日本買樓投資、移居，你問我答

世田谷係比較多高尚住宅區，芦花公園駅嗰邊你唔係住近幹道嗰邊就環境會幾靜，個區治安唔錯。但係因為主要都係住宅區嘅關係，餐廳鋪頭相對較少，都集中晒係車站附近，呢點你可以考慮下。
如果你唔介意出左23區的話，調布市仙川駅都係一個選擇。一樣係京王線，有急行搭去新宿，比芦花公園駅出發唔會差幾多分鐘。個邊呢幾年車站附近重新規劃，個人認為居住便利性會好過芦花公園駅，治安唔差，租金亦會平啲。
不過如果你鍾意環境清幽嘅話，芦花公園駅就比較好，俾你參考吓

唔係御茶，我覺得我果度環境好d，唔敢係度開估，住左兩年剩係聽到一次大陸話

唔係御茶的話，剩返無幾多地方符合你所講嘅咋喎

多謝樓主咁詳細覆我！
呢種三層高既樓避震係咪會比幾十層既差？我啱啱見佢同時有幾個單位放租，唔知係咪有咩問題突然咁多人走？一般睇屋係咪好難知有咩問題？

依家新嘅超高層apartment 多數都係用免震技術，而一般apartment 就用耐震。兩者用嘅技術唔同，好難直接咁比較，最後都係睇返佢個building嘅耐震度會比較實際。但係用咗免震技術的話，實際所感受到嘅震感係會比耐震嘅少。
多左放租未必係有咩古怪，因為9至10月係傳統啲大企業會安排人事調動嘅周期，啲人7-8月就開始退租搵地方搬。不過租之前自己親身去睇吓個環境同留意下會唔會有咩問題就最好喇

簡單來講，係咪日本樓自住就ok


投資就除了租金回報率ok，其他野都唔好有expectations?

同埋二手市場係咪好細，因為基本上只有外國買家會買？

3米3 加盟信唔信得過？

係日本做野係咪成日做到隻狗咁
我間唔中見到我個客凌晨send email比我，
我收到果刻真係真係覺得佢地日本人既職場culture好癲狂...

伏到阿媽都唔認得
師兄自己睇路

可以咁講。
二手市場的話，好視乎你個物業嘅條件迎唔迎合到當地人嘅需求。如果唔係嘅話，你可能真係只能賣返俾外國人，或者坐下貨先喇

又無做到成隻狗咁呢啲真係睇一間間公司啦
不過日本仔就不嬲都癲嫁喇，凌晨、星期六日紅日照不斷send email 嚟呢啲小事啦，不過我係唔會覆佢嘅
依家都有企業想改善呢啲職場文化，不過唔會係一蹴而就嘅事嚟

老實講，坐貨 = 層樓等拆/無左



請問有咩物業嘅條件可以迎合到當地人嘅需求？

巴打你好
依加想投資福岡樓短期投資收租
地點：空港線條電車啲樓（大濠、唐人町）

問咗agent 佢地就話5年後唔怕賣唔返出去
每個月有6-8%息收

SORRY巴打，最近比較忙，遲咗覆你
大濠、唐人町同西新呢三區的確算係福岡比較值得投資嘅地區，投資得都主要係家庭向嘅apartment。
但我會提議你要留意埋個中小學校區，日本校區算分得幾細下，即使你喺呢三區入面，唔同校區嘅名氣同熱門程度，會好影響物業嘅價值。
長線我覺得係可以嘅，但你話短期投資就有啲保留。個人意見日本樓不太適合短期投資。
佢做agent梗係話易放㗎，唔通話難放咩
客觀啲咁講，呢三區平均地價的確呢幾年係升咗唔少，但都係個句，買日本樓嚟投資，要綜合好多方面去睇，特別福岡啲樓，好蝦人買，買錯真係蝕住賣都賣唔出

唔好咁講巴打，我多謝你個回答都嚟唔切啦

明白，長線係大概幾多年左右呢？
我打算5年就賣盤，因為個AA講過個稅會貴啲？5年後

同埋我打算都買啲本身有人租緊既樓。
但係我買個啲應該係小型apt，聽AA講都係多數租比上班族多。

但我都會聽你意見，會搵埋校網既樓

如果你係買開放式單位嘅話，就唔駛考慮校區，最緊要個位置要夠方便。
不過呢啲單位真係唔易賣返出去，要賣的話真係可能要賣返俾外國人 所以買的話你最好有心理準備諗長揸，超過十年都唔出奇 五年後放售嘅譲渡所得税係會平啲
開放式單位呢啲大把選擇，慢慢揀嚟買，盡量買樓齡新啲嘅。連租約賣的話，買之前問多啲關於租客嘅資料，代理有責任講俾你聽，因為有可能啲租客係「裝假狗」。
同埋問清楚賣家要賣嘅原因，有時可能係業主同租客有麻煩所以佢先拎出嚟賣，呢啲最好都避免下。
開放式單位睇落回報率好似唔錯，但係銀碼細，所以我建議你最好考慮埋扣除晒管理費、維修費、賃貸管理費同埋每年嘅固定資產稅+報稅嘅費用，計一計個實際回報睇吓點樣先考慮買會比較好。

明白

問緊AA拎緊現有租容資料
但佢都有話要正常提交咗申請先可以拎
當然比足幾多資料都係視乎現業主好唔好人
但如果申請咗，佢話日本法律上一定要提交曬現租客資料

同埋AA都會話買前會比曬一年既利潤（包埋所有支出）

其實長揸都無咩所謂、當我屋企人退休去個邊住下都無妨
依加依個時勢，買磚頭好過買股票既 我覺得

呢個佢講得無錯，但正常未交申請前佢都可以透露啲概括嘅情況，好似現時個租客大約租左幾耐，有冇欠租、遲交租之類。所以交申請書前先傾好條件，如果交左申請書後發現租客嘅情況與條件不符，咁你大條道理撤銷個申請書
當然我講嘅都係比較保守嘅方法，不一定要咁做
個啲一次性嘅費用同稅款就少不免，但建議你扣埋個恒常開支後睇吓合唔合乎自己個預期
咁我都覺得磚頭穩陣個股票嘅，但日本啲磚頭真係要揀住嚟買

明白 個AA都係好似上邊有位巴打咁
比咗份每個月既利潤比我睇
當然AA都有話佢會比埋一年既支出同收入表比我

再問問巴打如果東京附近，神奈川咁上下幾十萬既單位有冇承接力
升幅我唔注重
只想知易唔易放得返變錢