因為我個仆街老豆 我被下了一個賓周會變短的詛咒

行開陣就過左
感謝各位支持
今晚夜d出

曹子仁係唔係可以叫曹B?
點解叫曹B？因為B for Bacon吖嘛

64. 母親的遠見

“欣欣

我唔希望衣封信有開封嘅一日，但如果你睇到衣封信，咁代表乘風父親講嘅詛咒應該係真，而且已經應驗左係乘風身上…

你應該都知乘風父親在生時有過好多女人，而有一次，佢其中一個女人因受唔到打擊自殺，而係佢死之前，落左一個好毒嘅詛咒係乘風父親身上。個女人詛咒乘風父親同佢嘅子孫，以後每傷一個女仔心，佢地都會受到報應。初初風父親都唔信，但慢慢佢發覺個詛咒原來係真。因為害怕連累乘風，佢臨死前終於同我講左關於衣個詛咒嘅事，亦同我講左好多佢同我分開後嘅經歷因而歸納出衣個詛咒嘅一些特性。

1. 衣個詛咒要發生，二人必須發生過關係
2. 若果發生關係後，男方傷害了女方，男方的陰莖會短大約2cm
3. 若果發生關係後，男方被女方傷害，則男方的陰莖會長大約2cm
4. 2cm是一個平均數，但當中會受感情深淺程度而有所影響

由於我唔知真假，所以我亦唔打算話晒成件事比乘風知，只會講傷害左對方嘅後果果部份比佢聽。因為如果係假，我好驚咁會影響到乘風整個人生。但如果係真，至少衣封信同你會有一個保險嘅作用。

本身，其實就算個詛咒係真，我都唔太擔心乘風會受到牽連，因為佢係一個好善良同專一嘅男仔，而且我相信佢唔會亂和其他女仔發生關係。但點知乘風父親之後仲講左原來佢一直有個都唔知係精神病定係咩隱疾，就係每次當佢心靈空虛、孤獨或者感受好負面果陣如果衣個時間同另一位女性有身體上嘅緊密接觸，佢都會突然迷失本性，獸性大發然後強行和對方性交，事後佢唔會記得任何事… 而唔知係好彩定唔好彩，唔知點解每次對方事後都唔會憎恨自己，仲好易產生感情… 佢話有幾次都係因為咁先同其他女仔發生左關係然後再有之後嘅事…

我唔知佢講真定假，但如果係真又遺傳左比乘風，咁乘風就好危險… 憑我對佢嘅了解，如果佢同一個女仔發生左關係，咁佢一定會負責到底… 但如果中途個女仔對佢造成咩傷害，我唔知佢會唔會因為咁而改變自己一貫的價值觀… 如果佢因為深愛過而受傷，然後唔再相信愛情，咁佢就會陷入一個好危險嘅位置… 衣個詛咒最恐怖嘅係貌似好公平，但正如乘風父親所講，一個人一生若被愛情傷害過，咁佢自然會慢慢失去了愛人的能力。佢自己最後都係因為咁知道自己已經返魂無術先選擇放棄自己嘅生命… 而當你選擇睇衣封信，我估乘風已經一步一步咁步緊佢父親嘅後塵…

欣欣，去到衣個情況，衣個世界上仲可以救乘風嘅好可能就只有你…你明唔明我意思? 我唔可以逼你做D咩，我可以做嘅就只有將自己所知嘅野都話晒你聽，然後等你自己做決定… 我知將你牽扯入黎係好自私，不過都希望你可以體諒一個媽媽嘅心情原諒我。而無論你最後決定係點，Auntie都唔會怪你。

一個自私的母親上”

看完這封信，欣欣很快便已猜測到發生在李乘風的事，由Miss Lui，到周紫盈，到周圍和女仔傾計，再到今日的古怪行改變。她為他感到痛心，淚留不止。

這夜，欣欣想起了一件又一件兒時和李乘風的往事。在落淚的同時又不時露出甜甜的笑容，終於她下了一個其實對她來說並不難下的決定。不過在此之前，她需要驗証信中所說的真偽。

第二天，她拿著早餐去到李乘風的屋企。李乘風果然守信再沒做傻事，但從他的眼神，欣欣知道他的心情並沒改變。而藉著一次"失足"意外，她不小心跌倒在李乘風身上，手掌亦不小心觸碰到李乘風的下半身。李乘風很大反應立即彈起，而欣欣則隱藏著內心的哀傷裝作沒有所覺笑著說了句”對唔住呀乘風哥哥”便站回起來。 李乘風見欣欣好像沒有發現異常才鬆了一口氣。

其實在一年多前，在李乘風和周紫盈分手那晚，欣欣便已親身感受過小風的威力，所以剛剛她能確定信中所說都是真的。那晚當李乘風喝醉後突然撲上欣欣，欣欣還以為只是李乘風酒行亂性的行為，但看完那封信後，她知道了事實的真相。她其實也曾想過告訴李乘風那晚的事，但是她害怕之後一切都回不了頭，甚至最後連妹妹的位置都會失去。適逢李乘風本身就喝醉了沒有記憶，所以她最後決定裝作甚麼事也沒發生。當然，自己的第一次給了李乘風，對欣欣來說絕對是填補遺憾多於造成遺憾。那一晚，她知道她這一生也不會忘記。

至此，欣欣心中已有定案。若果李乘風不介意，那怕他整個人生都是一個太監，欣欣都願意一直做他的女人永遠陪伴他左右不離不棄。但若最後李乘風接受不了，她也明白李媽媽的意思有另一個打算。不過現在最大的問題是，如何能讓李乘風接受自己?欣欣很清楚李乘風一直都只是把自己當妹妹看，要突然把這關係改變是很困難。但若果不能改變，那之後所有計劃也是免談。思前想後，沒甚麼愛情經驗的她只能想到把之前發生的事重演一次，生米煮成熟飯讓李乘風賴不了賬。而且若果成功，說不定還能給已近乎絕望的乘風哥哥一點希望。

(劉俊業，對唔住喇，只可以話今世我地有緣無份…) 答應劉俊業這念頭從這刻起自然消失無踪，紿終從一開始他和李乘風二人就不在同一個level，而現在欣欣還知道李乘風是那麼的需要自己。

想通了欣欣便立即著手預備把計劃付諸實行。這晚她又到了李乘風的家中作客，還藉口說要李乘風和她飲酒傾計。李乘風本身興趣不大，但見欣欣興致勃勃，自己也正好一醉解千愁，不虞有詐下也就答應了。結果在欣欣加料炮製的啤酒下，李乘風不久便醉倒。欣欣嘗試抱著他看看能不能激發他的獸性，但已陷入昏迷狀態的李乘風一直沒有反應。欣欣只好把他抱回床上，羞澀地把他的衣服脫掉。不過當她看見已經接近消失了的小風，欣欣為李乘風感到很難過 ，眼淚又不由自主地流下來。

過了一會哭聲漸止，為求逼真，欣欣忍痛把昨晚的傷口弄破，在床單上滴了數滴自己的鮮血。為自己的手從新包扎好後，她便把自己的衣服亦脫掉然後和李乘風的衣服凌亂地放到地上，再抱著李乘風和他大被同眠。

這夜，欣欣抱著李乘風卻整夜也不能入睡。她期待自己和李乘風的關係能藉此改變的同時，亦害怕著這改變並不像她如期。

漫長的黑夜終於過去，而李乘風亦漸漸從睡夢中打開了眼睛。

你講開曹子仁個名
我講個秘密比大家聽
其實一開始曹子仁衣個角色我係叫姜維而唔係曹子仁
不過出之前諗起又全人造星又曾經係肥仔
我驚比人以為我影射姜b
所以最後決定改名
但初初真係純粹咁岩

死啦幾時欣欣己經比男主食左
好似無印象係邊到有講

欣欣

主角同周紫盈分手後返左屋企訓果晚
好隱晦嘅伏線
應該係48章. 變

我要重睇

睇來係欣欣好鐘意哥哥所以相對容易接受到發生左既野

睇來真愛來不過我覺得男主好一段時間都唔會接受到住
結果為左保償先勉強一齊
可能又出事

Sor呀
笑得太西利想撳正評點知撳錯負評

覺得故事幾好
用賓周長短決定係唔係傷害女仔標準

究竟李乘風條賓周會唔會好似佢咁短

加速

邊撚個來

TBB某偽員
愛回家嗰個

同電視個樣差好遠

追到live左
唔錯 支持樓豬

其實正常人應該好難短過2cm

多謝支持！

sorry今日全日太忙
今日果篇比較長我開始努力執緊
夜d會出

65. 欣欣的決心

「欣欣！?」

只見欣欣的頭正枕在自己的胸膛上，而被外露出了她雪白的香肩。

李乘風火速打開被鋪向內望了一望，然後發現兩人都是赤裸裸正玉帛相見。眼前這狀況讓李乘風近乎崩潰差點昏掉。

(點會咁架！李乘風你衣個禽獸！) 李勝風這刻恨不得立即一槍打爆自己個頭，他完全接受不到自己對欣欣竟做了如此禽獸的行為…

(咪住… 我應該無左衣個能力...或者事情未去到最壞嘅地步?)突然，李乘風首次感激自己變成了一個太監。

不過床上的血漬幻滅了他最後的幻想。本身他應該為自己仍有這能力而高興，但這刻他只想把自己殺掉。

「乘風哥哥你醒嗱?」這時欣欣終於裝作剛剛睡醒。

「欣欣，對唔住...乘風哥...我竟然做左d咁禽獸嘅野！」李乘風沒面目再叫自己哥哥，若現在身旁有刀，他絕不介意自己立即引頸一快一死以謝天下。現在對李乘風來說，他最著緊，甚至是唯一還著緊的人，非欣欣莫屬，而自己對她竟然做了如此可惡的行為...

「乘風哥哥，你唔好鬧自己住冷靜d先，聽我講晒我想講嘅野先可唔可以?」見李乘風悲痛內疚的樣子欣欣立即說道。

「你鬧我啦...打死我都得...」李乘風開始掌摑自己。

「停手呀！琴晚所有野都係我自願你無逼我架！」欣欣立即阻止李乘風。

「欣欣…你知唔知你講緊咩?」聽到欣欣的說話李乘風的腦部已不能運作。

「乘風哥哥…其實欣欣由好細個開始已經好鍾意你，一直都希望將來長大可以嫁比你做你嘅太太，但我知道你一直只當我係妹妹… 所以我只好一直將衣份心意收係心入面，希望等長大後可以慢慢改變你對我嘅睇法… 不過自從Aunite過左身，我就熄滅左衣個諗法，因為我知做你情人可以有好多人排隊，但做你親人，就只係得返我一個可以。如果我做左你情人，你就唔會再有任何親人，咁我寧願做你家人等你可以有多一個人去錫你…」欣欣繼續抱著李乘風深情地說道。

「欣欣...」聽到這裏李乘風已感動得泣不成聲，同時間，他很害怕會失去欣欣。

「只但係… 之後我見乘風哥哥你嘅女朋友不論係Miss Lui又好周紫盈都好，最後都只係狠狠咁傷害左你，仲攪到你開始變成一個花心蘿蔔，開始不停咁穿梭於唔同嘅女仔之間… 我見到真係好心痛… 而近排你仲慢慢開始性情大變，無晒自信，性格又好似越黎越孤僻同暴燥… 我唔知可以做D咩去幫你… 然後我開始諗，我之前嘅想法係錯，因為衣個世界根本無人可以及我咁鍾意乘風哥哥你，所以只有我先可以比到幸福你… 但我知乘風哥哥你一直都只係當我係妹妹，為左改變我地嘅關係，唔比你拒絕我，我只好用最直接嘅方法將自己交比你… 乘風哥哥，你會唔會好嬲我?」欣欣膽怯地問。

「欣欣...」除了這兩個字，李乘風不知自己還能說甚麼。嬲欣欣? 不可能。不感動? 更不可能。只是霎時間他真的接受不了欣欣突如其來的表白，而自己剛剛還要奪走了對方最寶貴的東西…

「但係我…比唔到幸福你架… 你琴晚應該都知道，我衣家根本連一個男人都講唔上係…」

「乘風哥哥，你記唔記得我地細個果陣有一次，我百厭係遊樂場擒高擒低，結果唔小心跌親撞到塊面瘀晒變到好醜樣。果陣我好驚毀容以後唔靚係咁喊，你記唔記得你跟住同我講咩?」欣欣陶醉地邊回憶著邊笑著問道。

「我話...就算你真係好唔返毀左容變左醜女，都一定唔會無人要，因為欣欣係乘風哥哥心目中永遠都係咁靚，無人要乘風哥哥一定會娶你...」李乘風亦邊回憶邊答道。


「你竟然仲記得!? 」欣欣一臉驚喜。

「 果刻聽到你咁講，我突然覺得咁就算好唔返都無咩所謂，因為咁我就可以嫁比你喇… 你諗下果陣你都無嫌我醜話肯娶我，我衣家又點會嫌棄你衣D野? 雖然琴晚我係有D驚訝，亦唔知之前Miss Lui同周紫盈同你分手關唔關衣個問題事攪到你變成咁… 但我同佢地唔同架，就算你係點只要可以同你一齊我咩都唔會介意，我淨係想永遠可以陪住你係你身邊… 而且你睇下衣D血漬，咁代表你唔係真係唔得架…」然後努力鼓勵著李乘風。

「細個講嘅野又點可以當真呢…琴晚我唔知點解會咁，但我真係比唔到幸福你架…」知欣欣誤會了，李乘風亦沒解釋，反正說出來也沒人會相信。這刻他著緊的只是不想連累欣欣誤她終生。

「你唔好咁快否定自己啦! 而且無性咪無性囉，邊個話兩個人一齊一定要衣D野架啫?就算你衣世都唔得，但有左琴晚我已經心滿意足… 而且你又點知琴晚發生嘅野將來唔可以再發生?

你記唔記得我地細個又有一次，我係間飾物鋪頭入面掛住玩唔小心打爛左個好貴嘅玻璃飾物，個店長好嬲話要搵我屋企人賠又話要打死我，跟住你二話不說企在係我前面話係你打爛唔關我事，結果果次你返到去比Auntie嘅藤條打到成腳都係瘀痕… 第二日我見到你傷成咁係咁喊你仲忍住痛笑笑口同我講叫我唔駛驚，話以後無論我闖左咩彌天大禍你都會幫我揹，會一直保護我唔會比我受任何傷害同委屈? 」

「衣D小事你又記得咁清楚...」李乘風被欣欣勾起兒時的回憶亦不禁微笑著說道。

「對我黎講同你嘅每一件事都唔會係小事! 乘風哥哥，其實我都一樣，我都唔想你受任何嘅傷害同委屈，我想保護返你呀! 我明你擔心同唔想我受委屈，但你擔心嘅野對我黎講根本都唔係委屈，我完全唔介意… 對我黎講唔可以係你身邊愛你照顧你令你開心快樂，反而要睇住你日日受傷同唔開心而我乜都做唔到對我先係最大嘅委屈同傷害呀! 乘風哥哥你明唔明?」欣欣到最後越說越大聲。

聽到欣欣一段又一段的真情剖白，李乘風說不感動一定是騙人。只是要他突然接受欣欣成為自己的女人，這心理關口確實不是這麼容易。更重要是現在的自己，他真的沒信心給得了欣欣幸福。

欣欣見李乘風沉默沒有回應，她越來越害怕亦越來越心急。

「乘風哥哥，無論點都好，琴晚發生嘅野已經係事實，改變唔到，如果你仲係嫌棄我唔肯比個機會我，我都唔想再做人喇，前排你咪想自殺嘅，我地可以一齊呀，不過我行先你一步!」說完她突然從床頭櫃上拿起了一支筆向自己心口方向刺去。

其實這當然不足以取掉自己性命，但一來已經沒時間讓李乘風多想，二來那怕只是一點傷害他也不希望發生在欣欣身上。他看見後立刻阻止了欣欣，搶去了她手上的筆然後說

「你唔好咁傻啦，我點會嫌棄你，只會係你嫌棄我… 欣欣我希望你真係諗清楚，我唔想你將來後悔呀…」李乘風盡最後努力勸說欣欣。

「我諗得好清楚! 除左你我邊個都唔會要唔會鍾意! 除非你咁忍心想我一世都孤獨終老啦!」欣欣不用思考便大聲答道。

「你都講到咁…我仲可以講D咩?」去到這地步，李乘風只能接受。

「即係你肯接受我?」欣欣一臉欣喜。

「嗯…」

「好野!」欣欣立刻抱實了李乘風並送上了熱情的香吻。

感受著對方柔軟的嘴唇，李乘風雖然仍不習慣，甚至有點亂倫的感覺，但美人恩重，軟玉在懷，他亦嘗試努力回應著對方並告訢自己要快點習慣這新關係。既然自己有些東西註定不能給對方，那就只能在其他方面彌補盡量讓她不受半點委屈。

熱吻完二人發覺大家還是赤裸狀態，各自都紅著臉地穿回衣服，然後再相擁而卧。望著一臉歡喜的欣欣，這刻李乘風的心情也好回不少。至少，他能感受到欣欣這刻是發自內心的高興，這刻他只希望自己能讓這笑容永遠掛在欣欣的臉上。

「欣欣，到底你係幾時開始對我有非份之想?」把欣欣抱入懷裏，李乘風問道。

「咩非份之想咁難聽呀! 係愛慕之情!」欣欣一掌拍落李乘風胸口然後說道。

「其實具體幾時我都唔知呀~ 不過你記唔記得我小一果陣有一次我地同其他小朋友係個好大嘅公園玩捉迷藏? 果陣我貪玩，專登匿埋左係一個好隱蔽嘅叢林入面，結果天黑都未有人搵到我，然後個個仲要走晒唔理我… 果陣因為已經天黑，對於果陣仲好細粒嘅我附近又全部係D樹遮住晒我，之後仲突然落起大雨雷電交加，我更加唔敢周圍走淨係識驚同喊，但一直都無人黎救我… 我果陣真係好驚好無助，好彩係得你無放棄繼續搵最後先終於搵到返我咋! 果陣見你D手腳全部損晒我就知你為左搵我應該穿同爬過好多地方… 但你都無擔心過自己一見我就好緊張咁問我有無事…

果陣開始我對你就好似多左種唔同嘅感覺，見到你我永遠都可以好安心好有好全感… 之後我地大家都慢慢長大，而你所散發嘅光芒亦越來越強，因此我對你嘅崇拜同愛慕…都一樣越黎越強… 你知唔知我小三果陣有篇作文要寫我的志願，我初初係寫要做乘風哥哥嘅太太? 當然寫完之後太怕醜唔敢比人睇所以最後先寫左另一篇交功課咋。但篇原稿其實到衣家都仲係我櫃桶入面…

對唔住呀乘風哥哥，我好似一輪嘴咁講左好多肉麻野…你係咪聽到好悶? 衣D說話其實我屈左係個心入面十幾年但一直我都無得同其他人講…衣家終於可以講出黎 所以一時興奮就係咁講停唔到… 其實我只係想話比你聽我衣家真係好開心呀~」

看著欣欣甜到漏的笑容，聽著欣欣繼續忘我的表白，李乘風百感交集。原來這個傻妹迷戀了自己那麼長的時間，還要是近乎痴戀的程度而自己竟然一直懵然不知… 這刻他感受到因受欣欣深情的感動，自己對她的感情正慢慢由親情轉化為另一種更特別的感情。他可以不信愛情，但他不可能不信欣欣。這刻，他暗地裏發誓一定要讓欣欣的笑容永掛臉上。然後，他首次發自真心想以一個女人身份把欣欣抱緊在自己懷中。

Con't