飯桶 (The Bucket)
作者: Christie Golden
時間點: Leia射中白兵個前後
TK-4601個頭盔完全唔啱佢戴。仲要佢將佢啲金色嘅頭髮壓到平曬,梳都梳唔返起,搞到佢睇落好似個三十歲嘅呀叔咁。佢啲皮膚好容易焗到紅曬,甩皮。無論佢個表情係幾鎮定都好,一緊張佢塊面都呃唔到人。只要戴住個頭盔,加埋個變聲器,每一個白兵睇落都好似一樣咁。就算佢反應係好定係差都無人知道。
今日佢又覺得戴住呢個頭盔係件好事,由其係佢偷笑嗰時。佢想像唔到佢離開軍校第一件事就被派到上一艘帝國殲滅艦,唔係普通嘅殲滅艦,係Vader大人旗下嘅Devastator。TK-4601,又名Tarvyn Lareka,係Vader屬軍其中一員,方間稱佢地做Vader之拳。雖然佢仲係新兵,但係都係呢艘船上面正正式式嘅職員。
今日正式作為Vader之拳去執行第一次任務,令佢覺得非常緊張又刺激。如果真係Vader大人呢位,全身黑色,盔甲閃閃發光,發出怪異嘅呼吸聲、低沉嘅聲音,仲可以令到物件同人聽佢意願移動嘅大人下令嘅話,如果係佢咁想要追返嗰隻係Scarif走甩嘅船,TK-4601諗佢聽到嘅謠言都有機會係真。