因為我個仆街老豆 我被下了一個賓周會變短的詛咒

文呢

我應該都中左 冇理由扯盡都係得8cm

多謝大家支持~
為左報答大家應承大家今晚會出兩篇

咁你一定要睇落去！ 可能之後有解咒方法呢

要今晚先有得睇

9. 欣欣

一星期後快又過去，由於陳生已經回到香港，加上經過兩星期的休養李乘風的傷患亦開始穩定下來，所以縱使萬般不捨，李乘風還是要接受離開Miss Lui家回自己屋企的現實。為了事避嫌疑，Miss Lui把李乘風送到他家樓下便離開了。

打開大門，望著這熟悉又陌生的格局，李乘風放下行李袋嘆了一聲氣便坐到梳化上。

(衣度真係好冷清，如果可以繼續同Miss Lui一齊住就好喇…)

「乘風哥哥，你係咪返左黎喇?」還在嘆息時，一把女孩子的聲音突然在門外響起。

(欣欣?)

於是李乘風便起身走到門口。門一打開一個女孩便一陣風般衝前抱著李乘風並說道:

「乘風哥哥，你衣兩個禮拜去左邊呀? 咁耐無見又唔打下比我擔心死我喇!」

「乘風哥哥去左同學屋企訓嘛，衣家咪返左黎囉~欣欣你掛住我隨時都可以打比我格~」李乘風沒受傷的手愛憐地輕撫著欣欣的頭頂說道。

「人地就係想睇下乘風哥哥會唔會掛住欣欣打比我… 點知原來真係兩星期都無掛住我!」欣欣撒嬌道。

「乘風哥哥當然有掛住欣欣啦! 不過有時唔方便打比欣欣嘛，一係今日我全日都陪欣欣玩好唔好?」李乘風像氹小朋友般氹著欣欣。

「好!」而這明顯地work。

李乘風:「咁欣欣想玩咩?」

欣欣:「唔…我地熱下身玩波子棋先啦~」

李乘風:「好呀，咁你拎棋set定局啦，我執一執野先~」

不久兩人便開始捉起棋來。

「乘風哥哥隻手仲痛唔痛?」捉了一會欣欣問道。

「有時都會有D酸痛咁，不過唔係旭得太犀利都無咩事嘅，醫生話衣家間中除一除個架休息下都無問題。」李乘風望了一望自己的手答道。

「咁就好了~ 等你好返晒我地就可以一齊出去玩~」欣欣一臉期待。

「過多一個月應該就得架喇~ 欣欣呢? 近排返學返成點呀? 有無咩趣事? 功課跟唔跟得上?」李乘風關心欣欣問道。

「都幾好呀~岩岩派左成績表我全級考得三呀!」欣欣自豪說道。

「咁叻女! 欣欣真係又叻又乖~」李乘風搣了一搣欣欣的臉珠。

「咁有無獎勵?」欣欣兩眼發光望著李乘風問。

李乘風:「好呀， 欣欣想要咩?」

「等乘風哥哥好返要帶我去廸士尼玩!」欣欣想了一想很快答道。

「無問題~ 」李乘風爽快答應。

「好野! 」欣欣興奮歡呼。

「咁你同D同學仔相處成點? 」因為欣欣的小學沒有原校中學升讀，所以升中後全是陌生的新同學。

欣欣:「我有越黎越多同學仔喇~ 不過幾日前岩岩調左位，有個好麻煩嘅男仔坐左係我隔黎… 」

「哦? 點麻煩法呀?」聽到這裏李乘風來了興趣，是啊，欣欣已經升上了中學，身體亦開始發育散發出少女的氣息，可能很快便要開始面對感情的煩惱吧。

「佢成日攪我D頭髮，上堂又成日訓覺唔聽書，仲日日逼我借功課比佢抄!」欣欣連珠抱怨。

李乘風:「咁衰? 咁有無同老師講?」

欣欣:「無呀，因為知佢爸爸媽媽一早分開左，可能都係受屋企環境影響咪忍下佢囉…」

「嘩，欣欣真係大個女識得為人設想喇喎~ 咁你有機會就幫下佢勸下佢乖D啦。」李乘風很喜歡欣欣既充滿童真但又往往很懂事很善解人意。

「因為佢嘅遭遇同乘風哥哥你有D似… 不過你叻好多!」欣欣說出了一句窩心的說話。

「傻瓜… 因為乘風哥哥一直有欣欣衣個咁抵錫嘅妹妹陪嘛~ 可能你個同學仔無我咁好彩囉!」李乘風又再愛惜地摸了一摸欣欣的頭說道。

「欣欣都好開心可以一直有乘風哥哥你陪! 唔係實悶死我呀… 第日欣欣要嫁比乘風哥哥以後都陪住你!」欣欣突然沒頭沒腦拋出了最後一句說話。

「多謝欣欣~ 不過第日等你遇到鍾意嘅人就唔會再咁諗架喇… 同埋就算唔嫁比我，欣欣都可以永遠陪住我架，你係我妹妹黎架嘛~」覺得只是小朋友天真的戲話，李乘風並沒特別在意。

「咁乘風哥哥有鍾意嘅人未?」欣欣又突然問道。

「有呀…」李乘風自然想起Miss Lui。

「咁佢鍾唔鍾意你?」欣欣神色黯了一黯但很快又恢復正常續問。

「暫時唔鍾意… 但我會努力令佢鍾意!」李乘風拿出了他的魄力說。

「咁你要比心機呀~ 乘風哥哥咁好一定得嘅!」欣欣鼓勵道。

「承你貴言! 不過欣欣第日如果遇到鍾意嘅人都要話比乘風哥哥聽呀，要比我望過合格批準先得架~」

「好呀，不過要我鍾意至少都要好過乘風哥哥先有機會~」欣欣笑著說。

「咁會唔會太難搵呀?」李乘風說笑道。

「哈哈，到時真係無嘅我咪以後都繼續痴住你囉~」欣欣站了起來走到李乘風旁邊撓著他的手又撒嬌說道。

「一定會有嘅~ 我個欣欣又靚女又可愛，第日追你嘅男仔實由屋企排到隔離邨啦! 到時實有個好過我嘅~」李乘風又輕輕地摸了摸欣欣的頭說。

欣欣:「希望啦… 無嘅你就要埋我啦~」

李乘風:「咁乘風哥哥一定唔會扔底欣欣嘅~」

「你話架!」欣欣笑著說。


這天李乘風和欣欣玩了一整天，直至晚飯時間陳太催了幾次他們才一起過去吃飯，然後陳生又陪李乘風回家幫他沖涼換衫，一切都像回歸到兩星期前的生活。


(唉…乘風哥哥你果然唔記得我地以前嘅約定… ) 李乘風走後欣欣心裏想。

10. 周紫盈

因為傷勢己經穩定，缺席了三星期的課堂後，李乘風終於重回校園上堂，當然早上亦得麻煩陳生過來幫他換校服和送早餐。

「李乘風你點呀? 仲痛唔痛?」
「幾時拆得個架同好得返呀?」
「衣三個星期有無悶到傻左呀?」

到了班房，很多同學都逼不及待過來慰問李乘風。唯獨一個女同學，除了慰問外，還拿了一個保暖湯壺給李乘風。

「花生雞腳湯，我琴晚專登叫媽咪教我煲架，雖然你傷嘅係手唔係腳，但我估都一樣有效掛…」臉帶點紅，女同學有點靦腆把湯壺放到李乘風的班桌上，同時間惹來班上很多同學的叫囂聲以及數位女同學的敵視眼光。


「賢妻呀~」
「我都想有人煲湯我飲呀~」
「你慳D啦，就斷晒手腳都無人會煲比你架喇~」


這位女同學正是陸運會中亮過相的周紫盈，不過明眼人都早已知道她喜歡李乘風並不是甚麼秘密，所以這行為除了叫囂聲外並沒造成甚麼混亂或是八掛新聞價值。

「多謝…」雖然很不好意思，但善良的李乘風還是狠不下心拒絕同學的一翻好意。

「對唔住呀…果日陸運會我最後盡左力跑都只係得第三贏唔到…」周紫盈見李乘風沒甚麼反應又繼續說。

「傻啦，駛咩同我講對唔住… 盡左力跑就夠架喇，繼續下年贏返!」李乘風不自覺又露出了他那無敵陽光的招牌笑容說道。

「嗯!」抵受不住這笑容的威力周紫盈刻面紅耳赤飛快地應了一聲然後立地逃回了自己的坐位。

這時，班主任Miss Lui到來讓班房回歸寧靜。

「李乘風返左黎喇? 不過你隻手仲未旭得我搵個同學照顧下你啦。周紫盈你反正煲開湯不如順便幫我照顧李乘風直至佢好返得唔得?」Miss Lui 亦襯機取笑道惹來全班的哄笑聲。

「知道…Miss Lui」恨不得找個地窿躲藏，周紫盈十分尷尬答應道，不過望了望同樣臉紅的李乘風，她心裏又有點甜絲絲的感覺。



「有無野需要幫手? 駛唔駛餵你?」午飯時間，拎正牌坐到李乘風旁，周紫盈問道。

「唔駛喇，我仲有左手可以自己食…」李乘風仍然尷尬。

「咁我幫你倒D湯出黎襯熱飲呀」說完便打開自己之前給李乘風的湯壺倒了杯湯出來

「唔該…」

「好唔好飲?」看著他喝下了自己煲的湯，周紫盈一臉緊張問道。

「好飲呀…周同學你煮野食應該幾有天份喎~」李乘風抹了抹嘴說道。

「真係? 咁以後我煲多D湯同整野食比你食呀~」聽到李乘風的讚美，周紫盈笑逐顏開。

「咁又唔駛特登為我整…」李乘風想解釋，不過周紫盈已自動filter掉這句。


周紫盈是一個十分漂亮的學生，擁有高挑的身型和長著一雙絕對吸晴的長腿，是不少男同學眼中的女神之一。曾經，她也是冷豔又帶點高傲的女孩，直至中二和李乘風同班後，她很快便淪陷被他所吸引。而為了接近李乘風，她甚至為此加入了田徑隊，為的就是希望能接近他多一點，讓他的眼睛能停留在自己身上多一刻。確實，這行動讓她和李乘風多了不少接觸，成為了朋友，不過同時間，她的長腿配上田徑的熱褲也吸引了很多其他男學生的眼光和靠近。為了營造平易近人和溫柔的形象，周紫盈慢慢收起了自己冷傲的性格和其他人打成一片，亦不特別抗拒接受一些步兵給她的討好，因此才給Miss Lui造成一個經常遊走於不同男性之間的感覺。但其實直至這一刻，周紫盈喜歡的對像仍然只有李乘風一個。


「無啦啦做咩搵周紫盈照顧我啫…」放學後李乘風發了個短訊給Miss Lui。

「咁你隻手唔方便梗係要搵個同學睇住你啦，佢又咁希望照顧你~」Miss Lui答道。

李乘風:「咁你幾時兌現諾現煮飯請我食返餐呀?」

Miss Lui:「仲要咩? 黎緊日日都有人煲湯比你啦~」

李乘風:「我可唔可以理解為Missie你呷醋?」

Miss Lui:「呷你個頭! 等你好返之後啦，Daisy都話掛住你。到時搵晚上黎食餐飯我煮比你地食~」

「好啦咁… 」


接著的時間，雖然算不上感情突飛猛進，但看見周紫盈對自己用心的照顧，每日噓寒問暖，李乘風還是有點感動，暗地記下了這人情的同時亦讓兩人關係拉近了不少。另一方面每星期李乘風還是會和Miss Lui出外吃一餐晚飯，平時每晚則會到陳氏一家裏吃並和欣欣玩一會耍。

很快四星期就過去，覆診過後李乘風便可把支架脫掉重新過正常人的生活。

「恢復得好好呀，黎緊小心D唔好有碰撞，再加埋做兩星期物理治療就無事架喇。 」醫生拆了支架檢查了一會後說。

「唔該醫生~ 」聽到醫生的診斷，李乘風和陪他覆診的周紫盈都鬆了一口氣，但同時間周紫盈又有點失落。

「唔駛客氣，記住多謝你身邊衣位女朋友仔重要D~ 」醫生看了看周紫盈取笑道。

因為尷尬二人急急腳便離開了診症室。

「恭喜你好返可以唔駛再做楊過喇~」出來後周紫盈恭喜李乘風。

「多謝你衣幾個星期幫左我咁多就真，我請你食飯呀當報答你呀~」

「唔駛客氣啦… 衣幾星期我其實都好開心可以照顧你…」說到後一句，周紫盈低下頭越說越細聲。

「我會一直記得你對我嘅好架， 唔駛唔好意思喎，行啦~」李乘風沒為意便捉著周紫盈離開醫院去吃飯，卻不知自己這些無意的說話和行為經常讓周紫盈紅都臉晒心猿意馬。

「終於可以用返右手食飯!」去到一間西式餐廳，李乘風像個大細路一臉興奮地用右手拿著匙羹舀湯飲。

「哈哈，你睇你個樣有無咁興奮呀~」周紫盈笑著說。

「你衣D四肢健全嘅人唔會明白架喇…」李乘風展示了一個”你不懂”的表情。

周紫盈:「知你慘喇… 咁你平時夜晚係點算?」

「所謂遠親不如近鄰，都係靠由細識照顧到我大嘅鄰居幫手。陳生陳太佢地一家都真係一直幫左我好多…」李乘風把之前陳家幫手媽媽的身後事和近期的照顧告訴了周紫盈。

周紫盈:「咁佢地都真係幫左你好多喎… 真係羨慕，衣家係香港好少有咁有人情味嘅鄰居lu… 你仲因為咁可以多左半個妹添~」

李乘風:「係呀，真係好好彩，所以住舊屋邨都有佢好處嘅~」

「咁你自己一個住有時會唔會悶，覺得好寂寞?」周紫盈又問。

「都會架… 特別初初得返自己一個果陣… 好彩Miss Lui見我咁特別照顧我每星期都會請我餐飯陪下我，加上仲有欣欣佢地先好D…」想起欣欣和Miss Lui，李乘風發自內心地笑了笑。

「Miss Lui都真係一個好好嘅老師…」直覺讓周紫盈覺得李乘風的笑容有點古怪，但當然亦沒有想過李乘風會喜歡上Miss Lui。

「Totally agree~」

「咁一係以後我每星期都盡量同你食餐飯等你無咁悶少D時間自己一個人呀~」不讓Miss Lui專美，周紫盈又大膽提議。

李乘風:「咁又唔駛每星期都搵時間陪我咁誇張，你第日有時間悶咪搵下我囉~」

「好呀~或者等你好返晒練返田徑後我地一齊練習完咪可以順便去食飯囉~」沒被拒絕周紫盈表現得十分興奮。

「又好~」


為期六星期的休養期終於結束。不過沒想到因為這次受傷，李乘風和Miss Lui以及周紫盈的關係，卻得到了不少的躍進。

仲有冇

感覺到第時男主條jer應該會縮到無曬

11. 命運

這個星期六，Miss Lui兌現承諾邀請了李乘風上自己屋企吃飯，同時還有今天剛回到香港的Daisy。

「飲杯~ 恭喜李同學終於好返晒~」望著一枱豐盛的餸菜Daisy主動舉杯和李乘風慶祝。

「李乘風未成年架你唔好教壞我學生呀下!」Miss Lui立馬阻止。

Daisy:「咁開心飲少少唔驚啦~」

Miss Lui:「唔得!」

「咁李同學飲汽水，呂家寶你代佢同我飲啦!」Daisy把酒放到Miss Lui面前。

Miss Lui沒好氣望了望Daisy，然後還是拿起酒杯把裏面的酒乾了。

Daisy:「Woooo~ 果然係女中豪傑! 咁李乘風衣家係係咪真係好返晒架喇?」

李乘風:「應該又未算真係100%好返，間中都仲有D”怨住怨住”咁，不過日常生活就完全無問題，再做多陣物理治療應該就完全無事lu。」

「咁真係值得慶祝喎~再飲~」Daisy又逼Miss Lui陪她乾了杯。

「咪淨係掛住飲，快D襯熱食試下我手勢啦~」Miss Lui又乾完後說。

「Miss Lui食蝦呀~」李乘風主動剝了一隻蝦放到Miss Lui碗裏。

「我呢?」Daisy看見後把自己的碗放到李乘風面前。

「衣家即刻剝…」李乘風不好意思又開始剝第二隻。

「算你啦~ 不枉我之前講咁多Miss Lui嘅野比你聽…」Daisy笑笑口說。

「邱美恩! 你之前又亂講過d咩呀!」Miss Lui聽到後立即咆哮。

「無呀… 咪講過你鍾意食海鮮但又唔鍾意剝殼覺得好污漕囉~」Daisy說完望著李乘風露出了一個好像只有他們二人才懂的笑容。

不過看見Miss Lui有點鬱悶，李乘風就把話題轉向了Daisy。

「咦，Daisy，咁你同鄭生近排拍拖拍成點呀?」

「係喎，近排點呀? 之前話搵日請佢上黎坐下都無左件事添~ 同埋你近排好似成日明明返左黎香港都無返黎訓喎…」 Miss Lui立即附和。

Daisy啤了一啤李乘風，一副”好呀你，為左救你個Miss Lui攪返我轉頭”的表情，但很快又露出甜絲絲的樣子說

「幾好呀~佢好gentleman，又好錫我~」

「咁就好，恭喜你搵到個好男人~值得飲杯~」這次到Miss Lui主動舉杯。

這兩人越乾好像越興奮，隨著一杯又一杯，二人都開始醉起來。感歎著她們對自己完全沒戒心，李乘風引導她們二人坐到梳化休息後自己便開始幫手執拾餐桌上的殘局。

也許真的是平時訓練有素，李乘風執拾途中看見Daisy被電話弄醒了，收線後打開廚櫃快速沖了杯不知名飲品後，便像沒事般瀟灑地留了句”我去搵David喇~” 就離開了。

洗好了所有碗碟，望著仍在梳化上昏睡的Miss Lui，李乘風便打算把她抱回床上睡覺再離開。幸好Miss Lui並不重，剛傷癒的李乘風還是能順利把她抱起。把Miss Lui安置好在床上，為她蓋好被後，李乘風又偷偷吻了她的額頭一下。不過當他打算離開時，Miss Lui卻突然捉著了他的手。

「阿威唔好走…唔好扔低我呀…」

(可惜我唔係阿威…)

李乘風失望的同時，打算輕輕拉開Miss Lui的手，但Miss Lui感受到他想撇開自己卻捉得更加用力。

「求下你唔好走，唔好再離開我…」

聽到Miss Lui的哀求，李乘風心軟，於是便索性也上了床把Miss Lui抱在自己懷裏。

「阿威係度今晚唔會走， 你乖好好地訓一覺啦…」

看見Miss Lui漸漸靜下來，李乘風亦慢慢閉上眼和Miss Lui一同入睡。

第二朝Miss Lui醒來，頭帶點痛但卻發現自己正在一個溫暖的懷抱內，一看是李乘風便嚇了一跳。

(琴晚我發左個夢，夢見阿威返左黎同我傾左陣計，跟住無耐佢要走我就捉住佢唔比佢走，最後佢應承左我唔走仲攬住我一齊訓… 唔通琴晚我又當左佢係阿威?)

這時察覺到Miss Lui的異樣，李乘風亦醒了。

「Miss Lui你醒嗱?」看見自己亦抱著Miss Lui李乘風立刻尷尬地鬆開了手。

「嗯… 點解你會訓左係我隔黎?」Miss Lui還是想確認問道。

「琴晚見你醉左我咪搬你返房訓，點知我想走果陣你突然捉住我當左我係阿威唔比我走… 我一時心軟就真係扮左阿威陪住你訓囉… 對唔住呀Miss Lui，你唔好嬲啦…」李乘風不好意思地邊解釋邊道歉。

Miss Lui:「Missie無嬲… 我知係我自己捉住你唔比你走啫，唔怪得你… 事實上自從果日同你講完阿威件事後我都未試過可以一覺訓天光了，所以應該Missie多謝你先真…」

「真係? 最衰都係我… 唔睇戲就唔會令你諗返起以前D野…」李乘風有點內疚和難過。

「傻啦，有D野埋得太深唔代表佢唔存在，遲早都係要面對架…」Miss Lui安慰李乘風。

「Missie，咁你衣幾星期都訓得好差?」李乘風續問。

「嗯… 所以我琴日去藥房買左D溫和嘅安眠藥本身打算襯今日放假琴晚試下…」Miss Lui嘆了口氣。

「Miss Lui，我可唔可以有個請求…」想了一會李乘風說。

Miss Lui:「咩請求?」

李乘風:「我唔想見到你咁辛苦呀… 如果我幫到你，以後我可唔可以每個週末都黎陪你訓直至你自己一個都可以一覺訓天光? 咁至少一星期你可以有一日訓得好D… 千奇唔好食安眠藥呀，會產生依賴性架…」

(的而且確，好似每次佢係身邊我都可以訓得好安穩… 但係…) Miss Lui心想。

「你信唔信命運? 我信我地係有命中注定嘅緣份。你唔信嘅，一係我地擲公字，公就証明係天註定我地要互相依靠，字就代表全部野都係我亂up，當我無講過我以後唔會再打擾你…」見Miss Lui猶豫，李乘風又繼續說道。

不等Miss Lui答覆李乘風便在褲袋拿出了個硬幣直接向上一拋一接…

沒來得及細想，下意式Miss Lui心裏都期待著那會是一個”公” 。

李乘風深呼吸了一口，然後緩緩拿開了掩著硬幣的手，在燈光照射下一個洋紫荊的圖案在他們眼前正閃閃生輝。

唔劇透住

知大家可能掛住miss lui今日送多篇比大家，希望大家繼續支持

12. 廸士尼遊記

“叮噹”

「乘風哥哥你行得未呀? 咁慢架!」李乘風一打開門便聽見欣欣在抱怨。

「行得喇行得喇，欣欣今日著得好靚喎~」李乘風拿了背囊穿好鞋便和欣欣離開了自己屋企。

「因為今日可以同你去玩梗係要著得靚D啦~」欣欣直接拖著李乘風繼續行。

由細到大，和李乘風出街欣欣都習慣拖著他行，就像哥哥拖著妹妹一樣。雖然隨著年紀漸大，李乘風也曾覺得或許需要避忌一下，不過看見欣欣一臉輕奮把自己拖得很緊，也就由她繼續拖了，始終他真的把她當成是自己的妹妹。

「呀，唔記得左同你講，今日臨時有位同學想join我地一齊去廸士尼呀。」在𨋢內李乘風突然醒起說道。

「邊個? 女仔黎架?」本來十分興奮的欣欣聽到後笑容突然僵了一僵，但很快又回復原狀。

李乘風:「係呀，佢叫周紫盈，之前乘風哥哥整親佢係學校幫左我好多架。琴晚同佢食飯果陣講起今日同你去廸士尼佢話佢都好想去問可唔可以一齊，我諗人多熱鬧D好玩D就答應左喇，欣欣介唔介意?」

「佢係咪就係乘風哥哥之前話鍾意果個女仔?」欣欣沒直接答。

「唔係佢呀…」李乘風尷尬答道。

「哦~ 咁就唔介意…」最後五個字欣欣的聲量只有她自己能聽見。


到到欣澳站一出閘，就看見紥了條馬尾，身穿格仔短裙加一件米奇老鼠風褸的周紫盈正一臉期待地等著。

「Hello~唔好意思等左好耐?」李乘風上前打招呼。

「唔係呀，我都係岩岩到咋嘛~ 衣位咁可愛嘅就係欣欣?」周紫盈笑容滿面答道。

李乘風:「係呀，我半個妹妹，欣欣叫紫盈姐姐啦。」

「紫盈姐姐你好~」欣欣禮貌地叫了一聲。

「欣欣你好~多謝你今日肯侵埋紫盈姐姐玩呀~」知道欣欣是李乘風的”妹妹”，周紫盈自然落力討好。

「我其實都係岩岩先知咋，不過唔緊要，玩梗係人越多越好玩~」啤了一啤李乘風，欣欣很快又回復笑容說道。

「係我唔岩喇，一陣欣欣想玩咩乘風哥哥都陪你玩啦，好無?」李乘風又愛憐地摸了一摸欣欣的頭說道。

「咁唔好再講咁多快D行啦! 紫恩姐姐跟住我地喇~」欣欣立即拖著李乘風拉著他行，然後對身後的周紫盈說道。

(睇黎佢地感情真係好似兩兄妹咁好喎…)

看見二人手拖手地行，周紫盈想了想便也緊隨其後。

整個主題公園人山人海但無損三人的興致，鐵甲奇俠、Star Wars、反斗奇兵、童話園林、迷離莊園、小小世界、廸士尼劇場和巡遊等全都讓他們樂而忘返。不過由於很多地方都要排長龍，所以也造就了很多時間讓他們談地說地，當中最多問題當然便是欣欣，簡直就是一個問題兒童，不過十條問題差不多有九條都是離不開李乘風。

「紫盈姐姐你幾時識乘風哥哥架?」

「乘風哥哥平時係學校係點架? 乖唔乖? 」

「乘風哥哥係學校係咪好受歡迎?」


而隨著大家越來越熟絡，她問的問題亦開始越來越尖銳。

「點解你會玩田徑嘅? 係咪因為乘風哥哥?」

「你覺得乘風哥哥點?」

「紫盈姐姐其實你係咪鍾意乘風哥哥?」

而襯在有一次二人在廁所前排隊李乘風並不在附近，欣欣突然拋出了一個問題。

「下?」周紫盈有點反應不過來。

「我中一架喇，唔係真係你地諗到咁細個，如果唔係對乘風哥哥有意思，你又點會為佢入田徑隊，又專登黎廸士尼呢?」欣欣突然一臉認真說道。

望著眼前這女孩，周紫盈突然很難把她和之前那個一臉童真的欣欣想像成同一個人。

「放心喎，我唔係要阻止你或者破壞你地關係，相反如果你過到我果關我仲可能會幫助你添~」欣欣狡滑地說。

「你到底…」

「乘風哥哥嘅遭遇已經好慘，我淨係希望佢以後可以幸福快樂，唔會再受任何傷害… 而我，永遠都係佢心目中嘅好妹妹~ 你明唔明?」欣欣望著遠處風景說道。

周紫盈:「嗯… 我都睇得出你地感情好好真係好似親生兄妹咁…」

「所以想追乘風哥哥就努力巴結我啦~」說完欣欣便順勢走入了廁格。

當周紫盈從廁所出來後，看見欣欣已早她一步出來並變會那個天真的小朋友正纏在李乘風傾計。

「唔好意思，行得喇!」周紫盈走到他們那邊說道。

「好! 咁我地排隊去玩極速礦車喇!」欣欣歡呼然後拉著李乘風和周紫盈便走。

排了接近20分鐘，終於到到他們，不過一個比較尷尬的問題便出現了，因為過山車每排只能坐兩個人，所以必需要有一個人單丁和其他人坐。

「欣欣細個乘風你陪佢坐啦，我坐後面得架喇~」周紫盈主動提出。因為二人已成為好朋友，不知從何時開始，他們都變了以”乘風”和”紫恩”稱呼大家。

本身李乘風也打算就這樣安排，但這時他又看見排周紫盈後面的是一個大叔正色瞇瞇地盯著她的長腿，心裏一陣厭惡他便主動走到周紫盈後面把她和阿叔分開然後說

「你地兩個一齊坐啦，我係你地後面睇住你地~」

周紫盈害怕欣欣不高興還想拒絕但挑通眼眉的欣欣已看穿李乘風這樣做的原因，於是成全他的好心便捉著周紫盈的手說

「咁紫盈姐姐陪我坐啦~」

「咁好啦~」見欣欣沒反對周紫盈自然也沒再拒絕。

(欣欣真係好乖好善解人意，抵我咁錫你~)

欣欣看穿李乘風的同時李乘風亦看穿欣欣是故意配合自己，對這妹妹自然亦越是愛惜。

玩完過山車又玩了其他機動遊戲和其他剩餘未去的地方，轉眼間已經入夜到了煙花表演的時間。看著漂亮的煙花在城堡上綻放，欣欣很自然撓著了李乘風的手臂一臉陶醉地欣賞。而在這浪漫的環境下，周紫盈亦很想學欣欣那樣挽著李乘風的手和他多親近一點但不能，所以只能盡量貼近對方一同觀賞，當然這痛苦的忍耐亦逃不過欣欣的法眼。

煙花表演完畢後，在離開公園途中他們又去到精品店看看有沒有甚麼紀念品能留為紀念。李乘風決定買一隻海豚公仔給欣欣當禮物。

「紫盈姐姐陪左我地成日，乘風哥哥不如你都買隻公仔比紫盈姐姐當留為紀念多謝佢呀~」欣欣望著公仔一臉喜愛的同時望了望遠處正在自己閒逛的周紫盈便說道。

「又好，順便當多謝佢之前成日照顧我啦~」於是又買了另一隻不同顏色的海豚公仔。

「送比你呀~多謝你陪左我地成日同埋多謝你之前對我嘅照顧~」出了門口李乘風把公仔送給周紫盈。

「多謝! 我都買左兩個鎖匙扣比你同欣欣呀，多謝你地肯同我玩左一整日，我今日好開心呀~」意中人送禮物比自己固然驚喜萬分，但原來周紫盈亦買了兩個鎖匙扣給李乘風和欣欣。

「多謝紫盈/紫盈姐姐~」二人一同道謝。

「我地一齊係度影幅相留為紀念呀~」然後欣欣又說。

拍照時她故意企在二人中間，然後臨影前她突然一手挽著李乘風一手挽著周紫盈然後努力一拉把二人拉向自己，拍出來的照片就像一對戀人拖著妹妹一家三口的感覺。

(暫時你都算合格… 衣張相同埋個公仔就當係多謝你陪左我一日嘅禮物啦~ 不過乘風哥哥話已經有鍾意嘅人而果個人唔係你，所以之後得唔得就要靠你自己喇…)

在地鐵站和周紫盈分別時，欣欣一邊和她說再見一邊心裏默默在想。


「欣欣今日玩得開唔開心?」回家途中李乘風問欣欣。

「開心~ 乘風哥哥呢?」欣欣滿臉笑容答道。

「欣欣開心乘風哥哥就自然開心~」李乘風摸了一摸欣欣的頭溫柔說道。

(乘風哥哥多謝你… 我知比起做你女朋友，你更需要我衣個妹妹去做你僅餘嘅家人陪住你，我會努力做好衣個角色一直陪住你…)

若果自己做了乘風哥哥的女朋友，那乘風哥哥便只能有一個女朋友錫自己，但若果自己繼續做他妹妹，那乘風哥哥便可以有一個女朋友加一個妹妹疼錫他，這便是欣欣單純的心思。

13. 突如其來的Musical

時光飛逝，隨著末期考試的完結，轉眼間中四學年已經踏入尾聲。 自從那日後，李乘風每個星期六晚都會到Miss Lui家陪著Miss Lui睡覺。而神奇的是每次只要有李乘風在旁，Miss Lui又確實真的能一覺睡到第二朝天光。若果沒有這緩衝的一覺，Miss Lui恐怕早己投降需要服食安眠藥了。

而隨著李乘風這代替品的出現，加上時間永遠是最好的療傷聖藥，在兩個多月後，Miss Lui的失眠症狀就已經慢慢消失。只是習慣了李乘風的存在，Miss Lui便沒特別提起，繼續默許這習慣延續下去。李乘風當然亦欣喜Miss Lui的氣色已好轉了不少，但既然Miss Lui沒主動要求，他自然亦不會笨得去主動揭穿甚麼。

這晚，是李乘風到Miss Lui家過夜的日子。

「Miss Lui你無野嗎?」晚飯後李乘風看見Miss Lui一臉愁眉心鎖的樣子便問道。

「無，學校琴日assign左個大project比我，所以苦惱緊啫…」Miss Lui仍一臉苦惱。

李乘風:「咩project?」

Miss Lui:「學校想攪個大型musical，直程係公開賣飛果種去增加學校個reputation，當然主要對像都係學生家長同舊生啦。佢地知我大學有衣方面嘅經驗就想搵我幫手。要咩資源可以draft個proposal比佢地佢地會盡量配合喎…」

李乘風:「嘩… 好似真係好大咁，不過諗起都覺得煩…」

Miss Lui:「梗係啦，攪個musical，我先當場地同觀眾果D唔駛煩先，淨係台前幕後，劇本音樂果D都已經夠煩，仲要用好多時間綵排… 佢地希望可以聖誔節開show，所以得返半年時間…」

李乘風:「咁我有無咩可以幫到你?」

Miss Lui:「其實最緊要要有個好嘅故仔，之後其他野就可以配合佢開始起動…」

「咦，想要好故仔我或者可以幫到你喎… 近排我係連登睇左個故仔，覺得都幾特別幾好睇，幾適合拍畫劇架喎…」李乘風想了想突然靈機一觸。

Miss Lui:「係? 講黎聽下?」

「個故仔叫”只想和你愛一次”，係一個關於男主角單戀嘅故事，當中仲有假穿越同真穿越嘅環節…」於是李乘風便把Elven、Rachel和Ada的故事簡略講了出來。

(有興趣可參考以下連結)
https://lihkg.com/thread/2308670/page/1

「掂喎! 不過照抄驚唔驚牌權問題? 可能都要問下作者介唔介意先。」Miss Lui聽完有點興奮，又有點擔憂。

「等我係連登問下佢先…」說完李乘風便拿出了電話在故事裏留言。

過了一會，李乘風便等到樓主回覆

「佢話隨便拎去用呀，不過要應承佢一定要用心製作唔好影衰佢個故仔，同埋真係有飛賣要話佢聽佢會去捧場喎~ 嘩，開始好多巴打絲打見到都開始留這話到時實會去睇喎!」

「咁就好! 你同佢講無問題，Miss Lui出品，實屬佳品~」也許是因為聽到了好故事，Miss Lui的鬥志亦突然燃燒了起來。

就這樣，一段突如其來的對話造就了一套經典音樂劇的誔生，亦讓Miss Lui，李乘風，還有所有參與了這套音樂劇製作的所有台前幕後都渡過了接著難忘的半年時光。


當Miss Lui向校董會present成功並得到大力支持，整個製作流程亦迅速開動起來。首先，Miss Lui找了幾位音樂、中文和美術老師幫手預備劇本，音樂，歌詞還有舞台和服裝設計等事宜，之後她又開始公開召募參與台前幕後的學生，其實關於故事的男主角，她心目中已經有一個人選，反而是女主角人選有點難到她。始終她也曾經想為這男主角物色一個真正的女主角，可惜失敗。

「想我做男主角? 唔係掛…」這晚又是李乘風到到Miss Lui家陪訓的日子。

「搵你做係最好架喇，你有外型，唱歌好聽，又完全了解個故事~」Miss Lui開始遊說工作。

李乘風:「但我唔識亦未試過做戲…」

Miss Lui:「學校有邊個試過啫… 話唔定因為咁發控埋你做戲衣個優點呢~」

李乘風:「但我想做幕後多D…」

「你係咪咁都唔肯幫Missie呀!」Miss Lui直接出絕招。

「唔係…」李乘風只能屈服。

「最多成功後Missie應承你一個願望呀…」見李乘風一臉委屈Miss Lui再出另一個大絕。

「咩願望都得?」李乘風果然立即兩眼發光。

「當然除左衰野同埋我唔想做/做唔到嘅野啦!」Miss Lui立即包底。

「咁我試下啦…」其實由Miss Lui提出一刻結局早已決定。

「乖~ 不過為左以示公正你都係要參加公開篩選光明正大咁贏先得架。」Miss Lui摸了一摸李乘風的頭。

李乘風:「我會盡力架喇…」

「咁你心入面有無想邊個做女主角?」Miss Lui詢問李乘風意見。

李乘風:「如果Miss Lui可以做Rachel我一定拼了老命都會爭取到男主角衣個角色!」

Miss Lui:「可惜無可能~ 不過聽完你咁講，我突然意識到女主角爭奪戰可能先係一場龍爭虎鬥…」

李乘風:「點解?」

「因為我衣個學生太受歡迎喇…」Miss Lui摵了一搣李乘風的臉說道。


(為左增加gimmick同宣傳效果，睇黎都要耍D手段係選角方面…) Miss Lui心裏默默在想。



很快，一張召募台前幕後的海報貼滿了校園每一個角落。


“誠徵 : <只想和你愛一次>音樂劇的台前幕後人員

你的加入，成就屬於我們的故事

備註: 為了達至最佳效果，女主角Rachel和Ada的角色會在決定男主角人選後再進行召募。”


結果，Miss Lui這有意以為的舉動，在男主角的人選出爐後很快便讓整間學校都振動起來，學校到處都彌漫著關於這個音樂劇熾熱的氣氛。

磨牙

Push

14. 女主角爭奪戰

起初，大部份學生對這音樂劇都不太熱衷，募後人員只招到大概一半的目標人數左右。至於男主角的選角，除了李乘風外雖然還有幾個男學生參加，但不論外型和聲線他們都是完敗，加上李乘風在學校本身就名氣十足，所以亳無懸念被由幾個負責老師組成的評審團一致選中成為男主角。

而當公佈了結果後，女主角的召募工作和宣傳亦同時立即展開，篩選方法是每名參賽者都會和男主角李乘風飾演一段對手戲再由評審決定。這消息一公佈，對整間學校的女生來說簡直是炸了鍋樂翻天。對於所有暗戀或是早已欣賞李乘風的女同學來說，就算最後選不上，能和他演一段對手戲也就已經夠吸引了，若一不覺意被選上，更是能和他朝夕相對，天曉得會不會因此大家發展出甚麼感情? 於是報名參選的人自然門庭若市，最後參選的人竟多達三十人。有見及此，Miss Lui索性改變了評選規側，先由評審團進行簡單面試淘汰選出十五人，然後入選的再各自和李乘風飾演一段對手戲，整個過程會是公開並讓學生現場觀賞，再以一人一票形式選出女主角，務求讓更多學生參與其中，同時亦讓所有參賽者得到寶貴的表演經驗。

選角當日，整個禮堂都坐滿了人，不過讓Miss Lui有點意外的，是除了佷多來看李乘風的女學生外，竟同時間還來了很多男學生。不過細想下又突然覺得理所當然，因為除了中六學生無法參與，差不多屬於每級各個最出眾的”女神”都有份在今天演出，自然亦會吸引到他們各自的小fans來到捧場。

不過除了本校生，觀眾席上亦坐上了一個不屬於這學校的女孩子，而破例讓她參與其中是因為她可能是世界上最了解李乘風的人，所以Miss Lui也想聽聽她的意見看看誰和李乘風能最有火花。

「欣欣，我係Miss Lui呀，你乖乖地坐係我後面留心觀賞，我之後再同你傾計呀。」

和李乘風相處了那麼久，Miss Lui自然知道欣欣的存在，上次和李乘風閒聊中他提及欣欣知道後也想來觀賞，Miss Lui覺得欣欣也許能提供一些獨特意見所以便同意了。

「唔該Miss Lui…」欣欣明顯有些膽怯，但同時間第一次見這樣墟冚的場面又有些興奮。

很快，試演正式開始，這次Miss Lui選擇了故事第一部後期的一幕”我可能不會愛你” 中 Elven和Rachel在半山欣賞夜境的一段對話作為試戲的劇本。她很想看看誰最能做到Rachel那時那種既幸福又矛盾的感覺，還有和Elven一起能不能給人一種舒服和諧但又合襯的感覺。

-----------------------------------------------------------------------------------------

故事一開始Elven和Rachel正一起俯瞰整個沙田和城門河的夜景。

「近排你有無睇”我可能不會愛你”? 好好睇喎!」Rachel突然問道。

「有呀，大仁哥同又青姐嘛~」Elven當然有看，因為活脫脫他就是李大仁的翻版，只是他沒有李大仁般幸運最後奪得美人歸罷了。

Rachel : 「係呀，好好睇，沒有驚天動地，只有細水長流。」

Elven : 「我都覺得幾好睇，不過佢地推翻左一樣野喎…」

Rachel : 「咩?」

Elven : 「就係男同女之間唔會有純友情囉。」

陷入了短暫的沉默， 「咁你覺得呢?」Rachel 問道。

「你相信男女間係可以?」Elven不敢回答，把波拋回給Rachel。

想了一會，Rachel答道:「或者咁講，我係一定要選擇去相信，唔係我點同你咁friend 呢? 可能之後到我地死果刻就可以証明男女間係可以呢~你睇我地friend左咁多年都無事呀!」

「但你唔好忘記程又青係一直都唔知大仁哥鍾意自己架喎，對我咁有信心我唔係大仁哥?」猶豫了一會，Elven還是大膽問道。

「哈哈哈，你就想做大仁哥，你邊有佢咁靚仔呀~」Rachel沒有正面回答。

「車，講到你就有程又青咁靚女咁~」Elven亦因害怕而沒有再在這話題上糾纏。

「所以我地都唔會係李大仁同程又青囉~ 抖夠未呀? 抖夠就跑返落去啦，今次我唔讓你喇~」說完Rachel便直接起動跑走了。

Elven:「今次我讓你5分鐘又點話呢~」

(唔係李大仁同程又青係暗示我地唔會好似佢地咁嘅結局? 定係…佢唔會係程又青?)


佷快Elven亦開始起步，誰知沒多久便看見Rachel在路邊停了下來。

Elven: 「做咩呀你，無事嘛?」

「你有無紙巾呀…」見到Elven Rachel望著鞋底一臉尷尬。

聰明的Elven一望便知甚麼事，立刻從褲袋拿出紙巾並抬起了Rachel的腳幫她清理。

「我自己黎得啦…」扶著Elven以保持平衡，Rachel有點不好意思。

Elven: 「傻啦，衣D污漕野女仔唔好掂等男仔黎啦。牛屎都比你踩中，明天記住買六合彩喎!」

望著Elven一臉溫柔幫自己清理鞋底，Rachel想起以前她也曾在郊外踩中過獎，不過那時她的男朋友只是在旁邊瘋狂地傻笑了很久才給了她一張紙巾自行清理。

Elven: 「攪掂喇，乾淨返晒! 以後小心D喇知唔知呀?」

Rachel : 「唔該晒~」

(其實無論你咪李大仁都好，程又青都必定已經係最幸福…)望著Elven， Rachel心裏默默在想。

------------------------------------------------------------------------------------------

短短數分鐘的戲卻能表達很多情感，那種友情以上戀人未滿的感覺，知道但不能接受Elven的矛盾…

到這裏先簡單介紹一下有份角逐女主角的數位人選，除了Miss Lui之前有留意過的鄧思思、周紫盈、陳穎恩、李佳宜四位同班同學外，還有幾位來自其他級別的黃穎君、何芷晴、朱麗珊等也是十分漂亮的女學生，每個都努力施展混身解數。

終於，每位參賽者都演出完畢，也難為了李乘風同一段戲要重覆做了15次仍能保持可接受的水準。

「欣欣有無覺得邊個女仔做得最好?」Miss Lui自己其實心裏有數，不過還是想詢問下欣欣的感覺。

「大家都做得好好呀~ 不過我覺得佢地都犯左個錯誤，就係乘風哥哥幫佢地抹鞋底果陣，個個都好怕醜面都紅晒… 但故事入面Rachel應該係諗緊佢男朋友嘅往事而唔係怕醜成咁… 不過都唔怪得佢地嘅，係乘風哥哥魅力太強~ 如果真係要揀個最好，我會揀紫盈姐姐…」欣欣想了想後答道。

Miss Lui:「點解?」

「衣段故事入面，其實Elven同Rachel已經係熟到無得再熟嘅好朋友，但頭先佢地個個都好似有D生硬做唔到果種”友情以上，戀人未滿”嘅感覺，反而變左好似Rachel暗戀Elven咁… 或者因為紫盈姐姐本身同乘風哥哥都比較熟，所以相對上無咁生硬，好朋友果種感覺都比較接近… 有幾位參賽者其實都似同乘風哥哥係熟D，但外型上又無同乘風哥哥咁夾…」欣欣侃侃而談。

「欣欣觀察力真係好強喎~ Miss Lui嘅感覺其實同你都一樣呢!」Miss Lui笑著對欣欣說。

(另外幾位同班同學其實都無咁生硬，但始終無周紫盈同佢咁自然。 或者由揀左李乘風做男主角開始，衣個比試都已經有小小唔公平…)

Miss Lui心目中，Rachel應該會由周紫盈擔演，而Ada則由另一學生李佳宜擔任，因為她和李乘風也沒那麼生疏，外形又不錯，而且有點壞女孩感覺也像去過外國讀書。不過由於是全民投票，所以決定權並不在Miss Lui而是所有有票的選民手上。

幸好觀眾眼睛大部份也雪亮，最後周紫盈順利技壓群雄當選女主角，至於Ada的角色則由第二多票高李乘風一級的黃穎君擔任。始終大部份學生都有bias 偏向選回自己認識的同級同學，周紫盈已經拿了中四年級大部份學生選票，Miss Lui第二看好的李佳宜自然難與中五級另一公認女神黃穎君鬥。

公佈結果一刻，周紫盈高興得當眾落淚，黃穎君雖然有心裏有點不甘，但也大方接受，李佳宜則由評審決定委派了Susan一角。至於其他參賽者，雖然落敗有點失望，但至少曾經近距離和李乘風演過對手戲她們都已經滿足了。

「乘風，多謝你頭先幫我入戲呀~我會比心機演好衣個角色架!」完結後周紫盈主動走到李乘風旁說道。

「恭喜你呀~ 我地之後要一齊努力喇，多多指教~」李乘風回應道。

「我都好期待乘風哥哥同紫盈姐姐嘅表演! 到時一定要留飛比我呀!」這時欣欣都走到李乘風旁邊說。

「無問題~ 乘風哥哥到時點都會留個頭位比欣欣~」李乘風摵了一摵欣欣的臉寵愛地說道。

選角的工程完美落幕，而因為這女主角爭奪戰成為校中熱話，很多學生也因而受到刺激主動參與到幕後的工作，整個工作人員召募過程超額完成，當然這一切都要歸功於擁有精明策略頭腦的呂家寶老師。

15. 偽拍拖

因為時間緊逼，整個暑假Miss Lui都忙過不停，劇本，音樂，服裝，場景，道具等，雖然各交由不同老師負責，但Miss Lui是總負責人所以樣樣事項也要參與其中。幸好花了整個暑假的努力，所有事項都漸漸上了軌道。

由於原著故事太長，所以整個劇本修改到只包含其中第一部的劇情，當中會有10首歌配合故事中不同的情節。當每章劇本寫好的時候Miss Lui都會立即交給幾位主角讓他們有空時自己先排練一下，然後每星期又會有兩日專精練歌。

日子一日一日過去，所有事情都進行得如火如如荼，轉眼間踏入十一月中，距離開show只剩下一個月的時間。

「停! 周紫盈，我知李乘風好靚仔你好欣賞佢，不過故事入面Rachel大部份時間都只係當佢係好朋友，你唔好成日露出一副迷戀佢嘅樣子先得架… 李乘風你都係! 你應該好鍾意Rachel先係，但你個眼神完全睇唔出，淨係當佢好似係普通朋友咁! 唉，你地如果可以調轉角色就岩晒喇… 今日係咁先啦，你地返去再好好揣摩下個角色!」

經過多次排練Miss Lui還是不滿意男女主角的入戲程度，這亦讓李乘風和周紫盈有點灰心。

「點算好呀，Miss Lui好似好不滿我地表現咁…」離開學校時，周紫盈對李乘風說。

「做戲真係好難呀! 點先可以令自己入戲多d呢? Miss Lui話我唔似鍾意你… 」李乘風亦難得show frustrate。

「乘風，你係咪好想做好衣套音樂劇? 」想了想，周紫盈突然停下了腳步問了個問題。

「咁梗係想啦!」李乘風亦停步回身答周紫盈。

「咁…不如衣段時間我地試下扮拍拖? 話唔定咁你可能慢慢會投入到鍾意我呢?」下定了決心，周紫盈大膽提出了建議。

「下? 衣D野有得扮架咩? 同埋咁你好蝕底對你好唔公平架….」李乘風被周紫盈的提議嚇了一跳。

「但我地得返一個月，你仲有無其他辦法?」周紫盈又再問。

李乘風: 「咁暫時又真係無…」

「試下好過乜都唔試呀…而且我都唔介意…」周紫盈帶點害羞說道。

「咁…你唔介意都可以試下嘅…」李乘風被說動。

「由衣一刻起，你就係我男朋友，我會令你鍾意我~」周紫盈走近李乘風甜甜一笑說。

「咁但係你果part呢? 你點拿捏Rachel對Elven嘅態度? 扮你男朋友會唔會反而弄巧反拙呀?」李乘風又提出另一個擔憂。

「咁我又未諗到… 諗住問題解決一個得一個先嘛。或者你試下間中做d好乞我憎嘅野?」比起可以做李乘風的偽女朋友，明顯地周紫盈沒那麼著緊自己的表現。

李乘風:「例如?」

「唔知呀…間中撩下鼻屎? 哈哈，我地逐樣逐樣解決問題先啦… 有D野急都急唔黎~」做了李乘風的臨時女朋友周紫盈確實完全不急了。


就這樣，二人除了男女主角，突然又多了一層偽男女朋友的關係。周紫盈對這新角色很投入，但李乘風卻明顯入不了戲，直至有晚Miss Lui知道了他們的小把戲後便給了他一點建議。

「下? 扮拍拖? 咁都比佢諗到? 衣個周紫盈… 動機不純啊~」Miss Lui聽完李乘風對自己交待後笑著說。

「動機不純?」李乘風不明白。

「遲鈍... Anyway，其實你要同佢投入唔難呀，將佢當成係你鍾意果個人你自然識點做架喇…」不再糾纏這問題Miss Lui給了李乘風一個意見。

(自己鍾意嘅人? 即係當佢係Miss Lui就得?)李乘風心想。

得到提點的李乘風之後努力把周紫盈幻想成是Miss Lui，果然立即便能入戲，他們不時會傾電話，行街睇戲，甚至拖過幾次手，慢慢他開始能完美演繹出Elven喜歡Rachel的感覺。但不幸地，周紫盈的表現卻變得越來越不堪入目，對著李乘風永遠只能展露出濃濃的愛意。

距離表演開場只剩下最後一個多星期，這天所有台前幕後進行了一次總綵排。一開始Miss Lui已經不滿周紫盈完全扮演不到Rachel對Elven那種只是好朋友的感覺，但因為是總綵排便讓她繼續演下去，這違和感直至故事中後段時光倒流發生後才慢慢消失。

這時已經到到故事尾聲，Elven在東壩深情表白後，Rachel正想拒絕，誰知一頭野牛突然出現衝向他們，Elven立即把Rachel拉向自己閃避然後再用身體擋在她面企圖保護她，幸好野牛一擊不中便逃走了。這時Elven把Rachel從懷內拉回出來，看見她一臉驚嚇的樣子便忍不住吻了下去。當然由於是學校表演，接吻戲是不能出街所以只能借位演出，還要借得十分明顯以免惹人誤會。但這二人不知是太投入還是近來真的日久生情，這時竟然情不自禁真的在台上接吻了，立即引來全場一片叫囂聲 (當然還有部份是二人各自fans的責罵聲)，被這些聲音驚醒二人才意識到自己的忘情演出立即尷尬分開了。當Miss Lui看見這一幕心裏竟突然一痛。

「停! 攪咩呀你地? 知唔知你地代表緊學校? 台上做D咁嘅野係咪想全部人同你陪葬? 知唔知為左衣套Musical大家花左幾多心機同時間? 周紫盈，講過幾多次一開始Rachel對Elven只係好朋友? 你由頭到尾對住佢都係嘴角含春咁想點? 越做越差係咪以為我唔敢換角? 信唔信我立即換走你?」Miss Lui連珠炮發咆哮了一輪後把劇本扔在地上然後轉身便怒氣沖沖離開了現場。

「嘩，我未見過Miss Lui咁嬲架…」
「比你都嬲啦… 表演果陣如果真係咁錫左， D家長仲唔發晒顛? 學校都唔知點交待…」
「個周紫盈真係越做越差… 完全做唔到Rachel果種神粹…」
「係啦! 仲要無啦啦錫左李乘風… 離晒譜!發姣發到咁...」
「咩呀，明明係李乘風格硬錫左周紫盈喎!」
「明明就係周紫盈錫李乘風!」

Miss Lui離場後周圍開始竊竊私語，甚至引發輕微罵戰。

「好喇，今日先到此為止，大家執好D野就走，我地明天繼續。」另一位老師見這情況便出來收拾殘局打圓場。

大家執拾完走得七七八八，但周紫盈腦海還是空蕩蕩躲在一間房間裏痛哭。和李乘風接吻本來是一件開心的事，但錯在那時機實在讓大家太難堪，而且Miss Lui的責罵亦讓周紫盈感到十分難受和害怕。

「唔好喊早D返去休息啦…」找到周紫盈李乘風嘗試安慰道。

「對唔住呀李乘風… 最衰都係我! 戲又做唔好，又諗埋D屎橋…」看見李乘風周紫盈就像找到主心骨立刻衝前抱著他說道。

「又唔好咁講，我都有責任… 而且你個方法真係令我搵到感覺做好個角色… 只係反而累左你更加投入唔到…」李乘風輕輕拍著周紫盈背部安慰她。

由於之前二人都一直投入扮拍拖，所以沒人的時候一些普通的自然身體接觸二人都沒特別在意。

「咁點算好… Miss Lui頭先直程話要換角… 我好驚呀…」周紫盈繼續抱著李乘風一邊哭一邊說。

李乘風:「我會搵Miss Lui傾下… 不過我地扮情侶衣個做法都要到此為止啦，反正我已經搵到感覺，再扮落去扮出事就真係大鑊架喇…」

「我明白…」雖然早知這角色扮演會有完結的一日，但要發生時周紫盈還是萬分不捨，只是她知自己並沒有其他選擇。

李乘風:「好啦，我送你去搭車先，唔好諗咁多早D訓，明天先一齊再努力!」

「好…」


送完周紫盈後，李乘風並沒有回家而是去到Miss Lui屋企。

“叮噹”

「你黎做咩呀?」打開門看見李乘風，Miss Lui仍語氣不善。

「Miss Lui你唔好嬲啦… 我地知錯喇…」李乘風一副死狗樣道歉。

Miss Lui:「咁你地錯在D咩?」

李乘風:「唔應該咁多人面前錫…」

Miss Lui:「即係無人就可以錫?」

「唔係…點都唔應該錫….」李乘風知講錯野立即修正。

「點解呀? 幾好呀，戲假情真玩出真感情喇…」Miss Lui的語氣帶著濃濃的酸意。

「唔係呀…果陣我都唔知點解會咁… 或者衣幾星期我真係一直幻想左佢係我鍾意嘅人，所以有D精神錯亂…」李乘風嘗試解釋。

「咁邊個係你鍾意嘅人?」Miss Lui突然略帶緊張追問。

「下?」李乘風有點不相信自己耳朵Miss Lui會這樣直接問。

「問你邊個係你鍾意嘅人呀…」Miss Lui不耐煩再說了一次。

「我講左你可唔可以應承我唔好嬲?」李乘風要為自己包定底。

Miss Lui:「你唔再講我就真係嬲喇!」

「我鍾意嘅人，一直都只有Miss Lui你…」李乘風再一次深情告白。

「咪同你講左唔可以鍾意我囉!」Miss Lui表面上惡，但聽到李乘風的答案時心入面卻有點開心和甜絲絲的感覺，臉色亦好回不少。

「咁我真係控制唔到自己嘛…」李乘風委屈地道。

Miss Lui:「所以你衣幾星期都將佢幻想成係我?」

李乘風:「係呀，你唔記得上次係你教我將佢當成係自己鍾意果個人?」

Miss Lui:「頭先錫果陣都係?」

李乘風:「係呀…」

「明白喇…你返去早D訓啦」Miss Lui突然變得很平靜地說道。

「咁你係咪唔再嬲喇?」李乘風帶點害怕追問。

「1. 唔好再同周紫盈玩扮拍拖遊戲喇，咁只會令佢越做越差。
2. 同佢講，只要佢開頭將你當成係郭東城，佢自然知應該點對你架喇。

3. 至於你… 以後淨係係表演果陣先可以將周紫盈當成係我，明唔明? 唔明就再自己諗下啦…
4. 早抖，明天見喇」

說完Miss Lui便直接關了門。

關門後，Miss Lui頹然坐到tatami上。她知道自己剛剛在綵排時那樣失態發那麼大脾氣，最大原因並不是因為學生在台上接吻，也不是因為周紫盈演得差，而是因為看見李乘風和周紫盈接吻了。

(果陣點解個心會咁唔舒服?唔通我真係鍾意左佢? 我到底應該點做好…)

多謝意見
不過成個Musical衣幾話會係故事一個幾重要嘅轉捩點
希望黎緊衣幾話會帶到個高潮位比大家

推

16. 開Show!

回到家後，李乘風把Miss Lui的話轉成message send了給周紫盈。

「所以唔駛驚呀，Miss Lui應該唔會真係換角，你試下跟下佢個提議去做啦。」

郭東城是田徑隊裏的一個學長，一直喜歡周紫盈，經常對她噓寒問暖，而由於周紫盈早已心有所屬，所以自然只把他當成是一個普通的師兄。

第二天一開始的普通綵排，李乘風被安排帶上了一個面具， 以協助周紫盈更易地把李乘風幻想是郭東城，而試了幾次後，周紫盈真的開始慢慢掌握了那種感覺，越演越好。到到最後，不用面具她都能完美演繹出Rachel對Elven的感覺。

因為售票反應相當熱烈，這Musical會在12月24,25,26三晚連續演出。終於來到表演首日。

看見整個葵涌劇場坐無虛席，全個後台都彌漫既緊張又興奮的氣氛。

「大家唔駛緊張，我地努力左大半年，排練過咁多次，唔會有問題嘅! 記住比D信心自己，好好享受今晚屬於大家嘅舞台! 最緊要Enjoy~ 有份演出嘅演員要去廁所好去定喇~」最後集合，Miss Lui鼓勵著所有台前慕後人員。

「李乘風，周紫盈，衣個星期你地進步左好多呀，唔駛驚，Good show!」接著她又專登走到李乘風和周紫盈處舒緩他們緊張的情緒。

「半年前突然一個idea，估唔到轉眼間就到到實現嘅時刻...」周紫盈襯未開始前去了洗手間，李乘風便走到Miss Lui旁和她說。

「係呀，全靠你咋，記住你應承過個作者D咩，唔好令佢失望呀~」Miss Lui略帶懷緬道。

李乘風:「我會! 不過Miss Lui，你都唔好唔記得你應承過我d咩喎~」

「我記得呀… 你唔好諗埋D無謂野專心做好個表演先啦!」Miss Lui說完大力拍了李乘風個頭一下。

音樂劇正式開始，先出場的自然是故事中的Elven和Ada。

當Elven被Ada拋棄陷入了絕望，但卻仍每天都盼望著可以和Ada復合。李乘風開始緩緩唱出

(原曲: 五月天 突然好想你)

曾經 跟你走這樣近
何以 最後卻沒法保留
愛後陌生 緣份終點早走近 要安份
卻難死心 天天失眠自困

回憶總是歡笑共對
無悔與你約誓愛相隨
往後人生 沒有歡欣只有憾 不追問
我仍感恩 可跟你曾共襯

緣份已走遠 我深情不變
還是會甘心去等
無論再怎遠 怎能把這愛斬斷
藏在最深深那處


然後Elven遇上了Rachel和她發生了很多經歷，成為了無所不談的好朋友。直到某一天，他發現自己原來已經深深喜歡上她

(原曲: Boyzone No Matter What)

你天真加點任性
你溫馨的心靈
從沒有這麼甜蜜
望你跟我和應

問怎麼跟你遇見
為我心添溫暖
求上天加點緣份
願你這生屬我

我盼與你永不告別
同分享苦與樂
無奈你已跟他承諾
願某天跟我相愛


因一次意外，Rachel知道了Elven對自己的心意，無奈只能放棄這段友誼，自此二人形同陌路。這次到周紫盈開始獻唱

(原曲: 古天樂 男朋友)

為著舊愛 你在痛嗎
我再不敢多講錯話
令你同情 徒然添上牽掛

寂寞令你 錯誤愛嗎
這情感真應該放下
尤其是我 這樣愛他

曾共你天天歡笑
二人默契 不甘心放下
無奈我已有男朋友 別問我會否
原諒我今生今世
沒能共你牽牽手
你妄想的不會有
今生不會走 我默言內疚

Elven痛苦地渡過滿載思念和後悔的六年，然後有天他看見Rachel結婚了。

(原曲: 洪卓立 彌敦道)

今天你披著嫁衣 長裙白雪迎醉豔
望著你幸福的身影 緣今天已化煙

心中痛苦別掛牽 遺憾長伴我怎可 撇掉點
我要死心 遍尋咒印 欠命中指引
曾共你快樂天天見 願有天再可傾 多數天
然後那怕再告別 但求別揭穿

祝福兩字留在心頭 為你今天這景致獨我哀愁
沒法改寫這結局如何佔有 往事再多也絕望帶不走
失戀兩字 寧願保留 讓我傷心多千遍 愛你仍舊
愛今天完了 我偏想自私 妄想跟你沒完了

痛不欲生的Elven走上了自毀的道路，但卻因機緣巧合下，時光倒流回到了過去，並有機會修補錯誤，最後終於能和Rachel開花結果。他們既是好朋友，亦是好情人，就像程又青和李大仁一樣。

(原曲: 五月天 戀愛ING)

共你曾經 傾到夜深 愛未能送贈
共你餘生 再不要等 愛跟你同行
讓我重生 再做自己 愛讓能靠近
然後終於發生 l-o-v-e l-o-v-e l-o-v-e

跟知心好友 亦能夠愛戀
共你滿歡笑 同處 更是能溫暖
真心跟好友 情人 去愛戀
共你永相處 同愛 再難都甘願斬不斷

隨著二人合唱唱完了最後一句，整個劇院掌聲雷動，充滿了歡呼的聲音。李乘風拖著周紫盈並和一眾台前幕後的同學重新走到台前90度鞠躬感謝所有觀眾的支持。聽著台下連綿不斷的掌聲，所有人都萬分激動，因為這代表著他們半年來的付出和努力得到了充分的肯定和讚賞，所有背後的辛酸，這刻突然都變得微不足道。


「大家今日做得好好呀，頭先嘅掌聲同歡呼聲全部都係你地應得架! 不過唔好鬆懈，黎緊仲有兩場，執拾完大家就早D返去休息啦。」回到後台，Miss Lui照舊作出鼓勵和發號司令。

也實在有點疲累，離開劇院後，李乘風看見欣欣一家正在門口等他，欣欣一見到李乘風便立即衝前撓著李乘風的手說道:

「乘風哥哥今日好型呀!唱歌又好聽，爹哋媽咪都讚不絕口!」

「多謝欣欣黎捧場~ 陳生陳太你地好，多謝你地專程黎睇呀。」走近陳生陳太李乘風便打招呼說道。

「唔好客氣，我地都睇得好開心，你地真係好犀利呀，早知我都叫欣欣考你地間學校啦...」陳太說道。

「果陣我一早話架要讀乘風哥哥間學校架啦!係你地唔比咋嘛!」欣欣一聽便立即生氣發脾氣。

「咁欣欣衣家間學校都好好呀，又係英中，第日著數好多架~」李乘風見狀便立即幫陳太解釋。

「哼!」欣欣繼續抗議。

「好啦，都夜喇，我地知你明天仲要表演所以諗住等埋你搭的士等你可以早D返屋企休息咋。」陳生這時打圓場。

「好呀，真係麻煩晒你地喇...」李乘風由衷多謝。




(作者: 純粹貪玩因應劇情試下自己改下歌詞，不喜勿插~)

17. 藉著演戲說愛你

三場表演轉眼就完結，整個musical的回響獲得空前的成功，讓校方都在考慮要不要把這活動恆常化每年或是每兩年也攪一次。就連在連登，都有很多人因為故事去捧場，大家都讚不絕口。

隨著最後一日的完美落幕，大家都依依不捨有點失落，付出了半年的心力，轉眼去到尾聲，大家都覺得有點像發了一場夢，不捨得離開後台。

「好喇，我知大家都唔捨得，不過好夜劇院都要關門喇，黎緊我地會攪場慶功宴到時我地再聚啦~」Miss Lui面對工作人員的催促說道。

這刻望著Miss Lui，李乘風很感激她當天逼他參選了男主角的選拔，讓他得到了前所未有的體驗。

「乘風，辛苦你喇，終於完美落幕，多謝你衣半年嘅陪伴! 好開心可以同你合作做男女主角呀~」當大家都在離開場地，周紫盈把握機會走到李乘風旁和他說道。

「我都好多謝你陪左我衣半年帶左咁多回億比我呀，辛苦晒~」李乘風笑著回應。

「不如我地兩個去搵個地方食糖水當慶祝下?」周紫盈問。

「嗯...唔好喇，我有d累，下次先啦~」李乘風想了想後回答。

「咁好啦... 遲D見~」說完周紫盈略帶失望便離開了。


不過李乘風之後卻沒有回家，而是去到Miss Lui屋企門口，可是按鈴後卻沒有人回應。

(可能仲未返到?) 於是他便直接坐在Miss Lui屋企門前。

過了二十分鐘左右，Miss Lui終於回來。

「咦，咁夜你係度做咩?」看見李乘風坐在自己家前Miss Lui有點驚訝。

「我黎兌現我個願望架~」李乘風笑笑口說。

「駛唔駛咁心急?」Miss Lui沒好戲說道。

「驚你反口嘛~」其實李乘風只是找藉口想見Miss Lui。

「咁信我唔過呀? 入黎先講啦...」說完便開門和李乘風一起進到屋內。

「點呀，有咩願望咁急呀?」各自坐好後Miss Lui問道。

「我個願望好簡單，希望襯我仲有感覺，想同Miss Lui你飾演一次Elven同埋Rachel。」做戲做全套，李乘風當然有準備望著Miss Lui緩緩說道。

「就係咁簡單?」Miss Lui有點吃驚。

李乘風:「就係咁簡單，我之前都同你講過淨係希望扮演Rachel果個係你啦...」

Miss Lui:「咁好啦...你想做邊段?」

李乘風:「咁梗係結局果段啦~」

由於二人對劇本都熟到透，所以很自然便能入戲。二人在東壩章節開始你一句我一句說著對白，不過當Elven預備了蠟燭叫Rachel打開眼預備表白時，李乘風卻突然擅自改了對白。

「Miss Lui，好多謝你衣一年為我所做嘅一切，係我媽媽過身後，你將我從孤獨解救左出黎，之後雖然我做左D好過份嘅野傷害左你，但你都肯原諒我仲一直繼續陪住我，到到我之後受傷，你又不辭勞苦咁照顧我，亦因為咁，我知道左你傷心嘅過去... 然後衣半年，因為你嘅鼓勵，我參與左衣個musical仲做埋男主角得到一段好寶貴嘅經歷... 我心入面對你真係有無限嘅感激...

其實自從知道左果晚自己做過d咩後，我就再唔可以用老師嘅角度去睇你，然後我發現你係一個好善良嘅人，對所有人都好好，又爽朗直率，同你相處真係好簡單好舒服， 我知自己越黎越鍾意你...但當然我都明白以我地嘅關係，我根本無可能高攀得起你。不過當我知道左阿威嘅事，我突然覺得我地之間係有種緣份連繫，當我孤單無助嘅時候，你出現救左我，而我又恰恰同阿威有D相似可以填補你內心嘅空洞...或者同一時間係上天都希望你救我嘅同時我亦要救返你出黎，好似K同Cream咁我地係要互相倚靠? 聽落好虛無縹緲，其實我亦唔care係真定假，我淨係知我真係好鍾意你，好想同你一齊，可以好好愛惜你撫平你所有嘅傷口，然後開心幸福咁生活... 所以藉今日嘅機會，我真係好想同你講Miss Lui，我愛你!」

聽完李乘風突然改了劇本的老土深情告白，Miss Lui亦像Rachel那樣有點反應不過來，不過沒等她整理好思緒，亦不用野牛的出現，她發現李乘風已經吻上了自己。

也許是真的被感動，也許是因為Musical順利完結心情得到放鬆，也許自己早已對李乘風產生了感情，這刻Miss Lui甚麼也不想去諗，只是想率性而為，好好放縱自己的感情，不用再活得那樣累。她主動抱緊李乘風，然後積極回應著李乘風的吻。

過了不知多久，唇分。滿臉通紅的Miss Lui不好意思望向李乘風，然後把頭放在他肩膊上望著大門說道

「夜喇，你快D返去啦，唔係無車走架喇... 衣一個吻，就當係Missie比你嘅獎勵啦...」Miss Lui嘗試合理化自己剛剛的行為。

「但我今晚唔想走...」李乘風猶豫了一會說道。

「唔得!今晚 一定要走!」Miss Lui突然很激動從李乘風懷抱走了出來望著他說道。

「點解?我又唔係未係度訓過...」李乘風不明白。

「今晚唔同! 我知如果你今晚留係度，就一切都返唔到轉頭...」Miss Lui迴避了李乘風的眼神緩緩說道。

「我就係唔要返轉頭...」說完李乘風再度抱緊Miss Lui然後吻上她的耳珠和臉龐。

Miss Lui想推開李乘風，但她發覺對方的擁抱和溫度令自己混身乏力，身體完全用不出力推開對方。

「求下你唔好...」她只能用嘴巴盡最後努力哀求道。

誰知很快便被李乘風的嘴唇封上。李乘風知道若錯失今晚的機會確立雙方關係，下次不知要等到何年可月才能再有像今晚這樣完美的契機。

「有D野要黎嘅點都要黎，避唔到架... 無人知將來會發生咩事，如其痛苦掙扎點解唔把握時間珍惜當下? 」知Miss Lui已失去反抗的勇氣，說完李乘風便把Miss Lui攔腰抱起並向她的房間進發。

李乘風最後的說話，讓Miss Lui突然想起阿威臨過世前曾經說過後悔自己沒早點接受自己，到最後先發覺二人一起的時間原來只有咁短暫，便也認命般任由李乘風把自己帶回房中。