「佢有話我知佢溝緊條女,講到好似就快得手咁㖭。」
「哇,佢唔驚 Hurt 到你㗎喎。」
「不如話,佢咁做就係想我放棄。」她唏噓一笑,「或者呢個就係佢第一個,亦係最後一個留低俾我嘅溫柔。」
夜色灑在她單薄的身影上,讓本該耀眼的紅色衣服黯淡下來。揭開強裝兇悍的外表,只剩下溫軟的脆弱。
我問道:「咁佢所講嗰個女仔,你知唔知係邊個,或者佢有無帶過女仔嚟酒吧呢?」
「佢係有好多女性朋友,亦唔止一次喺酒吧帶走啲女唔知去邊度。不過以我所知,佢溝緊嗰個無嚟過。」
今晚恐怕沒有任何收獲,女酒保見我露出失落的神情,勸道:「人都已經過咗身,我諗去追究嗰個女仔都無意思,你都係俾 Alex 安息啦。」
「其實成件事仲有好多疑點,我想查清楚到底會唔會係他殺。」
「下?又話搵到遺書嘅?」
於是我再道出幾個疑點,包括找不到遺體和打鬥痕跡,至於 Admin 妹妹的事先隱下不說。
「你試下回憶多一次,Alex 生前有無同你講過啲乜?」
「如果 Alex 係俾人殺死,我一定會幫佢尋仇!」她倏地用力一丟煙頭,腳底像洩憤般來回磨擦地面弄熄煙頭,「跟我嚟,帶你去前面!」
她的話題轉得太突然,我瞥時反應不過來。
她幾乎是扯著我衣領地領前走,解釋道:「Alex 除咗嚟呢度,亦都成日去前面間酒吧,佢同個老細好 Friend,可能答到你!」
「呃⋯⋯好,不過你可唔可以放開我俾我自己行呢?」
走出冷巷另一端,對面就是她所指的酒吧,名字很熟悉——紅茶酒吧,正是 Admin 妹妹報告和同事們提過的另一間酒吧。
見到酒吧門面,我忽然覺得有點滑稽⋯⋯
我喃喃唸道:「你哋係咪玩緊我㗎⋯⋯」
———————————————
感謝各位提名,亦多謝你哋咁抬舉我呢個有丁Admin嬸嬸
我揀咗三位Admin妹妹圖,擺喺IG Story 等大家投票!限時㗎!
另外,就快又夠正評可以加更喇,今日寫作進度良好,嚟緊呢次可以出多啲啲文
Instagram: greenizmstory
Facebook: 橘子綠茶