【急】正在賣樓，個買家突然失業要求退返啲訂畀佢，你退唔退？

有個friend 賣樓，之前已經同買家deal好，兼上律師樓簽哂合約，收咗10%訂約＄80萬，原本等下個月正式交吉，今個星期agent打嚟，買家突然話有事要取消交易，仲想酌情拎返訂金...個agent都同我個friend講，咁情況賣家殺訂合情合理，佢只係盡責任轉達買方說話，話其實唔使睬買方，佢自己都會照追佣金...

一直以來，我個friend都只係透過agent同買方deal，雙方都冇對面聯絡電話，點知今朝我個friend出門口返工，就被買方（一對男女）喺大厦門口截停...開頭對男女仲死哂狗，話剛剛兩個人一齊失業，銀行批唔到按揭，又話筆錢係佢哋血汗錢，嚟緊要嚟開飯交租...blablabla，個女嘅仲流哂馬尿，求我個friend同佢哋傾...我個friend本來都有少少心軟，不過一來冇理由咁倉猝話傾就傾，二來真係趕住返工，就同對男女話一切留返透過agent處理啦...

對男女呢個時候開始變臉，語氣開始差，話咩做人最緊要有良心、有啲陰質錢袋咗會有報應、你有個女咁細個你都想教佢做好人...blablabla，係咁跟住我個friend行咗半條街咁講，最後我個friend不斷重覆話佢冇嘢講（好似入狗屋咁），一切交agent處理至甩到身。

我個friend之後越諗越不安，因為對男女提到佢個女（應該係睇樓時見過佢一家），佢已經即刻叫老婆同個女出入唔好行正門，驚對男女騷擾佢哋...

可以想像對男女唔會就咁罷休，大家有冇意見我個friend可以點做？

80萬照袋

報警，殺訂

好慘 但可以唔退
但真唔真先......

賣家殺訂合情合理, 賣家冇做錯任何野
(黃馮受害者另計, 特別處理)
完

如果佢一路求 冇發脾氣果種都會退番一半或大半比佢
依家咁撚樣 比番十萬佢都偷笑

比係人情，唔比係道理

凶完人仲想有錢退

殺訂，繼續賣，再追撻訂差價

如果好有誠意咪退一半！可惜而家鳩屎就唔需要俾面！殺訂

買方自己講個故事，冇人核實到

呢個情況梗係報狗 備案先
其實買方責任好大

條友咁戇鳩求人都仲咁串

唔退
1蚊都唔退
係我面前自殺都唔退

買樓買個教訓囉

本身都話佢認死狗咁都可以同屋企人傾下可憐佢睇吓比唔比返
而家直頭兇你 咁就乜柒都唔使傾啦 都反晒面
加上道理上你係可以沒收訂 佢敢搞你最多咪搵狗拉人

賣貴咗會退返錢比人？

老閪都唔退啦，仲咁咁串

唔兇都諗下，兇就唔洗諗

再跟蹤可以申請禁制令
感情台啲人分手比ex跟都係咁

佢自己毁約退乜嘢

咩叫陰質錢
失業風險唔係應該自己計埋嘅咩
定係賣家搞到買家失業亂咁噏嘢抵俾人殺訂