因為我個仆街老豆 我被下了一個賓周會變短的詛咒

今日晏D仲會有80正平加更

57. 各人的過去

一個人對自己有沒有意思，當事人大概都能感受得到，所以李乘風自然亦感受到Jolina對自己是真的產生了感情，只是這感情的深淺去到那種程度，他卻沒法把握。始終對於她們這類人，你很難相信她們會真的改變全心全意去喜歡上一個人。

為了效果最大化，他決定為他們的最後一天花點時間和功夫。和Jolina在赤柱廣場吃了一頓醉人的燭光晚餐後，他又邀請她陪他到了附近的淺水灣海灘散心。

在星空下的海灘吹著海風漫步，李乘風主動拖著Jolina的手走了一段路，然後雙雙坐在沙灘上。

「我好耐無黎過海灘喇… 夜晚吹住海風睇住星星真係好舒服…」李乘風望著夜空說道。

「我都好耐無黎過，亦好耐無咁睇過星星喇，多謝你帶我黎…」Jolina把頭依傍在李乘風的膊頭上。

「我多謝你唔拍污漕陪我黎就真~ 係喎，我有樣野想送比你呀~」說完李乘風從袋中拿出一個正方盒，打開是一條掛有一個漂亮新月形狀吊墜的頸鏈，李乘風為了報仇確實下了重本。

「嘩，好靚呀~可唔可以幫我戴起佢?」望著這條頸鏈，Jolina是真心喜歡。

「當然無問題~」說完李乘風便很細心地為Jolina戴上了那條項頸鏈。

「多謝你… 我好鍾意…」說完， Jolina竟突然哭起來。

「感動到喊咁誇張?」李乘風有點驚訝Jolina的眼淚。

「李乘風… 你有無聽過其實有時太完美反而係破綻?」

李乘風聽到後身體微微抖震了一下，沒有回應。

「其實我好有興趣知道你衣半年究竟發生過D咩事… 就算你受左打擊性情大變，唔再信愛情鍾意左做player，都無理由可以變得咁快快學識咁多技巧同女人心理… 定係你身邊有高手教你?」

李乘風仍然沒有回應。

「聽左成年周紫盈講你嘅野，我大概都了解你係一個咩嘅人。如果你對我真係動左真感情，你唔會係咁…而你千方百計用咁多技巧同心理戰去挑撥我想我對你動情，其實反而成為左你嘅破綻… 所以之前我就已經知我賭輸左，你嘅所作所為只係單純為左報復我… 不過唔知點解，明知係咁，明知好危險，我仍然想深陷其中去同你玩衣場遊戲，或者有日奢想可以改變到你…」

「因為...我們都寂寞…」李乘風回應了一句。

「有無興趣聽個故仔?」流著淚的Jolina笑了笑，然後問道。

「洗耳恭聽。」

「從前有個細路女，因為父母親年幼意外懷孕，所以一出生就生長係一個貧窮嘅家庭。不過雖然窮，但衣個家庭仍然充滿住溫暖，女孩嘅父母一直好恩愛亦好錫佢。到到中學，衣個女仔長大後遇上佢嘅初戀，係一個既靚仔又溫柔嘅男仔，果刻女孩覺得自己好幸福。不過係佢中三果年，佢嘅父親因為一場急病逝世，而因失去了經濟支柱加上之前為左醫佢嘅醫藥費亦令衣個本身就不富裕嘅家庭財政上更加拮据，陷入好大嘅困難。初初女仔嘅男朋友對佢仍然好好，好照顧佢，個女仔好感動終於係一晚將自己嘅第一次交左比佢。果陣佢好有信心只要個男仔係自己身邊，所有難關佢都一定可以捱過。

點知升上中四後，班上有個屋企好有錢嘅女仔同樣睇中左個男仔，開始靠近佢，仲用好多著數去引誘衣個女仔身邊要好嘅同學暗地裏幫助自己，最後個男仔好快就唔要衣個女仔選擇左同個有錢女一齊，就連本身個女仔嘅同學都因為有錢女要求下一齊離棄左佢...

個女仔痛不欲生，而係衣個時候，女仔母親亦因敵不過財政壓力，終於答應左一直垂涎佢美色的上司的求婚改嫁，自此，屋企再無財政壓力甚至過上富裕的生活，但同時間女仔亦再無見過母親真正嘅笑容，反而只係係佢身上見到越黎越多嘅瘀痕。

為左想搶回男朋友和朋友，女孩想問繼父攞錢，點知衣個繼父原來一直為母親嘅第一個男人唔係自己而耿耿於懷，結果藉此向自己個繼女提出左一個禽獸嘅要求，果陣女仔心灰意冷又覺得反正自己已經唔係第一次，為左報仇就暪住母親答應左。點知繼父事後發現女兒原來都已經唔係第一次後好嬲，最後狠狠虐待完個女仔之後只係肯比原定金額嘅三成佢。

女兒嘗試拎住d錢去搵返男仔同朋友結果失敗。不過好快佢就發覺自己最大嘅武器其實從來並唔係錢，而係自己身體。最後，佢主動色誘所有曾經背叛佢嘅女同學嘅男朋友，同佢地上晒床然後再拆散左佢地。

自此，衣個女仔就好鍾意引誘人男朋友。實際上，佢亦越黎越了解衣個世界上人性嘅醜陋，因為根本無一個男人可以真正拒絕自己，個個最多只係表面扮下野，最後都係會忍住將佢推倒在床上，而每一次成功後衣個女仔都會得到一種精神上嘅滿足感。直至有一日，佢遇到一個大學roommate嘅男朋友。

衣個男朋友初初比個女仔嘅感覺其實好似佢個初戀男朋友，亦因而引起個女仔強烈嘅興趣。不過當女仔嘗試撩佢然後慘食閉門羹後，直覺話比女仔聽衣個男仔係與眾不同好難攪，所以女仔只可以靜待機會同埋向佢房友埋手。不過或者個男仔真係太好，房友要求又好高，面對佢地嘅恩愛，女仔一直都苦無對策，但每次見到個房友講佢地點恩愛，佢男朋友點好，女仔都好妒忌，佢會諗點解當日佢男朋友唔係咁，點解自己要咁慘，佢接受唔到，佢要証明比自己睇衣個世界係無拆唔散嘅情侶。

不過愛情最大嘅敵人從來都係時間，而直到有日，佢亦終於見到佢房友對另一個異性產生左輕微嘅興趣，而衣個異性又碰巧曾經係佢成功引誘過嘅其中一個渣男，佢知自己苦等嘅機會終於黎到，最後佢都終於成功左。

不過就算係咁，對衣個女仔黎講件事其實並唔完滿，因為雖然最後佢地散左，但並唔係因為男仔受唔住自己誘惑而只係個房友嘅問題，佢最後都係得唔到個男仔。而當佢見到個男仔當日對自己嘅恨意，佢知自己唔會再有機會。

點知半年後，竟然比個女仔再遇上個男仔，仲要發現個男仔已經變成左另一個人。一方面個女仔好開心終於得償所願，仲係佢身上搵到好多種久違已久的感覺，但另一方面佢又覺得佢已經再無機會見到同戰勝當日專一深情果個男仔…佢好想再見佢一面，挑戰多佢一次… 結果就係衣個越積越大嘅心魔，令佢最後一敗塗地。佢知自己對衣個男仔真係動左感情，亦曾經奢望過個男仔真係明白自己可以成為自己嘅知音人，點知最後佢都係要接受，一切，都只係個男仔為左報仇要傷害自己而設嘅佈局，而佢最終亦成功左…」

李乘風聽完後百感交集，對Jolina的恨意亦好像全消失殆盡。每個人都有自己的故事，也許可恨的人真的都必定有其可憐之處吧。當然這不是說她情有可原值得原諒，而只是大家都曾經是被傷害者的一種共鳴。

「咁你又想唔想聽下個女仔口中果個男仔嘅故事?」

「嗯!」Jolina確實很想知道。

「個男仔生長係一個單親家庭，因為佢老豆係一個到處留情周圍玩女人嘅人，男孩母親忍受不住，所以二人很早就已經離婚，個老豆無耐之後仲自殺死左… 男孩同母親自少相依為命，見住母親日日鬱鬱寡歡嘅樣子，男仔因此同自己講過自己將來一定唔可以好似自己老豆咁周圍害人，一定要做個專一嘅男人。直至中四果年男孩母親因病過身，佢嘅人生就跌入左孤獨嘅旋渦，直至一位女性嘅出現，佢地經歷左好多野，男孩亦因緣際會下填補左女性心入面嘅一個遺憾，二人承諾互相扶持下終於一齊，經歷左好開心嘅一年。點知一年後，男孩發現一切都變左，某日他發現那女性有左第二個，仲同佢上左床。當時男孩悲痛欲絕，但湊巧又有另一個女孩出現，一直係男孩身邊陪住佢，幫佢捱過左最難過嘅時光… 因為女孩嘅真心同付出，男孩願意繼續相信愛情，佢地亦都過左好開心嘅兩年多嘅時光，直至個女孩嘅大學roommate將一切都催毀晒…

自此，男仔明白衣個世界係無永恆不變嘅愛情，既然如此，佢問自己點解仲要相信佢同認真對佢? 佢突然明白或者佢老豆當日都唔係完全錯晒。不過就算係咁，佢覺得都要為自己同個女仔出返啖氣，特別係當佢見到個女孩因受傷已經完全唔同晒，自暴自棄，完全無左昔日嘅光彩，個男仔真係好心痛而且發誓一定要為佢報仇…」

「你見過紫盈?」聽到這裏Jolina問道。

「嗯…」

「每個人都要為自己嘅決定負責，佢係，我衣家都係…」聽完整個故事，她明白自己對李乘風做了甚麼傷害，亦明白為甚麼他堅持要報仇。

「既然目的已經達成，你亦已經為你嘅決定付出代價，我都唔應該再恨你…」事已至此，李乘風亦決定放下。

「多謝…」

「不過係徹底放低前，我想比最後嘅一個安慰同懲罰你…」


這晚，李乘風和Jolina在酒店內由天黑激戰至天光，直至Jolina終於支撐不住睡著了，李乘風才靜靜地離開了房間。他給了她成為傳說以外第一人的滿足感，但同時間她為此亦付出了沉重的代價。

當Jolina醒來看見已經樓去人空，她知她們的遊戲已經完結。他成功了，久違了的失戀感覺霎時湧上心頭。而她亦知道自己這一生，不論在生理和心理上，都永遠不會忘記得了對方。以後那怕她再和其他男人上床，他們都不可能給得了她這一晚的感覺。


這晚後，李乘風廢除了他對自己的約束，因為他自信自己已經能百毒不侵。 從此那充滿傳奇色彩的都市傳說亦漸漸消失。只是他沒有想過，這會是他惡夢的開始，而他更沒想過第一個讓他詛咒應驗的人，竟然會是Jolina。

任誰也沒想過Jolina會是傳說中的最後一人，更沒人想過除了破除了不會和傳說有第二個夜晚外，她還會意外地用另一個方式把另外半邊傳說都完全催毀。若將來有人告訴她這一晚是李乘風最後的顛峰之作，也許她會覺得這遺憾也不算太差，而在之後每天的痛苦中亦多少能得到一點點的安慰和滿足感。

變短啦

屌
繼父有少少慘

下？繼父慘？

-2cm

想屌處女但係屌極都屌唔到
唔知點解諗起篇潮文

58. 突如其來的4cm

李乘風回到hall後，發現Kenny正在等著他。

「講聲你聽，我同左Vanessa講分手喇。」

「咁快?」李乘風以為至少會有兩三星期時間。

「本身都諗住可以同佢玩耐少少，但係佢一副女朋友咁嘅樣，衣樣要管果樣要管真係頂唔順…所以都係大家開心過就算啦…」Kenny帶點無奈的樣子。

「但對方肯定唔係咁諗…」李乘風為Vanessa惋惜亦有點內疚。

「總知你有機會就睇住佢啦… 不過我估佢稍為清醒後應該會估到發生左咩事然後嬲埋你…」Kenny當為此事作出最後交代。

「唉…行得衣條路就預左架啦…」到李乘風開始無奈。

「Connie有無再搵你?」Kenny又問。

「無…」

這晚，李乘風發現小風好像收斂了少許，長度感覺稍為短了點，不過他並沒太在意，以為可能只是自己狀態不佳。只是沒想到過了兩日後，小風突然再度縮水，感覺兩次總和共縮了約4cm已經回復到中學和Miss Lui分手前的長度。雖然不至於算是短少，但絕對是由神級變回凡人。試問曾自信是世界第一的李乘風怎可能接受得了? 這時，他才突然想起母親臨過身前的說話。

(唔通個詛咒係真? 但我傷害左邊個? 時間上睇最有可能得Jolina… 咁仲有一個係邊個? Connie? 都無一齊過應該唔算吧?)

李乘風沒有想過自己真的會在Jolina心中留下了那麼大的創傷，還反害自身，但同時間他亦想不通除了Jolina還有誰被他造成了傷害。

(咪住，傷害人會變短，但之前我好似試過突然變長過兩次，而且時間上都係比Miss Lui同紫盈飛之後，果陣我仲以為係咁岩正常生長… 唔通傷害人會變短，被傷害就會變長? 咁我又好似未必駛太驚住喎… 必要時比人傷害變返長咪得囉?)

就在他獨自思考和苦惱中的時候，電話突然一震，竟然是Connie的message。

「你果晚講嘅野仲算唔算數架? 你會唔會對我負責任?」

(佢竟然無嬲我反而仲想我負責任?) 李乘風沒有想過Connie會是這反應。

他把message給了Kenny看。

「點睇?」

「睇你想做大仆街定細仆街啦。」看完Kenny淡淡回應。

「有咩分別?」

「你拒絕，即係中出即飛嘅大仆街。你應承，就唔係中出即飛。不過你衣家咁嘅款又唔係真係對人有感情，其實佢遲早都會接受唔到同你分手，咁咪係細仆街囉。」

「車，話唔定一齊左後係佢變先呢，到時可能我先係受害者…」李乘風反駁。

(咦… 受害者? 咁咪會可以變返長?) 反駁完後李乘風突然靈機一觸。

始終現在在他心目中，沒有愛情是不變的，時間久了對方就會變心然後拋棄自己，這是經歷完兩次傷心經歷後入了他腦的mind set。

世事就是這樣諷刺… 明明之前一直是不再希望自己受到傷害，但現在卻竟要千方百計想自己得到傷害…不過這亦讓李乘風有了答案。

「當然係真! 只要你願意，我好想負責任! 衣幾日我都好掛住你… 但又驚你仲嬲緊我所以唔敢搵你…」李乘風開始發揮他的溝女本色回覆Connie。

「咁今晚一齊Dinner?」Connie問。

「好~」


這一晚，在時代廣場的大堂裏

「唔好意思呀，等左好耐?」Connie從後拍了拍李乘風的膊頭說道。

「唔係呀，等女朋友，天經地義架啦~」李乘風露出了他的招牌笑容。

「口花花啦你~」Connie亦笑笑口回應然後主動拖著李乘風的手進入商場。

不知是不是因為二人已發生了最親密的關係，這刻望著Connie，李乘風覺得她給他的感覺不同了，除了臉上多了一種從前沒有的媚意和成熟美，同時間他亦感覺到她心底入面好像隱藏了一些沒人知道的情感。

「其實衣幾日見你無搵我，我以為你仲嬲緊我…」李乘風主動提起。

「嬲又講唔上…其實返到去我都慢慢記返起果晚發生嘅事，某程度上仲係我逼你添，所以嬲你唔落啦…不過我係要D時間消化啫。之後我都諗通左，既然陰差陽錯下發生左衣件事，對方又係你一個咁好嘅男仔又咁岩鍾意左我，點解唔比個機會大家試下? 我就要睇下你會唔會一開始就呃我~」說到最後Connie露出一個甜甜的笑容。

「呃你?」

「你話立即搵過第二個男朋友就唔會咁痛同埋唔會心軟嘛~ 如果無用比我知你一開始未一齊果陣已經呃我你就知死!」Connie笑笑口說笑道。

(如果比你知道我真實係呃左你D咩… 我估你直程會殺左我添…)李乘風暗地裏在想，不過嘴上當然不會這樣說。

「原來係想借我過橋!」。

「辦法係你教我嘅，便宜又比你拎左，唔搵你負返衣個責任搵邊個? 不過你真係介意都可以話我聽嘅…」Connie彷佛真的完全像無事般說著。

「唔介意~仲好榮幸添! 放心，我唔會比你再痛亦唔會比機會你心軟架!」李乘風加大了力度握著Connie的手。

「咁以後就多多指教喇，男朋友仔~」

「多多指教喇，女朋友仔~」

「我地影返張合照post上facebook順便改埋relationship好無?」Connie突然又提議。

「咁快?」李乘風心裏當然不太願意。

「你唔想?」Connie神色一變。

「唔係…~ 即刻影!」李乘風只好接受。

“咔嚓”

二人的合照Post上了各自的Facebook，status亦update成 ”Connie Wong is in a relationship with Lee Shing Fung”。

“既然緣份來到，何不大方接受?”

這條信息自然引來無數迴響和祝福。 於是乎，在沒人能猜想得到的情況下，李乘風又有了女朋友。

不過李乘風其實在和周紫盈分手後便以忘記過去為由開了一個新的FB account，只add了大學認識的朋友。至於這是不是唯一一個新account，舊的account又是不是真的沒有在用，那就只有他本人自己才知道。

第二天，二人自然被其他同學逼問到底發生了甚麼事。Felix和Colin直覺覺得事情沒那樣簡單，不過大家都是好同學，他們又信得過李乘風的人品，所以亦沒說甚麼大方祝福他們亦替他們高興。只有Vanessa從頭到尾沒出過一句聲亦沒給任何好面色李乘風看。既然對方沒主動劃破肚皮，李乘風自然也不會主動說甚麼去自討沒趣。

感情這回事

複雜到呢

傷咗jolina同Vanessa？
所以4cm?

黎緊可能仲複雜

有得衣個設定 我梗係知4cm唔會滿足到大家

暫時賣個關子 應該唔駛太耐就會開估

好似冇乜形容個Connie外表？

我估係傷咗周
因為竟然同拆散佢哋嘅人扑嘢
定係…傷咗曹

一開始好簡單形容過下。

身型細細粒，樣貌清純討好，身材偏瘦，鄰家女孩感覺

唔係啦
不過暫時唔劇透住

59. 中同Re-U

雖然抱著終有一天會被分手的心態，李乘風也盡力做好身為男朋友的本份。只是有空時他還是會出去浦，會flirt女，會有一夜情，絕不會為此而修心養性。當然，這一切也是暪著Connie在進行。Connie亦好像很享受和李乘風拍拖的日子，不論FB還是IG，每次和李乘風出去都會post相放閃，有時又會寫一些感性的說話，讓人好不羨慕。

日子一天一天過去，轉眼間又過了個多月。

「喂，今年學校聖誔節又攪左個musical喎! 一唔一齊去支持下?」這天，肥仔突然在李乘風的中學group提出。

「好喎! 順便可以當re-u下，應該仲可以見返好多其他同學仔添~」小強和應。

肥仔:「咁我去買飛啦，李乘風、Johnny、郭靖OK?」

Johnny:「ok」

郭靖: 「ok~」

肥仔:「李乘風呢?作為上一屆男主角，無理由唔去呀?」

純說音樂劇，李乘風當然想去。只是他突然又想到，在那裏很可能會碰見一個久違了的人，他有點害怕，特別是現在自己已經變成了另一個人，他怕她知道後會心痛和失望。明明變心的是對方，他也不明白自己為何仍會有這感覺。不過最後在其他人遊說下，他還是選擇了出席。


這次音樂劇的故事竟然是承接了上一次的內容，講的是Elven，Rachel和Ada三人的靈魂在去了另一個時空後發生的故事，而從場刊上看得見in charge的導師仍然是Miss Lui。直覺告訴李乘風，Miss Lui這個選擇背後是有她的意義。

(係因為我嗎?) 他不期然想。

到到故事末端，看見Ada最後的成全，Rachel和Elven的大團圓結局，他亦像很多人一樣會想，若果自己也有時光倒流的機會，他又會作出甚麼改變?不論Miss Lui也好周紫盈也好，重來一次結局真的就能改變?還是應該從一開始就認清世界，不再相信愛情，連這兩段痛苦但刻骨銘心的記憶都不要? 他不知道。

不知不覺間，表演完結，滿場掌聲，不過大家的感覺好像都覺得比不上上一次，也許李乘風和周紫盈兩個主角不論外型、配搭和歌聲，都很難被超越吧。不算意外，李乘風之後並沒有看見Miss Lui，周紫盈亦如他所料沒有出現，不過在散場時他卻見回了很多昔日的同學，當中包括了那時也有參選女主角爭霸戰的同班同學鄧思思、陳穎恩、李佳宜還有來自其他級別的黃穎君，朱麗珊和何芷晴等等。

眾女生看見昔日的no.1男神都像勾起了自己當年單戀對方的一些回憶。不過同一時間，這5位女生其實亦同樣曾是不少男生昔日的女神，單戀的對象。

「大家咁耐無見，不如去飲杯野聚下舊呀，李乘風你話好唔好?」Johnny首先提議，然後望了望李乘風。

「好呀。」李乘風沒所謂就答應了。

果然如Johnny所料，隨著李乘風表態，這幾位女生眼睛都立刻閃了一閃，然後贊成。於是一行十多人便在附近找了一間較靜的bar聚舊。整個過程大家都會互相更新下自己的近況和說一些當年有趣的往事。當然，除了李乘風本身四個老死已經知道外，當晚最震憾的消息莫過於是李乘風和周紫盈原來已經分手半年，這刻的李乘風是單身。除了來自其他級別的朱麗珊和Johnny似乎互相看對了眼只顧自己交談，其他女生都立刻熱情起來，主動和李乘風談天。至於另外兩位死黨(不計郭靖)，雖然明知自己只是背襯，但能和昔日女神近距離接觸，也沒有太多不滿。

也許是心態不同了，又或許是每個女仔上到大學都會開始裝扮自己，李乘風在和她們交談時，才發現這幾個昔日的級花校花原來都很漂亮，暗嘆自己為何當年從沒有留意。而以現在李乘風的實力和經驗，自然感受到這五個校花對自己不無情意，那怕當中三人已經名花有主。這晚，在互相更新和交換了電話後，各人都心滿意足但又有點依依不捨地各自離開。本身，鄧思思和周芷晴其實各自想扮順路和李乘風一起離開，不過看見了郭靖好像堅持想和李乘風一同離開，才失望地打消了念頭。

李乘風暗自慨嘆郭靖讓自己失去了下場的機會，不過知這為兄弟應該是有事想找自己所以也沒真的生氣或是責怪。

「郭靖，係咪有野想講呀?」見只剩下他們二人，李乘風便主動問道。

「乘風，你... 近排有無見欣欣?」郭靖有點害羞問道。

「我衣家好少返屋企都好少見佢喇，不過間中都有whatsapp傾下計同傾電話嘅。你仲鍾意佢?」李乘風好奇問道。

「唔係呀... 不過我前排係街撞到佢，好似同一個男仔有D爭執所以問你知唔知咩事咋嘛...」郭靖帶點尷尬說道。

「係? 我又唔知喎... 等我衣幾日關心下佢問下佢先... 放心，有update再話你聽~」李乘風拍了拍郭靖的膊頭說道。

「唔該你... 有機會你都關心下佢多D啦。果日見佢心情好似都唔太好...同埋佢黎緊DSE喇，你對佢嘅支持好重要架。」郭靖又語重心長地說。

「知道喇，係我疏忽左，我會好好關心同支持下佢。不過郭靖... 你係大學真係無識到其他女仔咩?」面對郭靖笨拙的說謊技巧李乘風自然自道他還是喜歡欣欣。

「無呀... 而且我衣D木獨友，邊有人會鍾意呀...」郭靖帶點自卑說道。

「點會無，我相信總有人會識得欣賞你善良純厚嘅優點~」李乘風再拍了拍對方膊頭，鼓勵著這死黨。

「哈哈，順其自然啦。咁我都走先喇，拜~」

望著郭靖的背影，李乘風真心覺得他是一個很好的男人，只是他的性格確實又不太適合欣欣。

(欣欣...都真係好耐無見過佢...聽日比個surprise衣個衰妹先~)

今日出個突擊早更比大家~

驚喜

咁耐無見欣欣
會唔會有女大18變既感覺

差唔多個個我睇既故都有你

你就快會睇到 欣欣黎緊戲份會增多 爭奪我最喜愛女角色