[短篇/恐怖故] 魚師 （恐怖好睇就俾負評/唔恐怖就比正評）

會唔會睇得辛苦

我睇左啦樓豬
博學多才到呢

多謝你！出到完解二啦

以後唔敢標題有師字了

多謝你，心意收到！

出完解二啦

我都已經唔識分

多謝你一直支持，希望解到最尾都有你陪伴

我都係一知半解，上網做過下筆記咁，開心Share啲小知識

魚師係呢度並唔係一般魚民嘅意思，而係專職係船艙底聽魚嘅人，秉承查故唔駁故嘅精神，我覺得聽得出水底有無魚都係好犀利。

大黃魚會用魚鰾在海底溝通，所以先聽得到。

多謝講解

好睇，但唔恐怖

放心一定會
我都好鍾意呢啲神怪傳說野 等樓豬再介紹多啲

幾好睇同好有新鮮感
好少可有加插文言文同用埋典故 但又唔會覺得突兀
支持樓主 等你出解三

推一推

我反而想知文入面, 兩條女同主角之間發生咗咩事
點解主角會再上去, 點解會咁緊張MANDY,同埋點解會見到自己條女係無腸魚
兩條女共生咗定係點?

中間有D奇怪位係去廁所時,點解條女會問佢D奇怪問題
一開始唔係同佢講咗自己去過咩?

同條女無得返轉頭就係因為拗緊仲食唔食落去, 咁就嬲咗?
好似無咁簡單...

定係我中間有無D咩野睇漏咗,總覺得好似有D野無睇哂咁明D唔明D
但我幾鐘意呢個解嘅題材,獵奇FEEL

Mandy = 第三者
主角變心 Mandy 想搵魚師解咗主角條女

第二次上去嗰陣 女主已經知呢度係解人嘅
女主食到一半問佢停唔停 其實係想試吓佢會唔會收手 主角堅持 所以佢嬲

當然男女主就係輪迴八百世嗰對夫妻／兄妹

等咗咁耐先追故竟然仲未有解劇情

劇情呀！劇情呀！

Agger!!! 樓豬可以解咗劇情先

頂, MANDY咁毒嘅
男主抵死啦咁樣!
咁MANDY最後去咗邊﹖

（解三）

大家意見收到！樓豬最配合！第八章起開始起劇情開始入正戲，我地邊解典故邊解劇情！

「貞烈情意，非人盡皆有，自古都有夫夜殺妻女，另結新歡，又有妻毒殺相公，再嫁情郎」

—————第八-九章

-莊子試妻/大劈棺-

第八-九章提到嘅典故係《警世通言 莊子休鼓盆成大道》，莊子係原典中為咗試妻，假死再化身楚王孫，引誘田氏再嫁並要田氏劈開莊子棺木，取腦餵王孫治頭痛，莊子係棺中瞪眼，田氏羞愧上吊自殺，而莊子就成大道。

樓豬一直覺得呢個故入面莊子正仆街，試到老婆死埋，又唔阻止人地上吊，大條道理咁，父權到嘔，所以係魚師故版本，就索性寫盡佢，幫田氏平反，於是莊子係先有心同搧墓女相好，所以引誘田氏背叛自己，再逼田氏自殺，田氏識穿，就先將元神解出成川芎花梗，入藥一同比王孫吞服，然後軀殼假意同王孫情投意合，等上吊自殺後先透過潛伏元神揭穿莊子。

「這下無人阻你娶那寡婦了。」

田氏一計破一計，樓豬就心滿意足了，而莊子比田氏道破之後，自己都悟道咗，所以無娶返搧墓女。

呢個故提到兩個概念：
1. 無元神，軀殼仍會似活人咁生存
2. 一個身體可以容納幾個元神，而且果刻掌控緊身體嘅意識會睇見其他元神

講返劇情，莊子試妻，害死田氏，又強調過夫妻之間互相殺害嘅現象自古有之，而魚師故嘅主線，正正係一個殺妻故事！

男主角去廁所，雖然見到無實質嘅鏡，但洗手盤靠住道牆正常就係照鏡位，而呢度男主角見到蝶扇，就好似照鏡咁，佢要殺妻。

事件1：男主角出軌

Sally------(拍拖)------男主角------(出軌)------Mandy

事件2：Mandy同男主角合謀搵魚師想令Sally消失

樓豬原本想寫埋，係Molly介紹魚師比Mandy同男主角知，而男主角近來成日同呢兩位女同事有聯繫，所以第一章先有一句：

「咩同事？同女同事食啊？Mandy定Molly啊？唔食啦，一陣會哽骨。」

不過樓豬覺得Molly可提可不提，就剪走咗細節。男主角知道魚師可以幫佢令Sally消失，但點消失，解人食人，其實佢唔知，所以越食越唔安落。

留意返，男主角真係比Sally講中哽親

事件3：Mandy同男主角第一次見魚師

係今次食日本菜之前，男主同Mandy就係一星期前上過嚟一次，請師傅殺死Sally。

師傅同小妺妺見完男主同Mandy，就去搵Sally，然後將真相講比Sally知，又計劃好點應對，所以Sally係一早就知道男主角想佢死，一直推推搪搪，比機會男主角回心轉意：

---第一章
「唔食啦，一陣會哽骨。」

---第二章
Sally用半信半疑的眼光望我，一度不願走入去。
「係咪真係食野地方嚟？野食乾唔乾淨架？」

再後面哽親果段都有描寫Sally想比次機會男主角嘅反應，樓豬唔累贅引述了。

事件4：Sally同男主角上門，入坐

係早前回覆之中，都有提過，小妺妺玩櫈果陣解咗男主角對腳。

目的係唔比男主角走得甩，走到出去，比人提點佢無咗對腳，即刻就會行唔到。

事件5：食第一道菜

其實事件3時候，長庚已經解咗Mandy個元神出嚟，之後嘅Mandy只係得返個軀殼，可以留意下第十二章提到：

「半個元神我地都幫佢搵咗歸宿啦，宜家應該做緊人地個乖女，至於另外一半，你最開頭食得丁哚咁多，份量半隻手指尾都無，梗係感應唔到啦，你掛住佢我地最多炸一份比你」

最開頭男主角食嘅菜係錦鯉釀蓮藕帶，小妹妹係第三章提過錦鯉「上星期已經食咗」，而錦鯉剩返一半，就對應返「半個元神搵咗歸宿」，所以當事件3完結之後，小妺妺同長庚師傅已經幫Mandy一半嘅元神搵咗新宿主，奪舍做緊人地個乖女。

事件6：食第二道菜

如果讀者知道咗男主角想殺女主角，就可以理解食茶碗蒸果陣，蟹和尚點解偏偏唔受男主角奠嘅酒，一心想咬到男主角腸穿肚爛，因為男主角抵死。

係呢個時候，蟹和尚噡咗男主角個膽出嚟，所以男主角係去廁所果陣都慌張咗，見到無腸魚又嚇得好犀利，不過魚師解人不知不覺，到後來小妺妺先提返起件事。

樓豬都係寫幾多Post幾多吧！唔想拖住拖住儲稿吊人癮嘅衰人

立即解緊了！

解緊啦解緊啦

即刻收到大家意見

個解故先係平時睇故用腦程度
呢個故要收藏
俾負評有啲可惜