我覺得sleep training嘅根本性問題
同個bb+媽媽嘅生活節奏有關
要調節嘅唔止係睡眠時間
仲係成個生活嘅schedule
6個月以下
太細嘅bb有夜奶需要 又有夜哭問題
佢地就唔駛train啦 點train佢都會半夜醒
6個月以上
但6個月之後嘅細路就唔同
佢地身體機能嘅發展support到更多日間活動
eg 識坐 識爬 識探索呢個世界
奶量又因為加固而減少 有啲會戒埋半夜枝奶
咁到呢個階段就有培養小朋友生活節奏嘅必要
要灌輸佢地「日頭活動,天黑訓覺」嘅概念
需要做嘅就係
比/陪佢地係日間活動+減少日間睡眠時間
eg 講故事 放係playmat到玩 落街/公園散步
只要日頭活動足夠(放晒電) 夜晚佢就會眼訓
夜晚佢唔眼訓 就係要解決日頭活動不足嘅問題
如果到呢個階段 仲會因為
半夜枝奶/夜哭而半夜醒
咁要解決嘅係日頭食奶量/夜晚瞓得唔好嘅問題
eg 不安感 室內温度/燈光/太嘈 著太多/太少
發惡夢 日頭玩得太癲 病, ie腸胃不適
而唔係引入Sleep Training
Sleep Training嘅訓練係治標唔治本
唔係話Train佢每日幾點訓=達到半夜唔醒嘅目標 而係要搵出點解佢唔瞓覺或者瞓唔着嘅問題所在
重點係
目標同手段要一致
以Madam同佳仔為例
你想佢早瞓 日頭就要陪佢多活動比佢放電
而唔係日頭唔陪佢玩自己睇英文字幕netflix
日頭唔夠活動 夜晚點會眼瞓
你想佢夜晚眼瞓 日頭就唔好俾佢休息咁多
而唔係綁住佢喺bouncer 大佬冇刺激俾你都悶到想瞓啦
日頭瞓夠 夜晚點會眼瞓
你想佢半夜唔好扭奶飲嘅話 日頭就餵多啲
除咗支奶同加固餐 隨着成長你仲要比小食佢
日頭未食夠 夜晚點會唔餓醒
搞唔清楚個目標嘅話
Sleep training is totally useless
到你解決晒上面講嘅咁多個項目同問題
個小朋友都係做唔到夜晚瞓覺先再諗sleep training或者搵sleep trainer啦 無謂多此一舉
Sor for忍唔住寫長咗