因為我個仆街老豆 我被下了一個賓周會變短的詛咒

621 回覆
142 Like 37 Dislike
2021-04-04 17:56:05
個心好痛仲要唔止被個仆街搞一獲
2021-04-04 19:28:24
其實要寫被人爆大獲可以寫周紫盈發現左
然後要乘風周miss 分手 咁又可以 觸發到個詛咒
又夠sad
而家寫miss 被個人渣搞真係接受唔撚到
2021-04-04 21:21:40
多謝你支持
2021-04-04 21:25:27
唔同架
果種痛唔同
同埋周紫盈性格唔會做衣d野

至於係咪真係要去到衣步的確係有商榷餘地...不過睇落去應該會明白多少少

但我最後一定會比返個交待Miss Lui
雖然遺憾已經做成..
2021-04-04 21:27:27
今日再入黎問候你老母呀作者
屌你老母搞鳩家寶
2021-04-04 21:27:43
屌你老母作者
2021-04-04 21:27:58
屌你老母作者
2021-04-04 21:28:12
屌你老母作者
2021-04-05 09:46:32
屌你啦作者
2021-04-05 11:29:55
尊重作者
2021-04-05 13:04:02
屌我嘅讀者,無論點我都要多謝你地投入衣個故事,真心鍾意家寶衣個角色,所以反差先會咁大。

支持我嘅讀者,多謝你地包容同繼續支持。

關於衣part劇情我唔再評論喇,始終已經發生左,黎緊會專心寫落去,希望之後嘅劇情可以令大家繼續投入。
2021-04-05 13:04:52
28. 決定

「點解Miss Lui會係房走出黎?」李乘風想Daisy能給他答案。

「我地一齊出去問下佢啦...」說完Daisy便捉著李乘風出了去。

「呂家寶!」Daisy略帶憤怒叫道。

「Daisy? 乘風?」Miss Lui看見二人大吃一驚。

「點解你會係度? 你同David係入面做咩?」Daisy 上前質問。

「我... 我...」Miss Lui說不出半個字。

「衣個幾月見你突然唔同晒我地都覺得怪... 有日我無意發現你竟然食緊事後丸,但同時間李乘風同我講你衣個幾月都唔比佢掂你... 心血來潮,我今日見你咁夜仲出去就偷偷地跟住你,點知比我發現我最好嘅朋友竟然搭上我男朋友...」

「Miss Lui,佢講嘅都係真嘅?」第一次聽到事情的始末,李乘風腦袋已經不能運作。

「唔係架...件事唔係你地諗咁架...」Miss Lui焦急地想解釋。

「咁係點?」Daisy 問

「係...係...」但Miss Lui 卻講不出半個字。

「你講啦,只要你講我就信架喇...」李乘風懇求Miss Lui解釋,只要她講他就信。

「我...」可惜事情的原因Miss Lui根本講不出口。她知道講了一切都會前功盡廢,她和李乘風的人生都會面對可能承受不了的衝擊。

「呂家寶,我地恩斷義絕...」Daisy見Miss Lui始終沒有解釋,失去了耐性徹底死心,轉身離開。

「Daisy!」Miss Lui呼喊。

「Miss Lui...點解...點解你要咁對我...」李乘風仍不能接受現實,企在原地。

「乘風...你要信我...」Miss Lui哀求。

「走啦,仲留係度做咩...」見李乘風仍呆在原地,Daisy回頭把李乘風捉走了。

「點解... 到底我做錯左d咩個天要咁對我...」望著越走越遠的二人,Miss Lui再也支持不住跪在地上痛哭起來。她知道她的願境,一直支撐她捱下去的動力,再不可能實現…

的士上,Daisy和李乘風心情都十分沉重,誰也沒再出聲。

「我估大家都需要d時間冷靜下消化件事,我送你返屋企先,有咩之後再傾啦...」還是Daisy首先出聲。

「好...」

到到李乘風家,李乘風落車時,突然又轉頭問

「Daisy,你覺得Miss Lui真係會咁?」

「我唔想信,但暫時見到嘅事實似乎唔到我地唔信,我都要好好思考下黎緊應該點做...」

除了Miss Lui,Daisy還要思考David的問題。


接著Daisy回到智能櫃拿回行李然後打算回家執些少日用物品和衣服便再找地方暫住,不過就在她執拾好預備離開家的時候,Miss Lui亦回來了。

「Daisy,你聽我解釋…」一打開門看見Daisy,Miss Lui立即把她捉住。

「仲有咩好解釋?」

「件事真係唔係你諗咁… 頭先乘風係度我唔方便講,但如果係你我相信你夠成熟同冷靜同我一齊諗辦法解決… 我真係好需要你嘅支持…」害怕Daisy不聽解釋便離開,Miss Lui很快說道。

「你講…」見Miss Lui似乎真有難言之癮,Daisy再給了她一次機會。

於是Miss Lui便把鄭子誠如何逼迫自己陪他的事告訴了Daisy。

「我真係唔係有心暪你,但我好驚比鄭子誠知道佢真係會張D片放上網… 我唔知點算好…你原諒我啦…」說完Miss Lui便哭求Daisy的原諒。

「你個傻婆! 發生咁大件事做咩自己揹晒唔同我講! 係我對你唔住害左你… 我真係無諗過帶佢返黎佢會做D咁嘅野… 我先要講對唔住… 係我毀左你嘅幸福…」Daisy聽完真相後受到很大的打擊,眼淚亦再止不住。她從沒想過自己的男朋友是如此一個衣冠禽獸,更沒想過因自己疏忽,讓自己的好朋友賠上了一生的幸福和屈辱,而自己剛剛還要錯怪了她對她惡言相向。內疚,傷痛衝斥著Daisy的心靈,她把Miss Lui緊緊擁抱在懷中。

一直孤軍作戰的Miss Lui這刻得到Daisy的體諒,再也忍不住在對方懷內失聲痛哭起來。

過了良久,Miss Lui哭聲漸止。

「咁你衣家諗住點?」Daisy擔心問道。

Miss Lui:「我其實仲可以點? 不過至少你知道左真相唔駛再繼續同個人渣一齊都算係好事… 對唔住,明知佢係PK我都一直無同你講…我驚你同佢分手後佢唔知會做D咩出黎…」

Daisy:「你唔好再講對唔住,係我對你唔住先真… 其實我有個諗法,因為佢未知我知道左,我亦未同佢講分手,或者我地可以利用下衣點… 如果順利,咁就可以一次過解決所有危機,你都唔駛驚再比佢威脅… 不過需要D時間,而且唔知成唔成功同要幾耐…」

「你想留係佢身邊睇下有無機會拎返D片?」Miss Lui立刻意會到Daisy的諗法。

「嗯… 佢唔會估到你夠膽講個真相我聽。如果我扮無野,然後暗中留意同調查,或者可以搵到D片再毀滅左佢! 」Daisy越說越有決心。

「但好危險喎…而且衣段時間你咪仲要忍受同佢一齊?」Miss Lui說出她的顧慮。

Daisy:「比起你一直受嘅苦,衣D忍受算得係D咩… 但係未成功之前,可能都係要繼續委屈你要同佢…」

「反正搏唔搏我都走唔甩,但搏反而仲有機會可以早日解脫…係會害埋你啫…」Miss Lui仍覺得不好意思。

「係我害成你咁,衣個責我一定要負,唔係我一世都唔會安樂…」不過Daisy主意已決。

「Daisy…」Miss Lui 感動。

「係姐妹就唔駛講咁多… 反而你諗住點同李乘風點?」Daisy又提出了另一問題。

「其實我岩岩返黎嘅時候都諗左好耐… 雖然係好唔得,但我估咁同佢分開暫時對大家可能都係最好嘅選擇… 事實上衣段時間我一直都唔知應該點面對佢… 」想了一想後Miss Lui答道。

Daisy:「你真係捨得就咁放棄佢? 」

Miss Lui:「唔捨得都要捨得… 衣個懲罰其實都係上天提醒我我真係做錯左… 或者就咁分開,等佢升左上大學如果大家仲係有緣嘅先再算啦…」

Daisy:「明白… 你諗住點同佢講?」

Miss Lui:「真相係一定唔可以比佢知… 或者乘機將錯就錯,就比佢當成我係有第二個啦…」

Daisy:「咁佢會好傷心…亦都好委屈你…」

Miss Lui:「傷心都只係一時,總比佢知道真相然後毀左人生好…」

Daisy:「希望佢捱得過啦…」

「我信佢一定得嘅,只係心痛佢又要變返自已孤苦一個人…」Miss Lui心痛地說。
2021-04-05 14:11:59
致作者
我屌鳩你係因為我好投入,同埋你真係寫得家寶太慘,太唔人道
如果最後鄭子誠得到既報應cover唔倒家寶受既傷
如果你輕易放過鄭子誠
我承諾我以後追擊你每一個post
2021-04-06 00:05:09
如果之後個賤男坐監希望會寫佢畀人雞姦 有咁仔細得咁仔細 有咁殘忍得咁殘忍
2021-04-06 00:55:01
棄故 再見
2021-04-06 02:43:36
上一秒先係欣欣面前公開完
再去完澳門玩
下一秒俾個咁嘅情節我
痴撚線....
廢事追落去心痛
一日追晒都要棄.....
2021-04-06 14:12:05
push
2021-04-06 15:21:05
29. 分手

這一晚,李乘風整晚輾轉反側,久不能眠,心裏實在有太多疑問得不多答案。這一刻他仍不能相信Miss Lui會和背著自己和另一男子在酒店開房,可是卻又控制不了會幻想Miss Lui在鄭子誠身下承歡,媚態盡現的畫面。

心痛的感覺讓他渴望這一切到是假的。但若果不是那回事,又可以有甚麼合理解釋?若是的話,那又是甚麼時候開始?自己這樣是不是代表和Miss Lui已經結束?這一切,他知道只有再見到Miss Lui才能有答案。

幸好Miss Lui是他班主任,所以他們必定會再相見。縱使整晚沒睡,但這刻李乘風雖然疲憊非常卻完全沒有睡意。班務堂終於看見Miss Lui,樣子還是帶點憔悴,明顯睡眠不足,李乘風很想立即衝到台上抱著Miss Lui問她到底發生了甚麼事,但他知他不能這樣做。好不容易捱到落堂,他立即離開班房追向Miss Lui並把她叫停。

「Miss Lui!」

Miss Lui停下腳步,拎轉身望向他,但卻沒有出聲。李乘風很多話想說,但到開口時,才發現不知該怎開口,然後一句話也說不出。

Miss Lui終於慢慢走向他,然後細細聲對他說

「我知你好多野想問,今晚放學後上黎我度食飯,我再解釋你聽…」說完Miss Lui便再次轉頭離開了。

懷著忐忑的心,李乘風放學後逛到差不多時間便來到了Miss Lui的家。

「黎左喇? 你坐陣,我就快煮好架喇。」打開門Miss Lui便說道。

明明這個本身屬於他們二人最漫暖的小天地,這刻李乘風坐在tatami上觀望卻突然有一種很陌生的感覺。

「攪掂喇,過黎食飯啦。」不久,Miss Lui的聲音從另一邊響起。

望著枱上精美的三餸一湯,當李乘風把一啖飯送進口裏後,眼淚卻不爭氣地從眼睛流了下來。

「好難食咩?做咩食到喊呀…」Miss Lui心裏一痛但又裝作沒事問道。

「我以後係咪無機會再食到你煮嘅野…?」李乘風邊哭邊問。

「你見到琴晚嘅事,以後仲肯食我煮嘅野?」Miss Lui帶點自嘲反問。

李乘風:「家寶,其實琴晚到底發生咩事…」

Miss Lui:「咩事?咪就係你見到嘅事囉…」

「你...同David真係係酒店開房…?」沉寂了一個李乘風艱難地問出。

「係…」經過一絲猶豫,Miss Lui最後還是答道。

「點解…」

Miss Lui:「因為… 我地見返後有返感覺,然後就一發不可收拾… 對唔住…」

得到Miss Lui自己親口確認,李乘風再不能自己想一大堆理由去欺騙自己,頓時心如刀割,心臟彷彿被斬了數十刀,然後完全被支解。

「但佢係你好朋友個男朋友… 」下意識李乘風想逃避找一些不牽涉自己的理由去說服Miss Lui,因為他害怕Miss Lui再給的答案是自己不能承受。

Miss Lui:「係我對佢唔住...不過愛情永遠都係自私,我會搵Daisy解釋…」

「咁我呢? 你有無諗過我? 點解你要咁對我…」無法再逃避,李乘風還是問出了自己最想問的問題。

Miss Lui:「正如剛剛所講,愛情係自私... 傷害左你對唔住...」

「其實... 係咪我有咩做得唔好? 我會改架,你比次機會我唔好同David一齊啦!」李乘風嘗試掙扎。

「你無唔好… 唯一唔好係我地根本唔應該一齊… 我大你10年,又係你老師,我地真係唔應該咁架… 而且我需要一個比我年紀大照顧我嘅人,而唔係年紀細我咁多要我調返轉去照顧嘅男仔…」頭一半是真心話,尾一半是Miss Lui隨意而說。

「但衣樣你一早知… 而且我都會長大,好快可以照顧你架…」李乘風還沒放棄。

「幾耐? 到你讀完大學畢業出黎做野,最快都仲要五年! 之前有幾個moment,我真係比你感動到,但到到一齊左我慢慢先發覺,我原來接受唔到… 乘風,你信我啦,我地現階段真係唔適合,等你將來大個你就會明白…」

「我唔明! 明明我地一直都好開心…」李乘風已哭得泣不成聲。

Miss Lui沒有再出聲,只能默默望著李乘風,隱藏著自己心裏的痛…

其實望著自己的心上人正傷心欲絕,自己卻還要裝作沒事和無情,這種痛會比以為心上人已經變心不喜歡自己少嗎?恐怕沒人能給出答案。

「所以係咪無論我點做我地都無得Mun?」過了一段時間,李乘風作出最後的哀求。

「其實我做左D咁嘅野你唔嬲架咩? 你點解仲會想繼續同我一齊?」看見這樣的李乘風Miss Lui感到痛心,但同時亦好奇。

「我都唔知… 或者我本身就一直覺得只係自己高攀緊你,所以只要你肯同我一齊就心滿意足…」李乘風很單純地回答。

「你真係好傻…」Miss Luil被李乘風純粹的愛感動。

「或者鍾意一個人本身就係無常理可言…」是老土但卻是事實。

「咁我問你,如果我地繼續維持現狀繼續一齊,但另一方面我又繼續同David一齊,你得唔得?」這一刻如果李乘風肯接受,或者Miss Lui真的會因為不捨得而改變主意,一切保持原狀直至Daisy成功,又或是等到李乘風升讀大學。

「我...唔知得唔得...」李乘風很認真想了想,但他真的不知道自己能否忍受。

「我都係亂UP下啫...我唔想一腳踏兩船,我更加唔想你對我嘅感情係咁卑微… 就算咁格硬繼續落去,我地大家都唔會開心... 就好似近衣個月咁...」Miss Lui亦回歸了現實知自己根本不能handle。

「所以無論點你都一定要繼續同David一齊?」

「現階段係... 所以... 我地都係分手啦。信我,當你之後搵到個更好更適合嘅女仔,你就就會知道自己今日講嘅野係幾咁愚蠢…」說出分手二字後,Miss Lui覺得自己的心已經碎掉了。

「無人會比你更適合我... 你係我嘅Cream呀!」李乘風大喊。

「但可惜,原來你唔係我嘅K… 對唔住,我唔想再面對你喇,你好好地食埋衣餐然後自己離開啦…最後,希望你可以好好記住我講嘅每一句說話。」Miss Lui知自己就快忍不住,於是便起身走回自己的房間內。一入房,眼淚已經停不了流下來。

好好記住自己嘅每一句說話,曾經她跟他說過,無論將來發生咩事,她對他都係真心,所有事都只係為他好。這是Miss Lui最後能為自己爭取所做的事。若他真的記得並相信自己,那將來,或者他們還能有重新開始的一日,這是她最後的奢望。

李乘風一邊喊一邊細心咀嚼Miss Lui為他預備的最後一頓晚餐,因為他知道當這餐晚飯完結後,他和Miss Lui就只是單純的老師和學生,他不想這餐晚飯完結。這晚所有的食物都很鹹,他以為是因為自己的眼淚成為了調味料,但他又那會知道早在Miss Lui預備它們的時候,已落下比他更多的調味料...

默默吃完後,再依依不捨回望著屋內的一切,李乘風艱難地離開了。聽到關門的聲音,Miss Lui再也不用壓抑自己的聲線,在房內失聲痛哭起來。

(乘風,對唔住… 如果將來有日我可以回復自由而你又未有另一個,我一定會好好同你解釋跪求你嘅原諒,然後再用一生嘅愛去補償你嘅一切…)
2021-04-06 15:52:06
故事簡介其實都暗示左男主角唔會只有一段感情
而第一段感情的Miss Lui篇亦已經去到接近尾聲
我唔想劇透所以唔方便講太多
不過描述男主角和Miss Lui的感情篇幅應該會係咁多個女角色之中最多
我亦講過最後一定會比Miss Lui一個交待,,那怕可能是去到故事較後期位置
所以如果想知每個角色最後的結局
請繼續睇落去

那怕是繼續屌我,都希望可以多D人繼續睇
到到結局,我會同大家分享更多
2021-04-06 15:55:08
雖然世界上好人未必有好報
但我都好希望惡人必定會有惡報

未報只係時辰晨未到...
2021-04-06 15:59:36
令你有hard feeling唔好意思...
或者等將來故事完結你再一次過睇,感覺會唔同
2021-04-06 17:02:31
真心可唔可以完埋條線,心情都未平復倒,又睇第二段情?
只會投入唔倒,一心凈係掛住點幫家寶報仇
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞