第四章
孖一三,起源簡單直接,因為呢度係由地表數上嚟嘅第一千三百一十三層。Vos覺得啲人咁諗係因為唔想記起,喺佢哋上面仲有成四千層先到地面。一般人理解嘅Coruscant,同實實在在地底生活嘅『地下世界』,係兩個完全唔同嘅世界。一般人認知嘅犯罪,喺呢度簡直就係家常便飯。有幾多人生於呢度,活喺度,然後死喺度,而一眼星辰都未睇過。呢個問題,個絕地大師都唔係第一次問自己。佢經過喺鐵桶生火取暖、瑟瑟發抖嘅眾人。一把把聲音叫住佢:唔該你呀,好心人,施捨個錢...... 靚仔,我知你搵緊咩...... 埋嚟睇埋嚟揀,銀河另一面運嚟嘅最新貨......
Vos笑笑口,揮一下兩指,原力會跟住動作洗刷呢啲人嘅記憶,令人忘記見過佢。喺呢段路,每一個騷擾Vos嘅最後都唔會對佢有印象。Vos大步走向目標:一間——普通嘅酒吧,就同佢過去幾年一直幫襯開嘅都差唔多。