因為我個仆街老豆 我被下了一個賓周會變短的詛咒

8cm
睇嚟真係傷得好痛

今晚會出多篇
然後明天一次過出到結局

因為想明天打埋篇作者的話一次過出

71. 重逢

接著的三個月，李乘風十分忙碌，除了上堂和實習外，他把全部時間都用在了預備他的復仇大計。

終於在三個月後，他再次去到了這個曾經帶給他無數歡樂和傷感的房子門口。

“叮噹”

「乘風?」Miss Lui不敢相信自己的眼睛，嚇得目定口呆。

「Miss Lui，好耐無見...」李乘風帶點苦笑說道。

他們對上一次相見，已是五年多年畢業禮的時間。李乘風的樣子沒多大改變，只是多了種成熟和穩重感。相反，五年歲月卻在Miss Lui的臉上留下了不少痕跡。除了鬢角開始出現花白的髮鬢，眼角和額頭亦出現了數道不深不淺的皺紋，這不正常的催老程度告訴了李乘風這五年Miss Lui肯定過得並不好。內疚，心痛讓李乘風壓止不住淚水，並跪倒了在地上。

「家寶，對唔住...」

「傻左呀你，做咩呀?快D起身啦!」Miss Lui立即上前想把李乘風扶起來。

「你唔原諒我我唔會起身架!」只是李乘風不肯。

「我根本從來都無嬲過你... 你快D起身入黎先啦! 比其他人見到你跪左係我門口以為我虐待你呀!」

聽到這李乘風才終於站起來並跟Miss Lui入回屋內。

「Daisy講晒比你聽?」倒了杯水給李乘風，Miss Lui問道。

「嗯... 點解你要咁傻呀! 等我怪錯左你咁多年! 一諗起你當年受嘅苦… 我個心就好痛…」李乘風說著又開始流下眼淚。

「你試諗下如果我當年講左比你聽，你會點?」Miss Lui把手搭上李乘風的手背以示安慰，然後一臉柔和地問道。

「我會即刻去殺左個人渣!」李乘風激動地答道。

「咁你知點解我唔可以話比你知啦?我唔話你知就係唔想你衝動... 比你殺左佢，你就要坐監，如果殺唔死，刺激到佢張D片放上網，你估我同你嘅下場會點? 無論點，你嘅人生都會玩完，而我唔會比衣件事發生...」Miss Lui冷靜地分析著。

「對唔住，我知我好無用... 但都無理由要你一個人承受晒...」李乘風知自己衝動，但還是難以釋懷。

「始終我係做錯左...我一開始就唔應該同個學生攪埋一齊...如果我唔係真係咁做左，又點會比人捉住把柄威脅到? 不過對住你，又有邊個可以把持得住…」Miss Lui把自己的手由對方的手放到對方的臉上，並嘗試為對方抹去臉上的眼淚。

「所以錯都係我地一齊錯，我地應該一齊負責架… 咁點解你之後又唔同我講返...」李乘風捉著Miss Lui因激動而略微抖震的手並在自己的臉上輕撫著，他很懷念對方手上傳來的這種觸感。

「果陣見你同周紫盈咁幸福...我講比你聽咪只會令你傷心，內疚同為難? 到時你點算好? 因為內疚而同返我一齊去傷害周紫盈? 定係要我承受多次失去你嘅痛苦? 我地又何必張一個人嘅痛苦變為三個人嘅痛苦?」Miss Lui像雲淡風輕般說著。

「家寶...」

「過左去就由佢啦... 每個人都要為自己做嘅野負責架，今日可以見返你，Missie已經好開心... 不如你同我講下衣五年你發生過嘅事? Missie好想知道...」比起再不斷糾纏以前那段痛苦的回憶，Miss Lui更想知道李乘風這幾年的近況。

「好...」

於是李乘風便把自己這幾年發生的事都告訢了Miss Lui，包括周紫盈，Jolina，Connie，自己做了Player，和欣欣等故事，當然詛咒那部份還是隱暪了。

「估唔到你之後發生左咁多事...不過唔係我傷害左你，都唔會有之後嘅事，係我害左你... 好彩欣欣將你救返返黎...」Miss Lui聽後，同樣為李乘風的遭遇和轉變感到痛心和內疚。

「邊關你事! 係我害左你至真...而且我同欣欣都已經分左手...」於是把欣欣出軌的事亦告訴了Miss Lui。

「點可能? 欣欣完全唔似D咁嘅女仔...以前我都已經睇得出佢對你嘅迷戀係好深好深，不過你唔認咋嘛... 我唔太信佢會做D傷害你嘅野...」Miss Lui不相信。

「其實我都唔太相信...但偏偏發生左...」同樣地李乘風其實仍很難相信。

「會唔會係別有內情你唔知?」

「我唔知...不過其實自從果晚後我衣三個月無見過佢同搵過佢了...」想起欣欣，李乘風的心情更加沉重。

「唉...有機會問清楚啦! 你係著緊點會不聞不問三個月咁耐架...」Miss Lui不滿道。

「因為我有D更著緊嘅野要去做...」

「咩咁重要?」Miss Lui好奇。

「係見你之前我要為你預備一份禮物，唔係我個心永遠都唔會過到自己…」李乘風痛苦地說。

「禮物?」

「無錯，就係我一定要為你報仇!」想起鄭子誠，李乘風立刻恨得咬牙切齒。

「報仇?你到底做左D咩?你唔好亂黎呀...」Miss Lui立刻擔心問道。

「詳情唔方便同你講...不過放心啦，佢仲在生亦無受傷，只係衣世都一定唔會過得好啫~」李乘風一臉神秘地說。

「你! 唉...最緊要你無事...只要你應承我唔好亂黎唔好做犯法野同危險野就得喇…」Miss Lui沒他辦法亦不想問。對於這個人，她不希望他再存活於自己記憶之中。

「我點可以就咁放過佢?佢傷害左我最愛嘅人，白白浪費左我地咁多年嘅時間呀!如果殺人唔駛坐監我一早一槍打爆佢個頭呀! 一諗起你當年嘅經歷，我仲要咁hurt你，我恨不得一槍打爆埋自己個頭...」想起Miss Lui當年的痛苦，李乘風剛止住的眼淚又再壓抑不住流下來。

其實之前周紫盈受傷，李乘風都尚且奮不顧身為她報仇。這次Miss Lui受的傷害更大，李乘風自然更不可能放過對方。

「乘風... 過左去喇...最緊要係你無事」看見李乘風傷心的樣子，Miss Lui忍不住抱著對方安慰道。

「家寶，既然真相大白，可唔可以比多次機會我補償你?」李乘風回抱著Miss Lui。這熟悉的氣味讓他懷念萬分。

「傻瓜...Missie年紀唔細，就快變老太婆喇... 你唔怕比人笑我都怕啦... 忘記Missie，認認真真搵個好女仔同你過人世啦~」Miss Lui憐愛地撫摸著李乘風的頭勸道。

「我唔要! 你唔記得我地約法三章果陣你講過，等我升左大學如果仲未變心又唔驚你老影衰我，我到時就可以光明正大拖住你出街? 衣家我同你講我唔驚呀，我以後都要拖住你出街比人睇話比所有人聽你就係我女人! 你唔可以講過唔算數架!」李乘風當然不會聽從Miss Lui的勸說。

「你仲記得...?」Miss Lui既感動又意外。

「你講過嘅野我點會忘記... 而且就算你唔應承我，我其實都唔會再搵到其他人。因為仲可以令我相信佢唔會拋棄我嘅就只有你，其他人我都唔會再有信心...」李乘風帶著點唏噓說。

「咁欣欣呢?」Miss Lui問。

「曾經佢都係其中之一...可惜...」李乘風痛苦地說道。

「你搵佢問清楚先啦... 如果問清楚後答案都仲係一樣，我先再考慮下...」幾年的等待， Miss Lui怎可能不心動。不過她不希望李乘風因內疚而一時衝動，更覺得欣欣的問題必需要先得到答案。

「好...」確實，李乘風亦認同要把對欣欣的疑問解決後，才可以下定決心。


只是這一晚，當他去到欣欣屋企的時候，陳太卻告訴了他一個震驚的消息。

「欣欣上個月已經離開左香港，過左去澳洲讀書呀...」

咁乘風應該明咩事了。。。。

知大家好想知鄭子誠發生左咩事
不過因為唔想破壞結局節奏

佢嘅結局會係後傳補上

太監

但話冇受傷喎

心理上扯唔返都係既

其實我寫主角做醫生係為人渣結局嘅伏筆

大家係唔係度呀?結局要出黎喇~

準備好

留名

72. 欣欣的決心(二)

欣欣上個月已經離開左香港，過左去澳洲讀書呀...」陳太半嘆息地說著。

「下? 澳洲?點解會咁?」聽到這消息李乘風完全嚇呆了。

「我其實都想問你...早幾個月前有一晚，欣欣返黎突然話同你分左手，以後唔想再見到你，所以想好任性咁去外國讀書... 我問佢咩事又唔肯講，話要搵你問清楚佢又唔比... 淨係話唔關你事係佢問題，叫我地唔可以怪你但又唔准我地主動搵你... 跟住佢問我地財政上有無問題我地話無，之後佢好快就自己攪掂晒所有野然後上個月跟你移民左個同學一齊過左去澳洲... 我都係見有人係果邊照顧佢我先放心D咋… 到底你地發生左咩事呀?」陳太說著亦一臉迷茫和擔憂希望李乘風能告訴她到底是甚麼一回事。

「我同學? 郭靖? 對唔住呀陳太，我都想知發生咩事... 或者等我了解完再話你聽...」說完李乘風便一頭霧水急步回了家。

(欣欣走左? 點解要走? 仲要同郭靖?)

面對太多的疑問，他立刻經whatsapp打電話給郭靖，可惜幾次都沒有人接聽。

焦急但發覺自己甚麼也做不了，一股無力感蔓延李乘風的全身。幸好不久，他便收到了郭靖的whatsapp。

「欣欣衣家寄住緊係我屋企，放心，一齊安好，我會好好照顧佢。不過佢講明唔想再見你同你有任何聯絡亦唔想你知佢嘅近況，所以衣段時間你都唔好再搵佢喇，我都唔方便聽你電話… 不過我應承你我一定會好好睇住佢，你唔駛擔心。」

「真係一句野都唔肯同我講? 我淨係想知點解...」李乘風不明白。

「佢唔肯...我都唔敢再刺激佢...」郭靖為難地答覆。

「明白... 好彩有你照顧佢我都可以放心D。Thx 呀巴打...」李乘風知郭靖為難亦沒為難他。

「做兄弟唔駛講衣D~」

滿肚子疑問，但李乘風亦沒有甚麼辦法。不過至少，他知道欣欣現在是安全的。


過了幾天，李乘風見還是沒有辦法便把欣欣的事告訴了Miss Lui。

「咁決絕連一句野都唔肯同你講?」Miss Lui驚訝。

「係…佢決絕到係直程要斷絕晒我地所有來往咁…」李乘風失望地說道。

(由佢搵Daisy到到衣家咁… 欣欣，點解你要讓愛咁傻呀? 明明你同乘風先係最合襯… 知道你咁樣犧牲，你叫我點接受? 咁我就算同乘風一齊衣世都會唔安樂架…)

在李乘風找Miss Lui那天之後，Miss Lui自然向Daisy嚴刑逼供還差點憤而絕交。Daisy為求自保，只好把欣欣對她的要求如實招來。

「咁你諗住放棄?」Miss Lui問道。

「唔會，我會繼續努力… 但如果佢真係要決心避開我，我其實點做都無用…」李乘風無奈說道。

「應承我，點你都唔可以放棄，知唔知?」Miss Lui明白，但她必需要李乘風堅持。

「我梗係唔會放棄… 但家寶，你真係諗住一日未有佢消息一日都唔肯接受返我?」李乘風問道。

(唉… 如果係咁，我就白白浪費左欣欣嘅心意… 乘風唔開心，一定係非我地兩個所願… 欣欣你真係比左個難題我呀…)

「你再試多三個月…如果三個月後都仲係完全無進展，我地再決定啦…」Miss Lui最後決定用拖延戰術。

「好…」


可惜三個月後，那怕李乘風差不多每天都會打電話發訊息，但他還是得不到任何關於欣欣的消息。

「家寶，我真係盡晒力… 我不斷嘗試搵郭靖同欣欣父母，甚至欣欣最熟D朋友，佢地都堅持守口如瓶 …如果真係要再搵，我只好親自去澳洲一趟碰碰運氣… 到底我做左D咩佢要咁決絕呀!」所有努力都無功而還，李乘風其實亦很氣餒和心痛，他不明白為甚麼欣欣要對自己做到這個程度，以至於現在說話的聲音亦開始帶點沙啞。

「乘風，你唔好咁… 我相信佢一定有佢嘅原因…」Miss Lui慨嘆著李乘風的遲鈍，但又不能把欣欣真正的心意告訴他。

「家寶… 係咪你地個個都唔想要我喇…」欣欣的事加上Miss Lui一直不肯再接受自己亦折磨得李乘風漸漸開始懷疑起自己來。

「點會…無人要你點都會有Missie要!」Miss Lui見此不忍亦終於心軟認愛。

「真係?」聽到後李乘風立刻收起了眼淚望著Miss Lui想再三確認。

「唔通我對你係點仲會有假?」望著對方濕潤但期待的雙眼，Miss Lui實在不忍再拒絕。

「家寶!」李乘風再也忍不住上前抱實Miss Lui。

超過六年的等待，這刻二人終於可以再次走在一起。熟悉又陌生的感覺，讓兩人情不自禁地擁吻的同時，幸福的眼淚亦再次灑下。

(欣欣既然你咁大決心要讓愛，我只好暫代你位置，如果你有日想返黎，我願意成全返你地…) Miss Lui被李乘風吻著的同時心裏默默在想道。

因之前被Miss Lui傷害的心靈終於得到全面的修補，之前因此而增長的2cm，這晚在無聲無色的情況下消失了，亦因而讓欣欣給李乘風的8cm減少為6cm。望著只餘下8cm的小風，李乘風大概估到是甚麼原因，亦因此對這詛咒又有了深一層的了解。不過比起可以和Miss Lui復合，這2cm也就變得微不足道。

突然間他又想，Miss Lui當時那麼造成的傷害這麼大也是2cm，那欣欣給自己的8cm，不正代表自己當時受的傷害是Miss Lui給的4倍?不過再細想下，覺得也不是不合理。始終自己對欣欣的信任和感情，是經過二十年歲月累積而成，而且當中除了愛情外還有深厚的親情，若真的要計算二人之間的感情，又豈是任何人可以比較? 想通了李乘風也就稍為釋懷，只是亦越發掛念著欣欣。

而在不久後的一天當李乘風和Miss Lui情難自禁再次水乳交融的時候，雖然雄風不再，但對已經失去了性愛能力兩年的李乘風來說卻絕對足夠他爽翻了天。而Miss Lui亦是久旱逢甘露，再加上對對方6年的思念，讓她完全忘情投入，放縱地享受著李乘風對她一浪又一浪的衝擊，歡欣的淚水亦不其然再度落下。

不過縱使經過了6年的空白期，但她還是能敏銳地察覺到對方的不同。

「乘風… 點解小風好似有D唔同左?」事後，Miss Lui抱著李乘風隱晦地問道。

「係呀… 因為佢嘅主人唔信你所以要付出沉重嘅代價…」李乘風無奈說道。

「下? 唔明…」Miss Lui表示不明白。

「當年，明明你就有暗示過要我信你，你做嘅所有野都係為我好… 但我就偏偏選擇左忽視同唔信任…」李乘風既後悔又內疚說道。

「當時果個情況， 正常人邊可能會留意到同信我呀… 我都係想令自己好過D可以留返個希望先咁講，你唔駛太在意架…」Miss Lui 立即安慰道。

「所以佢付出D代價都係抵死架… 你會唔會介意佢弱左咁多?」李乘風苦笑問道。

「你都唔嫌我老，我又點會介意呢? 而且佢雖然短小但精幹呀~」說完Miss Lui俏皮地摸了一摸小風。

「邊個話你老! 你係我心目中永遠都咁靚咁後生~ 既然佢咁短小精幹，咁我地可唔可以”幹”多幾次?」李乘風突然換了副色淫淫的臉孔說道。

Miss Lui抱實李乘風，然後在他耳邊俏俏地說:「我地唔係話要努力追返衣六年失去嘅野咩?」

聽到後李乘風那還忍得住再次把Miss Lui壓倒。這一晚，小風確實展示了他雖然”短小”，但卻絕對”精幹”的一面，讓Miss Lui最後不得不苦苦求饒讓李乘風放過自己才平息了這戰爭。

73. 各自追求的幸福

四年後，一間教堂門外。

「原來Miss Lui先係你嘅第一個! 唔怪得當日你寧願錫我都唔肯講啦! 我當日嘅犧牲總算不枉呀... 不過Missie都溝到，XX中學第一男神，你果然當之無愧!」其中一名兄弟肥仔一臉佩服地對新郎說道。

「千算萬算，我都真係無咁諗過…不得不寫個服字比你呀偶像!」另一個兄弟Johnny亦附和。

「邊夠你犀利呀~ 咁快個仔都就快讀小學，又攪掂左昔日校花~」新郎笑笑口回應著，明顯地他亦深深以此為傲。

「我最自豪其實唔係溝到校花，而係可以令佢成為唯一一個無慘遭你毒手嘅校花，你唔好以為我唔知你D威水史…」Johnny搭著新郎膊頭笑吟吟細聲說道。

「Shuuuuu!! 今日唔好講衣D野，唔係我會死得好慘架!」新郎立即膽怯地望了一望遠處新娘的方向和其他兄弟。

「你地鬼鬼祟祟係度講咩呀?」小強見二人咬頭接耳不滿問道。

「無野呀~」二人異口同聲答道。

「係呢，你仲未搵到郭靖?」Johnny這時又細細聲問道。

「未呀…Whatsapp 有send message比佢，己讀不回」提起另一個兄弟，新郎亦只有無奈。

「唉…點解兄弟結婚都唔肯返黎架…」Johnny失望說道。

「唔緊要啦，知佢過得幸福就得啦~」新郎則露出一個無奈但又放心的笑容說道。

故事回到大半年前
------------------------------------------------------------------

有感於Miss Lui年紀已經不少，所以李乘風就算覺得自己年紀尚少，還是決定要向Miss Lui求婚。本以為一定成功，雖知Miss Lui卻沒有立刻答應。

「一日未知欣欣消息同佢過得好唔好，一日我都唔會應承你…」雖然心裏萬分願意，但Miss Lui知道一旦自己應承了，欣欣便難再有機會，所以一日未確定到欣欣的近況，一日她都不願意答應李乘風。

「都已經三年幾… 個傻妹仲係唔肯理我…」事實上李乘風亦很氣餒，三年來他沒放棄過，但亦從未試過不失望。

「我唔理…衣個係我唯一條件…」只是Miss Lui對此十分堅持，絕不讓步。

「我再努力試下啦...」

沒辦法下，李乘風再次來到陳生陳太家中。

「陳生陳太，我求下你話比我聽欣欣近排點啦… 我知佢一定要搵過你地架…」李乘風哀求著。

「乘風… 唔係我唔想話你聽，但欣欣落過死令唔比我地同你講…唔係佢會半年都唔打比我地架...」陳太為難地答道。

「我求下你地… 我只係想知佢過得好唔好咋…」沒法下，李乘風直接跪了在地上。

「你唔好咁啦… 唉，好啦，我偷偷地比張相你睇你就明架喇…」陳太說完便入房拿了一張相片出來。

相中，欣欣正緊緊抱著郭靖，二人都露出一臉幸福的樣子。

「衣張相係半年前佢寄比我地架，但就話唔好意思同你講…」陳太說道。

「傻妹… 見到佢幸福我就開心架喇… 多謝你地呀陳生陳太!」看完相片，知道欣欣正幸福地生活還和自己好兄弟郭靖一起，李乘風替他們高興的同時亦一臉滿足地和陳生陳太說再見然後離開了陳宅。

而和Miss Lui說出自己所見後，Miss Lui雖然有所懷疑，但亦終於答應了李乘風的求婚。

------------------------------------------------------------------

「李乘風，你願唔願意娶呂家寶為你合法妻子，一世愛她、忠誠於她，無論她貧困、患病或者殘疾，直至死亡?」

「我願意!」

「呂家寶，你願唔願意嫁李乘風為你合法丈夫，一世愛他、忠誠於他，無論他貧困、患病或者殘疾，直至死亡?」

「我願意!」

「我現在宣佈，你們二人正式成為合法夫妻~」

「家寶... 我終於娶到你喇~ 以後你唔可以再離開我!」新郎情深款款地對新娘說。

「傻瓜~ 我根本從未離開過...應承我， 以後我地要代替K同Cream，幸福咁生活落去呀~」新娘同樣一臉幸福甜甜地對新郎說。

隨著眾親朋戚友的熱烈掌聲祝賀，李乘風和呂家寶在眾親友面前熱吻起來，並終於成為了真正的夫妻。

「家寶，李乘風，我終於可以親眼見証到你地一齊喇…. 我真係好開心呀!」望著新郎新娘幸福的樣子，姊妹Daisy哭成淚人，這刻她才終於可以從愧疚之中完全走回出來。事實上自那件事起，她亦因內疚而陪Miss Lui同樣單身了這麼多年。

「傻瓜~ 不過以後無人幫你煮飯喇，所以你都係快D搵返個識煮飯嘅男朋友，然後好快到你架喇!」Miss Lui明白Daisy的心情笑著說道。

「Daisy其實你都算係我地嘅媒人黎架，果陣唔係你教路，我可能都追唔到家寶~ 所以我地可以好似衣家咁幸福，你都有唔少功勞，多謝你呀!」知Daisy的心結，李乘風亦故意想幫她解開。

Daisy心裏感激，但已哭得做不了任何回應。

「乘風，恭喜你呀。睇住你成家立室，你媽咪係上面都一定老懷安慰~」這時陳生陳太走近了他們恭賀道。

「多謝你地呀陳生陳太。多謝你地由細到大對我嘅照顧… 對我黎講你地就好似我父母咁…」

本身因為自己已經無親無故，李乘風有想過找陳生作自己的主婚人，只但係他一想到自己和欣欣的關係，又覺得這好像不太恰當，於是最後便放棄了。

在和李乘風影完相後，陳生陳太走到一旁少人的位置。

陳太: 「乘風雖然無緣做我地女婿，不過由細睇住佢大見到佢終於都成家立室我都好替佢開心， 只係害苦左我地個寶貝女啫… 唉，你話我地個傻女為咩呢… 好彩都總算完成到佢交帶嘅野… 佢真係好了解乘風，連佢結婚之前會跪我地佢都估到...」陳太欣慰的同時亦難免有點埋怨。

「子非魚焉知魚之樂? 欣欣有咁嘅決定，我地做父母嘅都只可以尊重…而且你無留意到乘風自從果晩甚至去到今日都無再問過我地欣欣嘅野? 照我睇，果日佢見到張相後露出果個滿足同安心嘅樣，好可能都只係專登做比我地睇，然後再經我地傳遞比佢想傳遞果個人知…」陳生的眼裏正閃爍著智慧老人的光芒緩緩說道。

「都係你睇得透徹… 衣兩個細路，真係由細到大都係咁…」陳太無奈說道，但卻再沒埋怨。

在和親友在教堂外影結婚相的時候，李乘風突然留意到遠處一個認識的面孔正拿著相機像在偷拍著甚麼。

「家寶，你等我一陣...」李乘風交待完便跑了過去。

誰知那人察覺到便想逃走。

「劉俊業，你唔好走!」李乘風一邊追一邊叫道。

幸好經過再三努力，對方不久便放棄了逃跑。

「乘風哥...」劉俊業不好意思地叫道。

「做咩要走?」李乘風邊喘氣邊問道。

「見你想追我我咪走囉...」

「...」

「...」

「你知我今日結婚?」李乘風再問。

「唔知呀，咁岩經過見到有人結婚咪望下...點知就見到原來係你...」劉俊業眼神閃爍地答著，明顯不懂得講大話。

「咁你無野想同我講?」李乘風沒有拆破再問。

「恭喜晒...」劉俊業接著說了句。

「無了?」

「無喇...」

「… 咁衣幾年你有無見過欣欣?」李乘風只好再問。

「無...」

「咁多謝你嘅祝福...拜拜」李乘風說完失望地轉身離開。

「乘風哥!」不過過了一會劉俊業又突然追回他叫道。

「做咩?」

「我有樣野想同你講... 其實四年幾前你見到我同欣欣係時鍾酒店出黎果次，係欣欣求我做齣戲去呃你架咋..」劉俊業帶著點內疚說。

「你可唔可以講詳細D?」李乘風只是平靜地問道，彷彿並不意外。

「原因其實我都唔知... 有一晚佢突然喊住咁打比我，話求我幫佢一個忙，就係要同佢扮去時鍾酒店兩個鐘。我同佢係上面乜都無做過架，之後佢收到個message後就專登扮拖住我咁離開左間酒店... 佢當時千叮萬囑叫我唔可以同你講， 點知再過多個幾月，佢就突然同我講多謝然後拜拜話要去澳洲了...」劉俊業傷感地說。

「...咁點解今日又同我講?」李乘風續問。

「因為我見你都結婚，同埋我唔想你誤會欣欣係D咁隨便嘅女仔...我唔知你地發生D咩事，但我知欣欣真係一直都好鍾意你...由我中學識佢開始，佢就成日都講住你，而佢同你一齊果年幾，係我見過佢最開心最幸福嘅一段時間... 我知衣家講衣D都無意思，但我只係希望你唔好誤會佢同討厭佢...」

「多謝你話比我知... 放心啦，無論佢做咩都好，我衣世都唔會討厭佢架... 而且...我又點會分唔到佢嘅笑容係真心定係假?」李乘風的聲線亦同樣傷感。

「咁就好...」劉俊業鬆了一口氣。

「仲有... 如果你要send我嘅結婚相比佢，搵張近D影架啦，你頭先行到咁遠影點影得清楚...我專頭send張比你交差啦...」隔了一會李乘風又說。

「你…點知架?」劉俊業十分驚訝李乘風知道他的目的。

「因為我係佢嘅乘風哥哥… 同埋劉俊業，我欠你一聲對唔住…」李乘風說完拍了一拍劉俊業的膊頭便轉身回去婚禮現場，只是劉俊業看不到李乘風的臉已滿是淚水。

(欣欣...雖然我唔知你點解會知... 但多謝你，多謝你為我做嘅一切一切... 當我每次感受到衣家自己擁有嘅幸福，就會諗起係你背後犧牲換返黎比我… 我覺得衣一世能夠有你一個咁嘅人愛住自己先係我人生最幸福嘅事...可惜，我唔知可以點報答你，唯有比你知道我過得好幸福，我知對你黎講就係最大嘅回報...

至如劉俊業，如果唔係我，或者你衣家已經好幸福咁同欣欣一齊緊…對唔住…)

因為我個仆街老豆，我被下了一個賓周會變短的詛咒，但同時間亦因衣個詛咒讓我知道衣個世界有兩個深愛我多於自己的女子，誰能說這不是另一種幸福?

(con't)

(Con't)

因為我個仆街老豆，我被下了一個賓周會變短的詛咒，但同時間亦因衣個詛咒讓我知道衣個世界有兩個深愛我多於自己的女子，誰能說這不是另一種幸福?


在澳洲，一位女子正呆呆地望著電話。

“叮”

終於，一張相片從message中呈現在她眼前。望著相中幸福的二人，淚水沾滿了少女的眼框。

(太好喇! 乘風哥哥你終於可以得到自己嘅幸福... 咦，衣條袋巾... 咪我以前送比乘風哥哥果條? 劉俊業咁叻影得咁清嘅? 多謝你...多謝你呀乘風哥哥…)

看見這袋巾，少女終於忍不住仆在枱上哭了起來。

「咁真係好咩?」一把男子的聲音突然從後響起。

「嗯，對我黎講咁已經足夠…同埋多謝你，要你一直照顧我又陪我做咁多戲，仲累你無得去你兄弟個婚禮...」聽到聲音，女子收起哭聲抹掉眼淚回答道。

「你又點知你衣家感受緊嘅幸福唔等於係我嘅幸福? 而且我衣家可以日日見住佢，比你肯定幸福得多…」男子笑了笑溫柔地說道。

女子聽到後身體震了震然後說道。

「你話，如果衣個世界真係有神，佢係咪真係好鍾意惡作劇?」


這晚，少女從櫃桶裏拿出了一個鐵盒，鐵盒入面有各式各樣的物件，全是某男子這麼多年來送給她或是和他有關的東西，有紙摺的星星、頸鏈、貼紙相、公仔、他送的飾物甚至石頭都有。然後她從中拿出了一張已漸發黃的紙張。

“我的志願 陳欣欣

我的志願是長大後要成為乘風哥哥的太太，因為乘風哥哥是全世界最好的男仔，我真的很喜歡他! 每次我哭的時候他總是能讓我笑，我害怕的時候他總會在我身邊陪著我，我危險的時候他總會站在我前面保護我。他溫柔、體貼、善良、自信。跟在他背後，我彷彿永遠都能看見他身體所散發出的光茫。我最喜歡乘風哥哥了! 雖然我知自己配不上他，但我還是希望自己將來能成為他的妻子，因為只有這樣，我才能永遠陪伴在他身邊，一直分享他的喜怒哀樂。我知這是一個平凡的志願，但對我卻是意義非凡!”

望著這張紙張傻笑了一會，突然，少女把內容全劃上了一條直線。然後在下面寫道

“我的志願是這一生都要一直喜歡乘風哥哥，然後用另一個方式讓他可以永遠幸福快樂!”

------------------------------------------------------------

「乘風哥哥，一個月紀念快樂! 我有禮物送比你呀~」

「多謝欣欣~ 咩黎架?」

「你拆開睇下咪知囉~」

「袋巾?」

「係呀~ 你估下點解?」

「好難估喎…驚我無帶紙巾?」

「傻瓜! 因為佢可以貼近你個心臟，以後無論點，佢都可以代替我陪住你，係你個心附近留有一個我嘅位置~」

「咁都得?真係無你地D少女心事乎~」

「以後你所有人生重要時刻都一定要帶住佢呀!」

「直接帶住你唔係更好?」

「嗯… 當然要帶埋我啦~不過都一定要帶埋佢!」




全故事 完

作者的話

一路寫這故事時其實一路有好多想法想分享。但當寫完故事後再打這篇自白時，卻突然有種不知該怎樣下筆的感覺。

初初構思這個故仔設定，其實純粹係諗住搵個攪笑又有D甜可以寫嘅題材，希望能吸引多D讀者睇。不過諗下諗下，覺得自己都唔係寫衣D故嘅材料，反而諗到衣個設定如果用得好，其實都可以表達到一D訊息係入面，於是成個故事脈絡就慢慢係腦海形成。

整個故事其實並不複雜，甚至有點老土。主角從少因父親影響而立志做個專一男，可惜卻屢受傷害因而變得不再相信愛情成為了一個玩家。然後某一天當他想再嘗試認真去愛的時候，他發現因為之前受的傷害和經歷，已讓他變得麻木亦不敢再去愛。但在唏噓無奈的同時，他發現原來在自己身邊，一直有兩個愛自己遠多於她們自己的人，一直默默守護著自己。他明白世間上是真的有經得起時間考驗且無私的愛情存在。

在構思角色的時候，每一個其實都有她背後想表達的意思。Miss Lui在我一開始的設定便已是能和主角走到最後的角色，因為我希望初戀也可以是走到最後的那位，而且還要是師生戀這不知曾經是多少中學生夢想，能讓人熱血沸騰的禁忌之戀! 雖然我知很難把這段愛戀合理化，但我還是嘗試努力用了不少篇幅去描繪二人感情的蘊釀，希望至少不會讓人一種太格硬的感覺。

由於劇情需要主角受傷變成player，而我又不想主角只受過一段情傷便立即改變，所以Miss Lui和周紫盈二人分別都對主角造成傷害。但因Miss Lui和主角最後會復合，故此我要諗一個劇情是一方面對主角的傷害是致命性，但同一時間背後真相又要Miss Lui並不是真的想傷害主角而是有自己的苦衷，結果造就了一個極具爭議性，而我亦因此被駡過半死的劇情。雖然我早有心理準備，不過不斷比人問候，又讓不少讀者棄故還是讓我自己也有點後悔。只是當刻我確實不太想到其他合理劇情可以做到自己想要的效果。若果能重寫一次，這部份或許我會花較多时間去修改劇情盡量讓Miss Lui能逃離悲慘的命運。不過有時又想，若真的是如此，最後的結局又會不會因此變得不再是理所當然?

周紫盈這角色其實很簡單，就是在我們年青時，總有個人曾經讓我們愛得死去活來，許下很多很多的承諾，以為真的可以終生不變。可惜縱使那時是真心，但最後很多亦敵不過時間和變化的考驗，讓一切都成為了戲言。然後，到到下一段戀愛，我們發覺我們都變了，不再那麼容易付出100%的真心，不再勇者無懼地敢許下太多當時自以為能做到的諾言。

雖然周紫盈這角色在故事發展裏注定難以成為一個討好的角色，不過我卻希望這不會成為一個討厭的角色。始終曾經她的確真心喜歡主角，亦付出過很多，只是人性有時並不完美，她亦犯了一個很多人都曾經犯過的錯。要描述周紫盈和主角的感情，最困難是要把主角的感情轉移到她身上而不失違和感。始終用了這麼多篇幅去寫主角和Miss Lui的故事，突然跳到另一個角色，很容易讓讀者難以投入其中。所以周紫盈和主角的故事，我最後是用了比一開始預計的更多章節去描述，希望能讓讀者更能代入其中。

至於欣欣這角色，其實她才是我心目中整個故事入面一直最喜歡的角色，而我亦自私地希望她能同時成為讀者們最喜歡的角色。從欣欣一開始在故事裏出現，就是一個可愛，討人喜歡，心思細密但又十分善解人意的一個小妹妹，而我亦沒隱藏她從少就極度迷戀主角這情感。由她願意放棄自己一直的心意，甘心做主角的一個妹妹，為的就是讓他不至於一個親人都沒有，便知她有多愛和多著緊她的乘風哥哥。

不過因為一早決定了Miss Lui會是主角最後的真命天子，欣欣只能注定成為為愛犧牲的悲劇人物。當主角陷入低潮的時候，欣欣亳不猶豫挺身而出拯救主角，最後更願意為了讓主角得到真正的幸福和快樂，甘願讓愛還要把承受自己由對方所愛之人變成所憎恨之人的痛苦，這種願意犧性的愛和決心，讓我自己都有點不忍心落筆，更曾一度想過改變劇情去讓她能有幸福的結局。只不過若真的是這樣，那欣欣便不再是原本欣欣的角色了。幸好，欣欣理解主角的同時，主角其實亦理解欣欣，二人最後都用了屬於二人相處的方式去回應對方。

對欣欣這角色我還有一樣我感到抱歉的，是我最後沒花太多時間去描寫她和主角拍拖時的一些日常故事而只是用了一個篇章去直接寫出他們之間的相處摸式和問題，因為那個時候我已開始把主力放在結局的鋪排。不過我想關於主角和欣欣的感情，就算沒了那些情節，一路走來大家應該還是能輕易代入吧。

而說到故事的結局，本身我其實是打算寫得深奧一點讓讀者自己去領悟，不過又害怕自己寫得不好讓很多人看不懂當中的意思，所以最終很多還是直接明示了出來。


最後對於一些收到的批評也想嘗試解釋一下。

有人說這故事是標題黨，因為主角到到很後期才終於變短。這點我不能否認，但因為我其中一個想帶出的訊息是當我們受過幾次情傷後，其實我們都會漸漸變得麻木，亦很難再像最初般完全投入一段感情，因為人類的自我防護機制讓我們都害怕再次受到傷害。所以主角在成為player開始變短後，其實同時間亦代表他很難再變回長，而故事亦很難再不斷延續下去，所以變短情節一出現亦代表故事已經去到中後尾階段，只好到後期才能出現。

亦有人說我很喜歡NTR，其實真的不是，只是因為這故事設定就是需要主角受情傷改變心態然後傷害人，而最直接和致命的方法就是NTR，所以故事情節只好不斷向這方面發展，歸根究底還是我自己閱歷不夠豐富，想像力不夠高，但其實我個人亦不希望寫太多這些情節，始終感覺真的不太好受。

多謝所有喜歡這故事的讀者一直陪伴，接著還會有幾篇後記會嘗試從不同人物的角度出發，讓故事變得更加立體和完整，希望大家繼續喜歡，說不定還有一些結局後的彩蛋呢~

衣個其實有d複雜
唔係話知真相就恢復
主角都要同miss lui真係一齊返先短返2cm
因為就算知對方有苦衷
但始終都係分左手有遺憾同傷害

又或者試諗下
欣欣衣個情況
就算知欣欣係為自己好
但主角其實都係傷心難過
都係會受傷
只係由被背叛嘅傷害變成失去同內疚嘅傷害

希望咁叫解釋到

欣欣

希望作者可以出if時間線
欣欣

個故事設定幾有趣，又要睇劇情，又要計數

正想問

咁個鄭子誡呢

諗會唔會變負數