「明......明......」Elisa拍拍我膝蓋。
「下......?」我連回一句話都無咩氣。
「食啲嘢。」Elisa撕開包壓縮餅乾。
「唔......」我拎起一塊嚟食。
黑暗中,只有Elisa嘅嘴嚼聲。
「我覺得......我抖唔到氣......」我連食餅乾都覺得難。
氧氣少到,我意識好模糊。
「唔好訓啊,一訓就好難醒。」Elisa提我。
「我盡量......」
「你仲要返去見你女朋友嫁嘛?你頂住啊......」Elisa搖我膊頭。
「係......我仲要......」
「我哋講下嘢?」Elisa為咗唔令我訓著,不斷地同我講嘢:「你有咩想問?」
「點解,你要殺死你男朋友......」我無點思考過就問出口。
但Elisa好似都唔太介意:「因為佢同第二個偷情......我唯有殺咗佢......」
「唯有......?你講到好似無第二個方法咁......」
「咁你呢,你同你女朋友點。」
「幾好......正正常常咁。」
「如果出到去,你會點啊?」
「我會即刻同佢結婚......」
「真係好......」
「叮」
突然間,消防櫃入面發出咗響亮嘅聲音。
係手機......