[hehe]《知音人》4

第五十四章：好奇

一年來到最後的一天，當學生們都仍然享受著特長的假期之際，港島大籃球校隊成員則仍然努力加練，準備兩天後的決賽。

四強賽事終於有出場的Oscar這天狀態不錯，在隊內對抗賽中多次上籃得分，獲得教練的盛讚，連隊長Steven和副隊長Darren也多次給他大姆指。

訓練在傍晚六時結束，隊員陸續走回更衣室。

Wilson：「楊俊朗，掂喎今日。」
Oscar：「OK啦，你都係啦，幾個三分波穿針。」
Wilson：「希望大家去到決賽都keep到啦。」
Oscar：「嗯。我沖涼先啦。」

同一時間，Steven和Darren仍在體育館內拿著戰術板熱烈討論著，沒有為意時間已過了差不多半小時。

Steven：「咁樣唔得啦，佢地個中鋒仲高過我，唔包夾實比佢屈。」
Darren：「你包夾咪放人地三分？佢地個神槍手成個Curry咁。」
Steven：「但係…」

此時體育館門口傳來一把響亮既聲音：「你地係咪諗住傾到出年呀？」

兩人聽到隊友的大喊，才發現已經談了很久。Steven望望球場的時鐘，發現近七時半了，叫了一句：「大獲！」。

他把戰術板塞給Darren，然後跑出體育館，看見約十名隊友在閒談著晚上去吃什麼，然後左望右望，發現不見平日都會在這裡等待的人。

在隊友間談著的Oscar見到Steven出來張望，走過去說：「Edmund話佢企左好耐都唔見你，唔等你啦喎。」

Steven：「下？」
Oscar：「講笑啫，佢話去A宿隔離個Coffee Shop飲杯野呀，你睇電話啦。」
Steven：「好啦，唔該你。」
Oscar：「諗好今晚點跪玻璃吧啦。」
Steven：「頂你。」

他回到更衣室，在儲物櫃拿出手機，見到Edmund的訊息：「你搞掂再call我啦，我去飲杯野先。」

他快速沖洗完，也未和Darren道別，就直接衝去咖啡店。離開體育館的時候，仍有數位隊友未離開，應該等待還在更衣室梳洗的隊友一同晚飯。

Wilson：「佢咁快趕去邊呀？」
Oscar：「跪玻璃。」
Wilson：「下？」
Oscar：「無野，希望今晚倒數唔會係佢生命倒數啦。咦，佢地行得啦喎。」

Oscar說完便和幾位隊友一同走，留下一臉疑惑的Wilson。

Wilson跟上去，問在大隊中的Darren：「你知唔知Steven做咩？」
Darren：「佢成日都唔跟我地食啦，做咩咁問呀？」
Wilson：「我知，但佢一支箭咁走左喎。」

Darren給他一個謎之微笑，說：「你想知咩事咪自己問佢囉。」
在旁的一個隊友補一句：「你今日做咩咁多問題既？」

Wilson：「無呀，問下啫。」

早少少更啦今日。

Wilson突然咁八卦

Edmund同Steven會去邊度倒數呢


睇黎Darren同隊友都知啲野喎

角色性格塑造中

Edmund和Steven去邊就下章講啦


Darren角色設定係Steven密友嘛，好似係


至於Wilson呢，始終之前出場章數唔太多，每次出場我都想做角色性格塑造，等大家可以估下之後佢同Oscar既故事走向係點

Wilson係遲鈍又純真，好似係

我發現其實無咩交代過Darren（始終只係過場角色），其實係講佢除左係副隊長之外，佢同Steven都係好朋友黎既。至於幾好，就留意之後啦，佢都有返一定戲份（始終兩條感情線都有人係籃球隊）。

今日要OT

辛苦

1820走咗

長命功夫長命做

第五十五章：當年

Edmund：「以為你唔記得今日約左我添。」
Steven：「Sorry呀，掛住同Darren傾野傾到唔知時間。」
Edmund：「咁行得未呀，我好肚餓呀。」
Steven：「行啦。」

兩人離開校園，乘車到尖沙咀的一間餐廳，沿途都沒說什麼，直到有一刻Steven覺得Edmund有點不妥。

Steven：「做咩呀，仲嬲緊我呀？」
Edmund：「無呀，突然諗起好多野啫。」
Steven：「可以同我講喎。」
Edmund：「記唔記得當年倒數？」

Steven沒有出聲，望著帶點愁緒的Edmund。

時間回到中五期末試後與Edmund慶祝成績大進步的那一晚，Steven送了酒醉的Edmund回家，兩人近距離對望時他的心跳聲，到翌日睡醒後Edmund突然給他的那一吻。

他一開始本能上仍有抗拒，但很快就積極回應著，然後發現自己的心跳越來越快，直至數分鐘後他鬆開了緊抱著Edmund的雙手。

Steven：「唔好意思。」他轉身走向另一邊，不敢直望Edmund。
Edmund：「Sorry呀，我係咪嚇親你。」
Steven：「我唔知呀，我諗我地冷靜一陣先。」
Edmund：「Sorry呀，我應該未酒醒先會咁。」
Steven：「我返去先啦，唔使送我。」
Edmund：「Steven！」
Steven：「乖，我之後再搵你啦。」
Edmund：「Sorry呀。」眼淚開始流下來。

Steven見Edmund突然哭了，心裡一陣痛。他放下袋，走向Edmund，摸摸他的頭，說：「唔好喊啦，乖啦，我返去比電話你，好唔好？」

Edmund：「唔好走。」眼淚繼續不停流下。

Steven再給Edmund一個擁抱，希望可令他的情緒穩定下來。

數分鐘後，大家冷靜下來後，Edmund開口說：「Sorry呀，我頭先唔應該咁衝動。」
Steven：「我…其實我要時間冷靜下，我唔知自己想點。」
Edmund：「我知呀，但我唔想連你都唔理我。」
Steven：「點會呢？」
Edmund：「我近排日日一個人係屋企對住四面牆，好想有人陪我。但我知我唔可以對你有咩強求，Sorry呀。」
Steven：「唔好再Sorry啦，無論點我地都係好朋友，係咪？」

Steven之後才知道，Edmund的父母在那年開始不停吵架，並正蘊釀離婚。兩人在吵架時就會離開家，不知去了哪裡，甚至幾天不回家，只放下錢給Edmund過生活，完全沒有情感上的支援，令Edmund的生活缺乏安全感。

到了年底，Steven得知Edmund父母正式離婚，當年還是中五的Edmund就跟了父親同住，但父親很多時候都在外地工作，留下Edmund一人在家自理。兩人這段時間多了見面，Edmund坦承了自己性向，也明言不奢求可與Steven更進一步，只希望兩人一直維持友好的關係。

除夕夜兩人相約一起倒數，然後又是Edmund硬要飲酒但很快醉的情節重演，還未夠十二時Steven再送了他回家，但他們今次睡了在同一床上，主動的變了是Steven。

Edmund翌日早上起床時身邊已沒有人，只見房間一片凌亂。頭仍很痛的他拿起手機，看到Steven傳來的訊息：「呀媽搵我，我要返去先，記得食早餐，之後再搵你。」

不知為何，Edmund那時有種不詳的預感。

今周最後一更，填補返故事開始果陣既一段時間gap

一直都好怕大家會提起點解果晚之後既事無交代過，如果你地講左我先寫返呢章好似補穫咁；但故事發展一直未有空間填補返果個時間gap，希望大家覺得咁寫法唔太突兀。

係，終於有得交代返Edmund同Steven之前既故事，睇下呢兩章解唔解釋到點解佢地兩個既關係會係咁