好開心見到咁多巴絲留言討論
希望都可以勾起大家開心嘅回憶止下旅行癮先
話說上次講到最後一次坐架火車
經過差唔多兩小時後,終於到咗去挪威嘅第一個地方-Narvik
我去呢到純粹係當一個休息站,喺到STAY一晚就會再去TROMSO
由於我喺AGODA搵唔到任何HOSTEL(可能始終唔係旅遊熱門地方)
所以我只能BOOK到一間所謂嘅汽車旅館
咁但係佢就3點先可以CHECK IN,我就只能揹住個BACKPACK流浪下消磨時間
首先都係隨便影下街景先
揹住咁重嘅野下,都冇乜心機行咁遠,所以我一路都係喺旅客中心附近出出入入
然後見到夜晚天氣唔錯,我就順便問埋人地有咩好地點推薦可以睇到下極光咁
好唔容易等到CHECK IN時間,佢就先喺AGODA到MSG我密碼我先可以入到去
跟住嗰幾個鐘都比較HEA
我等到夜晚8點鐘左右就開始去佢推薦嘅地方碰下運氣
一路沿路行都係山路,隔離有啲民居咁
路上幾乎都冇見到人,愈行愈上個人就愈黎愈驚
最後行咗差唔多40分鐘,就上到去呢個頂位
OK 見到咁多光害,我就果斷放棄 番歸
結果呢一日就好似乜都冇做過就完咗