是咁的，我嘅職業係ptbf 終

相信老豆都係受過情傷

gay爆





不過我中意

老豆

講親情真係
唔妥又係咁

樓主好耐冇update紙言

lmlm

加速

兩仔爺好sweet

留名正評

咁快又live左啦屌

好撚正

追到live唯有睇唔妥故
喊到仆街

新post 一推
父愛真係盡在不言中
講出口好肉麻
其實老豆都好愛個仔
希望金仔可以同老豆關係變返好

Live咗
Btw, 皮已正

食完飯之後，我地就出街，去咗旺角信和，準備喺睇戲之前消磨下時間

男人，無論幾成熟，心入面總有一角留比長唔大嘅自己

「金仔你睇依個睇依個，手工好精緻喎。」老豆指住個未來戰士嘅手辦模型，雙眼發哂光

異形、血獸、金剛、黑武士、哥斯拉、高達、福音戰士、大和號戰艦等等，依啲萬世吸金嘅模型總係可以吸引上一輩男人嘅目光

經典嘅影視作品，跨越世代同時空，令做仔女嘅可以窺探父母年輕時候娛樂

然後，時空交融

老豆望住一盒幪面超人嘅模型

「如果你仲細，我應該會買翻屋企。」

爸爸媽媽所認知嘅公仔增加，因為有我地存在

老豆

好sweet呀

好sweet 呀 正皮正皮

父母睇住我地長大，自然知道我地鍾意乜野

相反，我地就唔知道佢地以前鐘意乜野

不過，即使無親眼見過，仍然有知道嘅方法

「其實你後生嗰陣，最鍾意咩公仔？」

「我後生？咁梗係鐵甲萬能俠啦。」

我仲以為會係咩冷門野，鐵甲萬能俠要搵都唔難丫

不過考慮翻以前嗰個年代，睇卡通片嘅途徑只有電視，而電視台肯買入嘅又一定係熱門作品，所以會鍾意咁大路嘅野都合情合理

「嗰陣成日偷雞走去隔離屋，喺人地屋外面偷睇電視。」

「要偷睇架？」

「屋企邊有錢買電視。咁以前公屋啲鄰居關係就好好嘅，通常大家都係閂鐵閘唔閂門，咁我地成班豆丁就到時到候擔凳仔坐喺人地屋外睇咯。不過太嘈條友會閂門，所以我地都唔敢出聲。」

聊天，讓我知道屬於你的，昔日的世界

好想喊呀嗚

「嗰陣就一路幻想住有一日自己可以擁有一個鐵甲萬能俠。」

但係喺我嘅記憶之中，老豆從來無買過鐵甲萬能俠嘅公仔翻嚟

我地又行咗幾間鋪頭，終於見到有一個超合金版本嘅萬能俠模型

「我送比你。」我諗住行入去，但老豆拉住我

「過咗就係過咗，唔洗喇。」

佢拉住我行回頭路，去翻第一間舖頭

「要送的話，你就送依個比我啦。」

老豆抬起手，指住一個外盒已經磨得有啲爛，唔知轉手過幾多次嘅一個，老舊嘅幪面超人V3模型

為何這麼偉大

「點解係買依個？」

老豆望一望我，然後釋懷咁鬆一口氣：「無咩，純粹想要啫。」

我走入去，買咗，由於已經好舊，所以唔係特別貴

我拎住個袋同老豆離開信和

一行出門口，就有個女人走埋嚟：「喂～金哥，咁啱呀？做咩無啦啦今晚唔搵人地呀？」

個女人係輕熟女，樣就唔係話好靚，但勝在身材搭救，唔知佢係Candy、Sandy定Mandy

唔可以比佢拉翻老豆走

見佢想走近，我率先踏前一步，一掌頂住佢心口

「哇你乜水？咁猴禽嘅？」

「噢Sandy～唔好意思喇，今日我搵咗ptbf陪我。」老豆拉一拉我

「吓？ptbf？哦～又係嗰啲又要做雞又要攞貞節牌坊，懶係高尚死都話同我地有分別嗰啲仆街。」

Sandy推開我，好似要拍走灰塵咁用力掃咗個胸兩野：「估唔到你好依味野喎金哥。」

「哈哈，試下新野丫嘛，同你介紹，依個係金仔。」

Sandy打咗個突：「金⋯？你⋯⋯你個仔？」

「唔似咩？我就係又要做雞又要攞貞節牌坊，懶係高尚死都話同你地有分別嘅仆街仔嘅老豆。」老豆由始至終都保持住微笑

「呃⋯⋯我唔係咁嘅意思⋯⋯」

老豆拉我行過Sandy：「唔使搵我喇，你。」