「佢話無頭緒。我覺得佢只係唔肯講。」
記得大家對他的評價,大概知道自己得罪人多吧。我問:「頭先你話 Alex 無可能自殺?」
紅茶答:「俾嘢搞無錯係好煩,但亦不至於要自殺。我有印象佢提過已經出租間屋,同時亦睇中另一度準備搬過去。」
「咁排除錢債糾紛、鬧鬼問題,Alex 都煩緊失戀㗎喎。」
「呢樣先係重點。」紅茶瞄了眼赤子,看來不想她聽到接下來的話。
赤子有清醒一點,瞭然道:「講啦。只要可以幫佢查明真相,我咩都承受到。」
「提到搵新屋,Alex 考慮嘅其中一個因素係佢追緊嘅女仔。話就快追到手,提前諗定同居生活。」
赤子怔住,我驚訝問:「你肯定無聽錯?聽講佢有一排頹晒,唔似追到㗎喎!」
「呀!」紅茶突然想到些甚麼似的站起來,「佢最後一次嚟咁啱有人搞生日 P,員工有幫大家影相,你哋跟我嚟。」
扶著腳步浮浮的赤子,我們來到一幅貼滿即影即有照片的高牆前。Alex 確實很常來這裡,不少照片也有他的身影。
紅茶指著較高處幾張照片,「通常有活動我哋都有紀念下,呢個咪生日個女仔。拿呢張,Alex 都有合照,佢人緣運幾好,好易識到新朋友。」
照片中間站著壽星女,旁邊圍了五、六名男女,Alex 便是其中一人。雖然照片不十分清晰,不過確實是他本人,而且悉心打扮,笑得開心,確實不如之前所聽到的形容。
這麼說,今日有重大收獲。
首先,Alex 沒有像遺書所寫的被金錢或感情所困,比起自殺,他殺的可能性更大。
另外,我整理一下事發時序表: