有冇電試呀
呢種電已經冇再生產
依家有兩個option
買一粒CR123 再疊兩粒LR44
或者用一粒4LR44 加adapter
之後試下撳battery check 個掣
通電嘅話 數菲林格數個窗口會著燈
再之後就睇你識唔識菲林感光度同光圈快門嘅關係
因為呢部機冇得set 快門速度
咁你可以做嘅就係dl 一個測光app
跟住set 個app 同部相機做同一個ISO 感光度設定
然後係相機鏡頭調一個光圈值(試下用5.6 同 11)
鏡頭對住唔同嘅光線 可以係街外面同室內
然後打開相機後蓋 過片 撳快門 觀察下個快門開合嘅速度
再用電話嘅測光app 對住同一個地方
睇下佢係相同光圈值顯示嘅快門速度似唔似相機快門開合嘅反應
接近嘅話都算ok
因為估計手上你都冇儀器可以量個快門開合速度
所以以上方式都係好基本嘅測試黎
然後係個取景器望出去
睇下係唔係清晰 估計咁舊嘅機會有啲朦
同埋中間有個格仔黃黃地色
試下扭鏡頭對焦個金屬環
個黃格仔入面嘅影像會左右郁
試下扭支鏡頭去無限遠個位(即係打橫8字)
再係個觀景器望出去遠嘅地方
應該成個畫面包括黃色格仔入面都冇重影
最後睇下鏡頭有冇朦或者霉(好似蜘蛛網咁嘅紋)
有嘅話 同埋上面測試有問題嘅話 就要搵師傅整下
唔係佢打手 大家有邊間建議都可以介紹
不過我諗唔到香港除左利時1010 之外有邊個師傅會收合理價錢同願意整呢款機
部機唔係唔好 只係本身唔值錢
而且屋企人嘅機係唔可以用價錢衡量