返咗近30年摩門教，你問我答。

點睇上帝會在不同週期派先知教導人類

無追po，巴打生活係咪中上階層。

同意神會在不同週期派先知教導人，因為只要有人願意聽，神就會派。
可惜人經常拒絕同殺害先知。（睇舊約就好明顯）
比較易有例子就係首先有亞當，之後娜亞，亞伯拉罕，摩西，瑪拉基之後幾百年冇新經文，之後耶穌等等…
每一代都係人拒絕神後神重召先知或最後神之子親臨

小弟排緊公屋，交貴租，月光族等上樓

樓豬，睇到你咁勇敢我真係冇辦法敬佩你
一睇到你咁就諗起果段「Dare to stand alone」既Mormon message
中學果陣時自己全班得自己一個係member，無論小息定上堂都比人取笑，連我F6果年既英文Miss都睇唔起我(佢信其他基督教)。印象最深刻既係有次英文堂佢叫大家自修學下英文，班入面啲人訓教玩手機佢都唔理，我起櫃桶睇利阿賀拿結果比佢收左，最後仲被掉左落垃圾桶。平時就要剪個頭髮或者咩都可以比人用黎開宗教玩笑，跟住我就開始起班入面自閉，同外界完全隔絕。Down左幾十段mormon messages落手機，中午放飯就自己打開部手機起角落頭睇。長老同姊妹傳教士都會不時text我、call我同埋放學同我一齊玩(monday)，捱下捱下就捱過了 。

Anyways, N年前既事了，而家已經重投社會，身心健康了

你肯定會想問點解我member都會上連登，其實我平時冇野做會寫下故仔po上黎，但唔會睇其他post，但啱啱有個fd話比我知有呢個Post

追到live
想問下樓主對之前反性傾向歧視立法嘅嗰班基督徒有咩睇法

我個人認為佢哋個出發點係啱 只可惜表達方式錯咗

如果我話基卜山

手火

㩒錯兩次自膠
原果我話基督教整個體系都好偽善，由以前黑奴、獵巫、打壓科學，到今日反同性戀、反隋胎，其實只係基督徒每次都將聖經向自己有利嘅方向詮譯企圖建立權威，根本就無從一而終嘅標準，令到所謂聖經同神只係你地鞏固權力嘅工具，你會有幾大程度同意？

我非常同意，主流基督教聖經任佢演繹。
所以我相信必須要有一位先知去解釋經文。
既然神召先知寫經文，點解唔搵返先知解經文？

咁有無試過你信嘅野同自己道德直覺有出入（例如會唔會你個教叫你唔好支持同性戀但你直覺覺得要支持（求其鳩up例子only))？最後你係咪選擇放棄自己嘅道德直覺？

我嘅過覺得有出入嘅地方都係我了解未夠，例如前個牌教會指明同性戀伴侶嘅孩子喺18歲前唔準洗禮，我覺得有啲無理，但其實因為如果要孩子喺成年前就否定爸爸或媽媽嘅婚姻係不為神所接納係一件好慘嘅事，所以先有咁嘅規定。

你地係咪有摩門經？

點睇摩門經?
摩門經,作為一本係主後1800年先寫出黎既經文,點解你地會相信佢唔係魔鬼既工作?
如果世上仲有先知, 佢地點解會直接聽命於摩門教而唔係基督教?
當先知係聽命於神既大前提底下, 到底命題中既神係邊一位神?
有先知咁聖靈既工作又會係D咩?


請詳細回答

摩爾門經唔係1800年先寫出嚟

因為我親自祈禱求問神呢本書係咪嚟自佢
如果祈禱都冇用，敢問有乜方法你又知聖經唔係魔鬼嘅工作？

因為基督教早已變質，教義被改，神嘅權柄都失去咗，要有返真理就要從前復興，正如摩西一樣。

神係指係耶穌嘅父，耶穌嘅神（約翰20:17）

聖靈嘅工作向來係為真理作證，使徒彼得，約翰，保羅等都有擔當過先知嘅職責，咁聖靈嘅工作喺使徒行傳年代又係乜？你答我

點睇天主教係敵基督？

請問 貴教是否相信人可以變成神？

係，亦係我其中一個最滿意嘅地方。
神同人嘅關係係真實嘅父和子關係。
正如王子長大正義時會變成國王，
同樣，人藉住服從同對救主嘅信心，
可以高昇成為神。
人類唔係無聊下嘅產物，係神自己嘅後裔

點解人可以變神既？我唔係好明你地套神學觀念，真係唔怪得俾人覺得你地係異端，真係好奇怪，咁呢樣就似佛教，可以做到練仙練佛，咁巴打你都係向呢個方向繼續讀摩門經繼續返教堂？

如果神係你嘅天父，即你係佢嘅仔啦，點解仔唔可以變到父咁？我先覺得奇怪。
耶穌教你們要完全，像你們的天父完全一樣唔通係假嘅？啟示錄3：21都好清楚

相唔相信將來耶穌會再返嚟？

信，聖經充滿有關預言

我成日都好想知信徒會點承認耶穌返嚟
假如有一日有一個做到所謂神蹟嘅人出現
自稱係神嘅兒子
咁你會好似十二信徒咁信佢係主耶穌
定好似當時嘅羅馬教廷咁質疑佢？
你會點樣嚟肯定？
你有無諗過主耶穌返嚟嘅話你或者個世界會點

經文應該講天開了，天使天軍bla bla bla，你明的。
應該唔會認錯掛

主耶穌返嚟後只有最差嘅人會消失，大部分其他宗教同無神論者都會繼續存在。只要好人都可以留。1000年後先審判。經文係咁講，即千禧年也

唔怪得你地之前會認為到左2000 年會世界未日，咁點定義為最差既人？

我哋冇認為過到左2000年會世界末日喎，你講緊乜

聽人講摩門教大多數人都好有錢

全職傳教士邊嚟錢？

留名學野
想問巴打點樣研究其他宗教？
睇書？網上？定其他
我都想了解下其他宗教同基督教既分別
利申：番緊基督教教會

最好走入去同人傾，面對面。
網上太多假嘢
唔一定要信人個套，但要明點解佢哋信呢啲。

例如我同過伊斯蘭傳教傾，佢哋姦淫真係要比石頭打死，不過如果女人有咗，佢哋可以等個仔出咗世，有埋自理能力先行刑。
你可以唔同意姦淫要死，因為每個人道德觀係可以唔同，但如果你明佢哋姦淫係有幾嚴重（例如婚約係最神聖嘅約定），你會明多啲。同樣男姦淫男都要死。唔好比主流傳媒呃男人大晒。
喺恐怖份子到就係，正統伊斯蘭教保護女多過男

係啫....但你唔覺呢樣咁樣打死人係有問題係邪教？聖經入面都有人問耶穌係咪要用石頭打死個妓女，耶穌就好型咁答：邊個認為自己未犯過罪就同石頭打死佢啦，結果冇一個出手，慢慢d 人就走哂，而耶穌都叫佢走，以後唔好再做，呢個先係我相信既教義，係咁樣原諒人，我地唔係應該學耶穌以耶穌為榜樣？

我同意你，我都唔覺得個女人要死，我同意我哋要學耶穌嘅榜樣。
但我係講緊要了解其他人嘅信仰就要轉角度睇，伊斯蘭仲停緊喺摩西律法。換成如果你係伊斯蘭教徒，你會諗呢班人竟然由得姦淫者消瑤法外，神明明就叫我哋要用石頭打死，將罪從我哋中除去。咁又點呢？

聽人講摩門教大多數人都好有錢

No，我窮L

全職傳教士邊嚟錢？

自己去傳教前做嘢草，或者家庭比。都係自費的

樓豬，睇到你咁勇敢我真係冇辦法敬佩你
一睇到你咁就諗起果段「Dare to stand alone」既Mormon message
中學果陣時自己全班得自己一個係member，無論小息定上堂都比人取笑，連我F6果年既英文Miss都睇唔起我(佢信其他基督教)。印象最深刻既係有次英文堂佢叫大家自修學下英文，班入面啲人訓教玩手機佢都唔理，我起櫃桶睇利阿賀拿結果比佢收左，最後仲被掉左落垃圾桶。平時就要剪個頭髮或者咩都可以比人用黎開宗教玩笑，跟住我就開始起班入面自閉，同外界完全隔絕。Down左幾十段mormon messages落手機，中午放飯就自己打開部手機起角落頭睇。長老同姊妹傳教士都會不時text我、call我同埋放學同我一齊玩(monday)，捱下捱下就捱過了 。

Anyways, N年前既事了，而家已經重投社會，身心健康了

你肯定會想問點解我member都會上連登，其實我平時冇野做會寫下故仔po上黎，但唔會睇其他post，但啱啱有個fd話比我知有呢個Post

睇連登不是罪，花生齊齊食

垃圾

你地魔門d 鬼佬攬住個黑牌嗰d 真係乞衣黎
買野好似唔洗錢咁 信左教大撚晒咩，又煩
死遠d 唔該

追到live
想問下樓主對之前反性傾向歧視立法嘅嗰班基督徒有咩睇法

我個人認為佢哋個出發點係啱 只可惜表達方式錯咗

任何人唔應該比任何天生原因歧視，用錯方式。

同錫安教有咩關係？ 以前有個同事係錫安教，成日同我講世界末日要去西安避難，planet X打到黎

你地係咪有摩門經？

有，你可以喺apple store or google play有得免費downloax

同錫安教有咩關係？ 以前有個同事係錫安教，成日同我講世界末日要去西安避難，planet X打到黎

你同返佢講: 打到黎啦!

有冇諗過聖經同教條係d人作出黎？
目的係為左容易控制你地？

點睇天主教係敵基督？

我反而覺得天主教比新教可信得多，天主教都話有歷史同聲稱有彼得嘅權鑰，新教乜都冇，根本就一班朋友睇聖經。當然呢個我睇法