［重整北歐遊記］一路向北 極光

行山+行冰川

HEA咗陣後,我就準備上Fløyen了
由山腳行上山頂需時25-30分鐘,咁我懶行就選擇咗搭纜車
單程45NOK,都係幾合理嘅價錢啦!
上到去就係一個觀景台位,大部份遊客都係喺呢個位影相嫁啦

亂入嘅smoking area

係挪威最出名嘅峽灣呀寬廣嘅海灣配上城市景
呢次真係欲窮千里目,更上一層樓

呢隻就係挪威精靈troll，後來先知到處都可以見到佢地各種造型嘅塑像，我都冇留意到

呢到除咗個觀景台外,都仲可以向森林方向行咁就有啲登山路
但大部份人都只係集中喺打卡位，我都只係隨便行咗一陣就番番呢邊多人嘅地方

森林嗰邊仲會有啲羊行出黎，隔離有個鬼妹食食下野比突然出現嘅羊嚇到尖叫

成班快閃黨，嚇完人就散場
咁我就喺到等個巴打黎會合我，所以我都有好多時間繼續欣賞下呢到嘅景

去到４點幾就開始天黑，城市上嘅燈火都開始亮起

入夜後又係另一番景色

之後巴打已經黎到，等佢影下相後我地就行番落山了

好浪漫如果真係撞得正極光大爆發果下求婚 應該一世難忘

好靚

留名慢慢睇

輕輕推番上黎先
原來已經咁耐冇打，唔知仲有冇人睇呢
首先祝各位新年快樂，身體健康先

上次講到等巴打黎會合後，我地影咗陣相就落番山
經過琴晚算係中咗小伏，食咗餐唔平但又唔係好食嘅嘢後，我地都係揀番最經濟最穩陣嘅方法解決，就係m記啦


本身只係每人叫咗兩個包，點知職員話見我地等咗咁耐，就每人送杯野飲比我地

雖然算係微不足道嘅事，但每當我回憶起北歐時，總會諗到呢啲溫暖嘅人同事物

填飽個肚後，之後我地就再喺附近行下hea下就作正式嘅道別
聽日全日我將會行呢個挪威縮影，而佢就會去其他城市繼續佢嘅旅程

好好咁抖咗一晚後，終於到咗「去旅行 搭車又搭船」嘅呢一日

住嘅Hostel，循例影張相先
上次由Oslo 坐黎Bergen，今次調番轉

咁講下呢個挪威縮影啦，佢算係一個精華遊，比遊客可以用一日時間飽覽挪威嘅大自然精萃，都幾啱初到訪挪威嘅遊客嘅一個行程
咁喺途中都會踏足到幾個小鎮
行程首先由Bergen 坐火車去到Voss，之後就會坐巴士去Gudvangen碼頭，然後就登船去到Flam ，再之後就會坐架觀景列車去到Myrdal，最後最後就坐番火車番Oslo
睇落都好似有啲chur ，所以有啲人都會選擇中途揀個鎮住一晚先，而我只係純粹想到此一遊，所以就一日行完算

推 仲以為爛尾

繼續支持

如果睇到日落應該好靚

唔好爛尾呀 樓主

由BERGEN坐咗一個鐘頭十五分鐘後,就黎到是日旅程嘅第一站-VOSS了


火車沿途啲樹都係咁嘅色,誇張啲講句,係有種令我置身喺另一世界嘅感覺
跟住指示離開車站後,咁我就首先去搵一搵巴士站,因為下一程車就係坐巴士去碼頭
都唔難搵,基本上離開車站沿路向前行就會見到
之後趁巴士未到就有少少時間喺附近影下相咁


晨霧再加上湖景令我舒服到唔想離開

多謝你同埋樓上幾位嘅支持
估唔到要堅持打落去都係一件唔容易嘅事

你真係

一路睇緊㗎 加油寫埋佢

啲相好正

影到咁上下後,我就去番巴士站個位等車到

就係呢架了,寫得好清楚,完全唔會搭錯車啦掛
呢程巴士要坐一個鐘頭鬆啲,但係印象中風景係冇乜特別(?)
反正我係完全冇影過相
之後就黎到第二站Gudvangen

呢到地方唔大,幾乎一眼望晒,而基本上清一色嘅遊客落車後都係走入呢間手信店到避寒

我見到呢個冬天冇開嘅ticket office,真係嚇一跳
因為我係冇買到船飛嘅，如果我因為咁而冇得上船，卡住喺呢一個咁偏僻嘅地方，我都唔知點算好
唔通我一路隨心得黎又咁順利嘅行程,去到呢一刻就要比個教訓我？
但事到如今我都冇野可以做，唯有等船到咗先再算

超慢速更新

輕輕一推
樓豬唔準爛尾

Push!

Lm