LIHKG 箍牙集中討論區 27

想問下有冇人箍過歐陽志安？手勢如何？

想問下你地除左箍之後帶retainer時會唔會痛？
我下排臼齒久唔久就會痛
搵過牙醫調較完之後間唔中都會痛

利申 除左食野時會除 大部分時間都會帶住

hi hi，想一次過答埋上面巴/絲，希望幫到你哋～

我本身都係二次矯齒，專科其實近一半醫生都唔接二次矯齒，我自己都打過去好多專科問都係話唔接，最後先篩選到四位口碑唔錯又接二次矯齒嘅專科醫生，可以參考下或睇下有冇其他巴絲有推薦。

中環梁X莊：有巴打講過唔鍾意梁醫生consultation只係見得醫生十幾分鐘，其餘時間係姑娘講，我自己就覺得冇咩所謂，最緊要我聽得清楚同明白，醫生有時太多專有名詞其實我都唔明，不過呢啲因人而異，有啲人覺得比成千蚊係想見醫生而唔係同姑娘傾。我去consultation差唔多兩個鐘，的確見梁醫生得十五分鐘，之後就姑娘同我解釋同比類似case我睇同參考。我最後揀梁醫生因為覺得成個過程都舒服同認真，醫生同姑娘都好好禮貌同仔細，而且價錢合理，佢個價係damon但平過其他專科嘅傳統鋼，54k damon自鎖式

中環莫X偉：冇consult過，但莫醫生口碑唔錯，如果比多一次機會我揀，我會去莫醫生度consult instead of胡醫生，我打去診所問姑娘都好禮貌，記得呢度有巴打箍6xk

銅鑼灣胡X琳：full到爆，我等咗兩個幾月先約到consultation，全程都係同醫生傾嘅，within 30分鐘齋talk冇相同其他reference case睇，但會成間診所嘅姑娘過晒黎圍住我睇，個感覺有少少奇怪⋯⋯佢比我個方案要剝門牙真係好卻步，umm我覺得佢唔係喺我角度出發去幫我，而係用一種「整型」嘅矯齒角度去睇我同我個case，但我要求其實好低只係想牙齒健康唔係想「靚」，所以我冇揀佢，當然我相信佢係好有經驗同手勢好先咁多人搵嘅，其實最後揀邊個醫生除咗方案之外都好講feel，不過佢要我剝門牙真係即刻已經唔考慮，60k傳統鋼

銅鑼灣黃X光：少有包剝牙嘅專科，方便大忙人，但變相就會比較貴啲，64k傳統鋼

你講緊retainer 定係牙箍粒粒附近果啲？
有啲係膠水 有啲係牙石

最後2粒大牙通常係鐵粒⋯
總之甩左要包蠟先
再打比診所 上去痴返箍

上排係向外斜出
所以箍牙果陣 特別係初期睇落係會哨
排齊晒先會收入上排

正常上排係會cup住下排
所以剝牙上下排都要剝
因為上排要收入的話下排都要收入先有位郁

箍左5個月剝左上面兩隻，醫生話可能要剝埋下面想問下係咪剝4隻牙係基本啦？真心驚剝哂啲牙老左食野都困難啲

好詳細啊Thank you Bosum絲！
我試下book梁醫生consultation 先，有必要再睇埋莫醫生
想問下梁醫生係冇得referral嘅？

好快慣 第3 4 日已經冇咁痛
第5日就已經冇感覺
聽日換第3副 又要再適應過 希望今次冇咁痛

我都冇剝到
我d智慧齒有3隻生得正正常常
有1隻斜左出得一半
但我淨係剝左4隻臼齒，都夠位郁
不過我醫生都講過長遠其實都係剝左佢好d

我都有同樣問題，我得上排有生智慧齒，但有一隻只係生咗腳仔出嚟，而另一隻已經生晒，兩隻都正常生長冇頂到其他牙，下排兩隻就x-ray見到仲喺骨入面未生出嚟，未理到佢住。醫生有講過我上排兩隻唔會影響箍牙可以唔洗剝住，但長遠嚟睇，智慧齒本身就係一隻廢牙，兼且生得太入好難清潔好易有細菌同蛀牙，如果襯早剝咗咪永遠唔洗再煩

唔好箍
有FD 小小兔子牙，箍完後悔
牙齊唔一定靚過你本身唔齊，特別小case

我係有少少哨

搵多二個問
最好搵專科問
姐係假哨牙?
https://www.she.com/beauty/2017/09/%E5%87%BA%E7%88%90%E6%B8%AF%E5%A7%90%E4%BC%BC%E3%80%8C%E7%B4%B0%E5%93%A8%E3%80%8D%EF%BC%9F%E7%9C%9F%E5%93%A8%E7%89%99%E3%80%81%E5%81%87%E5%93%A8%E7%89%99%EF%BC%8C%E4%BD%A0%E8%AD%98%E5%94%94%E8%AD%98/

通常磨牙出黎效果都會唔係最好?
由其是哨
問多二個，唔好慳個一千幾百

我都唔係好識分
去睇多幾個牙醫先 thx巴打