日本買樓投資、移居，你問我答

將來準備搞經營管理簽證, 留名睇下有冇野學先。

邊做邊學啦，學得嚟，驚你走唔切。。。

黎緊十月會過去讀日文(如果去到既話),
我覺得講乜都假 如果講要長居, 要生活, 要做生意更加係
學識日文係第一步

自學五十音，人大咗好難記嘢入腦。。。

東京2個人自住租好定買好呢？
聽人講1房兩房既二手樓好難租得出，要oneroom先易租得出，係咪真呢？

無既, 辛苦D慢慢學囉!
去到學更加易, 迫住要講迫住要用。
你兩個小朋友幾大?

三個月同四歲

但如果人係香港的話仲有冇D咩方法

咁佢地咁細 好易融入同好快學識日文, 到時教番你轉頭

巴打投資移民簽證？
如果日文未到好好水平，可唔可以申請學生簽證讀語言學校再轉投資呀？

隔咗一陣都幾多回覆
我盡我所能嚟答下你地嘅疑問

見好多香港agent send埋d樓盤，幾十萬有交易。但幾高回報，好似下面果個。。呢d大唔大伏？人在香港買日本樓放租易唔易manage? Thanks!

如果你話帶小朋友來讀書，我相信你嘅意思應該係你都會跟住小朋友長期stay係日本。
如果咁嘅情況的話，只要你有辦法拎到中長期簽證之後，再以家庭簽證申請你嘅小朋友同埋你嘅配偶嚟日本就可以喇。
如果你話無在留卡嘅情況下帶仔女嚟日本讀書，即係換句話講要你仔女拎留學簽證，而如果未夠18歲而想入讀日本本地中小學的話，首先最基本你日本要有一個監護人。其次就係你啲小朋友點都要識少少日文，唔係嘅話就算你有監護人，都係唔容易批俾你，所以難度好高。
如果你話要讀日本嘅國際學校的話，暫時應該用唔到呢個方法拎留學簽證。
順帶一提，一般家庭簽證係唔可以申請父母過埋嚟住，呢個亦都可以留意一下。

咁真係要好睇你做咩生意。

電匯。

睇你搞咩簽證。工作簽證、經營簽證的話，出入不大。但係想提下你，但你張在留卡國藉會分別寫上「中國」或者「英國」。睇你愛邊一個國家囉。
同埋你決定左用邊本護照後，中途係好難轉機，所以自己諗清楚喇。

如果你真係會過嚟，咁真係大家同鄉
我努力啲試吓答你嘅疑問。
你話間日本公司（供應商）唔肯賣貨俾你香港公司，因為我唔知你trade啲咩貨啦，但最先我會諗有兩個可能性：1.如果 你啲貨每批嘅銀碼大，利潤又一般的話，日本公司會考慮到消費稅退稅嘅問題。因為出口係一定exclude 左消費稅，而佢國內成本含已繳消費稅要等一年左右先會退返俾佢，咁會嚴重影響間公司嘅現金流。同埋申請出口退稅係好麻煩，有啲日本公司做唔慣就唔會搞。
2. 如果啲貨係佢自己嘔心瀝血生產嘅、或者獨特嘅products，佢地唔會咁輕易你send 幾封email就會賣俾你。日本人你係要諗辦法打動到佢地，先至有機會同你合作。太多關於日本做生意嘅，就唔係到講喇。
租辦公室，睇你係咪要同大企業deal同埋多唔多用嚟見日本客。如果唔係的話，平平地搵間office租就可以，唔好搞咁多門面野浪費錢。
二百幾萬喺大阪絕對多選擇，而吹田市只係其中一個例子，你趁仲有大把時間，多啲做下功課研究下，歡迎你有唔明繼續問我，睇我幫唔幫到你。

你喺諗住係東京長住定係點樣？
長住自用又有閒錢，唔怕買嘅。不過如果你係大企業就職的話，日本企業經常會每年或每數年就會relocate 啲staff係全國各地，咁就暫時唔買比較好，呢個亦都喺日本人唔會太快或太想買樓嘅一個原因。不過因為武肺，佢地呢一兩年會少左呢啲動作。有啲仲叫你WFH。
另外好多傻人因為東京奧運買左而依家又搞唔成，如果佢地拎返出嚟賤賣，又平地方又啱嘅話買一間自用都未尚不可嘅。

開放式單位如果佢面積起得細，加上位置唔好你仲難租啦。假設你同一幢樓，你除左面積唔同之外，租金一樣，設備一樣，睇下邊間易租啲？
聽佢咁講完，我係你我笑尻佢啦。

係香港就開始學啦！ 你等佢開關之時，你都已經考到N5了

我等日本開工簽比香港人,我就去租日本樓

申請緊下年4月同老婆一齊過大阪讀一年語言學校，之後搵工轉工作簽證 應該會住airbnb先，如果適應到可能買埋樓，如果買一户建，巴打有冇邊區介紹呀？

借問係自己搞讀書簽証定搵中介？

一路學緊啦 之前報左短期Course