937 Like
10 Dislike
懶癌末期廢青
2020-10-04 03:47:08
LM
鹽西
2020-10-04 04:00:50
我仲等緊㗎
或者就這樣吧
2020-10-04 04:03:14
267苦主區
知道自己不知道
2020-10-04 04:17:22
墨巴係咪都俾艾匡困左喺個垃圾房度啊
歌舞忌丁
2020-10-04 04:31:08
果然是滿天
到底滿天是有多帥
能如此吸引亂世中的皇。
墨說
2020-10-04 04:48:19
艾匡想也不想,就徒手拾起了木枝。
「扣到咁入做咩鬼......」對方正試圖拔走楊良的扣針牌:「記住我個名,叫芬克呀!」
原本扣針牌快要拆掉的芬克,突然停下手來。
因為,他嗅到了危險。
這是「病獵」的本能,
亦是獵人的直覺。
他往危險來源瞧去,竟發現源於艾匡聳立的身影。
芬克有那麼一刻察覺到,艾匡的氣勢不同了。
是為什麼?他很快得出答案,是她的眼神。
滿身摔得碎草泥屑的艾匡,一個欺身就上前,利用木枝當劍去揮斬芬克。
芬克當然是不畏懼這種非利刃的攻擊,但他卻被艾匡瞬疾的步法驚訝,不禁連連退後三個身位遠。
「你以為拎木條就有用?」芬克大感奇怪,反問她。
「你唔會俾你搞到良。」艾匡持著木枝,站在楊良面前。
「哈哈哈,有趣有趣。」芬克此才打開小布袋,繼續拿出小石頭到手:「咁就同你玩下棒球遊戲?」
話到一半,芬克就把小石頭往艾匡臉上擲去!
完全不是憐香惜玉的力度!
「咚!」艾匡眼光一閃,揮走石頭。
「哦......?」芬克張大眼睛,像發現了什麼有趣的玩具:「之後我就認真囉!!」
接下來,芬克不斷以小躍進方式,三百六十度繞住了艾匡,同時向她無間斷地擲出小石頭。
這些石頭要是中了一塊,鼻子都會馬上會流血,可是艾匡就是把石頭全都打下來,令芬克失去一個攻擊手段。
「喔?」芬克摸著空掉的布袋,表情大感驚奇:「居然用哂......」
他這才意識到,艾匡身邊跌落著很多他擲出的石頭。
「啊,你拎宜枝隨地執嘅爛鬼木條,仲厲害過徒手博擊啊。」芬克對她作出評價。
因為體熱而有些透紅的艾匡,沒理會芬克的口水話,就如同往昔打算一斬揮落。
「噠」被芬克一隻手接住了。
「不過,木條就係木條,你改變唔到佢嘅本質。」平日嘻嘻哈哈的芬克,神情一時間嚴肅下來。
隨即「喀」的一聲,那灌木的木條更被芬克單手折破。
「啊...」艾匡有一秒呆怔,然後急速躍後。
可是,芬克沒像艾匡預期般施展攻擊,反而優優閒閒地離開:「合格啦~如果你仲上到山嘅話。」
「咩啊!」艾匡罵他。
「我話你合格啊!」芬克沒好氣地解釋:「我係富馬史考官派嚟測試你班上山考生嘅病獵之一!」
「測......試......?」楊良稍為回復意識。
芬克這才完全道出試煉真正內容:「嘻,離開倖存區只係考驗之一,你哋上山個陣,每條必經之路都有病獵駐守,除咗確保你哋安全性之外,仲係嚟考驗你哋,故意同你哋發生衝突!」
「咁我做咗啲咩......」艾匡這才放下敵意,呆呆地問:「令你覺得我合格?」
「主要分三樣去評估。」芬克舉起三隻手指:「攻擊手段、自保技巧,仲有積極性,如果係完全無上山毅力、毫無反抗性、膽小畏懼嘅考生,我哋一律會強行搶走號碼牌,但你已經顯示足夠嘅實力......雖然實力同普通學徒差唔多就係......」
「就係咁,再見!」芬克轉身繼續落山。
「多、多謝......」艾匡呆滯地吐出一句。
「以後你真係做咗病獵,協會撞到我記住叫我一聲芬克哥!」
芬克離開以後,艾匡才扶起楊良:「你行唔行到啊?」
「行到......只係有少少浮咁解......」楊良可能連走直線都難。
「喔,即係行到。」艾匡馬上放開手。
墨說
2020-10-04 04:48:34
「啊......」楊良立即跪下來。
「拎住!」艾匡從一邊的樹林裡,找到枝生長過盛的木枝。
「唔該你......」楊良握著木枝當拐杖。
略為整理一番,兩人繼續上路。
「真係估唔到,嗰個富馬史考官會玩陰濕嘢。」艾匡說。
「咁都啱嘅......」楊良擦擦鼻子上的血,說:「我哋真正出去時候,永遠都唔會知......邊到同幾時會有突襲嘅危險,如果啱啱嗰個唔係病獵,而係惡意嘅倖存者或者病者,可能我哋都無命......」
「我哋都有自己嘅優勝之處嘅。」艾匡對他說。
「......係?」
「至少,我哋唔怕走出倖存區先。」艾匡豎起兩隻手指,牙齒潔白地淺笑:「已經係前20%少有嘅人類。」
楊良寬懷一笑,肚子亦傳來「咕」的一聲。
「你肚餓啊?」艾匡問。
「係有啲......」楊良撓撓頭髮。
「啊啊啊!!!!」樹林的不遠處,傳來男生的求救聲:「神啊!救我啊,附近有冇人呀──」
「咦?」艾匡和楊良都瞧向聲音方向。
「好似幾近......」艾匡說。
「可能係俾病獵考官偷襲嘅考生?」楊良猜。
「咁點啊?唔理?」
「呃......我拎唔到主意。」楊良搖頭。
「其實就應該唔好理嘅......」艾匡眉目緊鎖,想做出抉擇:「但佢嘅慘叫聲,真係慘。」
「咁就去。」楊良知道艾匡拿不定注意,特地率先走往聲音方向。
二人深入繁茂的樹林,偏離原本的道路,可謂沒白費氣力,因為慘叫聲的主人,很快就出現他們的面前。
是個頭髮有些飄逸的小伙子,年齡應該跟艾匡差不多。
「救、救、救......救我。」那個人左腳被捕獸器夾到了。
「噓。」艾匡示意他安靜,並留意到他的號碼牌:「你都係考生?」
他抵受住腳下痛楚,說:「係......我諗住行山路會無偷襲......但就踩中咗捕獸夾......」
「呢個都係富馬史設落嘅陷阱之一?」楊良輕輕一托下顎。
「我諗就係,山下少少直頭有三個考生踩中捕獸網,一齊中招。」被捕獸器夾中的考生說。
「你叫咩名?」艾匡說著同時,已找來兩根頗粗的枝幹:「楊良,一人一邊,槓桿原理。」
墨說
2020-10-04 04:48:46
「好。」楊良轉握枝幹。
「林樂天、啊、啊!」夾痛又發作。
「拎隻腳出嚟!」艾匡和楊良一發力,林樂天馬上挪動左腿離開。
「呀啊──」林樂天摔到地上,腳脛滲著血。
「行唔行到啊?」楊良問他。
「完全唔得......」林樂天抓住滿是落葉的泥地。
「要孭佢上病獵營,佢宜家落山又唔係,上山又唔係......」艾匡道出他真正的情況。
「真係......?」楊良仰望天空,覺得時候不早了:「咁會拖慢我哋進度,上面可能得返十幾個名額。」
「咁無理由唔救佢。」艾匡苦苦地將林樂天揹上:「哎!怪就怪自己見到佢......」
「大姐姐你真係個好人......」林樂天見艾匡高佻一點,就以為她比較年長。
「我幫你......」楊良想他揹。
「你算啦,你啱先都幫我食咗塊石頭。」艾匡不讓他揹,直至就走上山。
二人行,變成三人行。
經過一番波折,他們抬頭總算能見到太平山頂的地標──凌宵閣。
「應該差唔多到。」楊良說。
「太多謝兩位......」林樂天的腳,血仍在一滴一滴的落下。
「呢場試煉未免太過份......連捕獸夾都放......」艾匡覺得事情不太對。
「如果我唔係咁急上山,應該就無事......」林樂天緊閉著眼睛。
「係呢,你點解嚟參加試煉嘅?樂天。」艾匡稍為回頭。
「因為......我聽過病獵協會......」林樂天緩緩道出,自己參加的原因:「嗰位新任會長嘅事......」
「鳥嘴先生?呃、呃......」艾匡口快快,於是轉為向樹邊的鳥兒揮手:「哈佬鳥嘴先生!」
「關個位會長咩事?」楊良代艾匡問。
「我聽人講,佢解決咗寬恕營......」林樂天低著頭,續說:「而我嘅家人,喺幾年前就俾宜班盜賊殺咗......佢幫我報咗仇,我敬佩佢而參加......」
「原來係咁......」
「你兩個呢?」林樂天轉問。
「差唔多原因。」艾匡微笑。
「艾匡,點解你唔攰咁嘅?」楊良突然提起。
「啊......」艾匡突然停下來:「你唔提都好啲......你一提我就覺得好攰啦......」
「咁抖下先,我哋無停過咁上山。」楊良提議。
提議通過,三人坐到路邊荒廢的半山小屋裡。
原來休息個十五分鐘再上路,應該沒什麼問題。
但在他們休息到一半的時候,有些事情發生了......
屋外的腳步經過的聲音,艾匡探出眼睛偷偷一瞥,竟見兩個服裝死沉的男人經過道路,其中一個手上還握著球狀物體......
可惜距離太遠,艾匡看得不夠清楚。
或者就這樣吧
2020-10-04 04:52:59
刁維尼
2020-10-04 07:46:24
Lm
8.23香港之路
2020-10-04 08:35:39
推
知道自己不知道
2020-10-04 10:51:39
結婚拍拖生子
2020-10-04 11:01:40
tui
nozstual
2020-10-04 11:01:59
其中一個手上還握著球狀物體
人頭
?
mambabewithus
2020-10-04 12:12:40
或者就這樣吧
2020-10-04 13:55:37
習武保衛地球
2020-10-04 15:15:46