第二朝7點幾就由機場出番市區,搭8點25分嘅火車去BERGEN
之後就會開始行NORWAY IN A NUTSHELL挪威縮影
咁點解我唔直接由TROMSO飛去BERGEN,而係要咁樣行回頭路呢
就係因為飛OSLO比較平囉
唔係講笑,我覺得之後行嘅挪威縮影都冇呢個景靚...
個人真係太迷呢種冰天雪地嘅FEEL
可惜我琴晚喺機場訓完精神都唔係幾好
成程火車都係訓下醒下咁根本就冇心情欣賞,結果途中淨係影咗呢幾張,依家都有少少後悔
又話說當時嘅旅遊台好多討論行程嘅POST,之後竟然喺一個POST到同個巴打咁啱坐緊同一架火車
之後就約好火車到站後就喺月台相認之後一齊玩