【真理比生命更重要】《關於地球的運動》討論區

作為曾經做科學的人，睇到喊左好多次
研究唔需要理由，好奇心就夠
只要人類仲對世界的真理有追求，人類就會繼續進步落去

但現實就係，做研究都係睇利益，你做的野有冇價值，都係主宰係一兩個大人物手中

短短地完得幾好,
睇到個神父話, 原來自己係哩個故事既反派嗰句感觸好深,
聯想緊會唔會普京都覺得自己係正義一方, 要大難臨頭先會醒悟

btw, 唔係好記得出書收益要分一成俾某人嗰段係咪冇解釋到?

解釋到 就係某人已經唔喺果個地址 冇人記得佢
但地動說依然喺第二個地方發展到 因為人係有知性

我係想問嗰個某人係咪一直都冇出現過
然後新來嗰一家就坐係度收錢

冇 其實幾好 因為係邊個根本唔重要 重要嘅係人類會喺偶然下必然咁發現

係邊一個發現根本唔緊要
真理係客觀咁存在，只要人仲有好奇心，就一定會有某人發現到佢，無關語言文化背景
所以點解一直會話科學同真理係超越時間，國家，甚至星球，係全宇宙的共同語言

收錢條友好似係第一章男主個義父
第41話

第1話

臨尾個拉法爾應該係另一個拉法爾？
只係想用懷疑vs相信去埋個尾？

睇到d人話其實之前係地動說書寫既內容黎
最後幾話先係真實黎，所以有兩個第一章主角
我覺得都幾合理

但我覺得條線繼咗任何一節就傳承唔到落去
而且可能點解釋第一章整個假主角嘅意義？

睇到每個人既眼眸close up個陣個心都震左下
每個年代每個地方都一定有人仰望星空

作者最新個篇訪問有講到點解最後要畫一個疑似拉法爾嘅角色出嚟
有時間嘅話會翻譯

岩岩公佈 史上最年輕手塚治虫文化賞得主

想知

得24歲 CLS

剩係譯咗關於拉法爾個part
注意有劇透成分


https://digital.asahi.com/sp/articles/ASQ4P5RJ0Q4NUCVL04J.html?iref=sp_extlink










記者：喺故事尾聲，有一個名叫「拉法爾」嘅角色作為阿爾伯特嘅家庭教師出現。佢同第一卷出現嘅拉法爾係咪唔同人嚟？

作者：呢個交由讀者解讀。喺我嘅解讀入面佢同第1集嘅拉法爾係唔同人嚟。雖然佢嘅內在同外在都同拉法爾極為相似，但拉法爾一早已經死咗，所以佢地係唔同人 。


記者：你特意要咁樣嘅人物出場，去擔任一個最後令阿爾伯特有醒悟嘅角色。係咪咁？

作者：應該話，我一直覺得我一定要喺呢套作品嘅最後同拉法爾做個了斷。拉法爾喺開初就登場，可以話係呢套作品嘅招牌，係好有象徵性嘅角色。但佢亦係一個非常唔穩固嘅人，所以先會自殺。

我覺得要將呢套作品完成落去，最終一定要同「為知性而賭上一切」呢個命題對峙。所以我覺得，最後需要一個兼具拉法爾嘅實力同危險性嘅人物登場，呢點好重要。

所以，零舍呢一part嘅故事嘅真實性同之前唔同。雖然呢個角色唔係拉法爾，但佢係拉法爾自身嘅其中一面。我曾經有諗過將呢個角色完全改做另一個人，或者將頭髮染黑。但我唔想將拉法爾有殺傷力嘅一面喺拉法爾以外嘅角色表達出嚟，咁會搞到我好似格硬要個角色做醜角咁。

所以，呢一part想有「同一個演員演緊唔同角色」嘅間離效果（英文係distancing effect，戲劇用語)。或者希望令大家覺得佢地本質一樣但有啲嘢唔同。

第1部嘅拉法爾，係有“透過學問恢復被宗教損害嘅東西”嘅一面。而最後登場嘅阿爾伯特，喺以“透過宗教恢復被學問損害嘅東西”呢個諗法構思出嚟。我覺得一個同拉法爾相似嘅敵人適合做以呢個為主題嘅作品嘅最終boss。

明晒感謝翻譯

實至名歸

呢一兩年畫漫畫最撚神既作者我覺得唔係佢就係藤本樹

啱啱睇完 想收成套漫畫

瑪奇瑪

台灣有尖端代理出中文牌
不過好似未出

等出中文電子版。
好似實體版係尖端，希望唔會斷尾…