語音未落,大門外傳來粗魯的女人聲呼叫:「佢真係仲喺入面呀!」
另一把可愛嬌滴滴聲音喝斥,「哥基你已經無得走㗎喇,快啲放佢出嚟!」
姍姍來遲的Admin 妹妹和赤子紅茶總算捨得出場了!
「凜空救我呀!哥基綁實我郁唔到呀!」我費勁地左右扭動身體,期望可以像武打電影男主角一樣,能夠充滿男子氣慨掙脫粗麻繩。
終究我沒有主角光環,從來也沒有,以至我淪為被殺人真兇擺在砧板上,演活受害者一角。
可現在不是拍電影呀!我分分鐘被哥基插死呀!
不是魚水之歡那種插死,是真真確確的死亡呀!!
「你呃我!」哥基失控起來,抓起小刀大大力在我大腿上割了一刀!「你頭先唔係個村莊俾人攻擊緊,你係 Call 救兵!」
「呀呀呀呀呀呀呀呀呀呀!」我痛到眼水口水冷汗直流,無法回應他任何話。
小刀也是我為了對付哥基而新買的,刀刃非常銳利,沒料過居然同樣用在自己身上。
刀鋒不僅割破褲子,還深深陷入我的皮肉,造成一道相當深的傷口,血液不留情地泉湧而出。
「血、血呀!凜空!」血紅的濃液讓我頓時目眩,就算是自己的血,我還是產生噁心的嘔吐衝動。
「嘭!」大門遭受猛烈撼動,發出巨響!
赤子大喝,「凜空,我搵到滅火筒喇!」
「俾我,等我嚟!」Admin 妹妹急道,大門緊接又再傳出巨響,比上一次還要大聲!
「B——Bu——B——Bu——」消防車響聲由遠至近來到我們樓下!
應該就是 Admin 妹妹發出 SOS 求救召來的救兵了!
太好了⋯⋯嗎?
眼前的哥基看來受這些聲音逼使得更加失去理智,他緩緩立起身子,再度舉起小刀居高臨下地俯視我,嘴角不受控抽搐似的一顫一顫。
該死!我絕對沒一刻忘記過,他曾經耐不住刺激而衝動殺害 Alex!
現在待在他面前,正正是 Alex 的替代品,並且失去自衛能力的我!!!
他的頭髮凌亂,西裝外套東歪西斜快要鬆脫地掛在身上,冷冷一笑,「走唔甩,我哋咪一齊留喺度囉,我哋終於可以永遠喺埋一齊喇!Alex!」
不求同年同月同日生,但求同年同月同日死?!我才不要呀——!
「哥基哥,我唔係 Alex 呀!而且你唔使咁灰先,你放過我,應該唔會判得咁重。」我口齒不清地亂說一番,被綁在背後的雙手終於摸索到繩結所在,拼命地反手解開。
哥基無視我的話,應該說,他的目光雖然放在我身上,但內心似乎想著其他事,他⋯⋯他的思緒完全被嫉妒和仇恨支配住!
他雙手緊握刀柄不住發抖,視線落在我的心口上,「一齊死呀呀呀呀呀!」
他狠狠地一刀插下來!!
「嗚呀!!」
「噗!」
屋內有人倒下,發出
「噗」的一聲。
——————————————
今日提早出文,夜晚有事做。
唔係去「捕捉」流浪貓呀下