［重整北歐遊記］一路向北 極光

下次要上北少少，加上天氣唔好，啱啱去冰島就有storm
下次都可能去芬蘭之類！

我幾年前去土耳其都有類似經歷，但個陣驚係"影完問你攞錢" 個類，於是快快手影一張就算

好得意

係佢兩個真係最得意最鬼馬最活潑

去冰島嘅話極光當係bonus 啦，畢竟天氣太唔穩定
真係一定要睇到嘅話我會覺得去Tromso比較好

嗰刻真係比佢地嘅童真吸引住
加上呢到係小鎮+學校範圍，都唔會預佢地係呢種野
相反去其他旅遊地方有咁嘅意識都好正常

話說上次講到TOUR完結要準備回程,喺車上印度仔似乎仲覺得意猶未盡
於是佢就提議不如上山頂繼續睇呀
但嗰時都差唔多11點,兩個馬來西亞女就覺得有少少攰所以就拒絕咗
咁我既然同印度仔同房,陪你癲下又有乜所謂
個導遊送咗兩個團友番酒店後,都好好人咁車我地上山頂
睇番GOOGLE MAP,應該係一個叫Luossavaara嘅位黎,佢隔離就正正係一個滑雪場
上到頂後,都已經FEEL到個位真係好開揚,風大到莫講話腳架,連人都唔係幾企得穩
或者對個導遊黎講呢種程度嘅極光對佢黎講已經睇到厭晒
所以佢幫我地影咗陣相後佢就揸車走了




咁樣睇D光好似近到喺眼前一樣
而我都已經唔知係我冇對焦好 定係風大到吹郁枝腳架搞到影到咁矇
依家只能夠慨嘆自己道行未夠
又係快樂不知時日過,唔經唔覺又到12點,我地就打算離開
咁岩有兩個男人揸住架車衝咗上黎,好似好PRO咁拎住器材搵個靚位影極光
咁既然見到有車,印度仔就膽粗粗問人可唔可以車埋我地落山
可惜人地話後座放咗好多野冇晒位載我地.我地就只好自己搵路落山
一開始佢仲諗住行捷徑,喺啲有積雪嘅斜坡搵路落,真係一步一驚心呀
陪佢行咗一少段後都係搞唔掂,都係行番車路算吧啦,有咩意外就無謂啦
於是我地就一路行一路吹下水,行下行下就用咗接近45分鐘先番到HOSTEL
咁就完結咗特別嘅一日
有人成日會話旅行最美的風景是人,呢一刻我都有少少體會到
有時去旅行就係唔需要刻意咁去跑景點,反而放慢腳步欣賞下路上嘅人事物或者會有更意外嘅收獲
喺呢一日我同一班瑞典小朋友玩成一片,亦都睇到人生第一道北極光,最後本身內向嘅我仲同一個旅途上識嘅朋友做咗樣比較意想不到嘅事,我就覺得呢一日對我黎講永遠都會有一種特別嘅意義

我去嗰陣唔好天
得一晚見到一下極光
Set機嘅時候都冇 用眼欣賞完就冇

有時就係要有少少缺憾先比到藉口自己再去
同埋我覺得靚嘅極光相喺網上都可以隨時睇到,當下好好欣賞同感受反而先重要

去過一次Inari book透明房睇唔到
再去Tromso 冰島 先睇到
好想去abisko narvik

透明房係咪好貴
第一次見人想去NARVIK

成日覺透明房純打卡

睇極光要連埋後邊風景一齊先有feel

NARVIK 係二戰上都有d歷史

玻璃屋嗰啲係高級享受唔洗捱凍等
但影靚相角度黎講緊係要有埋風景入鏡先好

原來係咁,我仲喺到諗NARVIK又唔係咩睇極光熱門地,又冇乜特別野睇

無錯，所以乜都冇諗睇咗先算

Lm

好似係果邊報團都係車你去番abisko


戰地風雲5隻game 專登整左張地圖比佢

好記得果時未睇極光，成日玩隻game當去左

我之後喺冰島睇到最靚嘅一次極光
真係成個天都係光 仲要係DANCING的
嗰時我咁岩相機冇電,如果要換電又要喺腳架到拆出黎,好怕搞得黎個極光就會完
於是我就選擇好好欣賞,我好記得嗰時真係感動到眼濕濕
雖然有時都會覺得如果當時可以影低,什至有能力去拍片黎回味就好了
但正正係呢個遺憾會令我往後會想繼續追落去

去啦人生無常
有啲野再唔趁依家去做,以後就可能好難再有機會做
唔好比太多理由去阻止自己

我當時喺NARVKI都有略略睇過極光TOUR嘅資料
但由於我當咗佢係中轉站,所以都冇諗住報

當時經濟能力有限 去唔到冰島
但鍾意大自然嘅人 依個地方一定要去一次
仲係to do list
好想移民瑞典

果時去左邊？

琴晚同印度仔玩到好夜後，今日我就要坐3點鐘火車去下一站abisko了
呢一日都係比較輕鬆，訓到自然醒後就check out之後同佢再一齊行下
首先先去填飽個肚

呢餐係佢話要請我的焗飯喺呢一刻變咗人間美食

之後我地去番報團嗰間旅行社r水吹
點知佢地話打算整新野，就係想貼遊客經佢地帶團睇到極光嘅相喺牆上
於是我地嘅合照就成為咗牆上第一道極光
唔知呢兩年黎有冇巴絲又咁啱經佢地團成功追光呢？


貼完堂後，我地就去咗kiruna 教堂參觀，冇計啦，因為真係冇乜特別野好睇

循例地打個卡先

到咗差唔多兩點了，仲有接近大半個鐘時間就要去坐火車
於是就去咗佢介紹嘅一間cafe到飲咖啡

今次到我請番你
大家傾咗陣計，影咗張合照後，就要正式告別了
多謝你令我明白到獨遊就係要放膽去r水吹去識新朋友，唔好被語言所限
如果當日我唔鼓起勇氣問你一唔一齊報團睇極光，而只係純粹hi bye嘅話，嗰晚嘅事就全部都唔會發生
我跟住落黎嘅旅程又會繼續摺
係你改變咗我黎緊去旅行嘅心態（非gay）

本身想PLAN新年再去一次冰島,但睇黎都凍過水
我仲記得嗰時番到黎真係想試下去瑞典WORKING HOLIDAY