【真理比生命更重要】《關於地球的運動》討論區

結局唔多明，有冇巴打解答到

同埋第一集男主角點解冇死到

其實換做佢養父會唔會好啲
而家又解唔到又有啲破壞咗個角色

唔該晒 最後一話我唔係好識感受 要啲時間消化

上網睇人分析 應該係平行時空 p王國係虛構 最後一章嘅波蘭王國先係現實

都好嘅 冇講到教會十惡不赦 救贖 調和 信心 信仰 人都總係需要 宗教確實支撐咗人類好多好耐

完
收得唔錯

62 最終回 https://www.manhuaren.com/m1261100/

點解要最後一話先嚟平行時空 點解要用返第一章主角拉法爾但性格咁唔同 如果拉法爾冇接觸過地動說 冇自我掙扎懷疑同矛盾過係咪就會變成咁樣

係咪想講任何人都可以成為任何人 分別只係緣份 大家經歷嘅唔同

ex章必然係跟歷史
p王國發生嘅係真係假，平行世界與否，都扣合主題
最後嘅拉法爾可以只係人有相似，信鴿最後傳到求其一個人手上，流傳但冇受到重視
之前一至三章亦可以係虛構，最後平行世界

61話嗰陣仲好執著拉法爾轉變
最後發現根本唔重要某某角色結局係點作者根本唔在乎
無數人前仆後繼，縱使一次次失敗
但地球依然會轉動，人對知識嘅欲望唔會歇息
只要持守懷疑與相信，人最終必然會靠近真相

雖然唔明拉法爾究竟係咩玩法
但最後？個下真係哭能左

最後個？正到
貫穿所有角色同故事主題
由所有主角對地動說質疑 到最後為真理獻身
到最後都冇白費
「帶着懷疑前進, 帶着相信返回」

話時話有冇人知道呢個阿叔又係邊位

雖然睇果陣都有諗過會唔會係平行時空
但估唔到最後幾集先黎搞個平行時空出黎

結局由虛構故事帶返去現實都OK
強調返無論係咩時代咩背景人嘅求知欲都無法抑制，而且知識永遠都伴隨著犧牲 (對應標題血與知)

最後？思考果幕收尾幾正

我覺得係想表示任何人都可以成為任何人 有好時只係際遇唔同 如果拉法爾冇遇過第一章嘅地動說 可能大個咗就係咁樣

另一樣就係想表達歷史喺唔受一兩個人影響 就算有冇《關於地球的運動》呢本書 有冇拉法爾（故事入面最後本書都係寄咗畀唔識嘅人失傳咗）只要人類擁有知性 遲早都會帶住相信返嚟 就算果個唔係拉法爾 唔係單眼和尚 到最後貪錢妹失敗咗 都會有人帶住懷疑出發 有人帶住相信返嚟 而咁啱果個係叫哥白尼同阿爾伯特

係感動嘅

我覺得拉法爾一早死咗 60話嘅拉法爾只係人有相似。作者畫兩個人一樣嘅原因可能係佢想首尾呼應、憑弔第一章嘅少年；亦都有可能藉此想講拉法爾假如第一章冇死佢嘅人生會點行落去。

有啲人睇完60拉法爾殺人覺得佢人設崩咗，但係1拉法爾為地動說保存資料自殺，咁嘅話為保存資料殺人其實唔出奇。成篇故事都係講推動地動說嘅人點樣被迫害，結尾地動說矛盾地成為迫害人嘅一方，我覺得作者係想藉此突顯最終話討論嘅人本矛盾議題 - 這就是人類。無論你係為信犠牲或是殺人，結果都推動了地球的運動，也不失為一份殘缺美。

唔係最後本書都出咗
個面包店老闆係(唔記得)某一代主角既後代 代收營利咩?

咁樣呀 我有印象係未成功出版都寄咗信畀個箱主人後代先嘅 但唔肯定 要等有時間再睇多次先得

應該就唔係平行時空

作者好奸 特登表示到好曖昧 等人討論係咪平行時空