他們交換眼神後,由哥基面有難色地發問:「記唔記得我提過佢個 Lunch Loop:出街食、帶飯、出街食、帶飯?」
我點點頭。
「你再諗下呢個 Loop 入面佢所食嘅嘢?」他再說:「菜、肉、菜、肉⋯⋯會唔會,佢每次出街都食菜,並唔係因為你所諗嘅素食者,而係⋯⋯佢根本唔鍾意食市面上嘅肉?」
嗯⋯⋯嗯?
哥基望向老屎忽 Victoria,似乎要把這個燙手山芋般的發言權丟向她接力。
「你有無聽過『捕蚊草』?」Victoria 莫名其妙地將話題扯到老遠:「捕蚊草識得分泌蜜汁嚟吸引蚊蟲飛埋嚟,從而捉啲蟲嚟食。呢個大自然獵食法則唔止昆蟲識得,需要時,人類都會咁做。」
怎麼⋯⋯我有個預感他們正引導我歸向某個結論上。而這個結論絕對不是我所想、不是我所能接受?
Victoria 續說:「為咗捕獵呢種市面上提供唔到嘅肉,凜空就好似分泌蜜汁咁每次悉心打扮,勾引獵物放低戒心飛埋身⋯⋯」
哥基認真直視我,「佢之所以一直都無男朋友,係因為每個留得喺佢身邊嘅男仔都⋯⋯」
他緩緩一字一頓道:
「唔、長、命。」