛情，我有奇奇做我嘅止痛藥
今次係親情，無止痛藥

因為世界上有ptbf、ptgf，但無pt father

盡情頹廢、盡情痛苦

而且，我條命係因為老豆嘅保護先無事

我唔想令佢最後嘅犧牲白費

經過十日嘅廢人生活，我再一次喺床上撐起身

You can cry

You can be sad

You can live as shit

You can stand up

Again

Live

我起身沖涼換衫，梳洗剃鬚

然後睇翻十日以嚟搵我嘅wtsapp，逐一回覆客人
有一個陌生嘅號碼引起我嘅注意

「你好，我們正在進行ptbf的專題，請問閣下能撥冗接受採訪嗎？」

依個人真係好有毅力日日搵我，幾個月以嚟從無間斷，一日問一次

我同搵我嘅十幾個客人約好咗見面嘅地點同時間之後，就同依個一直堅持搵我嘅號碼講

「沒問題，時間地點呢？」

Sugar daddy

同日夜晚，李星同浩然又幫我買飯

佢地上到嚟，見到我個樣唔同咗，都嚇咗一跳

我將佢地買比我嘅飯盒同佢地嘅飯盒搶走，轉為送上兩碗餐蛋飯

李星用手背掂我額頭幫我探熱：「你唔會係迴光反照卦？」

「係囉你突然有翻活力咁我地會好驚架喎！」浩然加把口

「咁我繼續頹喇。」然後我就無力咁扮跌低，佢兩個即刻一人一邊扶住我

我哼哼咁笑咗兩聲

「多謝你地⋯⋯咁多日以嚟嘅照顧呀。」我對腳踩翻實地下

「多咩謝丫，兄弟嚟架嘛。」浩然話

而李星就忍唔住眼濕濕：「太⋯⋯太好喇⋯⋯」

而家，諗翻老豆，心仍然痛

背脊嘅心因性痛楚又發作

但我已經唔係第一次背負痛苦

我將拳頭撞落佢地心口：「碗餐蛋飯當係慰勞下你地。」

堅強，就是在痛，仍然能笑

我們都得學習面對，跟最重要的人的生離死別

「你好翻哂未架？唔好死頂喎。」

「好唔翻架。」正如我同阿螢講嘅一樣，好唔翻

「所以我會背負依個好唔翻嘅傷口，學習同佢一齊行落去。」

李星同浩然不約而同摟實我

「我地，陪你行。」

啊

心還是很痛

但，有點暖和了呢

Live 咗 好感動啊 喊哂啊屌

得我覺得啊瑩好慘？

金仔呀

live