番到hostel後,見到越南妹就同佢睇下今晚天氣如何,商討下今晚值唔值得報tour
話說之前提過佢留喺到一個禮拜,就係等緊一個天氣好嘅夜晚去報團
真係好得閒
之後大家都決定值得報嘅,我好開心唔洗浪費多一日時間喺到
然後我地就透過hostel幫我地報團,係一個photo tour黎
直到集合時間前,我都係喺房到休息同埋plan下黎緊嘅旅程點行
去到晚飯時間,正當煩緊夜晚有咩食時,越南妹就送咗包麵比我食
唔好睇少呢包頹麵,你係唔會明嗰刻雪中送炭嘅感覺
食完麵後,就準備去集合了
呢個tour會提供三腳架同埋相機比你用,但sd 卡就要自備,冇嘅話都可以即場購買。
我諗呢到作為一個熱門追極光嘅地方,大部分tour都係會有咁嘅配備的,所以完全唔洗擔心