日本買樓投資、移居，你問我答

如題。

邊個地方好？ 有無升值空間？

投資係咪好多失敗case要番番黎香港
睇落好難
每年keep住要有幾十定一百萬港幣既營業額

咁如果一個新手，唔識日文
咁係咪搵當地agent好d
會唔會比人呃同中間食好多佣？

你係咪想講嚟日本投資開公司做生意，然後用經營簽證申請嚟日本長住？
呢啲case多人失敗呢個就一定嫁喇

嚟日本做生意，剩係做生意嘅文化都完全唔同，即使你日文OK都唔代表任何野。
實務啲嘅生意，可以諗下做出口貿易（唔係叫你幫人代購啊），或者開間運輸公司（日本長期運輸人手短缺，但利潤極微），盡量做啲BtoB 嘅生意，就算利潤低都好，起碼都叫做賺錢同埋有一定營業額，咁你個經營簽證先可以繼續到落去。
如果連續蝕兩年錢，基本上就可以返歸嫁喇

好多人講買樓投資可唔可以拎嚟做經營簽證，唔係話完全唔可以，但你嘅租金收入要去到一個「事業」嘅水平。日本政府其實有一個標準叫做「五屋十室」（5間獨立屋或者10間apartment)嚟定義你嘅物業投資算唔算係一個事業。
當然唔係話一定要meet 到個數字先當你係，最重要都係一樣野，你全年嘅租金收入，扣除晒office租金同你自己份糧再加公司其他雜費後，可唔可以有利潤。如果有的話，呢個未嘗唔係一個比較穩陣嘅方法嚟申請同埋延續個經營簽證落去。

投資既話偏遠啲有時回報反而高啲 因為買個價低
有啲係已經有人租緊 你買返黎就唔洗等搵租客
係日本買樓既話大多數個中介費都係差唔多
利申:不動產兼職

公道啲講，雖然香港賣外國樓嘅agent 為數不少都係搵人笨，但日本都有害群之馬，唔能夠講日本嗰嗰agent都好。
所以你如果係新手，但又唔識日文的話，我建議你搵個精通日語嘅朋友，或者翻譯，去經一啲日本大手嘅地產中介去買就相對穩陣啲。（三井リハウス、住友不動產販売 etc.)
因為呢啲係大企業直營嘅地產中介，管理上會好啲，跟晒規矩做嘢，啲staff 多數都唔係純計佣金出糧，變相少左好多古惑嘢。唔似啲咩咩二十一睇落好似同一集團，但實際上franchise 掛個名而各自經營嘅細公司，或者係好local嘅地產中介，呢啲中介真係無咩管理同質素保證可言。
特別香港人要買日本樓，係要將款項匯款到當地嘅中介公司（唔似香港咁可以搵律師樓幫你成交），等佢幫你同賣家完成交易，所以要好小心搵嗰合適同信得過嘅中介，唔係嘅話真係食左你隻車都唔知咩事。
你如果真係想買的話，有問題即管問我，睇下我幫唔幫到你。

巴打都幾熟 係咪有永住

CCTVB戰線手足未竟之志 抵制東日日本物業顧問同大阪老千Andy

巴打想問下日本多唔多複式單位？麻麻地一戶建

所以個陳飛機都係？

自住定係投資 投資既話用啲錢買幾個單位拎經營簽又可以拎永住好過

十成十係同謀

開頭話冇收錢 之後又變左有收錢賣廣告

仲要收藍店錢 拍片狂sell日本西城區黑心樓盤
搵香港人做水魚

唔係好熟，都係個人經驗，同大家交流吓咁。
現時喺日本做出口生意，在日本長住。

出呢個post其中一個原因就係睇唔過眼好多友、香港AA，唔識又要亂咁噏，要以正視聽。
叫人買西城區投資，傻撚左咩 正宗狗也不屌
送俾我都唔會要

複式有嘅，但真心唔多。近呢幾年建成嘅真係好少。要買我諗你都要主力搵二手樓。
不過日本嘅複式9成都唔似香港咁樣高樓底，加落地大玻璃，之後廳入面有條樓梯咁有氣派。真係兩層單位加條樓梯咁
Apartment 居高臨下，特別日本比香港相對少高樓大廈，係好住嘅，如果你座嘢仲要附近空曠啲，平時開窗真係好大風下

第一樣野你喺岩嘅，如果你買起左間office嚟作為自己公司用，咁你就唔駛另外再交租金租office嫁喇。
而如果出糧的話，佢其實無明文規定你要出幾多嘅，只不過你太刻意調低自己嘅酬金，入管局會懷疑你點樣出咁少糧係日本生活。所以至少都出返日本fresh grad左右嘅人工，大約18-20萬日元。就穩陣好多喇。
出糧同時，因為間公司都係你自己嘅，所以會另外要交好多費用同稅項，年金、社會保險等等，所以要計算好公司可唔可以做到持續有利潤喺好重要。

泰國樓同日本樓，樓主覺得邊個值得買？

偏向西北面靠向本町站嘅位置，同偏向東面長堀橋至松屋町嘅位置嚟比較邊到貴d
同埋咩價位

之前就話食奧運主題食足幾年姐