我M2個分低過core， 成績唔算靚， 以下嘅嘢跟唔跟就由得你
至於M1， 話有心得都係呃鳩你嘅啫， 你自求多福啦
近年嘅卷基本上以「煩膠」為主題而設， 範圍窄又唔可以狂考證明， 結果只係變咗無聊地鳩計嘅「應用題」。 學生普遍掌握到個方法， 但好多時煩到計唔到/計錯， 而且兩個半鐘其實對學生嚟講其實都唔太夠使。
所以要好清楚知道俾分嘅位係點樣， step分盡量攞足， 答案分就適當地閣置住先， 有時間再做。 類似core卷二， 唔識就真係唔好磨喇， 快手去下一條啦， 最尾vector其實唔係真係咁難㗎咋
睇返近年啲scripts， 我懷疑改卷嗰班人係亂嚟， 好多位你覺得寫足， 佢都可以俾零分你， 遇到傻閪marker嘅機會高過core
所以提醒大家答卷時一定要當個marker係弱智， 有咁足寫咁足
考試題目嘅變化其實係細過core， 好多時都係照返本身套algorithm去做就OK， 以下就逐個課題講下：
Mathematical induction 數學歸納法
最緊要都係背格式， 留意返頭2至3分係幾乎唔使計數都攞得到， 唔好放棄， 真正要思考嘅只係最尾兩分
如果題目太煩， 建議做到用咗induction assumption嗰行之後就閣置住先
見近年都鍾意問完MI題再夾硬寫條應用題， 小心睇返唔好double count或者漏計咗某啲terms就得， 睇2019年嗰條做溫習啦
Binomial theorem 二項式定理
如果連呢個都搞唔掂， 你應該一早要drop
無咩技巧， 飛去下一課
Trigonometry 三角函數
題目通常唔會太難， 留意證明等式時左右兩方的角， 記住有compund angle formula同sum-to-product / product-to-sum去幫你轉換隻角， 要做到等式， 角度要變成一樣是必然的
證明題時唔好跳得太勁， 要用返上一part嘅結果就要寫到佢有一模一樣嘅數式先， 我上年咁樣被人扣過分。
Limit 極限
年年都係考first principle， 好多function都出過， 做熟應該就無問題。 喺課程中應該係 ln(x) 嗰個會難寫少少， 其他應該易諗。
Differentiation 微分
年年都考最大最小值/點， 要熟stationary point (駐點)、 1st D test、 2nd D test 三者點樣幫你搵到最大最小值。 長除法幫到你做asymptote (漸近線)， 同時亦可以令個分數變得容易做differentiation， 所以不妨第一步就咁玩。 D 兩次係可以做到好核突， 我自己都好怕呢類題目。
Integration 積分
總會有條長題目好似IQ題咁考， 你見到佢寫f(***)， 括號入面有啲乜， 就直接let u=***就可以， 淨低不外乎係兩招， (左減右=0) 或者 (左加右=2*左)。 呢類問題好抵做， 計算量唔大但分數一樣
面積體積問題年年都考， 面積就係考慮點樣放啲長方形做估算， 長乘闊再in就係答案。 三條線圍成嘅區域一定係個類似三角形咁樣嘅嘢， 搵到三個交點就易諗， 唔使識畫全條曲線。 體積理念相近， 唔會問得好難。
Matrix 矩陣
SECTION A唔會太深， SECTION B亦都係重覆為主， 溫熟連埋AL嘅PP就無問題。 要留意俾分位， 通常最尾個答案分要計好多嘢先有最後一分， 建議做晒step分後閣置， 計數時盡量用返佢俾嘅PMD之類嘅字母， 唔好一嚟就插個2x2矩陣入去， 麻煩又易抄錯， 改卷嗰個又睇到燥。
System of equations 方程組
悶， 問嚟問去都係一樣， 難度亦都一樣， 就係煩同埋易計錯， 呢條題目嘅step分要全取。 Cramer's Rule (克萊馬) 寫式， 答啱一個未知數 (1A)， 答啱晒 (+1A)， 無心情嘅就寫完det嘅分數式之後閣置， 有多啲時間嘅就計其中一個易啲嘅未知數， 真係好得閒先計晒佢
Vector 向量
每一條長題都會有個主題， 有時係搵下兩個平面間嘅角， 有時係睇下是咪coplanar咁。 喺syllabus cut之前應該會考埋scalar triple product， 佢嘅用途係計體積同埋證是咪coplanar。 呢條比較難話計一半之後閣置， 因為個答案會帶到落去之後嘅parts， 亦係佢麻煩嘅地方
無咩特別嘅時控建議， 盡快做就啱㗎喇， 識做嘅話兩個半鐘真係好快就完
SECTION A B 睇分嚟講， 理論上應該用相近嘅時間， 即係時間過一半都未開始B嘅話， 就好再加速喇
