第十一章
[註17:Black Sun Fortress by Wayne Lo, 5.15
Eminence]
Vos一直沿住建築咁望向上,望到最高處,唔止愈望愈覺得呢棟嘢唔老嚟,仲發覺自己浪費咗好多時間做啲同目標完全無關嘅事。就例如,呢座黑日堡。成坐嘢大到好似壓喺採礦基地同貧民窟上面,而層遞嘅建築自己本身就係一座城市。守衛叫呢間做「屋」,講到呢度好似一間普普通通住人嘅屋。不過呢間「屋」,就坐落喺碉堡心臟嘅高塔頂。由中心嘅塔頂伸展出去,沿路都有好似眼睛咁嘅探射燈,監視每一吋土地。
佢同Ventress喺雕堡嘅邊緣綁好岩蚤,然後選擇一條較為安全嘅路潛入去堡嘅外圍。靜雞雞行到去一個倉庫後面,Vos拎起電子望遠鏡掃視下塔身。
「同佢講一樣,重兵駐守,」Vos低聲咁講。