［重整北歐遊記］一路向北 極光

回想番兩年前啱啱開始做連登仔，嗰時睇到好多巴絲嘅遊記，而當中都有唔少係獨遊歐洲嘅，所以我都決定跟隨佢地嘅腳步，毒遊北歐睇我一直都好想睇嘅極光

今次我去咗芬蘭，瑞典，挪威同埋冰島，好貪心咁希望每個國家都最少可以睇到一次，去嘅都係大路嘅追極光地方-瑞典Abisko,Kiruna，挪威Tromso，而由於芬蘭冇乜特別野好寫，所以我決定skip咗佢先

循例地放下劣圖先，希望有人會睇

好靚

冰島正

完？

留名已live

嗨巴打，到你出post終於

話說前一日喺芬蘭嘅Rovaniemi離開，經過咗接近二十個鐘後終於黎到斯德哥爾摩。其實本身係想直上瑞典北部，但由於冇好好plan到交通，變咗要先南下。

始終北極光先係主菜，所以我黎到斯德哥爾摩都冇話特別要去咩景點。
朝早10點幾到達後我就先去hostel 放低backpack，好彩嘅係好早就有得check in，咁我就即刻狗衝去梳洗下先
之後就去食一個好出名嘅魚湯


啖啖肉好足料，啲魚又冇骨，可以好放心大啖大啖咁食
價錢只係一百蚊港幣左右，都好親民

食完就漫無目的周圍行下

係希望會有人睇下

唔好貼舊文當新文呀

我都冇原字copy

話說由於有買火車pass嘅關係，我習慣都會睇一睇番嗰程火車係要幾多錢
之後好順手咁search埋幾時有去Kiruna 嘅火車，結果就見到今日18:10會有一班過夜列車北上咁我當然即刻狗衝啦
雖然有pass，但所有過夜火車都係要去book位的，咁我就去火車站搞


原價58歐，咁我只需要比廿幾歐就搞掂
Book完後都係周圍行下就去番hostel check out
由於hostel都只係一百蚊晚，所以完全唔肉赤，瑞典價格真親民

或者有時候冇好好計劃行程都唔係一件壞事，可以隨心所欲想點行就點行

之後喺車站食咗個burger king就準備上火車
循例又影下個牌

18:10嗰班arctic circle train，終點站係挪威嘅Narvik

今晚住嘅係6人房，但同房只有一個挪威後生仔，一見面都係打個招呼，之後大鄉里唔識set床就搵咗佢幫


個人黎講都好鍾意搭過夜火車，慳時間之餘又可以慳番晚住宿錢，而且穿越城市嘅感覺好實在

漫長嘅十五小時車程 最好就係用睡眠黎打發時間
碌下連登碌下人地嘅遊記，想像到站後會真正開始我嘅追極光之旅，心入面就覺得好興奮

喺訓下醒下嘅情況下，窗外嘅景開始由漆黑一片變到白茫茫一片
雪景加上少少荒蕪嘅感覺，我心目中嘅北歐逐漸出現喺我眼前，而挪威仔喺我仲訓緊嘅時候已經喺中途站落咗車了

我行出走廊，發覺都有幾位乘客正喺到拎住電話相機不停咁影，可惜我影到fail晒

之後列車終於到咗我嘅目的地Kiruna


溫暖嘅陽光好似歡迎緊我地咁

好想去kiruna

好靚呀

支持你去

多謝支持

留咗幾多日有冇咩特別推介

好正式

我留咗兩日，仲要本身只係打算留一日睇到極光就走
只係第一日天氣唔係幾好先臨時決定留多日

我諗最出名嘅係有個叫ice hotel嘅野，可以去參觀下
但個市黎講都幾細 冇乜野做/行的

咩意思呀巴打

留咗2日都睇到 係咪代表好容易就捕捉到

最緊要天氣夠好只能說我今次旅程每次去追都追到

兩年前去完Tromsø 就一直好想征服埋 Kiruna
然後沿路去 Alta Tromsø Svalbard

我留左一晚等第兩日坐飛機，果日KP有4，但d雲密到喊

諗起之前都喺到睇過Svalbard遊記
我想去lofoten