【Ｋ２９】《病港ＩＩ》（１３）

睇完唔敢去staycation

無論酒店故作者係咪墨B都好
個故暫時嚟講係真係好睇追得過

富林控股。

公司在倖存區內，所涉及的業務為餐飲業。

在中菜和西餐的領域，都不難看到它們的身影，但最著名的莫過於「末日罐頭」這款產品。

當日，第一天踏入絢弘街的王達尼，雙眼就已經鎖定了這隻股票不放。

因為，他回憶起自己曾去過時代廣場，在那裡吃過一塊畢生難忘的牛扒。

再查讀圖表、閱讀過舊聞得知，曾經那三個淪陷的倖存區，因為糧倉和水庫發生了病毒感染問題，導致富林控股一度跌入低位，股價久久未能上漲，大部份買家止蝕離場。

但在王達尼眼裡，它卻是不可多得的金礦。

因為「食」，乃是人之基本所求。

人類對於食物的渴望，只會無求無盡。

而富林控股本身發明的「末日罐頭」亦極有科學意味，公司的前境實際是十分良好。

因此，王達尼每每在生意上賺到錢，便會把金錢投入到富林控股之中。

久而久之，王達尼在股票獲利累積的金額，已經遠超於成本十倍有多。

就是說投入一百萬，就會變成一千萬。

但無可否認地，他經常在炮崗嶺和巴爾市的酒吧故意唱好這隻股票，更說出自己一套「希望論」，大致內容是只要購入「富林控股」，贏了錢未來生活就有希望。

原本只懂裝修、打鐵的老師傅，又或是無所事事、勞勞役役的年輕人，都被他的「希望論」吸引，跟著買入股票。

在這荒蕪又黯淡的世界，人可能最需要的，就是一個希望。

這「希望論」一傳十、十傳百，計算現今人口比例的話，恐怕有七份之一的居民聽過，並購入了這隻股票。

「達尼小弟......你太不可思議......」積奇從實體股票上抬頭，望向眼前的王達尼時，經已是不一樣的眼神：「我積奇好耐都無見過你呢啲商業奇才。」

「不過......」王達尼默默盯住那些股票：「我宜個舉動，可能會害死某啲人。」

「咩意思？」我不太明白。

積奇好像會意，替我解答：「達尼小弟係富林控股嘅大戶，佢一賣走哂所有股份，股價會即刻插水，價值低咗，一啲人承受能力比較低，例如只係聽下人講，就跟人買入嘅新手，好容易承受唔到呢種跌法，有啲人成副身家或者借錢放哂落去嘅，就更加慘烈，血本無歸。」

「但股市，就係個合法嘅賭場。」積奇支持他的決定：「係無善惡之分，達尼小弟。」

「咁又係。」王達尼把體實股票收回，抬頭一問：「咁積奇管理人，你決定好未，我哋傾下生意。」

「你絕對有資格。」積奇伸出一隻手。

王達尼跟他握手，示意雙方合作：「多謝，合作愉快。」

「咁之後......應該無我嘅事？」我為什麼會坐在這裡，聽他們說話這麼久。

「都關你少少事Ｍ，你可以聽埋一份。」王達尼讓我別急著走。

「首先，我哋三個可以做合作伙伴關係。」王達尼開始說出自己的藍圖：「Ｍ，我唔知你知唔知積奇老頭係做開咩生意，佢幾乎係夕鯨國唯一擁有生產冷兵器牌照許可嘅人，佢就係靠呢樣武器生意嚟佔一席之地。」

「咁當然，我本身嘅煉製能力係權威級，先有今時今日呢個地位。」積奇很享受他的讚美。

「就咁嘅。」王達尼擦擦鼻子，說：「相信，大家都知呢七年嚟，港島北嘅資源都已經差唔多挖空，無論係廢土區定係嗰個好多樹嘅地方，大部份都俾人搜括過哂。雖然北面相對地安全，比較少病者出沒，但資源都係比較少。」

「你想去南面發掘新資源點？」我直說重點。

「係，咁我都知係危險，所以我有咁嘅諗法，由病獵協會帶隊，帶鯨寨嘅居民去南面，一旦搵到礦石點、伐木點同水源嘅地方，就由鯨寨嘅人進行勞動性工作，收集嗰到嘅資源，你哋只要保護好佢哋安全就夠，再將我哋鯨寨收集返嚟嘅資源，轉交俾炮崗嶺加工，最後生產出嘅任何商品轉賣成利潤就各分三成，最後一成就大儲起佢，作為後備資金。」

這個計劃，很有想頭。

適當地運用了三方各自的優勢，去共同賺取利潤。

「不過......」我帶點疑惑的目光，望向住王達尼：「鯨寨嘅人，可以咁大無畏行出倖存區？我怕你得唔到咁多民心，佢哋唔願意為你賣命。」

「怕嘅人實有，但呢個世界有種人最惡，嗰啲叫窮鬼，而且佢哋會為金錢賣命。」王達尼舉起三隻手指：「鯨寨我大致會分三等人口，第一種係願意出去搜括資源嘅人，我會俾最高嘅工資佢哋。第二種係願意學習製作私釀酒同煙草嘅人，我會俾第二高工資。第三種係普通維持社會運作嘅人，我會俾正常嘅工資。」

「關於工資，即係貨幣嗰到，你份報告係吹水定係俾間諜睇？你話用「糧票」嚟......」我又問。

「「糧票」取代「鯨幣」？無錯，呢個只會係大方向。」王達尼掏出一塊鯨幣，又掏出一顆種子：「你睇下呢兩樣嘢，呢兩樣嘢到底係啲咩？係一啲價值都無，鯨幣呢種無實物支撐佢價值嘅嘢，想要幾多就整到幾多，仲有呢啲種子，種得出嚟時間成本都蝕哂，最終無人會走去種，只係不斷拎嚟交易，就好似長期交換啲食唔到嘅食物咁，完全係浪費食物。」

「達尼小弟，你講得都有道理。」點點頭的積奇，都不禁拿出一顆種子來凝視。

到底是誰說它有價值？

又是誰人要我們相信它的價值？

我望望兩位：「就係咁？」話題好像結束了。

「呵呵，好期待同兩位嘅合作。」積奇老頭站起來，並戴上紳士帽：「我都係時候要返去睇下，朝早煉出嚟嘅鋼塊成品嘍。」

「得閒嘅，電話再傾下。」王達尼說。

「嗯。」我目送積奇老頭出房。

是次生意，談得上成功的。

這當然有賴王達尼的商業頭腦。

在他的嘴巴之下，你真的很難拒絕其提出的合作計劃。

就算風險有多高。

「鈴」旅館的門關了，積奇老頭和五名醫護人員離開。

「呼......」王達尼這才全身軟攤在沙發上。

「你嘅事已經成功，咁我都繼續自己嘅工作。」我準備好，再次下去那隧道。

「做咩啊？」王達尼愣一愣，問：「路軌啊......？」

「係，點都要清空埋佢。」我說。

「但得你一個搞得掂咩？」王達尼一頓，又說：「唔好諗住搵我啊，我宜嫁仲唔係好掂，塊臉腫成咁都唔知點去絢弘街賣走啲股票添。」

「我自己去。」

「你一個？唔係啊話。」

我轉身，預備開門走人。

「講真嫁你！？唔掂嫁喎，有咩事起上嚟......」王達尼繼續囉嗦不斷。

於是，離開前我又轉身在他耳邊，說：「我有抗體。」

「喔、吓！？咁啊......」王達尼都不知說什麼好，索性吐出句：「咁你小心啲。」

「鈴」

清除工作第二天，鰂魚涌路軌。

我沿路撿回防爆衣穿著後......

重複post左

重post當出文？

重複

我以為我睇錯

既視感

原來重post咗

「你今日嚟......」我點一點頭，重拾時間感：「係想幫我手？」

「無，我懷疑你死咗啫。」王達尼又掏出那一大疊實體股票：「同埋想你同我一齊去絢弘街嗰邊，賣走啲股票佢。」

「絢弘街，中環嗰頭？」

「係啊，行過去都係用你兩個鐘，更何況唔洗行。」他泛起一抹笑意。

「唔洗行？」

「係咁嘅，我喺鯨寨開咗第一間用管理人權力營運嘅「人力車公司」，亦都應徵咗一大部份居民工作，未來呢幾個月就準備試行，你有幸做第一個乘客。」

「好似唔錯咁，不過我有金鐘嗰邊嘅法庭禁制令，我六十二歲之前都唔可以踏足中、上、西環三個倖存區，我諗你要自己一個去。」

「又好似係......」王達尼打算大失，沒趣地離去：「唉，咁我唯有搵阿大梁同細梁去啦。」

梁文豪和梁文俊，王達尼的兩位小跟班。自應徵船員出海打撈Ｄｒ．Ｄ後，他們就一直跟著這位吸金能力超強的老闆工作，毫無疑問為其商團忠誠的一員。

還有不少的員工，是王達尼在倖存區的日子，透過各種渠道認識。

包括，在酒吧認識的、出區外搜索物資認識的、證券交易所外抽煙認識的、到黑市交易認識的、在後巷玩外圍賭博認識的。總言之，王達尼吸引了各方面的人才，對方又相中他的生意頭腦，而為他出汗出力，在這段日子之下，港島區的「黑鼠商團」就不知不覺地成形。

但鑑於王達尼習慣單獨行動，一般不會像大富人家那樣，動不動就攜帶保鑣、情婦、保姆、秘書、司機等一同外出，最多就帶一包煙、一壺酒。

但他預計把富林控股的股票全數賣出的話，一個人兩隻手應該拿不到這麼多種子。

因此，他今天帶上特別多的員工隨行。

叫上自己將軍澳區的朋友去，都不過是想一起分享這場勝利遊行。

但既然有法庭禁令在身，王達尼只好從地鐵站打道作別。

「噫。」王達尼彎一彎腰，行出地鐵站。

迎來他的是三十人左右的團隊──港島區 ‧ 黑鼠商團。

「王生。」黑鼠商團員工同時間望他：「Ｍ先生呢？」

「佢唔去得，我哋去吧。」王達尼拍拍手，帶領眾人出發。

他們的第一站，是在關口附近創建的「人力車公司」。

這家公司由王達尼成立，早在競選管理人時，就想出的一系列計劃之一。

靈感來源於夕鯨國幾乎橫跨十個倖存區，每每由一區去到另一區，可能都要花上一至兩小時不等。

經過數十次改良和設計，王達尼的團隊終於製作第一部穩健的人力車，今天便是實行試坐的第一次。

因為早有通知，人力車早就停泊在公司門口，等待王達尼到來。

說到公司的位置，其實就只是間單車舖的前身。

「王生！你嚟啦。」赤裸上身的車伕，向他打聲招呼。

「今日就辛苦你。」王達尼讓員工給他一塊麵包，然後坐到車子上。

「無問題！」車伕大口一咬麵包，就拉動人力車出發去。

其他隨行的員工，只能徒步隨行，因為公司尚未製作更多車輛。

人力車跟民國時期款式差不多，沒遮沒掩的可以欣賞沿途風景。

「唔～」王達尼一邊吃著葡萄，一邊坐望路上景色。

北角同樣是個重新建設的新倖存區，過往因為受到病者的侵襲，令到現在居住量和人流量都偏低，經過長長英皇道，都只能看見六、七個活人。

拉了好一段長路，車伕都汗流浹背了。

眼見即將到達中環倖存區，王達尼都稍為整理衣袖，坐得端正一點。

因為金鐘往後的倖存區，那裡的居民大多都自帶「白鴿眼」，內心多少都有一點看不起其他非專業人士。

絢弘街。

坐落各式各樣的金融機構，可謂夕鯨國金融市場的心臟地帶。

一個倖存區要運行普普通通的貨幣交易制度，已經十分困難。

但要維持這樣龐大的金融市場，更為困難。

因為處於末世後不安穩的日子，要人們相信貨幣的價值是需要花費很大的力氣。

一旦有什麼金融危機、泡沫、缺憾，人們就不會再相信第二次。

信任，是不能用錢買到的東西。

「呼，到啦，王生。」拉了長長大路的車伕，停在絢弘街前。

街頭上有不少西裝革履、趾高氣揚的人，帶住審視且不屑的眼神盯著車伕看。

「辛苦你。」王達尼取出一支自家製香煙，當作小費送給他：「搵個地方慢慢享受宜美妙嘅五分鐘。」

「多謝、多謝！」車伕收下香煙，把人力車拉走。

車伕走後，王達尼帶同商團的員工們一起走入夕鯨國最大的投資銀行。

李氏銀行。

由夕鯨國首富，李氏所創辦。

不過，他本人早已退休，將事業交由兒子繼續。

更沒人知道的是，他早已魂歸天國。

而現任行政總裁，為李氏的兒子──李勝雄。

「又係李氏......」大梁抬頭一看，那金融銀行的名字：「佢哋喺倖存區都幾多業務......」

「咁就當然，佢哋未喺末世之前，已經係香港第一首富。」王達尼答。

「佢用自己個名做招牌，搞到成個倖存區都係佢天下咁......」細梁又說。

「佢個真名，緊係唔係叫「李氏」，呢個只係係佢行商時用嘅專稱，大家都咁叫慣佢。」王達尼又為他們上一課：「所謂錢財不可露眼，好多有錢嘅人名，或者佢嘅後代，都係用假名代替，除非做嘅位係好有影響力，要用自己真名嚟做擔保令人去信任」

王達尼和商團一走入李氏銀行，各個金融領域的人士就紛紛往王達尼凝望。

所謂人靠衣裝，佛靠金裝，王達尼只披著件棕色的大風衣，和經紀般的白襯衫黑領帶，一點兒金融菁英的味道都沒有。當然，有部份人知道他便是鯨寨新上任的管理人，而格外對他打量幾眼。

直至，王達尼來到交易檯前，掏出一大疊實體股票。

「幫我全部賣出去。」

交易員以為只是小股票，料不知一拿上手差點嚇呆了：「富、富林控股......要賣哂佢......？」

「嗯。」王達尼叼起煙。

「王先生你等一陣！我叫一叫經理出嚟接待你......」話畢，交易員便跑到經紀室去。

不到十秒，形象更為專業、更像才俊的銀行經紀，便走出來接待王達尼進入房間。

「嘻！王生，唔洗企喺到，入我房慢慢幫你處理。」經理恭敬地說。

「老闆，要跟住你？」商團員工問。

「啊，你哋喺到等陣先。」王達尼對他們說。

王達尼跟著經理入到房間，經理第一件事做的便是為他拉開椅子：「王生要唔要食啲糖，補補血糖？」他拿出一小碗五顏六色，透明包裝的糖果。

「都好。」王達尼拿上一顆糖，翹著二郎腿拋到入口中。

「聽員工講，你係要......賣出「富林控股」嘅？」經理連說話都小心翼翼地：「想問，總共有幾多股呢？」

「嗰到十萬股。」

「十萬股......」經理自言自語，對數字有點震驚：「當然可以，但你會唔會考慮......逐次分批咁賣呢？」

「分批賣？咁樣啲人交易量，遲早會觸發恐慌性拋售，到時我成個賣價跌咗，你賠俾我？而且我時間成本唔低，不過你哋銀行應該賠得起。」王達尼揚起嘴角，微微一笑：「我知你想點，你想俾一啲都有買入嘅「貴人」，可以喺呢次賣盤前走得切，但咁樣唔合符股票市場原則，如果宜件事傳咗出去，你覺得......仲會有人同你哋玩股票遊戲？」

「呃噫......」經理馬上流汗、眉緊，身體微微抖顫不停。

「我最好喺四點收市之前，會賣到哂出去。」王達尼看看手錶，續說：「如果唔係，你哋成個股市等住冧。」

「我諗......」經理如果沒來得及通知其他有利益輸送的大戶，馬上把股票賣掉，自然在大戶眼中他是不中用的存在，然後可以收受的利益都全無。

「點啊？」

「我......」經理只想到最後一個選擇。

「快少少喇，我趕住返去～」王達尼一副悠閒。

經理筆直地站起，九十度標準地躬身：「請你跟我上嚟！王達尼先生！」

「去邊？」王達尼站起。

「去見一見銀行副總裁......」經理保持躬身，汗流滿面：「請原諒我！承擔唔起呢個責任！」

現階段，恐怕只有這種大人物能牽制得住王達尼。

幾時到呢邊？？

有冇諗過一個故係要讀者支持先唔會爛尾？

中左病童既幻覺

你錯喇
有讀者支持只係更有寫作動力，好多作者即使有讀者支持都會斷更，例如近期既sims故，like數少咩？咪又係冇尾

所以唔出晒/作者冇好記錄，無謂睇

能夠完故，一係短故，一係好作者
中/長篇故好少去到結局

課金仲有冇加更？