轉貼自https://www.facebook.com/100970604906256/photos/a.140902374246412/201502634853052/?type=3
乜野係「漢字專用」？「漢字專用」就係淨係用漢字黎寫野。乜野係「粵文」？「粵文」就係將粵語口語完全透過文字表現於書面嘅文。咁，「漢字專用粵文」，就係淨係用漢字黎將廣東話口語完全表現於書面嘅文。
我哋而家大部份嘅粵文都係漢字專用，譬如《迴響》、蘋果，同啲·央乎·天乎·比`（youtube）字幕嘅粵文，都係漢字專用。
[多語漢字專用嘅集體博弈不穩定]
如果廣東話以漢字專用嘅模式去書寫粵文嘅話，廣東話呢種嘅語言就會慢慢死亡。點解？因為廣東話呢者口講嘅語言，就會因為佢嘅書面語，係淨係用漢字寫。而喺一個時空之內，世間上最到只可以有一隻語言嘅書面語係漢字專用。如果世界上有多個一隻語言係漢字專用緊，就會構成唔穩定。而呢一個唔穩定嘅前鋒，會好快陷入競爭動態，到得返一個留低嗰陣先至會停止，回歸穩定。
[漢字學習成本極高，係要學嘅話就一定係學利益最高嘅]
人要考慮邊隻語言去學或者用嗰陣，我哋係無法避免利益行頭嘅成本效益衡量分析。大部分人係唔會脫離到市儈嘅效益運算。人學語言，基本上籠統而言，就梗係盡求以最少嘅成本同負擔，就可及換取到最大嘅利益。
而好多時候，一個人去學習同使用某一隻語言嘅成本，係同嗰隻語言嘅文字掛鉤。如果兩者語言都係用同一隻文字，咁佢哋就會有一樣嘅文字學習成本。而對於用開其他文字嘅人黎講，兩隻都係用漢字嘅語言，學習成本會係差唔多 -——都係圍繞住漢字嘅學習成本黎計數。
[漢字專用，客源重疊]
漢字嘅學習成本，係非常高。而個使用漢字到能夠存取利益嘅門檻，亦係非常高。基本上所有漢字專用嘅語言，都係面對住同樣嘅情況：學習成本高，啟鎖取利路途長、所需累積語言能力高。既然係咁，唔去學預計效益最高嘅語言嘅機會成本效益比就會大到難以承受—而大部分以利行頭嘅人，睇到呢一點，選擇已定。佢哋就必定係會去學效益最大嘅漢字專用語言，其他嘅都置之不理。而而家效益最大嘅漢字專用語言，係普通話，而唔係廣東話。所以，如果廣東話同普通話都一樣係漢字專用，廣東話嘅客源就必定輸畀普通話。
[漢字學習成本極高，學完一隻漢字專用語言，難會再砌另外一隻]
雖然學咗一隻再學另外一隻，譬如學完普通話再學廣東話咁，因為你已經把握咗漢字，所以學第二隻漢字專用語言嗰陣可以慳返唔少成本。但係所慳返嘅同所賺到嘅比例唔係吸引得拒無可拒，加上唔係話個個都咁有魄力去不停咁學，好大機會出現嘅情況就係一百個人學咗一隻漢字專用語言嘅人裏面，之後再去學另外一隻嘅只有極度之少。姐係話，一旦一個人去咗學普通話之後，你想佢再兜返轉頭學廣東話？想創你個心。最緊要嘅係，所有漢字專用嘅語言都純粹因為佢哋係漢字專用而係死敵。佢哋因為自己係漢字專用，而逼使咗大家互相嘅客源為同一班人。而廣東話，係因為佢嘅政治同經濟現實，唔會鬥得贏普通話架。
[中產：見利遷語，語言不忠]
仲有，以上嘅論點同分析，唔係淨係適用於外國人，而係粵語母語人士都適用。粵語為母語嘅父母，只要語言忠誠度稍微略低，比較容易見利忘義，就會表現曬上述嘅「棄粵追普」現象。加上嗰種完全無知嘅「咪都係用中文字！咪都係中文！」嘅思維，粵語為母語嘅父母就係將自己嘅子女送曬去學普通話，廣東話就係「無所謂啦」處理作罷。你見到而家幾多中產家庭由細路出世開始就淨係講英文，就已經可見端倪。粵語同普通話直接喺同一個文字體系度競爭，情況就更加差。廣東話，就會咁樣喺漢字專用嘅語文秩序度，監生被棋局餓死。一山不能藏二虎嘅規則顯然易見。漢字專用嘅語言，只可以有一個。
[要漢字專用，就要坐穩「中文」嘅帝位]
呢個亦意味，如果你想廣東話係漢字專用，你就必須使所有其他都係漢字專用語言，一係就停止漢字專用改為「漢甲混用」，一係就吞噬佢哋。要漢字專用，你就要變成「中文」。要變成「中文」，你就要將所有其他嘅變成你嘅方言。
廣東話要漢字專用，就要殺死所有其他漢字專用嘅語言。
，btw樓主文字革命家嚟，搞革命拉得