［重整北歐遊記］一路向北 極光

執得幾靚
希望大家可以快啲有得再去北歐

北歐每個國家都值得去一去

上年年尾本來打算今年呢個時候去冰島點知個武漢肺炎.....

死人武肺搞到成年白過咁

去飲魚湯

幾個城市，覺得哥本哈根最正同多野睇

我本身都買9月再去取消左

真係要去次瑞典順便去Lofoten

呢度好毒

我反而對丹麥最冇興趣因為冇得睇極光

一齊中毒啦

上次講到跟團玩到凌晨3點幾後,終於要返HOSTEL了
我諗咁夜先入住HOSTEL嘅機會都冇乜人試過
由於我第日日頭都冇乜特別野做,所以呢一日都選擇訓到自然醒
我打打下都覺得自己一路以黎日頭嘅行程真係幾悶下

咁都係亂行HEA下,沿住條橋行過去就可以去到對面岸嘅北極教堂

呢一日頹到相都唔影多張..搞到完全無印象呢一日點樣渡過
大街上有各式各樣嘅TOUR可以報.例如出海觀鯨,遊峽灣,坐鹿車,玩HUSKY等等
不過每個團都唔平的,當時嘅我又冇乜興趣一個人跟呢啲團
依家諗番其實都有少少後悔
希望下次去可以彌補下呢個回憶嘅空缺

兩點幾嘅天色,喺呢個又凍又咁快天黑嘅地方,真係會倍感寂寞
喺呢一刻我只想快啲到6點!因為我6點又會跟番琴晚嗰個極光團
話說第二次報團嘅話會有100挪威克朗嘅折扣,然後琴晚經歷完一個咁盡興嘅追光夜
咁當然我唔會放過呢個機會啦

依家冇得去旅行嘅情況下,諗番起當時覺得時間好難捱係幾咁奢侈嘅一件事

無聊到去咗商場行,之後喺呢舊野到見到一班講廣東話嘅叔叔姨姨影緊相
喺附近竟然見到間賣亞洲食物嘅雜貨店,仲要有杯麵賣！！！
喺百物騰貴嘅挪威到見到啲咁嘅野即刻雙眼發光，即刻買番幾個旁身先

大街上另一教堂
之後好唔容易HEA到6點,就開始今晚嘅追光之旅

真 ，果刻漫無目的等時間過真係幾悶

今晚嘅Tromso天氣似乎比琴日仲要差，又多雲又有雨
於是一開始大巴行嘅路線都同琴日差唔多，都係向東南方行駛
去到一個小鎮叫skibotn雲層就比較少
我地都落車視察咗陣

影張大合照先就係鍾意呢種氣氛
一大班人有一個共同目標，然後實現到就一齊興奮
之後逗留咗一陣就離開，再尋求一個更好嘅地方
我記得當時去到某個位作短暫停車時，係大風到連架大巴都感受到嗰種震動好彩嗰時只係個tour guide落車視察，我地冇落到

咁今次就冇琴晚咁瘋狂去到咁遠，我地去到一個叫Helligskogen嘅地方就開始喺到慢慢等極光出現

等待期間照舊有熱朱古力飲，仲可以添飲嫁即刻飲番幾杯先

同琴晚一樣整campfire取暖

等到11點時,第一道光終於出現了！
一開始係比較微弱

之後都愈黎愈強

慢慢開始橫跨成個天

其實嗰刻我好氣餒,因為唔知點解我影極都影到好矇影唔靚
當然事後知道係自己根本冇對好焦依家睇番都有少少白痴
不過嗰刻我又覺得既然影唔掂,咁咪選擇好好咁用對眼去欣賞囉

期間有個女仔走黎用普通話同我講:你不就是昨晚那個男孩嗎
原來佢係一個喺意大利留學嘅中國學生,咁啱琴晚同佢同團,又咁啱我地又會連續兩晚報同一個團但佢個朋友竟然比錢喺架大巴上面訓覺於是佢就自己一個落車睇極光
同佢傾計途中又同個TOUR GUIDE吹下水,話說佢仲後生過我,真係好羨慕佢有份咁嘅工作,可以收住錢睇極光,又可以每晚影靚相,太過份了
不過都好多謝佢幫我地紀錄低一個美好嘅夜晚
(SORRY呢到比較少相,因為我僅餘嘅相都有自己樣,所以POST唔到出黎)
總括黎講,我覺得呢個團都幾唔錯,價錢唔算貴而且TOUR嘅時間好長
又專業又NICE嘅GUIDE都會盡可能幫我地實現到目標
由挪威追到去芬蘭係完全意想唔到的,都算係彌補番我喺芬蘭因為天氣差而冇機會去追嘅遺憾
BTW 間公司叫chasing lights，IG都係同名,入面除咗有靚相睇外,有時仲會介紹關於極光嘅知識好值得睇下

依家睇番相,發現冇影到相嘅嗰啲時間一定捱得好痛苦

正呀

我去嗰陣係教堂用iphone都影到極光

又係每日得2個鐘係光但見唔到太陽嗰隻

日日差唔多都係天黑咁樣

Tromso天氣好唔穩定成日要係雲中間影極光

一係厚雲到仆街

依晚幾錢？

點解佢地有咁美好既世界？？？

勁咁都比你喺市中心睇到

喺呢啲地方太耐真係好易抑鬱

850克朗