日本買樓投資、移居，你問我答

明白，我都問定，因搞經營管理簽證後，太太去到都係會做全職媽媽，仲有好多問題想問。。。

少年，你太年輕了 邊個話你交齊稅就要俾你入籍。
同埋入日本藉同拎到永住係兩件事嚟。
要拎到永住或者入藉都要行為良好，平時唔好衝紅燈，開車唔好超速、違泊等等，呢啲都會有機會影響永住同歸化申請。
你入到大企業做正社員的話基本上無太大問題嘅，好少話無啦啦炒你

你咁講得，我話唔伏你都唔信啦吓話
日本有啲直頭唔駛錢送埋俾你住嘅都有，要幾伏有幾伏。
不過我唔會排除有人可以垃圾堆到執到寶，或者化腐朽為神奇。正所謂凡事皆可能。

其實目前黎講個程序係咪必需先有間日本公司請你先可以做簽證？
一般鋪頭公司仔有冇資格同外國人寫簽證

日本真係即使同一區，但係個距離同方向有些許唔同，個價值可以差好遠，所以要case by case咁去分析，唔可以太籠統去判斷個價值。最主要果個站嘅東面佢有重新規劃發展過，多左啲相對新嘅物業同配套，自然價值唔同。
個啲1房一廳的話，係多用盪門，有啲盪門仲鬼死咁大道，我只可以講我諗佢想增加個空間感囉。
日本啲間隔係好離奇，不過可以話係受限於佢嘅建築結構。好似你張圖咁，如果你要佢間多間房，咁佢就一係廳會無左窗，一係第二間房變左黑房。同埋for 啲單身人士、咁佢又未必真係要多間房。
不過日本啲樓用嚟間房嘅牆都唔係實心牆，你想的話好易改啲間隔。

唔一定要大企業先搞到工作簽證嘅，細公司都可以，但難度非常高同埋有好多野要審查，絕非易事。

即管問

thank you very much
如果咁講我地過左30歲既咪淨返兩條路，
一係投資移民
一係去讀日本語學校，透過佢地搵大公司請?

當時我租係全新樓黎架仲要自己係suumo搵，公司d agent都廢廢地
高汁就唔敢講

介唔介意講下點解情有獨鍾？？

所以好多荒蕪地方, 送比人都冇人要, 每年大把開支跟身

巴打好詳細
間屋地基都唔知有冇

為咗個閣樓，地基接近地面
如果學樓主話齋，一浸，地下啲膠板係咪會浮起曬

巴打起間單身樓，打算唔係日本開枝散葉？ 好彩架妹訓榻榻米都得姐，但又好似唔係榻榻米面

香港嘅貨帶到日本公司銷售用，大約二十萬港元，因主要做海外客戶，如我日本公司開業，將訂單歸納為日本公司後，貨物原本嘅稅金，收入，成本又點計呢？

想移居去北海道，但小弟乜柒都唔識，又冇開公司嘅資源，係咪只有去讀語言學校之後搵大公司請，再搞簽證？仲有冇啲其他簡單嘅方法移到民？定會唔會有啲勞動力嘅工作係容易啲拎到永住？

鍾意文京區個環境，同埋層樓質素好高，交通亦好方便
最重要果度係我人生第一次租樓既地方，所以巴打用情有獨鍾形容得十分貼切
不過文京區既問題係好貴，文京區平均樓價係23區頭5-6位，而我住果度係文京最貴既其中一個駅，所以話想買都唔係咁容易

Thank you 巴打
幫我答埋。

幾廿年呢啲咁嘅木屋仔，邊有地基，我驚一拆開個底霉到叫救命

日本依家勞動力嚴重不足，所以最近都愈嚟愈開放啲簽證可以俾外勞嚟日本做純勞力工作。特別你想去北海道住，其實日本嘅漁業同農業大有作為，不過好多人都唔了解。特別日本KUBOTA 世界首屈一指嘅農業機械商有望係十至二十年內做到全面AI自動化。
如果不怕辛苦，可以先去啲農家/漁家都浸返十年8年，將來再自立。

同問

Thank you 巴打。

我自己就沖開咖啡，想攞經營管理簽證去日本北邊開間cafe+輕食，打算除咗太太攞埋個資格外活動許可，可以係店內part-time幫幫手之外再請多一兩個人咁樣。

一開始start up頭一年半載可能真係會主力自己沖，請到人train好先慢慢交俾員工做。
其實喺上軌道之前都真係可以話自己做多, 如果係咁唔知有冇問題呢？

此終去日本人哋地頭生活，想跟足人地啲規矩

Thanks again

可以。如果你諗到想做啲咩的話，跟著又搵到啲洗費，其實咁樣玩法係日本生活應該好寫意
不過有一樣嘢要留意就係，日本嘅土地有劃分左大約13個用途區域。首先睇返你想買屋個位置屬於邊一個用途區域，再睇返你想開嘅鋪頭類型喺果一個區域係容唔容許你去做。