LIHKG 箍牙集中討論區 27

見就離踩中1001，開定新post

箍牙Q&A credit to 施華朗尼馬達巴打
歡迎一齊集思廣益

Q：想箍牙，搵邊個好？
A：一般建議普通科牙醫或者牙齒矯正科專科。
名單呢到有：https://www.dchk.org.hk/tc/list/list.htm

Q：普通科同專科有咩分別？
A：專科醫生成為普通牙醫後要進修多最少六年，可以處理複雜既牙齒問題，收費亦較貴。

Q：箍牙一般有咩種類揀？
A：主要有傳統或者透明(隱適美)。

Q：治療費大約幾多，包左D咩？
A：
普通科 - 傳統約$30000起，透明(隱適美)約$40000起
普通科收費一般已包括治療前X光片及牙模，箍牙費，一副固定器，箍牙所需之相關牙科費用(例如：剝牙、補牙、洗牙等)
專科 - 傳統約$40000起，透明(隱適美)約$50000起
專科收費一般只包括治療前X光片及牙模，箍牙費，一副固定器
**個別醫生收費會有不用，詳情請向診所查詢

Q：想開始箍牙、療程係點？
A：首次諮詢(免費至過千元，部份會於治療費扣除) > 制作矯齒記錄包括X光片、相片及牙模(一千至數千元，一般可以於治療費扣除) > 醫生提供治療計劃(免費) > 展開療程

Q：廿幾歲先黎箍牙，會唔會太遲？
A：唔少人都係呢個歲數先箍

Q：有咩醫生、診所要小心？
A：康齒堂、網上遙距箍牙、淘寶

了解更多：20200406【杏林在線】傳統箍牙vs隱形牙套
https://www.youtube.com/watch?v=SY-WHgzNgyo

新手入黎認住呢堆黑店呀
苦主請隨時留言補充

1. 康齒堂 游舜華
有無係 康齒堂 / 游舜華 度做 隱適美箍牙 cool牙 既受害者
https://lihkg.com/thread/2031041/page/1

2. 康霖牙科 林靜怡（詳見第18頁#450）
代女友提大家箍牙唔好去康霖牙科。

1. 啱啱開始盛行隱適美嗰時，已經用網絡打手去sell呢度箍牙好，朋友介紹即場9折，宣傳手法已經係有問題，所有人佢哋都建議箍隱適美，而傳統牙箍同隱式美佢哋開嘅價竟然係一樣，目的就係想人揀隱適美，咁佢哋就唔使自己咁辛苦去傳統牙箍客，密密接客印牙套就可以賺多啲錢。

2. 見過林x怡醫生幾面就無啦啦將我女友轉咗睇另一個新加入嘅牙醫，明明佢嘅主診醫生係林醫生，當時佢係喺林x怡自己仲係一人診所就開始箍，唔存在有啲打手話一早講好咗林只係顧問角色呢樣嘢！

3. 初初上到去都係用傳銷手法帶人入房仔吹奏一輪，要你即時決定，俾咗錢之後態度就差哂，過往上去等覆診要坐成一兩粒鐘，入到去就只係睇你一兩分鐘，因為佢哋啲姑娘又係應該有私佣分，其實係sales黎，所以sell得好落力，結果就係亂接太多新客，完全冇諗過要照顧好新舊客人，咩都搞唔好就走去擴張！

4. 箍衰哂排牙，2016年林靜怡俾人告佢疏忽要索償，最後都應該要賠錢俾人，苦主唔止我女友同告佢嗰個，女友仲有識其他人都係之前上網見好評去試，中哂伏，宜家網上開始多人去提出呢間嘢有問題，有需要可以喺網上搜尋多啲關於呢間嘢嘅黑歷史。

香港人老母 巴打喺唔喺度?

其實用水牙線係咪已經足夠？
本身唔係幾識用普通牙線

我都唔識用牙線
而家用：3M嗰隻牙線棒+SSS size牙縫刷
日日用呢兩樣同刷牙都夠
漱口水就隔日用

水牙線反而唔夠呢d乾淨
如果覺得口最入唔乾淨同牙線棒liu唔到先再用

sell隱適美好多間都有，中環梁苑莊我上過去consult，見醫生就幾分鐘，跟住就pass比姑娘同你傾你十幾二十分鐘
都算，起碼都係講關於箍牙嘅基本知識等等
但係我本身係嚴重骨暴，唔想做手術想靠傳統箍牙睇下收得返幾多
講完一輪，屌個姑娘同我講話醫生都係想我箍隱適美，聽完已經完全唔想係佢度箍

箍左一個月冇用過普通牙線

可唔可以問下成人 蛀牙整total要幾錢
有時有d牙痛
想預budget

咁奇怪?隱適美應該無傳統咁夠力

其實水牙線應該清唔到咁乾淨
我個牙醫都過用牙線係最好
因為真係攝到入去牙肉入面清d牙菌膜
其實oral b superfloss都幾易用，不過要逐隻牙攝入去清，時間奈d

試下搵多間專科consult

箍左兩年了

未箍完都係正常，我由平排＞分開＞平排＞分開，到依家又齊返
箍完都唔齊又唔關黑三角事就同牙醫講啦

未箍完有黑三角有救嗎？

過來人經驗
箍鐵線係最好 少左好多不確定因素
箍左4年牙套，下排無問題，但上排啲牙太長，移得唔好，最後都要轉番鐵線
除此之後，仲要睇自己啲牙形，如果牙形唔靚，點箍都係差啲

我啲牙形好圓，而且以前牙肉已經有少少委縮問題
黑三角問題係解決唔到，一係磨到啲呀直啲，將佢地迫埋

最尾搵左第二間?

想問下有冇人知道用離防刮個d牙蠟係邊度有得買
上箍個陣醫生比左一盒我，驚唔夠用。。。。

用完再問佢拎

啱啱開始箍牙 開始咗十幾日 啲牙已經見到黃過之前

可以磨都好啲啲牙都算圓有空間磨

邊間最好？

起碼都有同你sell
我個牙醫話如果我要整好棚牙就要箍牙
傳統同隱適美差5000蚊
只係講錢

同埋佢無教我護理
都係靠巴絲同自己爬文