［重整北歐遊記］一路向北 極光

告別完後,我就去等巴士,都係一樣,市中心會有免費接駁巴士車你去火車站

再見了KIRUNA!
經過咗一個鐘嘅車程後,我就黎到下一站ABISKO了

一落車已經落大雨然後依家先4點鐘已經咁嘅樣,睇黎今晚嘅時間都好難捱
出站係要經過一個少少嘅室內空間,然後喺裡面比我聽到有人講緊熟悉嘅語言
原來係移民歐洲嘅香港人,大家傾咗幾句後,我就向HOSTEL出發了
今次住嘅係ABISKO.NET,其實我之前喺AGODA完全搵唔到呢到嘅住宿..
好彩印度仔佢就係喺到住完,咁佢就幫我聯絡番呢間HOSTEL我先有地方住
話說呢到落緊雨..再加上地下嘅水結咗冰,搞到成個溜冰場咁,每行一步都好驚會PK
路上仲有個講普通話嘅女仔帶住一個鬼妹又係搵緊HOSTEL嘅RECEPTION
由於門口指示唔清晰,搞到我誤闖民居 仲要比隻狗係咁吠
(SORRY 呢段時間冇乜點影相）

CHECK IN完揀咗個靚床位後,同房就有個亞洲人面孔,我就打個招呼先
佢係個住喺倫敦嘅越南妹(又係倫敦,唔知點解呢次旅程遇到唔少移民去倫敦嘅人)
傾開計佢好似話佢會留呢到一個星期,我心諗留咁耐做乜..唔悶嫁咩
然後我地就相約今晚一齊去湖邊睇下有冇極光
(我諗去過ABISKO嘅都會對呢個湖唔陌生,我都係睇之前某位巴嘅遊記先知道)
到咗差唔多8點幾嘅時候,佢就帶咗我去另一間叫ABISKO GUESTHOUSE嘅HOSTEL借頭燈,睇黎越南妹都幾熟路
HOSTEL隔離有條路,一路行就可以去到湖邊,唔報團黎講呢個位都係最方便欣賞到極光嘅地方
到咗後都見到有幾個人喺到等緊,之後都愈黎愈多人加入

咁都係照舊用相機曝光睇下有冇料到
見到都有唔少雲遮擋,我地逗留咗一陣就算了,反正打從一落車見到落雨嗰刻都預咗今晚唔會有希望
早啲番去休息下好過,咁就完一日

Book左兩晚兩間房 $4600左右唔太貴
佢係民宿 間房係車黎 日頭去大本營有廚房包早餐
夜晚成間房拖出去湖中間訓

我又冇咁有深度 純粹細個打機有個城鎮又係叫Narvik 有d情意結
就好似日本青森細細個就聽 想去 但相對比較悶

因為果陣喺北歐exchange, 去咗附近國家淺度遊
遠少少都只係落到波蘭捷克, 典型遊客mode, 因為冇錢stay
依加好後悔當時只係遊客咁走馬看花, 出黎做野已經冇咩可能可以去一個長旅行深度遊
btw, 我覺得波蘭人對香港人/亞洲人個態度係最nice

近2年開放左俾香港, 不過聽聞待遇好差
儲緊錢去冰島, 想帶哂全家一齊去, 不過要儲多筆帶佢地去左台灣/日本先, 兩老未坐過飛機驚一黎就飛冰島太地獄

我估佢地應該鍾意日本多d

今年年頭同你去埋同幾個地方都睇唔到極光 勁黑仔
有極光指數高就勁大雲
無雲果日又無野睇
玩到最尾係挪威渣架車過芬蘭先睇到

留名

睇完你啲相啲回憶返晒嚟，睇住啲極光喺正頭頂上面係咁爆，仲有啲好得意嘅聲，係我人生暫時見過最靚又震撼嘅嘢

想問下你係咩月份去？

樓主加油！追到live 喇

點解會對亞洲人特別nice? 因為韓國？

希望之後Narvik嘅相可以吸引到你

仲要起碼要識少少瑞典語所以我都係發下夢算
咁你要儲好多錢喎

咁真係黑仔
睇黎挪威追到去芬蘭都係基本野

係！如果有幸睇到極光大爆發，呢個景真係冇得輸

11月

上次講到一到咗ABISKO就落雨,今日天氣終於好少少

呢個係間房望出去嘅景觀
咁今日就會去NATIONAL PARK行下
由於已經留咗喺到幾日嘅越南妹已經對路況好熟,佢就提議我喺HOSTEL 借一對水鞋黎用
冇記錯好似係一日~100港幣


條路真係成個野外溜冰場咁
我淨係知著住對波鞋喺到行真係可以玩溜冰
雖然對鞋真係有少少醜,但冇辦法都要頂硬上


呢到就係琴晚等極光嘅湖,琴晚黑到乜都睇唔到,今日就黎望一眼啦
之後就開始上路去NATIONAL PARK

跟住兩條女行先
沿路指示都好清晰,所以完全唔驚行錯路

又黎溜冰場

行到呢個位覺得景觀冇乜特別,加上天又開始黑,所以就開始折返了

好厚雲呀

回程途中就經過一間超市,於是就順便補給下,然後就番HOSTEL HEA了

因為沿岸係勁多雲
要追返去內陸小小（芬蘭） d雲先散開
我果晚係吊住d極光巴士尾 知佢去邊邊就沖過去

樓主冇買雪鞋果d?

咁你都幾醒 識得跟人走
雖然自駕遊，但我覺得再冇機會下都可以選擇跟一次團因為人地真係有經驗，加上氣氛都好好

冇呀因為我上北歐前都要去其他國家，都冇可能揹住對鞋咁耐

極光 北歐 正評留名！
睇下巴打嘅相可以回味下

Join左兩晚架啦
太貴搞唔掂