[短篇/恐怖故] 魚師 （恐怖好睇就俾負評/唔恐怖就比正評）

咁究竟點解要殺sally
坦白同佢講話要分手唔得咩

樓豬係可愛絲打支持，幾時解埋佢

分手就係賤人，咁禮教害人，有異心者唯有殺妻，有啲老夫老妻，你以為好恩愛，其實好想對方死，自己唔洗做拋棄人果個，唔洗做壞人

魚師可以令人消失，咁男主角就可以唔洗做衰人，人性有時有啲位就係咁捨近求遠

後世魚師們記住莊子典故，所以最知道「忠臣不事二君，烈女不更二夫。」係痴撚線，違反人性，反而害人，莊子明咗呢個道理，就成咗大道

莊子先成魚師，之後先悟道，所以成為魚師唔等於一定大徹大悟，有關魚師境界嘅解讀後面都會解返，不過，後世嘅魚師如果識得借鑑莊子，就算咁啱生生世世輪迴係中華文化圈，都一定唔會忠於國家，亦唔會覺得自己係中國人

痴線真係好睇
啲伏筆一早埋左落去但又唔會覺得好故事
開頭小妹妹講啲野九唔搭八會覺得有啲心寒
而家解左又覺得好正

唔會好故意*
打錯字

其實個故幾好睇
未睇過呢類型嘅故
等緊樓主繼續解落去

真係好好睇

想知男主其實係咪一路一路睇住自己女友比人解緊！
如果咁都食得落真係唔知話佢心腸毒辣定讚佢意志堅定好！

推一推

（解四）

事件7：食第三道菜

上次提到蟹和尚咬男主角。

果時小妺妺勸蟹和尚比次機會：

「蟹哥哥，口下留人，比次機會佢先啦！」

本來男主角肯走，佢就可以無事，但佢堅持，到小妺妺食完香魚，佢仍然執迷不悔，到小妺妺叫佢入廁所洗面起，佢就行上咗死路。

因為男主角嚟過一次，佢知道廁所同燈掣係邊，Sally最後仲想比機會男主角，有心拆穿佢，就問：

「啊，你又會咁知埞嘅？」

「嘩！連燈都知點開！」

但男主角始終要狡辯同扮聽唔到

而且係呢道，有兩處前後對比可以留意：

-憑空出現的魚師魚-

(洗面前)我望向那幾個白鐵盤，裡除了一盤裝住淨冰水，其餘裡面全是香魚

(洗面後)我剛才見過裝冰水的那個鐵盤突然飛出幾顆冰粒，然後一個黑色魚頭伸出盤邊，直勾勾看著我

-鎖頭掉落-

(洗面前)上面鑽了一條插銷，雖然鎖頭打開，亦有心插實防盜

(洗面後)我腳下踏到了東西，低頭看，有個鎖頭，是從走火門上跌落的。

不過樓豬坦白，都有Bug bug地，佢腳踩到野，低頭睇都望唔到自己腳，如果比樓豬寫多次，會改成踢到野

係男主角入洗手間嘅時候，長庾同小妹妹就綁住咗Sally眼，拮住佢耳骨，換上新娘衫，解開肚取內臟，同放返鰤魚形相嘅元神出嚟，放入冰水盤養住，然後Sally嘅軀殼再沿走火通道走，拆咗開鎖頭丟落地下，匿係防火門後面，小妹妹無跟手尾，所以無插返個鎖頭，但佢估到做漏咗，所以先催男主角：

我擔心，想開門檢查，突然聽到小妺妹催促，又收回想推門的手。

呢個時候，長庾已將鰤魚嘅腦同腦天肉解出嚟做壽司。

-蝶扇-

紙黃骨爛，頂黑柄霉，看來年代久遠，上面正中畫有一個褪色的大蝴蝶

係呢度Share個小細節，呢把蝶扇除咗用嚟預告《莊子試妻》嘅魚師故同揭示殺妻線索，樓豬有心暗示佢真係莊子把扇，紙黃骨爛固然係指年代久遠，而頂黑柄霉，係因為田氏用過嚟搧火煎藥，火薰黑扇頂，手汗亦令扇柄發霉，而大蝴蝶之所以褪色的，一來有機會係自然現象，二來，話唔定係因為莊子元神蝶已經飛咗出嚟。

-畫龍畫虎難畫骨，知人知面不知心-

係《莊子試妻》呢個魚師故中，有唔少對話都係基於原典再依照魚師故情節需要改寫，係原文嘅打油詩之中，有兩句講到：

畫龍畫虎難畫骨，
知人知面不知心。

樓豬對應呢兩句詩，就借田氏嘅說話去反駁魚師嘅脫俗之處：

龍虎背後眼兩振，
魚師捉來百斤骨。

人面當前皮一浸，
老者食過萬両心。

凡人畫龍畫虎雖然畫唔透，但係魚師眼中，望一下龍虎連骨都解得出嚟，凡人雖然只知人口面，但魚師自古食人解人，對人心人性最為清楚，所以田氏由始至終都對自己個心清清楚楚。

-敲碎瓦盆不再鼓，伊是何人我是誰-

此外，最終莊子講嘅：

好人本相依，硬試拆兩邊！

係想食一食字，好字一女一子，即係田氏同莊子，唔試就一直相依為命，一試就唯有各散東西。

而當莊子歸老，化成兩魚，相忘於江湖，就出自《莊子：內篇·大宗師》：
相濡以沫，不如相忘於江湖

講緊一處泉水係乾涸之時，魚同魚以唾沫彼此濕潤求存，不如你我相忘，彼此自由於江湖中。

樓豬無提到相濡以沫，因為係莊子化魚之前，早同田氏以雌雄兩蝶相惜相依，既然緣盡，落水就相忘了。

之後再講一魚化大鵬西去，就出自《莊子：內篇·逍遙遊》

裡面提到有一條叫鯤嘅大魚，化為大鳥鵬，忘卻物我，逍遙自在。

注意，原文係由北海至南海，樓豬改成大鵬西去，方便同西方文化傳說做貫通，千祈唔好比樓豬個講法混淆咗真正嘅知識

-魚師得魚賣不？亦不得，得亦不賣。-

北宋《太平御覽》引用過《宋書》：
或問：魚師得魚賣不?
弘之 曰：亦不得，得亦不賣。

而同時，李時珍係《本草綱目》引用大唐醫藥家陳藏器嘅說話就提過：
魚師大者有毒殺人，今無識者。
但《唐韻》云：鰤，老魚也。
《山海經》云：歷虢之水 ，有師魚，食之殺人。
其即此歟!

樓豬將兩段內容串連，於是就有小妹妹一句：

「因為魚有毒，得魚師先識解比人食，我地唔想食死人，從來唔會賣比普通人。」

-脳天-

腦天肉就生係魚嘅頭頂，一條魚得兩塊，唔係度度有得食

講返到第九章最尾劇情先，鰤魚突個頭出嚟，正正因為佢係Sally嘅元神，佢係對男主角念念不忘嘅部分，所以要望住想殺死自己嘅男主角，不過佢唔知碟壽司嘅腦天肉係係自己頭頂解出嚟，但如果有人講明佢知，元神魚就會死，所以第十章開始師傅發現魚偷睇，就立即用布遮住。

樓豬要謝一謝罪先，呢星期返工真係好受壓，一收工就係張床攰到無力，所以遲遲打唔切文，你地鞭打我啦

次次睇都
終於估啱少少

好痴線 呢個故真係要用腦思考先好睇 正
樓豬慢慢唔急 寫故係興趣 唔好連寫故都有壓力

推一推

支持F5

慢慢出

可憐之人必有可恨之處
男主角大可以是但作個理由分手，大家舒服。
坦白自己岀軌亦可，男主對自己對人有個交待，sally沉澱上一課。
男主角同mandy要做到咁絕，將sally 抹殺。反而想知sally對男主角做過乜痴線野。

你指可恨係男主角定女主角？
男主角其實就係固執，而Sally就係有話直講嘅女仔

係男主角眼中，Sally講嘢成日有骨，又嫌三嫌四，而且任何壞事出現都要搵人嚟責怪，但男主角從來都係將抱怨收係心，不停係心入面批評呢個女仔，漸漸個心就會好憎個女仔

所以文中會提到男主角想用栗子掉Sally，心入面睇唔起Sally 同 覺得Sally令佢心煩

由鍾意到唔鍾意，但唔敢提出分手，每秒相處都會變成互相煎熬同憎恨，結果就想置對方死地

多謝支持

出解啦出解啦

收到！琴晚出咗解

睇唔到解緊個過程，佢洗完面一見返Sally果時，Sally已經無咗內臟

多謝支持