第九章
「你遲到喎,」坐喺孖一三間烏燈黑火嘅酒吧到嘅男人咁講。佢著住一件皮草背心、風褸,一身賞金獵人嘅裝備。兜帽下面係一雙銳利嘅雙眼,佢把聲柔和得嚟有教養,同佢成身邋遢嘅裝束相反。
「你唔等得啫,」Vos答。佢揖個酒保,指向同枱客隻杯。唔使一陣,一個滑捋捋鐵皮、紅噹噹嘅機械侍應就擺低一杯酒喺枱面。拋低一個計算好嘅電眼,個機械人就轆走咗。Vos呷咗啖,正如佢所料,杯酒一啲都唔啃。Kenobi有任務在身嘅時候都唔鍾意叫啲太濃烈嘅杯中物。
「我係㗎,」Kenobi話。「而且唔止我一個咁諗。議會嗰邊都開始畀壓力我。你同Ventress搞成點?有無啲咩進展?」