[短篇/恐怖故] 魚師 （恐怖好睇就俾負評/唔恐怖就比正評）

琴日出咗文啦，等你睇

多謝你

好難明啊但又好好睇

樓豬唔夠喉
想繼續睇
個小說好有寒蟬同劇本殺嘅feel 好jeng

日光日白睇到好心寒 樓主加油

想問主角對腳幾時俾人兵解咗?

呢個唔太關劇情，所以宜家可以講解，其實主角一開始坐底小妹妹就解咗佢兩隻腳，所以小妹妹較低張櫈比佢斷口落地

不過魚師解人就係要不知不覺，所以就算無呢個小細節都唔會影響劇情

其他野解得未呀咁

推
同問樓豬幾時解埋

好想知 樓主幾時解

推

推

Push

樓主係咪比人解撚咗

小妹妹都識解腳
原來佢都係魚師

樓主加油
期待結尾同解說

好撚顛 好撚好睇 典故同伏筆簡直一流樓主 快啲出埋後記

好正

小妹妹係咪魚師娘娘
有啲似以前睇聊齋種feel 好正
心急等解中 樓主加油

樓豬比人解左

樓豬真係比人解左？

我確實地告訴你們：你們如果不回轉，變得像小孩子一樣，絕不能進入天國。

（十三）後記

後來八百蝶轉世到田氏，倒數八百零二世，元神化魚，太和時代，再遭一名叫淡海的女子食下，奪舍之，與夫君劍俠花浪一直恩愛。

當時不老童女天照舉辦婚禮，請到淡海花浪兩夫婦出席做觀禮人，花浪被天照美貌迷去心智，竟趁夜闌人靜，暗算了天照的夫君，然後向天照求歡，天照怒而解下其雙腳，逃走並把花浪的腳交給其妻淡海，花浪不知雙腳已無，還到處尋覓天照。

淡海想拉住夫君為他把腳裝上，花浪見到妻子卻大罵她相貌醜怪，遠遠跑開，淡海情深，苦苦追逐，花浪來到海邊走投無路，自己沒有腳，失足自然跌落海中，大叫救命。

淡海傷心欲絕，便解腸明志，因為看住自己解腸，必死無疑，後跳進海中，將自己殺盡，元神化成人面魚，同樣無腸，把暈倒的花浪救回陸地，又還他雙腳。

這時天照來到，把花浪解來生食，八百無腸魚苦苦求情，天照不聽，食剩血紅肝臟，到無腸魚道出自己前世今生，天照才停下解人，嘆息：「哎呀，我又再害苦了你，你便留在此地度完你的八百世，此惡人的元神就在肝中，我便不解出來放生害人，直接將肝曬成瓊玉，日後你想念他就來憑弔吧！」

淡海割腸明志，投海在後，人們口耳相傳，被誌在《風土記》中，後人仿效，切腹明志，介錯在後，魚師們知道當中典故，既敬重人們切腹坦誠之心，又不忍心剖腹者承受額外折磨，很多時會當上介錯人，從後解頭，留下一點皮肉連繫，跌下來的頭就會望到脇差刀的反光，立即死亡。

「八百無腸魚嘅典故就係咁，咦，Sally姊姊你都食得七七八八啦喎，加油啊。」

「我食咁多，會唔會頂肚架？」

「唔會啦，啱啱先生返成個胃出嚟，實仲好有胃口頂。」

「你都係唔好提住我生返咩出嚟啦，一陣我好似衰人咁，亂諗自己仲有咩無咗咪衰！」

「啊，你提一提我，我地可以唔洗綁住哥哥仔對眼啦，佢都估到自己無咗對腳。」

白布解下，小妺妺望住我的眼睛，在她旁邊站住了日常穿著的Sally，Sally也望住我，摸住我的臉。

小妺妺的身後，又有一位著龍鳳掛的Sally坐在壽司吧前，她的腹部腸臟外露，但有一些覆蓋組織正在重新長出。

在她旁邊的和尚，已沒有再扶住Sally的手，他走入廚房，幫師傅做清潔。

「你仲有心機四圍望嘅？真係忍得，頭先你坐住郁都唔郁，我以為你暈咗。」

我趁自己望到東西，兩手立即捏住小妺妺的頸，突然手中抓空，我低頭見到自己一對手掌落在地上，我才開始痛，小妺妺立即捉實我兩個斷腕止血。

她剛才一定不止解走了我的舌頭，我叫不出聲。

「喂，你氣管流血啦，心定啲得唔得！」她把我的一隻斷腕塞入氣管，讓肉和氣管互相擠壓止血，我以為會抖不到氣，但卻仍然能吸氣，想必她在我往下的氣管位置又開了孔。

「又出血嘅！哥哥仔你好煩！」她又將我另一隻斷腕塞進兩根鎖骨中間對落。

這時和尚把蟹蓋遞給小妺妺，小妺妺又讓我看了蟹蓋入面兩個擴張收縮的小洞。

「呢次我用蟹哥哥個缽仔同你開窿抖氣，你無得曳啦！」

我全身軟倒，蠕動的力氣都沒有。

「嘩，呢個我知，Dorsal Vagal！樓上個細蚊仔教我嘅！」

「唔好同果家人咁多來往啦，一早各走各路架啦。」和尚開口說話。「心師解心，魚師解魚，唔好打擾大家。」

「你個庚爺都無出聲啦，東漢果陣你都未出世！」小妺妺伸脷抗議。「一陣煮火鍋唔比你食！」

「你地唔好嗌交啦。」Sally食完最後一件壽司，她的肚已經完全癒合了。

「哈哈，你住落就會知我地日日都咁嘈。」和尚說。

「Sally姊姊你食完啦，等我幫你除塊布。」小妺妺又走到Sally身後為她解去綁眼布。

「嘩！」Sally望了我一眼，又望開去，然後才檢查自己身體，「你頭先解咗我咩地方？」

「肚啊，成副內臟解哂出嚟，所以呢件新娘衫先中間開窿，等我睇到你啲餡生齊未。」

「我真係唔知。」

「比你知就唔叫魚師啦！」

「話時話，咁八百無腸魚最後一世係點？」

小妺妺神秘一笑：「講咗對上一次歷劫先，因為受《風土記》影響，好多女人遇到丈夫背叛就會切腹，天照有心幫八百，所以每當有烈女子決心切腹，天照就會係前一日賣魚湯佢飲，所以到平安時代就已經去到最後一世。

呢時八百決定變做人面魚，就請佢嘅朋友高橋魚師將自己拆骨，高橋餵魚肉俾自己個女食，八百就奪舍再世，但呢一世八百睇透咗世事，唔急住應劫，後尾仲出埋家做比丘尼，即係尼姑啊！

八百比丘尼小時候識得個男仔叫安倍晴明，長庚後來教咗佢做魚師，佢知道八百嘅劫，就一心想去幫佢解脫，兩人一齊生活咗幾年，但晴明無心傷害八百，自己都唔知點算，於是八百就蒙眼解開自己個肚，扯咗一條黑蛇出嚟，搵個籍口講話：『你心在道不在我，就此決別』

因為八百學識咗保食分裂元神嘅方法，黑蛇只係佢一部分元神，後來八百係空印寺圓寂，留低元神又化做不滅茶花，但八百呢世種過好多棵山茶花，我同長庚都唔知佢最後一世嘅劫要應係邊。」

小妺妺微笑望住Sally，又說：「不過今日搵到你啦。」

「痴線！你講乜？我係八百？我自己都唔知啦！」

「Sally姊姊，我咪話你一早睇穿咗唔急歷劫嘅，唔急咁多年，又正常投胎咗幾世，唔記得好正常啫！一陣打埋邊爐，我帶你去拜七如來，拜完做返魚師，你就會記得返。」

「仲食？我食咗成個自己落肚啦！想我肥屎咩！」

「食返自己點會飽！你今晚落肚咪最多係飯，一陣食啲啲囉，一齊慶祝，不過和尚食齋，唔比佢食。」

「咩食齋，魚師解人，又無殺，係四淨肉。」

「扮咩！都知係酒肉和尚架啦你，你夠膽當住寶勝如來講多次！」小妺妺指住師傅，笑笑口。「小心一陣你個庚爺鬧你唔生性！」

「等等先。」Sally插嘴，「一陣食咩野嘅邊爐。」

「手切人肉啊。」小妺妺答。

「我仲未慣你地講得咁恐怖。」

「親手解過人你就會慣，聽晚比你試吓。」和尚笑說。

「蟹哥哥！大唐嘅人唔好扮前輩啦！八百第一次解人果陣你都唔知係邊啫！」小妺妺說著，向我行來，「哥哥仔，仲未郁得返咩？你識唔識嗌架？以為我同長庚睇人凌遲，前一晚就同個慘人打聲招呼，到行刑果時，我同長庚一前一後望住劊子手片肉，刀未落我地就解咗先，咁個慘人唔痛架嘛，就會合埋眼扮慘叫，好好笑！

後尾啲人諗到割眼皮，我地解爛慘人對眼，都係叫佢扮叫。

不過你呢⋯⋯

我想聽你真叫。」

「佢都叫唔出啦！玩野！」和尚提醒。

「哎呀！你啱喎！」小妺妺拍拍額頭。

「你地會點對佢？啲肉割咗落嚟真係會食？」Sally問。

「除咗食之外，我地係幫緊佢造人！有一種元神形相唔係動植物，而係bb仔，古時叫做元嬰。

大人會行會拎野，bb仔淨係識坐訓爬，所以要解咗手掌腳掌。

大人會講野，bb仔唔講，所以下巴喉嚨同條脷都要解。

最後大人多肉，bb仔少肉，所以要一片一片解出嚟。」小妺妺講的時候望住我的眼。

「好啦，嚇夠佢！」師傅掩住嘴，突然出聲。「玩還玩，解魚解人，都唔可以存心靠害，最多送佢一程，重新做人。」

「衰人長庚！唔好咁掃興啦！」

「長庚師傅終於講野，我都未聽過你開聲！」Sally說。

「含住塊鏡丫嘛！所以費事亂開口。」師傅繼續掩嘴答，然後單手除下紅色圍裙，掛在牆上，再揭開橫板，向我走來。「哥仔，有咩過錯都好，你都還夠啦，準備好死未？眨個眼睇吓。」

我眨眼。

「一陣死果陣，心入面諗住我十個名號，咁你下世就唔會記得呢世點埋尾，而Sally留係你身上果部分元神都可以放低怨恨，放你生路。知唔知我講咩？」

我眨眼。

師傅放下手，嘴巴金光大作，我見到自己原來早已剩下一排白骨。

「頭先天照講凌遲果陣已經凌遲緊你。得返對眼，腦都解埋，安心走啦！」

南無過去寶勝如來、應供、正遍知、明行足、善逝⋯⋯

「不如唔好背啦，我唱埋首歌你聽！」

善逝⋯⋯

There'll come a time, now don't forget it,

善逝⋯⋯

There'll come a time, when you'll regret it.

善逝⋯⋯

Some day when you'll grow lonely,

⋯⋯

Your heart will break like mine and you'll want me only.

After you've gone,

after you've gone away...

故未寫完，長庚都解我唔開！終於寫完，之後到解篇