[短篇/恐怖故] 魚師 （恐怖好睇就俾負評/唔恐怖就比正評）

魚師幾時組團去解撚哂共產黨班仆街

點解魚師咁仆街
成日斷舍續命

睇完後記啦！等你解埋個故

係wor

出埋解篇就唔攞壽包掟樓豬

你問：但我唔明，同sally元神時序重疊
所以你係想問點解Sally元神離開日本之後，再返黎日本變成淡海果陣，隔咁多年都會遇到天照？

係呀，因為師傅話「頭先天照講凌遲果陣已經凌遲緊你。得返對眼，腦都解埋，安心走啦！」，我估即係話小妹妹係天照，但如果我諗時序無錯，sally嘅元神都係繼承自天照，sally同天照喺現今世代重遇了，佢哋其實係同一origin？

因為天照係不老女童所以由古代生存到現代，sally係天照元神又分烈經歷好多代之後嘅產物？

樓豬寫完都唔比解
要繼續寫更多好文 加油

樓豬加油

呢篇文其實真係上文下理一片混亂，好少可見到修仙類型寫到咁，太白星君仲有咩元嬰求其攞嚟用。。要棄文啦。

好鐘意呢啲神怪獵奇故
仲要穿插咁多神話/典故，正
可惜p牌無得負評

點都好，我要多謝你肯睇到呢度，寫故睇故一回事，相遇相識一回事，同你講聲再見

如果有緣，希望下個故事你會中意

刺身好唔好食究竟係取決於條魚好唔好食定係魚師點樣處理條魚定係食個個人食個時感受到啲咩呢唔知

屌你咁撚勁自己寫囉

樓豬 I always support you

樓豬加油 push

樓主呢？ 解未㗎

樓豬出黎解啦

（解一）

感激大家陪我黎到解篇，以下我會依章節順序咁解，大致交代典故出處，本來版本，改寫的背後意圖及人物關連，食字位的彩蛋都會提埋，一齊研習典故！

—————第二章

-造人兩字謎底-

三個字分別是「活」「造」「人」，
活造，活き造り，即係刺身上碟果陣魚仲生勾勾，再勁啲兩邊肉片完，魚仲可以游水。咁活造人⋯⋯

話時話，片完一邊唔片另一邊，我諗得一邊肌肉，條魚曲起都似，但魚師片魚又唔同，因為魚唔知！所以游水直筆甩。

第三章就有暗示個「活」字，「哥哥仔，唔洗做咁絕，留條活路行唔好咩？」，廣東話對白，生路生路，邊有人廣東話講活路，因為「活」字塊簾卡住道門，留條活路比人走。

樓主唔想助長活造，以免引發食慾，此處不附圖，見諒！

—————第三章

-天堂有路你唔行？-

呢句諺語應該易估，「地獄無門闖進來」，小妺妺唔係講野唔吉利，只係講事實，不過男主角自己立心不良一心作死！

-好彩有磨砂-

魚師解人地方唔可以有反光，所以小妺妺話好彩鐵閘有磨砂，睇唔得清楚。同樣「魚缸沒有照燈，陰陰沈沈」係為咗防止外面太黑魚缸太光，咁魚就會見到倒映。

-一三一四-

いらっしゃいませ(Irasshaimase)！睇到後面你就會知，小妹妹係日本人物，點會講日文都講到好似元氣壽司咁撚難聽，一三一四係食字位，一生一死，Sally生，男主角死。

—————第四章

-雌青雄赤是魚師，日夕清波浴不遲-

呢度「魚師」原本係雀仔黎，因為食魚，所以叫魚師，羽毛好撚靚，清代筆記《廣東新語》就咁話：

粵產翠羽，而人不珍，婦女不以為首飾。故語曰：「南海之羽，出疆始珍。」羽，翠羽也。其大者毛充貢，小者名水翠，宿食各占磯塘，自衒其毛。日浴水中，乃益鮮縟。美於山翠，一名魚翠，即鷸也。大於燕，羽長寸餘，雄赤為翡，雌縹青為翠，合之色碧，是曰翡翠。翼尾俱十二條，以毳毛光明者為上，顏色暗者曰秋毛，次之。其生于深黎者，茂林峻嶺，人希得見。晴霽，日中始一出。小大僅侔梁燕，五色離披。人必積久探視，密羅其巢始獲之，是山翠也。取者又或俟其生子乃得。楊孚《異物志》云：翠鳥先高作巢，及生子，愛之，恐墜，稍下作巢。子生羽毛，復益愛這，又更下巢也。予詩：「雌青雄赤是魚師，日夕清波浴不遲。低處為巢因愛子，花工捕向月明時。」

清19世紀 點翠嵌寶穿珠花頭面，古人將翠鳥毛加入首飾嘅工藝叫點翠，好撚靚

相出處：
https://www.jewelryworld.com.tw/detail.php?art_de_id=QD48PyomJTk0NEAoKyMlXis=&rePageUrl=L21vYmlsZS90YWdfbGlzdC5waHA/JmNsb3Vka2V5PSVFOSVCQiU5RSVFNyVCRiVBMA==

考證至此，青色其實係藍藍地，而唔太似係黑色青綠色，所以樓豬就比師傅著紅圍裙，小妺妺笠藍頭巾，暗示佢地係魚師。

—————第五章

-是月也，令漁師伐蛟取鼉，升龜取黿-

呢度嘅魚師就係漁夫，樓豬一查古文對照網，見到同一句說話都好多版本，我列返三個出黎：

《呂氏春秋·六月紀》
是月也，令漁師伐蛟取鼉，升龜取黿。

《太平御覽·秋上》
是月也，命有司伐蛟、取鼉，登龜，取黿。

《淮南子·時則訓》
乃命漁人，伐蛟取鼉，登龜取黿。

樓豬對比古文的網站：
https://ctext.org/text.pl?node=23297&if=gb&show=parallel

「鼉」即係揚子鱷


「黿」即係沙鱉，大水魚

故事中魚師專剋蛟鼉龜黿，而長庚同鱉係有典故，解第六章人物原型果陣會提到

-精通者五年磨一刀，聞道者三十年磨一刀-

魚師故事的原型就是《莊子民.養生主》的庖丁解牛，原文係咁：
良庖歲更刀，割也；族庖月更刀，折也。今臣之刀十九年矣，所解數千牛矣，而刀刃若新發於硎。

良廚劏牛一年換一把刀，尋常廚師每月換一把刀，而丁呢個人十九年換一把刀，咁樓豬就同理諗出咗魚師故。

-證道者用眼開魚-

同一出處，又有一句：
始臣之解牛之時，所見無非牛者。三年之后，未嘗見全牛也。

廚師丁劏牛到第三年，對眼已經見唔到完整一隻牛，呢段字亦啟發了樓豬想象魚師用眼開魚的原因。

-殷商末年，有一位李姓的年輕魚師-

呢段典故出處係「哪吒鬧海」同「削骨還父削肉還母」，本身樓豬手多，想叫佢做水吒，再托世先叫哪吒，咁金木水火土，輪住去又係水，反正魚師又係同水離唔開關係，但諗諗吓，都係收埋啲正名，比啲估典故嘅樂趣比讀者，就一直叫佢做年輕魚師。

深水埗三太子廟

貼返張相出處先：
https://hong-kong-heritage.com/samtaitze/

三太子哪吒殺三太子敖丙，削骨還父削肉還母，然後太乙真人幫佢造蓮花身，相信大家都耳熟能詳。

而東皇太一，係早前已經揭曉咗，因為太乙太一意義相同，而且有講法係民間忌諱皇字，就從東皇太一衍生太乙真人，所以樓豬先換字，將太乙真人換成東皇太一，再隱藏「太一」兩字，將年輕魚師嘅師傅叫做魚師東皇。

—————第六章

-蟹螯即金液，糟丘是蓬萊。-
-且須飲美酒，乘月醉高台。-

呢兩句出自李白《月下獨酌》第四段，全段係：

窮愁千萬端，美酒三百杯。
愁多酒雖少，酒傾愁不來。
所以知酒聖，酒酣心自開。
辭粟卧首陽，屢空飢顏回。
當代不樂飲，虛名安用哉。
蟹螯即金液，糟丘是蓬萊。
且須飲美酒，乘月醉高台。

揀呢呢段詩嘅原因，係因為我想暗示長庚師傅嘅身份係李白，繼而用魚師故解釋點解佢中意食蟹，而同一章入面亦有一處提到李白另一詩作《擬古》第五段：

-酌醴膾神魚，千金買一醉-

原文如下：
今日風日好，明日恐不如。
春風笑於人，何乃愁自居。
吹簫舞彩鳳，酌醴鱠神魚。
千金買一醉，取樂不求餘。
達士遺天地，東門有二疏。
愚夫同瓦石，有才知卷舒。
無事坐悲苦，塊然涸轍鮒。

我拆咗其中兩句尾接頭，為咗突顯長庚（李白）中意飲酒同食魚膾。講個小傳聞，大唐百姓忌諱皇帝姓李，鯉膾都唔準講，

但點解李白即長庚呢？唔係樓主吹水的，首先長庚星即是金星，所以太白金星傳說個名就係李長庚，而點解關李白事？大唐李陽冰《草堂集序》就提過：

李白，字太白，隴西成紀人，涼武昭王暠九世孫。蟬聯圭組，世為顯著。中葉非罪，謫居條支，易姓為名，然自窮蟬至舜，七世為庶，累世不大曜，亦可嘆焉。神龍之始，逃歸於蜀，復指李樹而生伯陽。驚姜之夕，長庚入夢，故生而名白，以太白字之。世稱太白之精得之矣。不讀非聖之書，恥為鄭、衛之作，故其言多似天仙之辭。

而李白真係好適合做魚師，因為佢同鱉過唔去，大宋趙令畤的《侯鯖錄》就提過：

李白開元中謁宰相，封一板，上題曰「海上釣鰲客李白」。相問曰：「先生臨滄海釣巨鰲，以何物為鉤線？」白曰：「以風浪逸其情，乾坤縱其志，以虹霓為絲，明月為鉤。」又曰：「何物為餌？」曰：「以天下無義氣丈夫為餌。」時相悚然。

虹霓絲明月鈎，再拎無志氣嘅士大夫做餌，樓豬唔寫佢做魚師點得！

-蟹和尚-

蟹和尚典故出自《白蛇傳》，法海和尚要消滅白娘子，又鎮佢係雷峰塔，之後太白金星去捉法海，於是法海匿入蟹殼，成為蟹和尚。法海本身有個法寶缽，用來捉過白娘子，於是魚師故入面就有一個隨緣缽。

蟹和尚就係咁

咁點解係善無畏呢？因為有講法《白蛇傳》係啟發自善無畏降伏大蛇，《舊唐書·志·卷十七》就咁話：

「天寶中，洛陽有巨蛇，高丈餘，長百尺，出於芒山下。胡僧無畏見之，嘆曰： 「此欲決水注洛城。」即以天竺法咒之，數日蛇死。祿山陷洛之兆也。」

但蛇又點會變成龍呢？都唔完全係樓豬無中生有嘅，白蛇傳入面許仙同白娘子個仔就叫許夢蛟，而鎮江法海洞又掛住張商英嘅宋詩：
半間石室安禪地，蓋代功名不易磨，白蟒化龍歸海去，岩中留下老頭陀。

法海洞就係咁

因為以上考據，樓豬將法海一分為二，變成善無畏同白龍。

（解一）補

-用佛髮舍利織成漁網，鎮在金匣之中-

仲想講雷峰塔架，你老尾爆字數

雷峰塔


比多張近照，民國十三年果陣座古塔個遺址比中華民國啲人搶磚搶到塌撚咗，屌你老母臭閪


塔底真係有野架


其中一樣文物就係阿育王塔，入面傳說裝住佛螺髻發

因為呢個佛螺髻發，所以魚師故入面先會話用佛髮舍利織成漁網，不過其實無人拆開過個阿育王塔檢查，所以係咪真係有佛髮舍利都係未知

-割龍肉一缽，醃成金齏玉膾-

金齏玉膾究竟係咩呢
《太平廣記》又引述過大唐顏師古嘅《大業拾遺記·吳饌》：
又吳郡獻松江鱸魚乾鱠六瓶。瓶容一斗。作鱠法。一同鮸魚。然作鱸魚鱠。須八九月霜下之時。收鱸魚三尺以下者作乾鱠。浸漬訖，布裹瀝水令盡，散置盤內。取香柔花葉，相間細切。和鱠撥令調勻。霜後鱸魚，肉白如雪，不腥。所謂金虀玉鱠。東南之佳味也。紫花碧葉。間以素鱠。亦鮮潔可觀。吳郡又獻蜜蟹三千頭，作如糖蟹法。蜜擁劒四甕。擁劒似蟹而小。二螯偏大。吳郡賦所謂烏賊擁劒是也。

樓豬想貼圖，但好多復原版本，唔想誤導大家，留個Google圖片比大家睇：
https://www.google.com/search?q=%E9%87%91%E9%BD%8F%E7%8E%89%E8%86%BE&tbm=isch&ved=2ahUKEwiN9NSM9KTtAhUa0JQKHRRfD6EQ2-cCegQIABAA&oq=%E9%87%91%E9%BD%8F%E7%8E%89%E8%86%BE&gs_lcp=CgNpbWcQDFAAWABgkyJoAHAAeACAAQCIAQCSAQCYAQCqAQtnd3Mtd2l6LWltZw&sclient=img&ei=1BXCX426DJqg0wSUvr2ICg&bih=666&biw=1536

（解一）暫時寫到呢度，之後（解二）再講第七章起打後的典故

魚師幫佢地投胎

講返先，故事入面嘅魚師無國籍觀念，睇住一個地方嘅國家更替興衰，佢地唔會覺得自己係中國人，亦唔會理中國有無民主

況且民主係要民眾自己爭取嘅
中國人係自己想要被獨裁

但魚師見到強權殘殺百姓，都會出手解救，例如文中講嘅文革批鬥同凌遲酷刑

多謝你陪我地睇到呢度，有無比負評唔緊要啦

可能關樓主個肚腩有幾大事，為食所以寫美食故

如果睇埋（解一），你會知道長庚係邊位歷史人物，佢為食所以煮野煮得好食，至於食刺身，咁都要睇解出黎果條元神魚夠唔夠肥美啦