[hehe]《知音人》4

唔開心一推

push

辛苦你啦巴打

不恨你 恨我太晚參透

https://youtu.be/_hSiKzhG3a0
比福利大家

等睇文

第七十六章：多事

Horace：「咁佢問我咩呀？」
Charlie：「問我點識你，同埋你同佐敦究竟咩關係。」
Horace：「咁點答呀？」
Charlie：「我咪話你同佐敦係師兄弟，佢介紹你比我識囉。」
Horace：「咁奇怪既？」

此時Horace的電話響起，來電顯示：Edmund Wong。

Horace：「做咩呀？」
Edmund：「將軍，你係邊呀？做緊咩呀？而家有無時間呀？」語氣極之急速。
Horace：「岩岩練完野，而家去緊食飯，你做咩呀？」
Edmund：「我而家黎搵你得唔得？」語氣帶點不耐煩。
Horace：「我同Jordan同兩個Friend一齊呀，你等陣先。」

Horace詢問了三人意向，便回應：「OK呀，做咩事咁心急？」
Edmund：「黎到話你知，我好嬲呀！你Send地址比我啦。」
Horace：「無問題Edmund哥，我轉頭send比你，你冷靜D先。」
Edmund：「轉頭講。」說完便掛了線。

Horace在Edmund掛斷了電話後心想，這幾十分鐘究竟發生什麼事？先有Kenneth和Joanne充滿弦外之音的對話，再有Charlie和Nick突然出現、Frankie莫名其妙的問題，甚至連情緒一向穩定的Edmund突然激動要找他，他發現自己消化不了，頭開始痛。

Jordan發現Horace的異樣，便走到他身邊，說：「你無野嘛？」
Horace摸著有點疼痛的前額，回應：「有少少頭痛。」
Jordan：「使唔使返去抖下呀？」
Horace：「唔使，快D坐低就OK，Edmund過緊黎。」
Jordan：「一講完電話就咁，佢做咩事呀？」
Horace：「我都唔知，佢好心急要黎搵我。」

數分鐘後四人就在一間餐廳坐下，也預留一個位置給Edmund。

Charlie：「Horace你有無好D呀？」
Horace：「而家好D啦。」

四人點完餐後，Horace便先去洗手間，然後Charlie也尾隨。

Charlie：「Horace。」
Horace：「咩事呀？」
Charlie：「其實頭先未講完，我覺得Frankie sense到你同Jordan有野。」
Horace：「哦，其實唔出奇既。」
Charlie：「但你唔覺得奇怪咩？又會而家先突然問，仲要問我喎。」
Horace：「佢聰明人黎既，佢發現唔到我先覺得出奇，咁佢可能覺得呢D野直接問我會好尷尬掛，但又有好奇心，咪從你著手囉。」
Charlie：「最尷尬係佢同我唔算特別熟，特別今年無住hall之後，而佢一黎就問我關於你既野…」
Horace：「算啦，佢要知既話都無辦法，你唔使太擔心我地啦。」
Charlie：「嗯。」

同一時間，Jordan跟Nick也談論著相同的事。

Nick：「唉，可能上次係party我爆響左口。」
Jordan：「唔緊要啦，知咪知囉，我同佢又唔係好熟。」
Nick：「但唔知點解佢特別八掛，問完Charlie又問我。」
Jordan：「可能佢想更加了解Horace掛，唔知呀。」
Nick：「我地就係覺得太怪，所以先同你地兩個講。」
Jordan：「哦，唔緊要啦，順利自然。」

此時，Horace和Charlie從洗手間回來，而飲品也送到了。

正當Horace喝著剛送到的熱奶茶時，他在餐廳的玻璃見到氣沖沖的Edmund從遠處快步走來。他馬上拍拍身旁的Jordan，指指外面。

Jordan：「哇，第一次見Edmund咁既樣喎。」

已更

哎吔～Edmund 做乜發忟憎呀？

用咗兩日時間終於live

頭先追住故撳咗首《守口如瓶》出嚟聽

Wow 歡迎歡迎

第七十七章：不安

Horace看著剛坐下仍氣沖沖的Edmund，說：「你無野嘛？」
Jordan拿起Menu遞給Edmund，說：「嗌野食先啦，抖順條氣先講。」

Edmund接過Menu，望了兩望，便跟附近的服務員點了餐。

Horace趁機介紹，指著對面兩位：「Charlie同Nick，Jordan朋友，上次打波應該見過啦。呢位我好兄弟Edmund。」

三人互相點頭，氣氛雖然稍為緩和，但仍有些少尷尬。

Horace見狀便開口問：「使唔使同你出去傾呀？」
Edmund：「轉頭先啦，你D野食都黎到。」
Horace：「你真係OK嘛，咁遠都過來。」
Edmund：「食完同你講。」

此時，Horace電話響起，來電的是Steven。他預料到這時與身旁的Edmund有關，所以馬上接過電話，沒有讓Edmund知悉來電者。

Horace：「喂？」
Steven：「Horace，我想問Edmund係唔係黎左搵你？」
Horace：「係呀，做咩？」
Steven：「你行一行開先傾兩句啦。」
Horace：「OK。」然後便離開座位，向身旁的人說：「公司打來。」

見身旁的人沒有懷疑，Horace走出餐廳門口，再與電話另一邊的人繼續對話。

Horace：「做咩呀？佢嬲爆爆咁過來搵我。」
Steven：「佢有無講到D咩呀？」
Horace：「無呀，佢話食完飯先同我講喎。」
Steven：「唉。」
Horace：「搞咩呀？我無見過佢嬲成咁架喎。」
Steven：「你知唔知邊個Gary呀？」
Horace：「聽Oscar提過，又關佢事？」
Steven：「唉，頭先我落堂去食Tea，佢見到我一個人問我可唔可以一齊坐，我話無所謂啦，諗住快手食完都要去電腦室趕工，順便等Edmund落堂。點知食緊野既時候Gary問我好多籃球隊既野，咁傾下傾下唔知時間，發現Edmund都差唔多落堂，我就話唔傾住要走先，但Gary就話佢都係去電腦室，咁我阻止唔到佢，咪一齊行囉，點知一入電腦室就見到Edmund用緊門口附近部電腦，佢望住我地兩個，然後原來Darren個死仔又係Edmund隔離，勁大聲話咩高佬你死得啦咁，Edmund就開始黑面，其實我咩都無做過。」

Horace聽完之後，問：「咁Edmund有無講咩？」
Steven：「就係咩都唔講，一直坐係度用電腦。我問佢食唔食飯，佢就話有野做唔食，然後就走左。」
Horace：「哦，得啦，我搞掂啦，夜D再搵你啦。」
Steven：「我都準備去練波，唉，又見到Gary。」
Horace：「如果你地咩都無做過既，又唔使咁愁既，你果邊有Darren同Oscar幫你搞掂，你條仔等我輔導下啦。」
Steven：「咩都無做過呀，但個Gary成日神出鬼沒咁係我附近出現，搞到我有D精神緊張。」
Horace：「呢個我幫你唔到啦。我唔講住啦，行開左好耐，夜D再搵你。」

他回到餐廳，見到四人正熱烈討論著。

Horace：「你地傾咩傾得咁興奮呀？」
Jordan：「講你囉。」
Horace：「講我咩呀？」
Charlie：「你sing con條片，原來你唱歌咁好聽架。」
Jordan：「係呀，當年中學我呢個情歌王子都輸比佢。」
Nick：「原來你地sing con定情。」
Horace：「邊有咁誇張呀。」

說完這句，他便繼續吃著他的飯，順便觀察著旁邊的Edmund，情緒似乎比剛才穩定了，但表情仍有點令人不安。

過了一會，Edmund的電話響起，Horace看到來電顯示為Darren。

Edmund接過電話：「喂？」然後離開座位，跟剛才Horace一樣走到餐廳外。

更左，去忙先