《美女同事那來歷不明的肉湯》

1001 回覆
844 Like 13 Dislike
2021-01-14 10:08:23
2021-01-14 10:12:28
追到live 了
2021-01-14 10:14:29
我的反應似乎令漂亮女酒保很滿意,「好多朋友第一次嚟都係咁嘅反應,嚟啦,入去慢慢傾。」

若然將赤子酒吧比喻為一個鮮紅色的世界,那麼紅茶酒吧一定是個深紅世界。大概赤子酒吧的刺眼鮮色令我雙目有點麻木了,來到這裡反倒舒緩下來。

跟赤子酒吧不同,這裡播的是悠洋靜音樂,很細很輕,非常適合靜靜聊天。

女酒保領我走到角落的小桌,向待應點了半打啤酒,「紅茶呢?叫佢過嚟,我有事搵佢。」

「我叫赤子,」待應走後,女酒保逕自介紹,「同紅茶係兩姐妹,無錯,我哋一人開一間酒吧,而且用返自己個名。」

「赤子、紅茶?睇唔出你哋父母係紅底㗎喎。」原來她不是女酒保,而是酒吧老闆。

「唔係真名啦,我哋自己改㗎,不過唔關紅底事啦。」

甚麼赤子紅茶,這種毫不霸氣的別名,讓我不期然回憶那件轟動本港的屯門欺凌少女案,其中一位涉嫌打人的惡女便叫做「牛丸」。

像赤子這樣帥氣的女生,為何要改此等令人恥笑的名字,我沒打算過問,畢竟我自身問題已經夠多了。

「下?哦哦哦。」我有點迷茫應道。

當紅茶來到,我已經不止迷茫了,幾乎是整個人迷失了。

「你係紅茶?」我來回望著坐在面前的兩位女生,「你⋯⋯你哋⋯⋯」

赤子爽快道:「係呀,我哋係孖生姐妹。」

紅茶無論身型和五官都跟赤子一模一樣,都是美人胚子,可是再細看又馬上察出不同。

當然紅茶穿了一身深紅色工人服是其中一個原因,另一個大不同是,她們二人有著截然不同的氣質。

赤子是硬朗的男人個性,而紅茶則是黑色長頭髮束成整齊馬尾、戴幼框眼鏡、化淡妝,比起赤子,紅茶更像幼稚園教師多過酒吧老闆。

這對姐妹果然是妙人。

赤子單刀直入,指指我,「細妹,呢條友話 Alex 係俾人殺死。」

聽完赤子轉述我的話後,紅茶喝了口熱果茶,「Alex 臨死前,俾嘢搞緊。」

我留意到她說的是「嘢」而不是「人」。

「大概係八月中,」紅茶說:「計返應該係 Alex 過身前半個月開始,佢嚟酒吧嚟得愈嚟愈密。開頭我唔為意,直到後期,我 Feel 到佢唔係為咗嚟酒吧,更似係唔想自己一個人留喺屋企,先過嚟避下咁。於是一問,佢就講出佢遇到嘅怪事。」

「無聽你提過嘅?」赤子將罐啤酒一乾而盡,再點了一打。

「你知有啲人一飲醉就亂噏㗎啦,我下下都當真嘅話,一晚唔知要報幾多次警喇,雖然報完都未必有用。」她嘆氣,「依家諗返起,我嗰陣肯細心聽,認真幫佢,可能⋯⋯就唔會搞成今日咁⋯⋯」

紅茶接下來的話,在寒冬的夜裡聽,明明身在室內關好門窗,還是有陣陰風吹過,氣溫驟然變得更低。

獨居 Alex 被厲鬼纏身。
2021-01-14 10:16:58
嚴格來說,是他的住所鬧鬼。事發於八月初某晚九點多,有人按門鐘。他沒叫外賣亦沒約朋友過來,透過防盜眼看出去是空無一人。

當他坐回梳化繼續玩手機,外面那「人」又再出現,並改為敲門。

叩、叩、叩。

說真的,直到此時他仍以為有人在捉弄他,始終他有很多朋友,應該說是酒肉朋友吧,常上他家弄得花天酒地。

甚至試過有喝醉的朋友突然帶女生衝上來,故此有人弄無聊的惡作劇也是可能的事。

他這次沒有應門,默默打開 Whatsapp 等待誰 Send Message 來主動自首。

結果那緩慢的敲門聲持續了大概半分鐘才停下,他並沒有收到任何訊息或電話,甚至連外面那人也悄然消失,沒吭一聲。

「咁可能真係飲醉酒啦,」我插話,「以為 Alex 間屋係自己屋企,但用鎖匙又開唔到門,咪狂撳鐘想返屋企啫。」

赤子略帶慍色呢喃,「點解佢從來唔同我提起呢件事呢⋯⋯」又再大口大口喝啤酒。

紅茶無視她,回答的我問題,「過咗幾個鐘,凌晨一、兩點嗰陣,出面又嚟過。今次唔係敲門聲,而係急速嘅拍門聲。」

「啪啪啪啪啪啪!」紅茶手掌快速拍打枱面,似在模仿那節奏。

她說:「唔係好大力,聽得出好急,好似有急事搵 Alex 咁。佢有打去叫看更上嚟睇,但上到嚟就無咗拍門聲。」

「會唔會係追數呢咁?聽講佢爭人錢。」我嘗試問:「係咪敲門叫佢出嚟望下自己屋企俾人淋紅油呀?」

紅茶斷言道:「就算賭乜賭乜輸好多錢、買乜買乜追女仔用好多錢,佢都一定唔會還唔到。佢屋企人好有錢㗎,最後一次見佢先聽佢講想換新樓,又買過部新車。」

赤子補充道:「依家都唔興淋紅油啦。」她打量我的眼神似在嘲笑我見識不多。

「下?但我同事話佢似係還唔起錢喎。」

「佢成日都咁㗎,爭人錢、還錢、爭人錢、還錢⋯⋯每次唔係屋企人幫手,就係佢喺唔知邊度抽啲錢嚟還,所以我都幾肯定佢唔會俾錢債糾紛搞到咁,更加肯定佢唔係自殺。」

不是自殺,便是他殺。那麼兇手豈不是⋯⋯?

我驚訝問:「咩話!真係他殺——」

「——咪先,」赤子擺擺手打斷我,「講埋鬧鬼單嘢先。」

紅茶續道:「Alex 不以為然。點知幾日後凌晨時分,外面又有拍門聲!」

Alex 當時正睡覺,被拍門聲吵醒後,肯定自己意識十分清醒,沒吃藥或喝酒,也肯定不是在作夢。

這次不再是輕力拍門,幾乎是大力大力用拳頭打落門上似的,甚至是肉眼見得到大門被撞至震動的程度。

奇怪的是,夜半發出這麼嘈吵的聲音,竟然沒任何人投訴。

Alex 住在這裡已經好幾年,從來沒遇過鬧鬼,對於門外發生的怪事,完全摸不著頭腦。

他再次打給樓下看更請人上來。

等待期間嘗試窺看門外情況,看看到底是誰三番四次登門騷擾。

結果門外⋯⋯

——————————————

更係未加完的,會再出

鬧鬼呢單嘢之前上過新聞,下篇會講。

另外,我曾經出過Post講「赤子紅茶」,呢度拎個名嚟玩下,大家開心下
2021-01-14 10:26:14
門外.....
差仔: 屌叫完foodpanda又唔撚開門 運吉
2021-01-14 10:28:01
g 持
2021-01-14 10:39:53
繼續啦
2021-01-14 11:47:37
2021-01-14 11:55:00
2021-01-14 12:25:46
樓主門口被人啪啪啪緊!
無錯係我!
2021-01-14 12:26:22
所以我上面都話
男主角有啲戇鳩 感情用事係累死自己
2021-01-14 14:16:22
男主角表示:你叫我情何以堪
2021-01-14 14:16:23
呢個位停
2021-01-14 14:40:41
唔准停呀有啲掛住admin妹妹
2021-01-14 15:07:19
男主角幻想圖:ig story著短裙嗰個
2021-01-14 15:11:15
點解拍門個PART咁似另一個故嘅
係咪有關架?
2021-01-14 15:31:28
2021-01-14 16:17:57
睇嚟綠茶巴平時都睇唔少
不過真心Jessica個反差真係好撚大得閒睇吓就會知

以後多啲留言支持吓
2021-01-14 17:13:45
門外仍是空無一人,甚麼也沒有。

過了幾分鐘,在看更到達前拍門聲早已終止。比起 Alex,看更似乎更覺疑惑。

看更是位年青男生,入職才沒多久,看來沒甚經驗應付這種情況。

他不是懷疑鬧鬼,而是 Alex 的精神狀態,畢竟這已經是第二次他宣稱被人夜半敲門,卻又沒有證據。

「如果真係你講到咁大聲,不如聽朝我問問同層住戶有無聽到啲咩奇怪聲?」看更婉轉道。

「聽朝先處理?咁佢今晚再搵我,我點算呀?!」Alex 察他眼中的不信任,「唔好喇,依家拿拿臨我哋一齊落去保安室睇閉路電視啦。」

Alex 半拖拉著年青看更走向升降機,經過後樓梯的門口時⋯⋯

「點解咁大陣味⋯⋯」Alex 掐住鼻孔。

年青看更顯然也聞到,腳步停在門口面前,「真係好臭呀。」

「Alex 形容嗰種臭味好奇怪。」紅茶回想起,眉頭跟著一皺,恍如親身經歷過似的,「佢住嗰度都算高級住宅,平時連一般垃圾味或者霉味都無,更唔好話聞到⋯⋯佢話從來未聞過,完全講唔出究竟係咩嚟,總之就好臭好臭。」

大廈散發怪味,管理處當然要即時處理,年青看更跟 Alex 互望一眼,「先生,介唔介意我⋯⋯我打開門睇睇先?」

Alex 馬上將臭味跟夜半敲門聲連結在一起,比比手示意可以,自己則退後遠離門口。

平時除了丟垃圾,後樓梯本來就沒幾個人逗留,即使燈光通明又打理得乾淨整齊,還是有種說不出的寂靜和冷清,雖不至於令人懼怕,不過每次丟垃圾 Alex 都盡量動作快點。

這時才剛遇上怪事,門後又傳出離奇怪味,不只 Alex,連年青看更都拿起對講機先向同事報備,動作有點僵硬地步近門口,「三十六樓後樓梯傳出臭味,我依家入去睇下會唔會有死老鼠之類,麻煩安排清潔同事盡快上嚟。」

他放好對講機後,推開木門先探頭看看,抱著不解的眼神回望 Alex 一眼,再踏入後樓梯。

出於好奇,Alex 跟在他身後一同查看,結果⋯⋯也是甚麼也沒有。

「車!」我忍不住鬆一口氣,「咩料呀!次次都無嘢嘅!」

紅茶的神情沒有一絲放鬆,「你諗清楚,就係搵唔到咩原因先最恐怖。」

Alex 和年青看更甫一進入後樓梯範圍,臭味瞬間激增,是一陣濃烈的惡臭味。

他們打開垃圾箱蓋子、更查看了上下一層後樓梯,還是看不出異樣,完全不曉得味道到底從哪裡傳出。

年青看更一臉尷尬道:「可能係天花板傳出嚟,我哋等陣搵同事拎樓梯上嚟睇睇。先生不如你返屋企先?」

Alex 知道年青看更根本也聞到並不是天花板發出,只是找個藉口先讓自己回去,才繼續跟同事研究。

Alex 說:「咁你哋慢慢查啦。睇埋閉路電視,我想知邊個騷擾我。」
2021-01-14 17:14:45
於管理處立場,不能隨便讓 Alex 看閉路電視錄影,不過既然住戶投訴過不止一次,又牽涉到安全問題,他們私下自然會翻查。

可惜,他們回覆當晚事發前後一小時,都沒有人乘搭升降機,連走廊都沒有人出入過。

類似事件發生得愈來愈頻密,多數都是半夜有人敲門,有時是輕輕敲,有時大大力拍門,次次都沒發出任何其他聲音,也沒其他鄰居聽到。

管理處應付不了,最後只好報警處理。理所當然,警員回覆暫時沒危險跡象,勸喻大家加強保安便離去。

Alex 在自家門前安裝了閉路電視,然而每次敲門聲出現,閉路電視就壞了,完全起不到作用。有幾次他打開門查看,甚至發現地上有人灑了鹽和黑胡椒。

「馬來西亞『鬼敲門』。」說到這裡,赤子忽然插話。

聽到「鬼」字,我頓覺氣溫跌至幾乎零度了吧?腦袋頃刻間僵住了無法思考。

赤子已經喝不了酒,雙眼有點迷離,唸出手機搜尋的新聞。

她半身扒在桌上,盯著手機說:「2020年年底,馬來西亞有幾個地區都有類似事件。又係半夜三更無故有人拍門,開門又無人,而且唔止一家人,而係不同地區都有好多住宅遇到,當地叫呢件事做『鬼敲門』。」

她開了影片給我們看,片中受害人在住宅內拍攝正門,門外有人不斷拍門,家人都露出驚慌神色,但無人敢打開門。

赤子說:「電視台報道過,而且警方亦展開調查,暫時話似有人整惡作劇出嚟,想引起恐慌咁喎。不過呢,民間就傳言呢啲可能係巫術嚟,一開門就會中降頭之類。」

我說:「所以個個都唔敢開門。」

紅茶亦搜索某篇報道:「呢度提到,有人喺拍門聲後發現屋外地面圍咗一圈鹽,似真係同咩落降頭、巫術有關?」

赤子總結道:「關於夜半敲門嘅原因,人人講法唔同,有人推斷會唔會同信仰有關,因為中招嗰幾區並唔係話好虔誠,所以被惡靈警告。結論就係:目前尚待調查中。」

看了馬來西亞幾宗事發經過,跟 Alex 所遇到的簡直是一樣。

難道,有人越洋犯案?可是暫時香港也只聽過一宗而已,討論區亦沒有出過 Post。

「模擬犯案?」我嘗試問:「騷擾 Alex 嘅人學『鬼敲門』,目的係想警告 Alex 某個訊息?」

紅茶點點頭,「聽 Alex 口吻似覺得對方唔係人類⋯⋯不過我先唔講係人係鬼,佢咁做一定有原因,可能係一個警示。」

「Alex估唔估到係邊個做呢?」

——————————

Admin妹妹幻想圖嘅投票結果出咗喇,去IG睇

有人問開咗Mewe未,其實就開咗,不過仲摸索緊點用
遲下Mewe出文應該會快過IG/FB,大家如果搵到我就Follow定先!

Mewe: 橘子綠茶
Instagram: greenizmstory
Facebook: 橘子綠茶
2021-01-14 17:21:41
剁肉聲故
2021-01-14 17:32:54
2021-01-14 17:41:36
lm
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞