【真理比生命更重要】《關於地球的運動》討論區

大致同意 但我認為佢唔係冇宗教信仰（偏好），理由係最新一話佢同決鬥佬講真心話都有異端、天堂、魔鬼呢啲字眼。

呢個角色好複雜，其實我估就算係佢個女佢都會好掙扎咁繼續做返自己嘅齒輪，完成自己嘅工作。

「我咁辛勤工作，為咗建立一個「正常」嘅世界畀個女，但個女竟然成為搗亂世間規則嘅異端。」可能會有咁嘅思想。佢角度嚟講其實只係大義滅親


不過都要戴返頭盔 我都係鳩估，到底佢只係好鍾意返工嘅黎生定真係有種使命感，睇落去先知

Push

31已出
https://www.manhuagui.com/comic/39686/571625.html

多謝！

睇完呢話我更加覺得大魔王唔會改變 信念同見到嘅事發生衝突 好多人都係會封閉自己思想 更加強信念

睇黎單眼佬應該係有準備
分分鐘係知道自己唔會走得甩
就準備定後事再返黎同決鬥佬一齊死

如果一早認為自己走唔甩應該唔會有上兩話同決鬥佬段討論？

因為如果接受異端嘅想法就等於否定自己幾十年嚟嘅人生 承認自己咁多年嚟都活得冇意義
同埋萬一死後耶教真係啱嘅 咁佢做咗一世教徒嘅功德就會因為佢接受異端冇咗
所以佢已經冇退路 只可以深化自己本身嘅信念

反而我覺得呢個行刑佬係冇咁強信念，佢自己都話自己只係佣兵出身，佢應該係同決鬥佬未俾前輩點化之前既差唔多諗法，留意返佢上集講既野係同決鬥佬剛出場果段係好似，佢今集講既應該只係唔妥呢班異端拉佢個女落火坑

你都啱 30話佢同決鬥佬嘅對話都睇到佢好動搖
但係佢同決鬥佬唔同嘅係審問官係好清醒咁選擇接受現有嘅規範
佢嘅信念比起做個好教徒更似係扮演一個好教徒
佢今集講「被C教盯上就逃不掉了」就知佢係明知教會有問題都揀屈服
所以佢都係加深緊信念 不過佢嘅信念係「唔好激嬲基督教」

同埋關於個女嘅部份 我覺得比起私怨 佢係驚咗嗰種傳承嘅力量 見過由一開始個阿叔到依家呢兩個人 佢知道異端為咗理想可以命都唔要 佢係怕佢嗰個本身已經好踩界嘅女感染到呢種狂熱 唔單止唔鍾意有異端埋佢身

分析得好合理 講咗我講唔出嘅諗法

你都啱
不過其實你後面講果段同我話拉佢個女落火坑唔係一樣既野黎

話說感覺下一部就係單眼佬將紀錄傳晒俾個審判佬個女就睇審判佬點對佢個女了

其實我覺得決鬥佬同單眼佬死快啲 下章集中講審判佬同個女好睇啲不過呢本作品好似唔係講人性衝突 而係知同血嘅衝突 真係講審判佬同個女好似會變咗質

你咁講都啱，咁可能個女都只係傳遽人
又或者直接跳過個女
同決鬥佬同單眼佬一樣另外再出新角接手
（不過個女身份特別+落左咁多墨，又唔似會咁浪費）

lm

歷史呢一代又完了
抱住希望最後笑住咁死

不過唔怪得會咁快安排佢地研究成功
下一代又要乜資料都冇從新黎過

希望我哋都可以將呢兩年果份感動傳遞落去

32已出

最新一集32最尾有預告關個女事 定我理解錯？

呢代係好好彩拎到一整套好勁既人既第一手資料+2代人收集既資料黎分析先咁易有成果



雖然我都係覺得會傳到落去
可能傳唔晒但基礎會有

呢樣就係作者想講嘅嘢
驅使人行動嘅係熱誠唔係知識
冇感動嘅人你畀再完整嘅理論佢都冇用 佢大可以扮睇唔到甚至拎去教會
所以點解我哋需要演講 文學同藝術

睇完呢章衝擊都幾大
以「知」做其中一個標題嘅故事帶出嘅信息係「追求知性嘅前提係感性」

不過套用返落現實 點樣確保感動會化成理性嘅行動力而唔係純粹上頭嘅憤慨都係一個好重要嘅課題

幾時先憾動到世界

//驅使人行動嘅係熱誠唔係知識
冇感動嘅人你畀再完整嘅理論佢都冇用//

講得好好 我都俾你呢句感動到

第二章主角設定做目不識丁 就係為咗帶出重要嘅係果份對知性嘅渴望 而唔係本身識幾多