因為我個仆街老豆 我被下了一個賓周會變短的詛咒

多謝支持
放心 唔會再黎多鑊

衣家仲言之尚早

希望你唔會爛尾啦

留名等更新
希望之後唔會又見到強姦劇情

鄭子誠呢件木契幾時畀人屌屎忽屌到老練咁大個窿

多謝!

之後唔會有啦，放心!
(不過主角果種我未擔保到仲會唔會發作)

大家不如suggest下想鄭子誠最後結局係點等我參考下

35. 再見Miss Lui

暑假過去，這天李乘風亦直式踏入了最後一年的中學生涯。懷著忐忑的心，他踏入了班房，是的，經過了接近兩個月的時間後，他終於會再次見到Miss Lui。

「大家好，好耐無見喇，今年係你地中學嘅最後一年，亦係你地要考公開試嘅一年，所以好好珍惜今年係衣間學校同同學仔一齊上堂嘅時間之餘，都要比心機溫書呀，老師希望你地全部都入到自己想入嘅大學同科目。」

久違了的聲音，讓李乘風有點彷如隔世的感覺。曾經這個和自己親密無比的女子，現在卻有點陌生的感覺。不過當他細看她的臉容時，雖然比暑假前好了點，但明顯地，她還是帶著點憔悴和哀愁。而當他正在注視著Miss Lui這刻，突然Miss Lui亦注視著自己，然後兩人都把目光刻意移開。

Miss Lui當然不時亦會扮不經意望向李乘風。直覺讓Miss Lui覺得李乘風的心情比之前好回不少，甚至有時竟然帶有點春意和戀愛的笑容，縱使每次當他望向自己，心情還是會驟然低落一會。然後她又發現另一位同學的笑容整天都比蜜糖更甜蜜，這讓她有了點不好的猜度。

「黎緊我會單獨約見你地同你地傾下你地黎緊考試同揀科嘅事，希望可以比到D意見同幫助。今日就由全班第一嘅李乘風先啦，放學之後黎搵我。」Miss Lui還是忍不住宣召了李乘風想和他說幾句話。

事實上MIss Lui這兩個月當然過得不會好。失去了李乘風後讓她更是抑鬱，幸好多了Daisy的陪伴和安慰，她才能挺過來。Daisy亦盡力在自己的工作配更上做些手腳，多了即日來回的航班，或是故意在晚上前回港好讓David 難以去找Miss Lui。雖然不能做到100%，但至少也大大減少了Miss Lui痛苦的時間。

因為這傳召，李乘風整天都沒有專心上過堂。終於捱到放學，在教聯室外來回踱了數次步，他還是鼓起勇氣進入去找Miss Lui。

「Miss Lui... 」艱難地說出這個稱呼。

「黎左喇?我地去另一間細房到傾啦。 」看見李乘風，Miss Lui拿起了份文件便和李乘風走到旁邊另一間細房並關上門。

二人各自坐好

「你... 近排幾好嗎?」Miss Lui首先問道。

「還可以啦... 你呢?」

「我都幾好...」Miss Lui言不由衷。

「但點解我覺得你面色仲係咁差，個樣仲係唔開心咁?」李乘風關心問道。

「係咩? 可能係累同岩岩開學未適應返啫... 好啦，我地講返正題先，你諗住大學揀咩科?」Miss Lui不想在自己的話題上糾纏。

「可以嘅我想讀醫或者藥劑。」李乘風認真答道。

「雖然收好高，不過以你嘅成績，唔失手應該都可以嘅。點解想讀衣兩科?」Miss Lui好奇。

「因為我想發明一種手術，可以幫人換左個心或者腦，等佢地唔駛再記住D唔開心嘅記億。又或者發明一種藥，等人飲完可以忘記所有唔開心嘅事...」李乘風直望著Miss Lui雙眼說。

「乘風...」這讓Miss Lui心裏驟然又一痛。

「講笑啫... 因為我媽係病死，所以我希望可以救返多D人。」李乘風沒有咄咄逼人。

「係你嘅話一定可以做個好醫生。衣年比心機做多D past paper，唔好粗心大意應該問題不大架喇...」

「多謝Miss Lui...」

「咁今日傾到咁先，有咩問題隨時再搵我啦...」雖然不捨得，但話題既已說完還是要道別。

李乘風走到門口前，突然回頭

「Miss Lui你仲同緊David 一齊?」

「嗯...」Miss Lui呆了一呆，然後很細聲答道

「明白...」說完便轉身打算開門出去。

「你係咪同左周紫盈一齊?.」就在李乘風的手已搭上門柄預備開門時，Miss Lui又突然從背後問。

「你點知?」下意式李乘風轉回身問。

「睇佢同你嘅表情唔難估到啦...」Miss Lui 心一痛裝作沒事。

「件事唔係你諗咁... 係意外...」李乘風帶著歉意想解釋。

「係點都唔緊要啦，亦唔同我解釋... 你可以move on，Miss Lui替你開心... 不過記住唔好掛住拍拖唔溫書...」Miss Lui 勉強笑著作最後叮囑。

「Miss Lui...」這不是李乘風想聽到的答案。

「好啦，有咩遲D再傾，你走先啦...」Miss Lui把李乘風趕走，然後兩滴淚水從眼裏開始流下。


「Daisy我話你聽呀，李乘風有新女朋友喇...」這晚Daisy在香港和Miss Lui在家吃飯，Miss Lui緩緩說道。

「下，咁快!?」Daisy有點吃驚。

「係囉...好快呀可?」Miss Lui苦笑道。

「are you ok?」

「唔開心係實有，但另一方面我又替佢開心，至少佢唔駛沉溺係我比佢嘅傷痛之中，又搵到個更適合佢更有將來嘅女仔...」Miss Lui說出不知是真心話還是安慰自己的說話。

Daisy:「個女仔係?」

Miss Lui:「Musical個女主角，其實都暗戀左李乘風好多年架喇...」

Daisy:「但我記得你果陣講過話佢好似同好多男仔都有來往，驚佢花心架喎...」

「佢應該係鍾意靚仔同埋鍾意D人對佢好，但或者我睇錯啦，不知不覺其實佢都鍾意左乘風咁多年...」Miss Lui想了想後答。

「咁可能只係因為李乘風暫時係學校最靚仔果個啫... 不過衣個李乘風，變心變得咁快， 我睇錯佢呀!」Daisy為Miss Lui憤憤不平。

「緣份嘅野有時好難講...可以突然間黎，亦都可以突然間走... 點都好，我會祝福佢地。始終衣一刻我根本無資格去留住佢...」

「唉...我個傻婆...」Daisy放下碗筷走過去抱住Miss Lui。

「再比D時間我，我開始查到D野架喇，可能好快，我地都可以從個人渣手上甩難...」過了一會，Daisy想找一些說話安慰Miss Lui。

「有發現?」Miss Lui帶點期望問了句。

「嗯...經過我努力調查，我大概知道佢D野係save係邊，但我要確保我搵到所有location先可以行動，如果唔係delete淨一度都係無用，仲要打草驚蛇之後想再搵返都難。」

「應承我，最緊要係你安全。同埋...如果無100%把握，個行動一定要等乘風入左大學先可以做...」Miss Lui語重心長答道。

「知喇...我個家寶真係太偉大...」Daisy把Miss Lui抱得更緊。

「有人同我講過，鍾意一個人就係事事以佢為先架啦...」Miss Lui陷入了回憶中，然後嘴角又不期然笑了一笑，只是這笑容在Daisy眼中卻只是讓她感到心碎。

屎眼畀人屌到老蓮咁大個窿之後再灌蛆蟲入去 然後再攞AA膠封住個口

+1

之後報驚 比三萬隻狗輪姦 屌到條腸出黎果時 再放啲蜈蚣入去

記得搵啲冇毒嘅 等佢哋喺入面歡快遊玩

金木研

祥細就留番比你寫
但一定要比起家寶慘十倍
要生不如死
唔可以比佢死得痛快

最起碼要俾人姦番幾鑊啦 男又好 肥婆都好

36. 對話

人有時真的很奇妙，當你以為自己的傷合正在癒合，慢慢學會了放下時，一些簡單的事情或景物有時都能讓你發現原來一切都只是錯覺。又或者像我們流血的傷口一樣，你不碰它它會慢慢結疤，痛楚的感覺會慢慢消退，但只要它還沒有完全癒合而這時你把結了的疤掲開或弄破，那它還是會重新流血，而且傷口有時甚至會比初時變得更大。

在暑假的時候，因完全沒有和Miss Lui接觸，加上有周紫盈的無聲陪伴，李乘風的心情可以慢慢平伏下來，至少你不主動去碰它，它的感覺就沒那樣痛。可是當重回學校，每天都會看見Miss Lui的臉容，本已平伏的心情亦再被翻起漣漪，甚至慢慢演化成海嘯。

雖然李乘風沒說，但對萬分著緊他的周紫盈又怎可能沒察覺? 自從開學後，周紫盈就發覺李乘風慢慢又變回之前的他。臉上少了點笑容，整天愁眉深鎖，就算和自己一起，很多時也是心不在然的樣子，而雙方親熱的次數亦同時急劇下降。

若果李乘風對她的態度從沒改變過，或許她還能像從前一樣默默承受再盼望有一天努力能帶來回報。可是當她品嚐過成功後，突然發覺一切又像打回頭，忍受能力自然會隨之下降。始終人一旦得到過，貪念和要求就會越來越多，而當你對之感情越來越深，越來越重視，自然亦越來越害怕失去。所以這讓周紫盈感到焦急萬分，她很害怕有一天李乘風突然會對她說

”我發覺我都係忘記唔到佢，我地分手啦。”

甚至是

” 我地復合左喇，我地分手啦。”

這危機意識讓她突然覺得她需要知道到底李乘風的前度是誰人，因為從時間上來看，這個人99.9%是學校裏的人，甚至是同班的同學，不然不會一開學李乘風便重復舊日的樣子。而若果真的是這樣，那天天見面確實會提供了一個讓他們舊情復熾的契機。但任她想破了頭，她亦想不出誰會有可能是那幸運兒。另一方面，她亦有想過自己有沒有甚麼改變可做去捉緊李乘風的心，但她深知自己這一刻在李乘風心裏的位置比起那位還是薄弱得很，任何威脅或是以退為進的招式都不會管有，甚至只會惹起李乘風的不快和反感。不過想來想去也想不到方法，周紫盈也只能暫時繼續收起自己的負面感情，希望有一天自己的愛能讓自己在李乘風的心裏佔有更高的位置。

這段時間周紫盈更加努力，為他織頸巾和毛衣，為他學了不少烹調技巧，每天對他噓寒問暖，盡量說一些想氹他開心的綿綿情話，盡力做個滿分的情人。可惜當容忍力下降了，負面感情越積越深，努力卻像完全沒有回報般全部石沉大海，兩個月後的一天周末周紫盈終於忍受不住

「乘風... 你不如老實話我聽，你見返ex後係咪仲係對佢念念不忘?」

「唔係呀...」李乘風言不由衷。

「你仲呃我? 自從開返學後衣幾個月，你個樣就越黎越唔開心，同我一齊個心都唔係係我度，成日又問非所答…你再諗下你上次攬我錫我係幾時嘅事? 唔係知你掛住個ex，我以為你係有左第二個添呀...」

「我... 對唔住...」不再否認，李乘風只能道歉。

「我其實一直默默忍受，一直努力去愛你，希望有一日你可以忘記過去，開開心心咁同我一齊，但我發覺原來我點努力都係無用...」眼淚開始從周紫盈的臉龐流下來。

「唔係架...衣段時間如果唔係你，我都唔知我會變成點... 所以我真係好感激你。只係我發覺日日見住佢，我根本忘記唔到佢...」看見對方的眼淚，李乘風立刻慌了並解釋。

「你可唔可以話我知佢係邊個? 到底係邊個咁好彩又咁身在福中不知福?」周紫盈問道。

「Sorry...我唔講得...」

「點解唔講得?」

「因為...真係唔講得...」

「原來我係你心目中，連基本嘅信任都唔值得...」李乘風的答案讓周紫盈很失望。

「唔係... 只係我應承過佢唔會同任何人講，我唔想破壞對佢嘅誓言...同信唔信你係完全無關係...」李乘風又再嘗試解釋。

「咁至少，你可唔可以講我聽你地之間發生左咩事?」周紫盈只好退而求其次。

李乘風猶豫。

「乘風，我係你女朋友，將自己亳無保留咁交晒比你，我有幾鍾意你你應該好清楚感受到... 如果你對我唔係完全無感覺，如果你都希望可以脫離你個ex同我有開心嘅將來，你就話件事比我聽，至少我知問題係邊，可以同你一齊諗辦法去解決... 當然，如果你對我係無感情，純粹只係想泄欲或者搵個人陪自己，你都可以直接同我講我會走... 雖然我係好鍾意你，但我未至於要去到乞求你咁卑微嘅愛...」周紫盈雖然深愛李乘風，但她亦確實有自己的尊嚴。她可以忍受李乘風暫時忘不了ex，只要他心入面是有自己，但她絕對忍受不了自己只是李乘風的玩偶或是泄慾工具。

想起這幾個月周紫盈對自己的好，而自己對她卻從來只有忽略，李乘風心裏湧現了更多的愧疚，同時間亦對她多了點感動和欣賞。

「我心入面點會無你... 對唔住，我知係我衰，一直都無視緊你對我嘅付出，一直傷害緊一個咁愛自己嘅人...」李乘風把周紫盈抱入懷內，聲音略帶沙啞說出。

「我無野驚，最驚就係你嘅心入面根本就無我...」周紫盈亦把李乘風抱緊哭著說道。

「傻瓜...頑石都會有點頭嘅一日，更何況係人? 多謝你今日鬧醒左我...」李乘風撫摸著周紫盈的秀髮說道。

「咁你可唔可以話我聽你嘅故事?」周紫盈終於破涕為笑。

又是這一個難題，要說故事又要隱藏Miss Lui的身份，李乘風真不知道該怎樣去說這一個故事。

「其實無咩特別...簡單講係我最失意最孤獨嘅時候，有一個人出現比左溫暖我，然後意外地我發現左衣個女仔都有一段悲傷嘅往事，兩個孤獨嘅心靈幸運地搵到彼此互想慰藉，然後承諾衣一世都唔會再比對方孤單一個。我地過左好開心嘅一年... 但之後一日衣個女仔突然變左，變得憔悴，成日都鬱鬱寡歡咁，仲開始抗拒同我有身體接觸... 再之後無耐一日，我發覺佢同左第二個人上床...我再三哀求佢同個男仔分開繼續同我一齊，佢最後都係選擇左要同我分手...」說完這段往事，李乘風這幾個月的悲傷終於得到抒發，開始抽泣起來。

「乘風你真係好傻...」這刻到周紫盈抱著李乘風溫柔地撫摸著他後腦的短髮，其實由李乘風說到一半的時候她亦已經猜到女方到底是誰。因為他之前曾對她說過Miss Lui在那段時間給了他溫暖，再加上必需保密這規範，直覺已讓她猜出了答案。也許李乘風也沒想過周紫盈會把他說過的每一句說話都這樣上心吧。不過周紫盈沒有說出來，她亦不屑利用這秘密去做甚麼。

「理論上佢比帽我帶我應該好憎佢先係... 但我就係嬲佢唔落... 我好想忘記佢，但偏偏腦裏就只能不停諗起佢... 紫盈你可唔可以救下我... 我好辛苦，我唔想再有衣D感覺呀...」周紫盈的動作讓李乘風展示出他的軟弱。

「只要你肯比我救，我就一定會救你出黎，問題係你要問心，係咪真係想比人救，真係想脫離? 如果你仲係沉醉於衣種傷痛之中，無人可以救到你...」周紫盈說道。

「我想...我唔想再咁辛苦，特別係有左你後我唔想再傷害你辜負你...」李乘風亦確實很想讓自己放下，一心一意去愛周紫盈，只是他做不到。

「咁你聽我講，因為佢曾經對你好比左溫暖你，將你係黑暗世界拯救左出黎，所以潛意式佢係你心目中就好似光明嘅天使一樣，令你身體本能抗拒接受關於佢任何黑暗唔好嘅野... 或者直接D講，其實係你心入面，根本就仲未相信佢同另一個男人上左床，你仲係游說緊自己實情唔係咁，係咪?」周紫盈突然像專家那樣為李乘風解釋。

李乘風聽罷默言沒有作聲。

「當你真係接受左衣個事實嘅時候，你嘅感覺自然會改變...到時你每次望見佢，你都會諗起佢係第二個男人身體下面，之後就只會有無盡嘅憤怒同埋厭惡... 但同時間我都好驚你會比憤怒同仇恨矇敝左雙眼變左另一個人...」見李乘風沒有反應她續說道。

無可否認，周紫盈的說話帶了新衝擊給李乘風，他確實一直迴避那畫面和問題，亦從來不讓自己去想那一件事。那怕口裏說自己被帶帽，他心裏一直其實仍在欺騙自己那不是真的然後不再去想。受周紫盈激發，他突然首次產生了點怒氣，亦把周紫盈抱得更緊。

「乘風，我希望你唔好因為咁唔再相信愛情，唔好因為咁變得憤世嫉俗，你仲有我，我以後一定會好好愛你唔再比你受衣D傷害，你永遠唔會再係孤單一個架...我最鍾意嘅都係果個文武雙全，但又從不驕傲自滿，對人永遠都咁友善同謙卑，而且充滿住陽光氣息，同時對所有人都無比溫柔嘅李乘風，應承我千奇唔好變!」感受到李乘風的怒意，周紫盈亦把李乘風抱得更緊希望用自己的愛去感化他。

(唔會再比我孤獨一個...曾經Miss Lui都咁應承過我，但最後呢? 我真係仲可以相信人類所謂嘅愛情? )

「紫盈，我係咪真係可以信你? 你真係可以應承我將來一定唔會再帶同樣嘅傷痛比我?」

「一定得! 李乘風，我周紫盈應承你，只要你心裏一直有我，我對你永不相負，我會用我一生去証明我永遠都會咁愛你!」周紫盈說出深情的告白和承諾。

(好... 我就再相信愛情多一次...希望我繼續付出嘅真心，唔會有一日再令我換黎衣種傷心...紫盈，唔好令我失望呀...如果你鍾意左我咁多年最後都可以變心，咁愛情對我黎講就真係再無可信嘅價值...)

想通了決定了，李乘風不再迷茫，攔腰把周紫盈抱起然後走回自己的房間。

「好，第一關，比你用行動去証明有幾愛我先!」

(家寶，再見喇，過埋今日，我會決心忘記你，一心一意對周紫盈，希望我地彼此以後都會幸福...)

這一日，李乘風也分不清到底自己當床上的伴侶是周紫盈還是呂家寶，他只知道過了今日後，他的初戀已被埋藏在自己心底裏的最深處，但埋藏的除了愛，同時間還多了點恨和怒。

多謝大家意見，我會好好諗下佢下場點好

你唔好再失手

欣欣我估大家應該都估到佢會係一個好重要嘅角色
不過關於佢嘅故事﹐我暂時就唔劇透住喇

37. 轉變

下定了決心後，李乘風也沒有再拖泥帶水，為了報答周紫盈和給予她足夠的安全感，他決定公開了他們的戀情。校草配校花，又是本身上次musical的男女主角，新聞價值固然極高，轟動了全校，不過由於二人成績本身就屬最好那一群，所以學校方面也就沒干涉甚麼。只是這消息卻傷了不少各自粉絲的心，聽說那一天不論男女廁每格廁所都能聽見有人在啜泣。

當然要數最大感覺的還是Miss Lui，不過由於心裏早已知道，所以她還是能保持鎮定，只是每次看見李乘風或周紫盈，看見他們各自發自內心的笑容，她都感到既安慰又有陣陣的痛。

而自從那日後，李乘風每次看見Miss Lui都會逼自己幻想一下Miss Lui和鄭子誠在床上的畫面，心裏會立即傳來一陣的痛同時間夾集著一種憤怒。不過隨著幻想的次數越多，這感覺亦慢慢淡化，同時間包括淡化了再次看見Miss Lui時的感覺。再久而久之，那讓他不舒服的畫面亦令他減少了平時想起Miss Lui的時間。他好像真的慢慢放下了Miss Lui，取而代之，是填補了他心靈的周紫盈。

或許有人會問，本身是A0的周紫盈為甚麼那天會懂那麼多道理去幫助李乘風，因為周紫盈確實是一個很執著又勤力的人。自從開學後察覺到危機，害怕的感覺讓她看了不少關於愛情的書，又在連登看了很多愛情的故事，雖然不是全部都有道理，但當中不少情節和字句還是帶給了她很多新思維。而由於不少故事牽涉到player是如何練成，所以她亦特別擔心李乘風都會因為這事而改變因而有了最後的叮囑。

而由於她本身並不知道李乘風和Miss Lui的事，所以也不能說她是有機心去設那一個局，而是純憑個人見解拆解了李乘風的心魔同時間乘虛而入成為了李乘風的救身圈。得到最後這結果，也可以說是她努力付出後的成果。

日子一天一天繼續過去，終於亦迎來DSE前的日子。李乘風和周紫盈越愛越火熱，考試前周紫盈自然每天都會到李乘風屋企一起溫書，溫得累時便一起傾下計看下電視，又或是為了被免整天坐著不動對身體不好於是到床上做一些運動舒緩一下血液循環。為了留住和滿足李乘風，周紫盈偷偷上網學了不少姿勢和技巧，讓李乘風享盡了溫柔和性福。而周紫盈完美的雙腿亦讓李乘風樂此不疲永不生厭。兩人過著恩愛無比的生活。

不過正如之前所說，人的貪念是永無休止，當周紫盈完全適應了自己的身份，對李乘風的要求亦自然不會還只局限於以前的”你心裏有我便夠”。時間久了，她開始間中會埋怨他的不解溫柔，不夠細心又或是不夠著緊。

「我唔開心你都唔氹下我，你都唔著緊我嘅!」
「我唔鍾意食西蘭花你仲買!」
「我唔出聲唔代表我唔介意呀!」
「你間中可唔可以sweet少少氹下我呀!」
「係咪真係下下要我講出聲你先會get到?」

也許這是拍拖必定有的”情趣”吧。漸漸地，李乘風多了不少被訓話的時間。不過這刻的他亦真的是愛周紫盈愛到骨子裏，對於她的所有指責他都會照單全收，然後慢慢改變。

這晚梅開二度後，二人相擁而睡。

「BB，你老實答我，你仲有無掛住你個ex?」突然間，周紫盈問道。

「放低左好耐啦~衣家嘅我心入面只有我嘅紫盈BB~」李乘風想也沒想隨口而出。

「真係? 咁你話我聽你有幾愛我?」周紫盈甜甜一笑又問。

「愛到無左你我即係會死~」

「太誇張喇，我唔信你!」周紫盈裝作不風拎轉了面，不過嘴上的笑容絕對出賣了她。

「真架! 不過愛你亦令我更加怕死...」

「點解?」李乘風的話引來周紫盈的好奇，讓她的臉轉回過來。

「因為我害怕我死左後得返你一個你會唔快樂，唔識照顧自己...」李乘風突然一臉認真地說。

「傻瓜...攬實我!」周紫盈被深深感動。

「紫盈，我愛你，我真係好愛好愛你~」李乘風攬實周紫盈，和她臉貼著臉說道。

「我都好愛你~」周紫盈以一吻回應然後說。

「若與你可抱著睡 連命也甘心短幾歲~ 希望衣一世，我永遠都可以咁攬住你，紫盈，你衣世都唔可以離開我..」

「傻嘅先會離開你~」


從前的李乘風，應該不太會說一些誇張的情話。但在周紫盈的努力下，慢慢地或許從前純良敦厚的李乘風已變成了另一個的李乘風而自己不自知。而周紫盈也許亦不知道自己是喜歡從前的李乘風還是喜歡李乘風變成自己更喜歡的李乘風。也許以前作為一個男人，李乘風的性格對她來說是完美，但當這男人成為了她男朋友的角色，那些特點就未必再是完美了。

當然，這並不代表周紫盈不愛李乘風，相反，她亦愛李乘風愛得發瘋，事事以他為先，努力去愛和讓李乘風高興。正正因這付出，才讓李乘風亦越來越愛她。只是得到了，自然會要求更多，這是人性。而且這些改變是好還是壞，亦根本不能定論。只能說這時的李乘風在周紫盈的調教下，更懂得明白女性的心理和如何去取悅女生。


不過李乘風的改變，也許令周紫盈更高興。但有一個人，卻不是這樣認為。

這天已是DSE後的暑假，李乘風正和欣欣在家玩遊戲機。

「乘風哥哥，我唔鍾意你衣家講野成日好似”浪”過油咁，個人好輕挑講野好似無句真咁呀!」

「係咩? 唔係呀? 邊有呢?」李乘風繼續眼望電視，手拿控制器邊打機邊扮傻。

「有呀! 點解你會變成咁架!」欣欣發脾氣放下了手掣。

「我講野都係真架，不過有時可能會誇張少少，感情豐富左少少咋嘛~ 你地女仔唔係都鍾意咁咩?」李乘風亦放下手掣和欣欣說。

「唔鍾意唔鍾意! 一定係紫盈姐姐教到你咁! 比返以前真誠可靠嘅乘風哥哥我呀!」欣欣雖然已經就快升中四，但在李乘風面前還是一個小朋友般的樣子。

「好啦好啦，以後我對你唔會咁喇，欣欣乖啦~」李乘風當她亦只是一個小妹妹。

「哼，我唔鍾意紫盈姐姐喇! 如果唔係佢令你真係開心返晒，我實唔再理佢!」欣欣鼓埋泡腮生悶氣。

「傻妹，無論點我變成點永遠係都最錫你嘅乘風哥哥…」李乘風慣性摸摸欣欣的頭說。

果然欣欣立刻怒氣全消，然後溫柔地問了一個問題。

「乘風哥哥，不如你老實話我聽，你係咪真係已經完全放低左Miss Lui喇?」

「我都唔知… 不過就算未，我都已將經佢埋左係一個好深好深嘅位置，只要自己唔主動去挖出黎，佢就唔會再出現… 而我估隨住我離開衣間學校，佢應該只會越埋越深，直至有日可能自己消失唔見左掛…」想了一想，李乘風望著遠處答道。

「嗯… 無論點，最緊要乘風哥哥開心~」欣欣撓著李乘風的手說。

「只要有欣欣陪乘風哥哥，乘風哥哥永遠都會開心~」

「你睇! 你又黎喇… 不過淨係衣句我鍾意聽~」欣欣把頭挨著李乘風的手臂一臉歡喜地說。

咁睇落最慘都唔係miss lui
係紫盈

點解會咁覺得?

衣d tvb bbq結局我應該會比人屌得仲甘